عادات الزواج

[تاعبة كل الناس]

و الله لعنانبة كثرو فى المنتدى حاجة مليحة ما رانيش وحدى عنابى :shiny:​

صح اختى و الله عادات تحشم تاع الصح سيرتو عندنا هنا فى الشرق
الواحد ديجا يروح يخطب وحدة يبداو يساومو فيه تقول راح يبيعولو سلعة :cra_zy:
و الله غير حشمة كبير Plus واش قلتى انتى على العروس و الجهاز تاعها​

أنا نقولك واقيلا نروح نشوف عروسة من بجاية ولا تيزى وزو
قلك تم عندهم الشرط 500 ألف برك :yahoo:
يسما الواحد يروح يضرب فيها 3 و لا 4 مرة وحدة و راه رابح فى لافير :yaw:​

في عنابة نهار الحنة
تجي مرا و تهز الميكرو و اللي تجي تحط الصوارد للعروسة يكتبو اسمها في ورقة و يعيطو عليها
قال فلانة مدت 50 الف :schmoll: فلانة مامدتش :scared: :scared: بلا بقية عاداتكم فيها تبهديل كبير :showoff:

وفي سطيف اب العروسة نهار يجيو يديو بنتو
قالك يرقد قدام الباب و يقول الاب العريس والله ماتخرج حتى تعطيني حق وش كلات :scared:
يعطيه العريس مليون ولا زوج باه ينوض :scared:
الناس عادت تطلبب عيني عينك يا لطيف طرف كرامة و عز ماكانش

عندي ختي كي غير زوجت بابا راهو خاسر عليها للضرك قريب 150 مليون مابين قشها والذهب و الحفلات هادي فاتحة و هادا عشاء

مايسناش الراجل يديرلها :schmoll: :schmoll:

ربي يكون فالعون الدنيا غالية والوالدين لازم يعززو بناتهم في كل الحالات عندو و لا معندوش

ربي يحفظلنا والدينا
و بزايدنا الخرطي يا ربي الهنا والحب هاداك ماكان
:re_gards:
​

 

[limar22]

اه عندك الحق اختي عيب كبير واش يدير هكا

 

[sheherazed]

ههههههههههههههه

يعطيك الصحة حبيبة على هاد الموضوع الشااااااائك اللي مازلنا نعاينو منو!!!!!!!!!!!!!!!


فيما يخص الصوف حنا عندنا في تلمسان ما بقاوش بزاف اللي يستخدموه على خاطر الناس كامل ولات تخيط اللحايف غير بلاواط وتشريها واجدة بلا ما تظلي تغسلي وتنشفي وكاين اللي يشريو الفراش واجد والصراحة أنا مع هاد الفكرة لانو فيه اقتصاد فالجهد والوقت

أما الحصلة تاع الملابس هااااااااااااااديك كشفة تاع الصح لانو كيما قلتي لازملك تشري كل حاجة على حساب لامود اللي تكون فهاداك الوقت مثلا حنا عندنا الشدة كل مرة يخرجوا فيها بخرجة جديدة مالا غير خليها لربي وسكتي هدا ما نحكي على الكاراكو والقسنطينية والبلايز والفوقيات و و و و و و و


أما حكاية القاطو والحلويات والماكلة آآآآآآآآآآآآآآآآآآآآآآه غير شدي راسك وغمضي عينيك

والكارثة العظمى هي ليلة العرس اللي ما تفوت حتى يشيبوا كاااااااااااامل أهل العروسة والعروسة طبعا

المهم هدا باختصار شديـــــــــــــــــــــــــــد لاني ما حبيتش نوجعلكم قلوبكم كتر(شفيتوني وما نحبش عليكم هههههههههههههه)


وفي الاخير نقولك حبيبة الله يسخر وبالبركة عليك وان شاء الله يرزقك ربي السعادة والهنا والذرية الصالحة


تقبلي مروري

 

[مشاعر كاذبة]

والله كرهة من هد العادات شفتو زواج الاجانب غير لاغوب ولاصال وهاهي تزوجت مش كما حنا في ليلة العرس يحط 50 مليون بلا الجهاز الي يديره الفرش ومعلاباليش وش تاني والشروووط منبعد ميتفاهموش ايا والطلاق والخسارة باطل والله المهم هو لحب والتفاهم مش الصوالح و الحطة
شكرا علي الموضوع

 

[sarita 6k]

السلام عليكم
انا برأيي انه اساس الزواج الصحيح هو المبني على التفاهم بين الزوجين اما التفاهات اخترعوها ناس يحبو يتباهاو برك و يبداو يكثرو في التصديرة و هي تتلبس ليلة العرس و خلاص:re_gards:

 

[*ايمان*]

في عنابة نهار الحنة
تجي مرا و تهز الميكرو و اللي تجي تحط الصوارد للعروسة يكتبو اسمها في ورقة و يعيطو عليها
قال فلانة مدت 50 الف :schmoll: فلانة مامدتش :scared: :scared: بلا بقية عاداتكم فيها تبهديل كبير :showoff:

وفي سطيف اب العروسة نهار يجيو يديو بنتو
قالك يرقد قدام الباب و يقول الاب العريس والله ماتخرج حتى تعطيني حق وش كلات :scared:
يعطيه العريس مليون ولا زوج باه ينوض :scared:
الناس عادت تطلبب عيني عينك يا لطيف طرف كرامة و عز ماكانش

عندي ختي كي غير زوجت بابا راهو خاسر عليها للضرك قريب 150 مليون مابين قشها والذهب و الحفلات هادي فاتحة و هادا عشاء

مايسناش الراجل يديرلها :schmoll: :schmoll:

ربي يكون فالعون الدنيا غالية والوالدين لازم يعززو بناتهم في كل الحالات عندو و لا معندوش

ربي يحفظلنا والدينا
و بزايدنا الخرطي يا ربي الهنا والحب هاداك ماكان
:re_gards:
​

اسمحيلي على التعقيب

اختي انا من سطيف ومعندناش هذا العادة جامي سمعت بيها ولا واحد من اللي نعرفهم دارها
​

 

[la_safa]

الســـــــــــلآم

اختي موضوعك مليح ياسر
عادات العرس علابالك وين نسكنو حنا كاين وحد العادات جامي صرات

كيما العريس لازم 3 يام قبل الكورتاج لازم مايشوفش ماليه
و يبات مع صحابو في دار ختو

و تاني هنا العريس لي يشري للعروسة كلشي قصدي جهازها
و زيد فوق هادا الشرط من 8 ملاين و طلع
بلا الصوف و الذهب

عندنا مليحة لي عنها بناتها صح تزوجهم رجال من هنا
مي لي عندها ولادها غير تهرب تزوجهم ببنات ماش من هنا هههههه

°°°°
مي ديما ديما تبقى العادات مليحة اوموا مازلنا حاكمين في التقاليد تاع لبلاد

°°°°
مرسي خيتي عالموضوع
​

 

[sissi-jijlya]

hadi hya el haja li m9al9atni ya khti rani 7asla m3a yema f souf hada rayha n9ata3 hwayji fi hadi skhana w hya t9oli el 3am el jay 3ors khtak lazem nkhaslo souf mais wlh 3daaaab kbiiiiiiiiiiiiiiiiiir
wach rako diro arwaho 3awnouni^^hh

 

[تاج الجزائر]

والله عندك الحق ولت الوحدة منا مشي تحوس على الهنا والطيب والراجل يكون مدين ولد

ناس :shay:
ولا يهمها غير السيمي نتاع القش لي تديها تخلي بوها يطلب ويتحسر وتروح وعلى شهر

تجيه ما عجبتنيش الحالة بابا:schmoll:

باغي نولي عندي واسمحلي راني جيبتلك واحد زيادة يعيش

معانا

صبر عليه غير شهور ويبان _o:
​

 

[أم سهى]

كارثة هههههههههه ....
حكاية طويلة هم يضحك وهم يبكي وكتاش نبدلو عقليتنا ونطورو
المشكل مجبر أخاك لا بطل كي توصل دالتو ربي ييسر للجميع ويهدينا

 

[ourida17]

طليتي على قلبي يا ختي راهو مشكل كبير هادو عادات وتقاليد ولله غير باصينا بيهم حتى تقولي والله منزوج
حنا عندنا ميشرطوش بزاف بصح كيما ديري فيها الهدرة يعيوووووووووووو يا ختي الله يكون في عون صحاب الشرق والغرب حنا وسط رانا شوي خير منهم بصح متحصيش بلاك تلحقهم عقلية تاع لهيه هههههههه
ربي يهنيك ختي وربي مع كل واحد

 

[زهرة الجنوب9]

هذه عاداتنا وتقاليدنا ماتقدرش تناحيها الله غالب تمشي في دمتا بصح انا من صحرا هذيك عادة ماعدناش جامي سمعت بيها

 

[تاعبة كل الناس]

اسمحيلي على التعقيب ​

اختي انا من سطيف ومعندناش هذا العادة جامي سمعت بيها ولا واحد من اللي نعرفهم دارها​

عادي حبيبتي :sheer:
والله يا امورتي جبنا عروسة من قلال و لا بلاصة كيما هاك صرات بعيني وانا نشوف ........​

 

[limar22]

شكرا لكل من شارك في هذا الموضوع انا كنت حابة نعرف رايكم ربي يهدينا