ديك البنت معقدة,,,,,ما تصافحش الرجال

[حالمة بالجنة]

يعطيك الصحة حالمة بالجنة
هذي انتشرت بزاااااف بل رجعت هيا الأصل وتك المصافحة هيا الحاجة الغريبة عندهم
كي كنت مستخلف في الثانوي تكلمتلهم على المصافحة وفهمتهم مليح بلي ماتصلحش وراهي حرام
ولكن تلقاي العقول صغيرة بزاف، والنفس تتطبع
يقلك راهو زميل راهو صديق ووووو
الإنسان مادام راهو على الحق وراهو يطيع في ربي لازم ما يحشمش
هوما ألي لازم يحشمو لأنهم في خالوطة وفي لحرام، ولكن المفاهيم تغيرت وللأسف ...
أظن ان لباس البنت شيء رادع للولد انو ما يلوحش يدو يصافح
يعني اذا كانت لابسة لباس محتشم بزااااااف وعاطية قيمة للباس تاعها
ورزينة وثقيلة اظن واحد ما يتجرأ انو يمد يدو يصافحها
اما إذا كانت لابسة حتى اللباس المحترم ولكن ماشي عاطيتلو قيمتو وادير الجمايع وماعلاباليش واش هنا يلوحو يديهم يصافحوها عادي ...
ولحديث قياس ...

الملاحظة:
قولك حتى يقولولي بالسلفية، يوحي بأن السلفية حاجة ماشي مليحة، وليس كذلك ...​

صح والله معاك الحق أخي
ولكن والله كاين وحدين ما يفهموش ولا يدير روحوا هاكا
رغم اني ما نهدرش معاهم غير في صوالح القرايا
لكنهم مع هذا ويمدوا يديهم
وصح كيما قلت ,,,كاين بزاف اللي يديروا الحجاب وما يعطوهش قمتوا
والمشكلة انهم يحسبوا كل وحدة دايرا كيما هك,,,ما تعيطيلوش قيمتو
والله انا ماننزعجش من لقب سلفية مثل معقدة
لان السلفية معناها انك تتبع الرسول على أفضل الصلاة والسلام والسلف الصالحين
لكن معناها عندهم معنى آخر
وحتى انا مازال ما نوصل للموعنى الحقيقي لهذا اللقب
ولي الشرف بعد
جزيت خيرا أخي مكانش
وان شاء الله ربي يثبتنا في هذا الوقت​

على العموم ربي يهدينا

 

[حالمة بالجنة]

يعطيك الصحة ختي هادا هو الخلق بحد ذاتو
وماكيش سلفية بل كيما قال خويا نسيم بنت اصل وبنت فاميلية

أهلا بك أخية
ومثل ما قلت ,,,السلفي والسلفية ماهوش لقب ماشي مليح
صح يمكن في الموضوع قلتها بطريقة تخلي معناها ماش مليح
لكن والله لي الشرف اذا وليت سلفية
لان معنى الكلمة اننا نتبع سنة الرسول صلى الله عليه وسلم
وشكرا لك حنونة على الرد
جزيت خيرا​

 

[حالمة بالجنة]

يعطيك الصحة اختي على هذا الموضوع، و الله غير ولات ظاهرة يشوفو فيها نورمال، انا بحكم الخدمة تاعي يجو عندي ناس بزاف و تالموا يجو بزاف يولو كيما قالو هما معريفة، و يحسبوا رواحهم صاي والو من العايلة تاعي، المهم صرالي شحال من خطرة هذا جاست و كي نحط و نقوللهم لا انا ما نصافحش، يقولولي اها حقا انتي مسلمة، هاذي صراتلي صح كي جاوبتو قتله و علاش انت كافر ؟ بقى غير يشوف ما لاقى شا يرد علاش على خاطر لقا عندي الصح في شا درت و شا رديت، المهم انا مسلمة و افتخر بذلك و نحيك ختي على هذا الموضوع زين، ندعي ربي و نقول اللهم ثبتنا يا رب تحياتي لك حبيبتي.
​

أهلا بك أختي
والله صح وكيما يقولك انتيا مسلمة تع الصح معناها هو واش؟؟؟
امييين يا رب
وشكرا لك حنونة
جزيت خيراآ
=)​

 

[حالمة بالجنة]

السلام عليكم
شكرااختي الحالمة بالجنة على الموضوع القيم والمفيد

راحت من بالي الظاهرة هذي من نهار قعدت في الدار وكملت قراتي

تصادفت هذيالعفسات وصحنية الوجه نتع بعض الزملاء في الدراسة بصح عمرهم لا قالوا عليا معقدة ولا سلفية والله عادي جدا ويتقبلوها نورمال كما منصافحش الزملاء نتاعي في الجامعة سعات نشوف في وجهوهم كلي طيحت برجولتيهم مي وش دخلني فيهم ربي يسهللهم لاكان مصافحة البنت تزيد في رجوليتهم املا يروحوا يعدلوا العقلية نتعهم ويقراو شويا دين كشما يهديهم ربي ويعرفوا الاشياء الي اطلع في رجوليتهم

اختي تصرفك عادي وفي الدين ايضا ومش لازم تتاثر بهم خاطر الي يهدر على لسانهم هو الشيطان وكفاش يزين الحاجة لبني ادم بش يولي عاصي ربي ويفرح خاطر غلب الانسان و عصى ربي


ربي يتبتك اختي

وشكرا لك على الموضوع القيم ربي يبارك فيك وحتى حاجة متهزك يوقلولا وش يقلوا المهم انت راك تعملي في شرع ربي سبحانه وتعالى وواحد مدخلوا فيك

وعليكم السلام​

وعليكم السلام ورحمة الله وبركاته
صح والله معاك الحق
المهم اننا نطبقوا شرع ربي
ولله الحمد
لكن المشكلة فيهم,,يعرفوا بلي هدي حاجة مكوهة ويعملوا فيها
وكي تهدر معاه ما يسمعلكش
المهم ربي يهدينا ويثبتنا
شكرا لك حنونة
ربي يحفظك
=)
​

 

[Jeune Sghir Mc]

لالا انتي ماكيش معقدة
انتي مربية و مأصلة ربي يخليك
وبالنسبة ليا مستحيل باش نمد يدي لطفلة نصافحها
ما نقبلهاش لروحي وللطفلة وباش نهدر مع طفلة مستحيل مابالك مصافحتها

بارك الله فيك أختي انشالله gاع لبنات يكونو كيفك
شكرا

​

 

[4Akram]

ســلامـ عليــكمـ ~ مــرحبـا رجعت من جدديد ^^.
كيف الحـال اختـي ؟! ، ان شاء الله بخيـر و صحـة ،،

كــل كــلامكـ صــواب و صــحيح و مـا عليــه غــبار
و أيضـا في مجتمعنـا سـابقـا كـانت المصـافحـة بالأيـادي و الوجـوهـ عيب
بين الغـربـاء من النسـاء و الرجــال ، مـا بـالك إن كـان محـرمـا شـرعـا .

أمـا عن قضيـة إنـه النـاس تنـادي البنت الي مـا تصـافح بالمعقـدة
فهــذا طبـع بشــري و لا يقـدر أحد يغيــرهـ ، لأنـه النـاس إذا كـانت أغلبيتهـا تسـوي نفس الأشيـاء
حتى و إن كـان خـاطئ و طــلع شخص واحد فقط و عـارضهـم في التصـرف
راح يكــون معقـد و مش بعيـد يسمـوهـ مجنــون -_-

و إنت إن مـا أردتي تمشي عكس المبادئ الي تربيتي و نشأتي عليهـا ،،
واصـلي دفـاعكـ عنهـا ، و لا تستسلمي لكـلامهـم بـل خليهـم يعتبـروكـ قدوة و تأكـدي إنهـم
راح يتأثـروا بشخصيتكـ و بتمسكك لمبـادئك و قـوانينكـ ^_~.
​

 

[روز]

يعطيك الصحة على الموضوع ان شاء الله الشباب لي مرو وعلقو مايمدوش ايديهم ويعرفو بلي راه احراج للبنت وحاجة مخالفة في الدين للطرفين

وبالمناسبة مانوافقش اخ ماكانش كي قال بلي الشاب يمد ايدو للبنت لي لابسة لباس مش محتشم ولي لابسة لباس محتشم مايمدوش ايدهم...؟
كفاش هادي نفهم من كلامو بلي الولد مايتحاسبش عند سيدي ربي والبنت تتحاسب..!!
كيفما كان الحال لا الولد من حقو يمد ايدو لاي بنت سواء لابسة مليح ولا مش لابسة مليح
ولا البنت ماتمدش ايدها
في زوج ممنوع يعني هنا كأنه حللها على الشاب.!

بالنسبة لموضوعك مرات الواحد يكون في رحمة ربي يخرجلك واحد بايدو والمشكلة تكوني تقادريه ويمكن هو عندو عادي السلام بالايدين انا دائما نخترع حجج ونتجبنبهم ومافيهاش خجل ولا اي شي ولي يقول معقدة يقول على روحو آخر همي وش يقولو الناس
يعطيك الصحة محتاجين حنا مواضيع كما هادي خصوصا في هذا القسم ياريت تكثفي نشاطك هنا ولكِ الأجر
بوركت عزيزتي

 

[ابوندى]

اختي العزيزة هاته ليست من عادتنا نحن الجزائريين
هاته كلها من مخلفات الاستدمار الفرنسي اللعين هما الي يموتوا على البوس والتسلام

ربي يهدينا ان شاء الله..

 

[ماكانش]

وبالمناسبة مانوافقش اخ ماكانش كي قال بلي الشاب يمد ايدو للبنت لي لابسة لباس مش محتشم ولي لابسة لباس محتشم مايمدوش ايدهم...؟
كفاش هادي نفهم من كلامو بلي الولد مايتحاسبش عند سيدي ربي والبنت تتحاسب..!!
كيفما كان الحال لا الولد من حقو يمد ايدو لاي بنت سواء لابسة مليح ولا مش لابسة مليح
ولا البنت ماتمدش ايدها
في زوج ممنوع يعني هنا كأنه حللها على الشاب.!

أهلا بيك اختي روز
أولا أشكرك كثيرا على قولك أفهم من كلامو، وقولك كانه، فانتي لم تجزمي بمقصودي ولا بنيتي وإنما قيدت انتقادك لي بما فهمته من كلامي
وهذا خلق عظيم في النقاش والحوار ...
ثانيا:
لم اتكلم بكلمة واحدة عن الإثم والمحاسبة، ومن الذي سيحاسبه الله عز وجل ومن الذي سيغفر له ؟؟؟ وحاشا ان اخوض في مثل هذه الأمور التي تدخلني في قول الله تعالى في الحديث القدسي " من هذا الذي يتألى علي" او كما قال صلى الله عليه وسلم
ومشاركتي امامك فأقرئيها يمينا وشمالا فلن تجي ولن تجدي الكلام عن المحاسبة ...
ثالثا:
ساءني كثيرا فهمك وقولك بأني حللت المصافحة للشباب ؟؟؟
وإني اتعجب فرط العجب أين وجدتي هذا في مشاركتي، بل وأي مفهوم فهمتي به مشاركتي، فلا مفهوم المخالفة ولا مفهوم الموافقة يفهم منهم الذي فهمتي ...
ثالثا:
لما تكلمت على لباس البنت تكلمت من باب الرادع والوازع الذي يمنع الولد من ان يصافح على البنت
فقلت أن البنت التي تلبس لباس محترم وكانت رزينة وثقيلة وكانت عاطياتو قيمتو هذا الولد ما يتجرأش على انو يتكلم معاها فضلا على انو يصافحها ...
وقلت وهذا نص كلامي " اما إذا كانت لابسة حتى اللباس المحترم ولكن ماشي عاطيتلو قيمتو وادير الجمايع وماعلاباليش واش هنا يلوحو يديهم يصافحوها عادي ... "
فأنت اطلقتي الكلام باللباس المحتشم، وأنا قيدته بقيود وهيا من نص مشاركتي " يعني اذا كانت لابسة لباس محتشم بزااااااف وعاطية قيمة للباس تاعها
ورزينة وثقيلة اظن واحد ما يتجرأ انو يمد يدو يصافحها "
- وهي لباس محتشم
- عاطيتلو قيمتو
- ثقيلة
- رزينة
وهذه قيود تخرج البنت الي لابسة لباس محتشم ولكنها خفيفة ووو

فإطلاقك الكلام باللباس المحتشم دون تقييده بهذه القيوم الذي ذكرت تقويلي ما لم أقل ...

أما عن الولد وهل من حقه ان يصافح، فالحمد لله لم أقل هذا ولن أقوله ...
فقولي في مشاركتي السابقة أن المصافحة حرام، دليل على استراك التحريم بين الولد والبنت
فلا يصح عقلا ولا شرعا ان يكون التحريم مقتصرا على البنت دون الولد في امر مشتركا بينهما اللهم الا ان يكون من باب الإكراه ...​

 

[حكيم البرايجي]

الظاهرة هذي إنتشرت بزاف ،،

أنا واحد من الناس نصافح لافامي برك ،، يعني بنات العم والخال و....

و باش مانكونش كذاب ،، ساعات نتحط في مواقف كيما هكذا بلا ماندير في بالي

،، تحياتيــ ،، ولي عودة
​

 

[dendor]

لالا ماكيش معقدة حتى انا تجيني عيب انو واحد يقرا معاك تسلمي عليه
انا نسلم غير على ولاد عمامي وولاد خوالي هادي تجيني عادي ومانعرف
والمشكل البنات نشوفهم في المدرسة ماشي غير تصافح معاه وفرات لا
تسلم عليه اصلا راكي فاهمتني

 

[روز]

يعطيك الصحة اخي ماكانش على المتابعة الجيدة بزاف ناس ما ترجعش لردودها هذي نقطة مليحة فيك

أولا ما اتهمتكش بشي مش مليح لكني حللت كلامك فقط نتا قلت

اما إذا كانت لابسة حتى اللباس المحترم ولكن ماشي عاطيتلو قيمتو وادير الجمايع وماعلاباليش واش هنا يلوحو يديهم يصافحوها عادي

(هنا راني نتكلم على الناس لي أشرت ليهم مش عليك نتا باش نتفاهمو)

قلت عادي ...كفاش عادي يعني واحد كي يشوفو بنت مش لابسة مليح يصافحها عادي..؟!
ولي لابسة محتشم راهم يحشمو منها ومايدمدوش ايديهم نتا قصدك ربما بلي البنت لي حاكمة قدرها مايتلاحوش عليها الشباب ولي غير تخالط ومش مقادرة روحها الشباب تجيهم عادي..! نظن هذا قصدك نتا ممكن صح لكن أعرف بلي المصافحة راهي ممنوع على كلا الطرفين

انا قلت بلي حبت البنت لابسة مليح ولا مش لابسة مليح الولد مش من حقو يمد ايدو ليها باش يصافحها المصافحة ممنوعة على الطرفين مافيها لا عادي لا لابسة مليح لا مش لابسة مليح الإثم يدوه في زوج..

هذا لي قصدتو ماتزعفش راني نحلل برك انا بلاصتي قسم النقاش والسياسي راني متسللة هنا ^^لكن الموضوع يستاهل

 

[mohgladiator]

صح ختي كترت بزااااااااف في وقتنا
وش تحبي ديري
و المشكل مرات والله الطفلة هي لي تجيك تسلم عليك
ماعدنا فاهمين والو
نسأل الله الهداية
و بارك الله فيك و فاللي رباوك

 

[ماكانش]

يعطيك الصحة اخي ماكانش على المتابعة الجيدة بزاف ناس ما ترجعش لردودها هذي نقطة مليحة فيك

ربي بارك فيك روز ​

أولا ما اتهمتكش بشي مش مليح لكني حللت كلامك فقط نتا قلت



(هنا راني نتكلم على الناس لي أشرت ليهم مش عليك نتا باش نتفاهمو)

قلت عادي ...كفاش عادي يعني واحد كي يشوفو بنت مش لابسة مليح يصافحها عادي..؟!

مانقصدش عادي يعني حلال ؟؟؟ وحاشا ان أقصد هذا
إنما نقصد يصافحها عادي يعني بالنسبة ليه ما يتعقدش من الطفلة ومايديرش في بالو بلي راح تردو
هذا واش نقصد
مانقصدش انو حلال
لأن التحريم والتحليل لامتعلق له بتغير اللباس ...​

ولي لابسة محتشم راهم يحشمو منها ومايدمدوش ايديهم نتا قصدك ربما بلي البنت لي حاكمة قدرها مايتلاحوش عليها الشباب ولي غير تخالط ومش مقادرة روحها الشباب تجيهم عادي..! نظن هذا قصدك نتا ممكن صح

اي واه هنا راكي فهمتيني شويا ماشي كامل هههه​

انا قلت بلي حبت البنت لابسة مليح ولا مش لابسة مليح الولد مش من حقو يمد ايدو ليها باش يصافحها المصافحة ممنوعة على الطرفين مافيها لا عادي لا لابسة مليح لا مش لابسة مليح الإثم يدوه في زوج..

الحمد لله ليس لي أدنى شك ان المصافحة محرمة على الطرفين البنت والولد
على أني اخالفك في قولك " الإثم يديوه في زوج"
فحذاق الأصوليون لما عرفو المحرم قالو " ... ويتوعد بالعقاب على تركه "
ماقالوش ويعاقب على تركمه، لأن الله عز وجل قادر يغفر لهم
قادر ما يكتبش عليه الإثم ...
ربما كانو جاهلين بالحكم الشرعي، والإنسان يعذر بالجهل في هذه الأمور
فقولك يديو الإثم إنما هو تقول على الله تعالى وعلم للغيب
قادر ربي مايكتبش عليهم الإثم لأنهم جاهلين بالحكم الشرعي للمصافحة وأنها محرمة ...
الأص ان يقال " متوعدين بالإثم "
مانقدروش نثبتو الإثم لأي شخص لأنها هذا من عمل الله عز وجل
انما نقولو متوعد بالإثم ...
​

هذا لي قصدتو ماتزعفش راني نحلل برك انا بلاصتي قسم النقاش والسياسي راني متسللة هنا ^^لكن الموضوع يستاهل

أهلا بيك
ومن عادتي اني لا اناقش أيا كان إلا امثالك المثقفين المتأدبين المحسنين لأداب الحوار الغير المتهجمين
​

حفظكم الله وبارك فيكم

 

[amouna.dz]

لالا ماكيش معقدة بالعكس اختي انتي متربية
صح انا لاحظت هاد الظاهرة بزاف
يشوفو وحدة ماتصافحش ولا ما تسلمش يقولو عليها معقدة و سلفية

بالعكس هوما اللي معقدين ماعندهمش ثقة في رواحهم يتبعو في الغرب وعلابالهم بللي هادا خطأ بصح يديروه
بارك الله فيك حنونة وربي يكثر من امثالك
​

 

[حالمة بالجنة]

نصافح غير مع ولاد خوالي وعمامي وبس
والباقي جامي واحد مدلي يدوا من صح صح يسلمك
من بعيد انا معاك ماكش معقدة

أهلا بيك أختي الجريئة
واسمحيلي والله لا راني نخلط في الردود
الموهيم,,,نظن حتى مصافحة ولاد خالك او ولاد عمك يعني اللي مشي من المحارم نتاعك ما يجوزش
والمشكلة انو في عاداتنا كلشي يبطل بين الفاميلية كالحجاب مثلا
وهذا شي خطا
وان شاء الله ربي يثبتك ويثبتنا
ويهدينا
جزيت خيرا حنونة
=)​

 

[حالمة بالجنة]

اولا السلام عليكم يعطيك الصحة على الموضوع

انا كي شفت العنوان نحسبك تقصدي مصافحة واحد من العائلة يعني ولد عمتك او خالتك
مي كي قريت لقيتك تهدري على لي يقراو معاك ?????????????????!!!!!!!!!!!!!!!!!!!!!!!!!!!!!!! عجب صح
صراحة جامي صادفتني او شفتها قدامي الا مرة واحدة تلاقينا انا وصحاباتي مع استاذ كان يقري فيا
مد يدو صحاباتي كامل مدولو وانا خليتو هكذاك معلبليش بيه ولا دور يدو
يا ختي متديش على الهدرة لي تقول بلي راكي معقدة ولا
رانا في وقت كيما يقول الرسول صلى الله عليه وسلم
ياتي زمان القابض على دينه كالقابض على الجمر
ربي يهدينا كامل ختي ​

والله انا قصدت كل رجل اجنبي وفي الشريعة هادو ايضا يعتبروا منهم يعني مشي من المحارم
وراني عدلت الموضوع لاني ايضا تصرااااالي بزاااااف معا الفاميلية اللي بعاد
الحمد لله ولاد عمي وولاد خالي كلهم صغار عليا ههههه
ما عنديش مشكلة في هذي
ايه صح والله
ان شاء الله ربي يجعلنا منهم اي القابضي على الجمر
ربي يحفظك حنونة
شكرا لك =)​

 

[حالمة بالجنة]

انت بنت اصل وماكيش معقدة

وللي راهم يقولو انا نصافح علاما ولاد خالتي وولاد عمي لا حتى هوما وحرام تصافحيهم

ولله الحمد
اممم صح والله
وانا بغيت نوضح انو حتى هاذوا ما يجوز انننا نصافحهم او نسلم عليهم
شكرا حنونة على الرد
ربي يحفظك ويوفقك
=)​

 

[حالمة بالجنة]

السلام عليكم


والله كيما قلتي يا ختي كي مانسلموش يقولو راكي معقدة


انا قلتلهم ماعليش راني معقدة وراضية بيها ياك واحد مايسالني


يا لطيف من هذا الزمــن لي رانا عايشين فيه و هذي الظاهر عادت نورمال شوفي حتى عادو يسلمو بالوجه :scared:

ربي يســــــــترنـــا ويهديــــــــــنا

يعطيـــــــكـ الف صحة على الموضوع ​

صح واللهونقولهم وعلاه اللي يطبق شرع ربي ولا معقد ؟؟
والله ربي يثبتنا على ديننا ويقدرنا اننا نغيروا في مجتمعاتنا ياااارب
ايه وهذه هي المصيبة
يعني رح يولوا يتجاوزا الحدود بشوية ومرات والله لاوصلت للعناق _o:
وعيني عينك نووورمال
ومرات نتخلع فيهم نقول والله لوكان جات ختوا ما يبغيش
آميــــــــن يا رب
ري يحفظك حنونة
وشكرا لك على الرد​

 

[حالمة بالجنة]

نورمال خيتو راني كيفك منبغيش نمد يدي تاني نحشم بزااف
مي كي يمد يدوا منقدر ما ندير غير نحسب روحي بلي راه ممدش يدوا برك
بارك الله فيكي اختي حالمة الجنة ربي يجازيك
فكرة موضوعك مرة عجبتني
يعطيك الصحة
​

أهلا بيك حنونة
ايه صح والله مرات ندريها ,,,نلعبها ما شفتوش قاع حتى يحطها وحدوا:sad:
بصح وعلاش يديروا لروحوا هاكا|؟؟؟ نورمالمو من الاول ما يمدهاش كامل
ربي يهدييينا
يسلمك حنونة
ربي يحفظك ويوفقك
=)​