نصحت ناس بزاف فى المنتدى و كى حزنت ما لقيتش شكون ينصحنى

[مايا الجزائرية]

راني هنا الاخ وما دير والو في بالك هادي دنيا وتجوز ربي يكون معانا كامل

 

[إحســاس بــراءة]

السلام عليكم
خويا أسامة الحمد لله على سلامتك خويا العزيز
والله العظيم غير مالقيت وش نقول وباش نبدالك بعد ماقريت كلامك هاذا
شوف خويا أسامة
الدنيا هاذي الانسان مايديرش عليها كل مرة وكفاش تعطينا بوجه
مرات تفرحنا وتضحكنا ومرات تبكينا وتقسي علينا
خويا أسامة والوضعية اللي راك فيها صح صعيبة بزاف
مي خويا دير في بالك حاجة دوام الحال من المحال
مالازمكش تبقى في الحالة هاذي اللي راك فيها
صحتك وراحتك هي الاهم خويا
صح صعيب على الواحد باش يتقبل فقدان اعز الناس
مي وش نديرو حنا اذا راهي حاجة مكتوبة من عند ربي سبحانو
نمرضو ونتعبو مي لازم نتقبلو الحقيقة كيما راهي خويا أسامة
مادام ربي كتبلك الشئ هاذا لازم ترضى بيه
و وين تدري الخير وين راه
وكيما يقولو في المثل الحاجة اذا رجعتلك راهي ليك واذا مارجعتش ماكانتش ليك اصلا في الاول
وأكثر شئ لازم تدير ربي في خاطرك وتتوكل عليه
صلي ودعي ربي
ولازم شوية قوة وشوية صبر
خويا اسامة حنا كاملين نعرفوك بلي قوي وصابر وعندك عزيمة
مالا غير بالشوية وان شاء الله تتغلب على الشئ اللي راك فيه
دير ربي في خاطرك واستغفر ربي
وخمم مليح وبعقلك
اقعد غير مع روحك وخمم في وضعيتك هاذي
وان شاء الله ربي يكون معاك ويفرج عليك يا خويا
واحنا كاملين خاوتك هنا ورانا معاك في كل وقت
ورانا ندعولك ربي يفرج عليك ويوفقك خويا
اوكي خويا اسامة
لازمك تكون صابر ولازم حياتك تستمر مهما طال الحال
لازم تتغلب على الصعاب خويا
هاذي هي وربي يكون معاك خويا ان شاء الله يارب​

 

[NeيRسNe]

مرحبا بيك أختى دنيا
مرحبا بيك اخي
قريت اسمك نحسب فيك دنيا ميوزيك :shiny:
هههه لا ميلودي
علابالك اختى دنيا أنا صريح و نحب الصراحة و راح نقولك حاجة تبقى بيناتنا

أنا خرجت من المنتدى فى وقت من الاوقات على خاطر كانت عندى و حد الاشكاليات حتى لا نقول مشاكل مع وحد العضو هنا الله يسامحو لى كان غالط فيا على كل حال ، المهم لى فات مات و قلت ما نزيدش نرجع للمنتدى ، و نهار تلاقيت الاخت شوشو (شرطية اللمة) و الأخت فوفة (عفاف الجزائرية) تلاقيتهم فى الفايسبوك سقسيتم على احوال اللمة و الله يكثر خيرهم هوما لى قالولى اللمة راهى مليحة و فيها أعضاء ما شاء الله و الحمد لله رجعت و لقيت اعضاء ربى يبارك عليهم بما فيهم انتى أختى الغالية ، و الله رانى حاس بلى الأمور كلها تحسنت معاكم و مع النصائح تاعكم رانى راجع حبة حبة زنـgـة زنـgـة .
ماتقوليش مضيت مدة غيابك مقابل القدافي ههه
مرسى عليك اختى الله ينورك و يعطيك ما تتمناي
امين خويا ونت تاني
نشوفك على خير
سلام ...
سلام خويا



​

اهلا بيك خويا ان شاء الله ترجع للمنتدى بروحك المرحة خويا و ما تعمرش راسك بالتفاهات يا خويا و ربي يفرج عليك
​

 

[NeيRسNe]

السلام عليكم ورحمة الله تعالى وبركاته:
من جديد اخي أســـــــــامة
والله قرأت موضوعك أكثر من مرة لكي أكتشف العلة في موضوعك
ولكن دون فائدة ولكن شيء واحد وهو انك حزيـــــن أخي
كيف يمكن ان نعيش في هذه الدنيا ولا نحزن يعني مستحيل ان تعيش في هذه الدنيا ولايكون حزن وفرح
لأنو مرها يأتي بحلوها مهما كانت الظروف
وعليه حتى لاتحمل نفسك مالا طاقة لك به
يعني بالتي هي أحسن وتصلح الأمور بأذن الله
انت الذي عرفناك دائما سعيدا وسطنا وعندما كنا نقع في مشكلة
تكون السباق الى النصيحة
وعليه والله ماياتي وراء الحزن سوى المرض والآهات
أحترص لنفسك
وضع في ذهنك اغلى انسان عندك
الوالدة والوالد يعني والله يحسون بنا
مهما خبئنا عليهم
لاتحزن يأخي لأنه داء العصر والجسد الحزن
صح هي لحظات في حياتنا تحتم علينا الحزن الى أقصى درجاته
وفي لحظات شيطانية تتمنى فعل مالا يحمد عقباه
لكن اعلم شيء انه لايريد الا الأذى
والله أسامة ماوجدت ماذا اقول لك
لأنو كلماتك نابعة من أحساس بحزن عميق
لكن اعلم شيء أنو ربي سبحانه وتعالى يقول
قل لن يصيبنا الا ماكتب الله لنا
يعني الذي يأتي من عنده يجب ان نتقبله بمره وحلوه
وكيف لا ونحن نجاهد ونثابر لأرضاء الرب تعالى
لاأريدك ان تحزن كثيرا
أحزن اخي وأبكي حتى ان أستطعت
لأن البكاء رحمة والله ما أجمل البكاء عندما يكون في لحظة الحزن
هو الفرج وحده زائد اللجوء الى اقرب حل وهو الصلاة
وأن كان لنا نحن اعضاء وأصدقائك أحباب اللمة معزة في قلبك
وأنصار البرصا خاصة
قم وصلي ركعتين أخي بكل صدق
واطلب منه ماتريد فأنه لايرد دعوة صادقة
واتمنى ان أجدك غدا بخيـــــــــــــر
مهما كان الحزن قوي الا ان الفرج قااادم لامحالة
كل من عليها الا ورزقه على الله
يعني ماهي الا لحظات ومودعين لامحــــــالة
فلماذا ندع الحزن يؤرق صفوة حياتنا قم اخي أسامة
نحن أفتقدناك كثيرا
ونفتقدك في البرصا
وكلنا معك لاأريد ان اطيل الحديث
لأني لاأعرف ماأكتب
لأنه صعب ان تجد اخ مثلك بقيمة اخلاقك وآدابك
وتتخلى عنه
ومن ودع وفارق غصبا عنه
فقد جوهرة ولؤلؤة أسمها أسامة حبيبنا
وصديقنا الغالـــــــــــــــي
نحن معك اسامة
وبالتوفيــــــــق اخي
ولي رجعة بأذن الله
​

:re_gards::re_gards::re_gards:
يعطيك الصحة موح كفيت و وفيت كل من مر من هنا فقرأ كلماتك و مساتو حقا و انا منهم
يعطيك الصحة موح
​

 

[NICHA03]

خسارة عليك خويا اسامة رانا gاع معاك و واش تحتاح منا رانا هنااااااااااااااااا
و ربي يبعد عليك الاحزااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان و تكون حياتك سعيدة و لازم تكون اقوى من هكا باش تتغلب على المشاكل هاذي و ماشي هيا لتتغلب عليك
nicha03

 

[makour]

خسارة عليك خويا رانا هنا عايلة وحدة او انا شخصيا اتشرف بصداقتك اذا سمحت

 

[ALIHOUS15]

khouya matzidch t3awed gaaaaa3 had elhadra rana hna lwakt li habit!! w madir walou fi balék rabi yba3ad 3lik lahzén w ywefkek fi hyaték nchallah!! w marakch ri nta f had edenya!!!!! kayén li ktar menek!!!!!!!!!!!!!!!!!
éh khouya tchareft bik ana jdida f had elmountada!!!!

 

[Jagwar]

و الله كـل الشــرف لـي يـا أخــي أسـامـة إني تعــرفت عليكـ
بكل تواضع خويا أكرم نقولك الشرف لي انا
لا ني من سـوريـا و لا من فلسطيـن ،،
و الله يا كرومة خويا لى يسمعك تحكى هاك يقول راك تحكى خير من السوريين :shiny:
أنـا جـزايـري من سطيـف و أصـلى قبـايـلي من بـوسـلامـ : )
خيار الناس يا خويا :re_gards:
لكني تعــودت أكتب في المنتديـات بهـذي اللهجـة ، لأنـه أول منتـدى سجلت فيـه
كــان منتــدى خــليجـي و بقيـت فيـه 3 سنــوات فـ تعـودت أكتب بهـذا الشكـل ^^".
معذور خويا بصح لازم نديرولك سطاج فى منتدى واش راك تهدر هههه
شــوفي يالغــالي أســـامـة ، كـلامكـ تمـامـ التمـامـ صـحيح إنـه ،،
الإنسـان لازم يكـون إيمـانـه بالله قـوي و مـا يخـلي للحـزن أي فرصـة يتغلب عليه
لكن إنـه يحكـي همـومـه و أحـزانـه للأصحـاب مـرة على مـرة مـا هـو بشي غلط صح و لا واشرايك ؟!
يسلم هذاك اللسان خويا عندك الحق 100%
و أنـت مثــل تسمعنـا لمـا نحكي لكـ و تخـفف علينـا همـومنـا و تنصحنـا ،،
أحنـا أيضـا نحبـوا نـردولكـ جـزء بسيط من وقـوفكـ جنبـا و مسـاعدتكـ لنـا بالمثـل
و أرجــوكـ خيــي و صـديقي الغــالي لا تقــول إنهـا شفقـة ، حتى و إن كـانت شفقـة مـعليش يـا خويـا
أنت أيضـا تشفق علينـا لمـا نكــونـوا نشكيـوا لكـ ، مليحـة هكـذا ؟! هههههههههـ
بينى و بينك خويا اكرم أنت راك دكتور نفسانى بحق و حقيق :shiny:
و الله يا خويا كلامك يفاجى و يداوى و يريح البال
على كـل يـا أســـامـة وليـد البــلاد ، دامـنا مـع بعض ان شاء الله و بإذنـه تعـالى
مـا راح يمسنـا الحـزن و لا يعــرف لنـا طـريق ^_~.
ان شاء الله خويا اكرم ، و أنا راح نسنيى معاك كونترا و الشرط الجزائى فى العقد تعطينى 5 دقايق من وقتك كل يوم نحكى معاك :shiny:
و الله يا خويا راك وحدك انت وين كنت قبل و لا وين كنت انا هههه
لكـ منـي أغلى و أحـلى و أجمـل تحيـة و ســلامـ
ربـي يحفظكـ و يحميكـ و لينـا و لحبـابكـ و صحـابكـ يخـليكـ
دمـت في حفـظ الرحمـن ،،
الله يحفضك و يعزك و يعطيك على قد نيتك خويا أكرم
معريفة الرجال كنوز و انت كنز كبير لا يقدر بثمن
يعطيك الصحة خويا على كل كلمة من عندك
و ان شاء الله نتلاقاو فى مواضيع خير من هاذى ما فيها لا احزان و لا نكد
نشوفك على خير يا الغالى
​

سلامــ ----

---------------------------


​

 

[مفآهيمـ الخجل]

سلآآمـ

واش هاد الغيبة يا اسامة ...و الله افتقدت حضورك هنـــا

طولت الغيبة و كي رجعت جيت زعفان منا ..

و صدقني لوكان حكيتلنا على همك ..تلقانا كامل معاك ..كيما لقيناك بنصايحك مع كل واحد مغبون

ما عليه ..

على حساب واش فهمت من لي كتبتو ...مشكلتك الفراق

ايييه الفراق ...و الله اصعب شي يمر بيه الواحد

بالصح واش نديرو ...يوم ليك و يوم عليك

الله غالب ..رانا كامل عافسين على هاد الجمرة ..و حتى انا و راني حاسة بيك

ما عليه كثر من الصلاة خويا لعزيز ...و ادا راك قادر تبكي غير ابكي

خاطر ماكاش حاجة تريح كيما البكا

وعسى ان تكرهوا شيئا و هو خير لكمـ

و مادابيا توليلنا كيما زمان

و ربي يفرج عليك

ادا كشما سحقيت راك تلقا ختك هنا

سلآمـ​

 

[Jagwar]

راني هنا الاخ وما دير والو في بالك هادي دنيا وتجوز ربي يكون معانا كامل

الله يحفظك أختى الغالية مرسى بوكو على الوقفة تاعكم
و الله راكم خاوتى بحق و حقيق
و اذا احتجتونى انا تانى رانى فى الخدمة 24/24
نشوفك على خير اختى
سلام



​

 

[Elif DZ]

مرحبا اختى الغالية
رانى شافى عليك مليح مليح كيما يقولو الناس لملاح ما يتنساوش
ان شاء الله تكون بخير و عافية

تعرفى اختى القسامية
حبيت نوزن كلامك و لقيت بلى كلامك ذهب و عندو ميزان خاص هو لعقل
بمعنى آخر الانسان يقدر يعرف الروح و قوة الايمان لى عندو غير فى وقت الشدة
يعنى باختصار
اما يجهل و يزيد يصب الزيت على النار و بطبيعة الحال هو الخاسر لكبير
و لا
يتحكم فى عقلو مليح و يكون صبور و ما ينساش بلى كاينة ناس تحبو و قبل كل شيء كاين المولى سبحانه لى ما يضيعش مومن .
مرسى عليك اختى و من المفروض كى قريت ردك هذا نغير العنوان و نقول بلى
لقيت شكون ينصحنى و يخرجنى من الحزن هذا .
مرسى عليك اختى الغالية الله يحفضك و يقوى ايمانك و يعطيك ما تتمناي
نشوف على خير
سلام ...


​

أخي لا نعرف من يحبنا حقا سوى عند الشدائد
ما أكثر الأصحاب حين تعدهم ||| لكنهم في النائبات قليل
على الانسان أن يتذكر بأن كل بلوى اُصيب بها إنما هي ابتلاء من الله رب العالمين و كما يقولون ربما الله اشتاق لصوت عبده فابتلاه
و الأهم أن لا نضيع وقتنا و حياتنا في الرثاء على الأطلال فلا أحد غيره جلّ و على يستحق أن نحزن لأجله ذلك الحزن الذي لا ينقطع
لا تندم إلا لمعصية قمت بها
و اجعل يوم القيامة نصب عينيك و ضميرك قبل كل شيء
و ربي يوفقكـ و يبارك فيك
​

 

[Jagwar]

السلام عليكم
خويا أسامة الحمد لله على سلامتك خويا العزيز
والله العظيم غير مالقيت وش نقول وباش نبدالك بعد ماقريت كلامك هاذا
شوف خويا أسامة
الدنيا هاذي الانسان مايديرش عليها كل مرة وكفاش تعطينا بوجه
مرات تفرحنا وتضحكنا ومرات تبكينا وتقسي علينا
خويا أسامة والوضعية اللي راك فيها صح صعيبة بزاف
مي خويا دير في بالك حاجة دوام الحال من المحال
مالازمكش تبقى في الحالة هاذي اللي راك فيها
صحتك وراحتك هي الاهم خويا
صح صعيب على الواحد باش يتقبل فقدان اعز الناس
مي وش نديرو حنا اذا راهي حاجة مكتوبة من عند ربي سبحانو
نمرضو ونتعبو مي لازم نتقبلو الحقيقة كيما راهي خويا أسامة
مادام ربي كتبلك الشئ هاذا لازم ترضى بيه
و وين تدري الخير وين راه
وكيما يقولو في المثل الحاجة اذا رجعتلك راهي ليك واذا مارجعتش ماكانتش ليك اصلا في الاول
وأكثر شئ لازم تدير ربي في خاطرك وتتوكل عليه
صلي ودعي ربي
ولازم شوية قوة وشوية صبر
خويا اسامة حنا كاملين نعرفوك بلي قوي وصابر وعندك عزيمة
مالا غير بالشوية وان شاء الله تتغلب على الشئ اللي راك فيه
دير ربي في خاطرك واستغفر ربي
وخمم مليح وبعقلك
اقعد غير مع روحك وخمم في وضعيتك هاذي
وان شاء الله ربي يكون معاك ويفرج عليك يا خويا
واحنا كاملين خاوتك هنا ورانا معاك في كل وقت
ورانا ندعولك ربي يفرج عليك ويوفقك خويا
اوكي خويا اسامة
لازمك تكون صابر ولازم حياتك تستمر مهما طال الحال
لازم تتغلب على الصعاب خويا
هاذي هي وربي يكون معاك خويا ان شاء الله يارب​

و عليكم السلام و رحمة الله و بركاته
يه يه يه يه شكوووون الاسطورة بشرى !!!
كيف حالك أختى الغالية واش الصحة و أخبارك ان شاء الله تكونى بخير و عافية
واش احوال الشلف ؟

اسمحيلى بشرى اختى لى طليت عليكم بالهموم و الأحزان :sadwalk:
علابالك أنا حوست على حاجة نداوى بيها الجرح كيما يقول
عزلت روحى على الناس و انا لى موالف تمبر و صاحب الجميع
قعدت نخمم فى صوالح ماشى مليحة تالمون لى تقست بزاف
تكيفت الدخان و انا لى جامى حطيت Gـارو فى فمى و قلت بالك يخفف عليا
و المصيبة لكبيرة ما خممتش بلى كاين خاوتى و صحابى هنا يقدرو يواسينى و ينسونى الهموم
و الله يا بشرى اختى ياو كلامك أنتى و كلام الخاوة لى سبقوك هنا رجعلى شهد لعقل و زادلى النص لى راح منى .
ربى يكثر من امثالكم و امثالك انتى أختى الغالية
و الله يا الواحد أرتاح صح كى سمع ليكم
مرسى بوكو اختى و بربى نزيدو نتلاقاو بزاف هنا
لالا ماشى هنا فى الموضوع هذا هههه معمر احزان و انا تعرفينى نحب الزهو و الطوايش هههه
يعطيك الصحة اختى بشرى و نشوفك على خير


​

 

[Jagwar]

اهلا بيك خويا ان شاء الله ترجع للمنتدى بروحك المرحة خويا و ما تعمرش راسك بالتفاهات يا خويا و ربي يفرج عليك
​

أهلا بيك اختى و مرسى عليك بزاف بزاف
و الحمد لله رجعت معاك فى نهارين لقيت روحى مورالمون مليح بزاف
يكثر خيركم و ربى ما يحرمنا من خاوة كيما انتوما


​

 

[Jagwar]

:re_gards::re_gards::re_gards:
يعطيك الصحة موح كفيت و وفيت كل من مر من هنا فقرأ كلماتك و مساتو حقا و انا منهم
يعطيك الصحة موح
​

هذا هو العندليب موح :shiny:
رمضان لى فات كنت توجور نسهر مع الردود تاع خويا موح




​

 

[Jagwar]

خسارة عليك خويا اسامة رانا gاع معاك و واش تحتاح منا رانا هنااااااااااااااااا
و ربي يبعد عليك الاحزااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان و تكون حياتك سعيدة و لازم تكون اقوى من هكا باش تتغلب على المشاكل هاذي و ماشي هيا لتتغلب عليك
nicha03

و الله يا خسارة عليا تاع الصح نيشة كامل هنا و أنا زعفان !!!
واش حالك أختى نيشة هاذى غيبة
اييييه يقولك النهار لى يروح خير من لى يجى الله يرحم هادوك اليامات يا نيشة

و مرسى عليك أختى رانى عارفك انتى من بكرى تواسى الأعضاء و الناس كامل
الله يحفض هذاك القلب الطيب
يعطيك الصحة أختى و بربى نزيدو نتلاقاو بزاف فى اللمة بالك نقدرو نرجعو يامات زمان

نشفوك على خير اختى
سلام



​

 

[Jagwar]

خسارة عليك خويا رانا هنا عايلة وحدة او انا شخصيا اتشرف بصداقتك اذا سمحت

يا مخلوقة نسيتينى و لا واش ؟
واقيلا عندك ميموار فآبل :shiny:
كيفاش تقولى نتشرف بصداقتك اذا سمحت و احنا ما عيينا نتعاركو فى المنتدى العام و لا نسيتى ؟
هههه معليش أنا تانى غبت بزاف و قريب نسيت المودباس تاعى فى اللمة
و انا لى نتشرف بيك و بصداقتك مرة اخرى أختى الغالية
و مرسى بزاف على كلامك الزين
نشوفك على خير


​

 

[Jagwar]

khouya matzidch t3awed gaaaaa3 had elhadra rana hna lwakt li habit!! w madir walou fi balék rabi yba3ad 3lik lahzén w ywefkek fi hyaték nchallah!! w marakch ri nta f had edenya!!!!! kayén li ktar menek!!!!!!!!!!!!!!!!!
éh khouya tchareft bik ana jdida f had elmountada!!!!

الله يحفضك و يسعدك و يعطيك على قد نيتك اختى الغالية
يقولو بلى صعيب فى وقتنا باش تلقى واحد ينصحك و يواسيك فى وقت الشدة
بصح انا لقيت ناس ياسر هنا و الحمد لله حتى انتى أختى جديدة و ما تعرفينيش و أنا ما حصليش الشرف نعرفك و هكذاك راك تواسى فيا و كلامك يطلع المورال
مرسى عليك اختى و انا لى نشرف بيك و صداقتك نديرها وسام كيما يقول
نايس تو ميت يو
Nice to meet you


​

 

[ღحنين الروحღ]

السلام عليك اخي
لم اجد ردا الا هذه الجملة
واتمنى من الله ان يزيل حزنك وينور ايامك
لاتحزن إذا منع الله عنك شيئا تحبه ,فلو علمت كيف يدبر الله أمورك لذاب قلبك من محبته
​

السعادة هي الشيء الوحيد الذي نستطيع ان نقدمه دون ان نمتلكه

دمت بود وحفظك الله ورعاك
بالتوفيق
كلنااااااااااااااااااا معك​

​

 

[Jagwar]

سلآآمـ
واش هاد الغيبة يا اسامة ...و الله افتقدت حضورك هنـــا
طولت الغيبة و كي رجعت جيت زعفان منا ..
و صدقني لوكان حكيتلنا على همك ..تلقانا كامل معاك ..كيما لقيناك بنصايحك مع
ادا كشما سحقيت راك تلقا ختك هنا
سلآمـ​

هاذى هي مفاهيم الخجل
دايما خجولة :shay:
يا بنتى طلعى الكاسكيط خلى نشوفوك واش الحشمة و الخجل هذا كامل
و لا قالولك حنا فى حفلة تنكرية :shiny:
هههه راكى تعرفينى نحب نضحك حتى و أنا مهموم :sadwalk:
يسال عليك الخير أختى و الله هاذى غيبة تاع الصح
واش تحبى اختى انا حبيت يعطينى حبة :santa_1:
و الله يا أختى صدقينى كلامك هذاك كامل لى قلتيه كنت أنا تانى ننصح بيه الناس لعزاز على قلبى
و كنت نهدر و نعاود نريبيتى و نقول و نقول و كى صرات بيا انا ما قدرتش نحرك ساكن
بصح مليح الواحد يسمع لكلام كيما كلامكم أنتوما خاوتى
و الله غير كى سمعت ليكم رانى حاس براحة البال و طارت من بالى كل فكرة ماشى مليحة جاتنى فى لحظة ياس .
مرسى عليك بزاف بزاف أختى
و أمانة عليك كل ما نصيب مشكلة فى طريقى رانى نتصل بيك
أنتى طبيبة نفسانية ملكبار :shiny:
نشوفك على خير اختى الغالية
سلام

​

 

[Jagwar]

أخي لا نعرف من يحبنا حقا سوى عند الشدائد
ما أكثر الأصحاب حين تعدهم ||| لكنهم في النائبات قليل
على الانسان أن يتذكر بأن كل بلوى اُصيب بها إنما هي ابتلاء من الله رب العالمين و كما يقولون ربما الله اشتاق لصوت عبده فابتلاه
و الأهم أن لا نضيع وقتنا و حياتنا في الرثاء على الأطلال فلا أحد غيره جلّ و على يستحق أن نحزن لأجله ذلك الحزن الذي لا ينقطع
لا تندم إلا لمعصية قمت بها
و اجعل يوم القيامة نصب عينيك و ضميرك قبل كل شيء
و ربي يوفقكـ و يبارك فيك
​

الله يحفضك و يقوى ايمانك اختى
كلامك موزون و الدنيا مزالها بخير مادام كاين ناس طيبين كيفك أختى
ما لقيت ما نقولك غير يكثر خيرك و ربى يجازيك و يجعلك من اهل الفردوس




​