ممكن يجى نهار و ما تلقاوش أسامة لى هو جاغوار :sad:، امالا حبيت نخليلكم حاجة صغيرة للناس لى راهم فى القلب
أول تحية تروح عند خويا محمد مشرفنا الغالى قدرك عالى فى العلالى جامى لا ننساك مهما طالت الليالى القعدة بلا بيك ما تحلالى
* نزيد نحيى خويا أبو فيصل فريد لى دايما يفتح لينا ذراعيه و يستحمل هبالنا بقلب من حديد نتمنالو كل الخير و العمر المديد
* بلا ما ننسى خويا غزال الصحراء دايما نحتاجوه فى السراء و الضراء
* حمزة سايكو على الانسان هذا ردو بالكو لوكان يخطينا نهار واحد نتهلكو و مع حمزة سايكو مش حتغمضو عنيكو
* من منكم لا يعرف يونس الصديق صاحب القلب الطيب و الرقيق و لعمرى انه أحسن رفيق و خير صديق
* لن أنسى أختى خديجة معنى الوفاء و الأخلاق و أهل الثقة ربى يخليك دائما كيما نعرفوك مرحة و بهيجة
* ليس بعيدا من هنا نذهب لزهرة الندى و سهام العدى لؤلؤة المنتدى
* حبيت نحيى أختى راجية الجنة جارتى و أختى فى الله و ربى يعطيها كل ما تتمنى
* نروحو عند خويا فابريغاس هذاك هو الأساس و كى تصاحبو و تعرف قيمتو و تحس نفسك ديما لاباس
* الظل الطول أقسم أنه لا يوجد لك بديل و كل الكلام فيك راه قليل ربى يحفضك و يخليك يا الرجل النبيل
* كى تقول الرجلة و النيف قول خويا حاتم و اذا تصاحبو تنسى كلمة التشاؤم لوكان تعرف شحال نعزوك و الله ربى لى عالم
* بيان سور ما نقدرش ننسى خويا بيكهام لى راه فى القلب كيفو كيف لعلام
* صون أوبليى خويا موح بارصا لى رجع فينا الروح و عطانا الفرصة و نعطيه همسة و نقولو أنت خويا الأول بالك لا تنسى
* ما ننساش كرومة ولد الحومة ملك الأخلاق و الطيبة و الرجولة ربى يحفضك يا كرومة
* و نحيى المشاكسة ريمة و يقولولها معاك يا الخضراء قلبها كبير قد الصحراء
* نديرو تحوسة عند الآنسة البرنسيسة هاذيك الأخت العاقلة الناس كامل تشهد ليها و يقولو عليها خمسة و خميسة
* يعجبنى اسم جزائرية حتى الموت طلتها و ضحكتها فى منتدانا جامى لا تموت
* ياه ياه كيفاش نسيت خويا بلال راه شايع فى العراس بالكوستيمة يا لالال
* عندى شريكى أسمو وائل السطايفى هو صح بدل أسمو بصح يبقى هو الصديق الدافى
* و كانت وحد الشلفية و يقولولها آية قالولى ولات بشرى مى ما صدقتش لحكاية
* نشفى أول مرة دخلت لللمة لقيت واحد أسمو موح لوساج هو أول من رحب بيا
و عطانا الباساج لى خلانى نعرف قيمة الرجال و ما نطيحش فى البياج
* كيفا نحكى عليكم كاملين و ننسى خويا عادل لى نبقى توجور نقولو سامحنى خويا الفاضل
* قطعنا نصف الطرق فوصلنا الى نسرين الأخت الخلوقة لى جامى تنسى خاوتها لا فى اهداء و لا اثنين نقولولك يعطيك الصحة و ربى يبعد عليك العين
* بطل من الأبطال معانا و اسمو فيصل ويستر كان يحط موضوع على البنات يخليهم يقولو ربى يستر
* نفوتو على خويا يوسف رجل المواقف بصح كى يرجع عميل سرى يخليك تحلف و تتكتف
* أخت عزيزة على قلوبنا اسمها أمورة المنتدى اتفق الجميع و قالو بها يقتدى
* وحدة بدلت اسمها من عائشة القالمية لشرطية اللمة دائما فى قمة النشاط و الهمة بالنسبة ليا نعتبرها نعمة
* معانا 2 أعضاء هنا أسمهم سامى و الله قمة و رزانة و عنوانهما التفانى
* أسمحولى خداتنى الهدرة عليكم و نسيت خويا حسان هذاك فى كل موضوع يبانلى فنان
* حديثى طويل و قريب نسيت خويا البوص اللى يصاحبو ما ينقاس و يكون ديما لاباس
* شجــ الروح ــون سامية الأخت الرائعة و المتفانية و فى قلوبنا دائما شامخة و عالية
* رانى وصلت لولد بلادى بوب عقلية أوvـار و انسان عاقل و موهوب
* انسان مؤثر و عزيز على قلبى هو الجزائرى صفر خمسة هذاك عندو وحد اللمسة يخليك تنسى همومك بهمسة
* و كاين عفاف الجزائرية هي صح فضولية بصح ناس ملاح و عاقلة و ما تعرفش الأنانية
* عندى اختى الصغيرة أسمها دانا وقتاه نحس بالمنتدى أحلى غير كى تكون هي معانا هاديك هي دانا
* ما تقولوش خلاص كملت باسكو مازالت ايمان تعرفوها كل هاذيك لى معاها تحسو بالأمان و الاطمئنان
* انسان متواضع و خلوق أسمو الشهبندر فى قوتو و شخصيتو يفكرنى بعنتر
* لن أنسى ميمى دى زاد الأخت الرائعة التى يحترمها الكبير قبل الصغير و صاحبة الأخلاق التى لن تجدها فى المزاد هذه هي ميمى دى زاد
* اذا كان حبيت تضحك و تنحى على بالك صاب مستر مينو هو صح شاوى و راسو خشين بصح يحطك فى عينو
* سمسوم الحزين انسان رائع متواضع نتحداك تلقى كيفو و اذا لقيت قلى هو فين
* الكنارى السعيد تعجبنى شخصيتو قوية كيف لحديد و هذاك ما نتمنالو الا العمر المديد
* تقدر تقول عليها زهور و لا زهرة القدس بالنسبة لي أنا هي مثال لكل الأعضاء و فى الأخلاق تعطيك درس
* لا يعقل أن ننسى ايمان القلب التى نرفع لها القبعة و نسير معها على نفس الدرب و نقول لها أنتى فى القلب
* أم أنس أختنا الفاضلة ذو الأخلاق الراقية أنصحك اذا أصابك مس فعليك بأم أنس
* لن أنسى مشرفتنا نينة تتسم بالهدوء و الرقة و الشجاعة و الشخصية الأمينة
* جيجى 94 ما لقيتش خوه فين هو خفيف و بنين و انسان بزاف بزاف حنين
* دارين و ساندرين أهلين و سهلين و مرحبتين لا أتصور المنتدى من دون الاثنتين
* عاشقة متمور عندها عقلية تاع شاوية و ما توليش اللور بصراحة و من الآخر كى تعرفها مليح تقول عليها فووووور
أسمحولى الناس لى نسيتهم كامل راكم فى القلب
:re_gards:
