حذارى التقليد ...

[Jagwar]

صحيت على الموضوع المفيد خويا ربي يبآرك فيك .
صح نقولو البحر ياكل غيـر العوامه
والإستهتار هذا اللي راه واقع هو اللي راها يخلي في كل صيف نفقدو العشرات من شبابنا وأولادنا .
ألف شكـر
​

و فيك تبارك الله أختى فاتى
لوكان جيت نخدم مع الحماية المدنية نديرلهم حدود فى البحر يعومو فيها
و الله حرام كل يوم يموتو ناس بالطريقة هاذى
ريى يسترنا برك هذا واش نقدرو نقولو

مرسى عليك اختى
تحياتى




​

 

[Jagwar]

موضوع رائع بارك الله فيك
والله عندك الحق كاين بزاف اللي يستهزاو
و يروحو يتلاحو برك

ربي يسترنا و يصلحنا
شكرا لطرح الموضوع يعطيك الصحة
​

و فيك تبارك الله اختى
من واجبنا نوعيو الناس و نحسسوهم بالاخطار هاذى لى يستهزاو بيها
يعطيك الصحة اختى
مرورك اسعدنى و ردك شرفنى
تحياتى





​

 

[TeNtOuNa]

موضوع رائع ومفيد
بصح شكون الي يسمع
غير الي يقول ماكانش الي كيفي
على العموم نتمنى الكل يتوعى
شكرا مجددا على الموضوع الراقي

​

 

[Jagwar]

والله يا خويا هدرتك كامل صحيحة
البحر يدي غير العوامة
مي كاين وحايد الله غالب يحبو يبينو رواحهم و مبعد تطفر فيهم
اما انا نخاف الحق مانبعدش ياسر { ماشي في الشط برك هههه } و اذا بعدت شوي
نكون مع بابا ولا ختي ولا خويا
والله لازم الوقاية

هيا صحيت خونا جاغوار
​

تعومى فى الشط !!! :scared: :shiny:
ههههه لالا ما تفاهمناش على الشط :shiny: اشرى آبوى بعدى بيها شوية ههههه
نضحك معاك اختى و الله كملى هكذاك نستعرف بيك
يقولك لى خاف سلك
ماشى محتوم عليك تروحى بعيد تقدرى تعومى قريبة و تصيبى راحة اكبر
و كيما يقولو الوقاية خير من العلاج

ثانكيو la_safa على المرور
تحياتى





​

 

[Jagwar]

صراحة جامي صرات حادثة قدامي ههههههه
راني عوامة نبعد ياسر سورتوا مع les couz
منبقاش في الشط الشط للذري الصغار برك xd

انتى تسكنى مع الحماية ديجا باين عليك تعرفى تعومى مليار هههههه
كاش نهار نطيح فيك فى البحر انعتلك تعرفى تعومى ، يا ربى و نلقاك فى اللارج:santa_1:
ههههه عندك على روحك اختى البحر راه غدار و ما يرحمش
على بالى لعنانبة يعرفو يعومو بصح ما كثر ربى غير لعنانبة لى داهم لبحر



​

 

[Jagwar]

موضوع قيم ومفيد خويا بارك الله فيك

انا نجيك في الصح ما نعومش خلاص اولا واخيرا لاني بنت طبعا كاين لبنات لي يعومو وكل وحدة

وحسب اخلاقها

نجلس غير على الشط وصاي ولا نتمشى فيه غير على الحاشية زعمة نشمخ رجليا :shay:

لي نقوله غير الله يستر ويحفظ قاع العوامة من خطر السباحة :sad:
​

و فيك تبارك الله اختى الغالية
و هذا من واجينا لازم نقومو بالتوعية
بصح انتى كيفاش تبقاي تحوسى فى الشط و ما عندكش النفحة تقولى نضرب فيها بعتة :shiny:
هههه نضحك معاك اختى ، أنا بابا حياتو كاملة و هو بحد لبحر و جامى لا دخل فيها
كل واحد و كيفاش يفكر
المهم ربى يسترنا برك
و انتى ردى بالك كاش نهار تمشى على الشط و تجيك موجة كبيرة تسحبك و تعومك ذراع عليك:shiny:
تحياتى أختى و شكرا على المرور الرائع
​

 

[Jagwar]

سلاااااااامو
آآآآآآآآآآآآه والله نقرا فالموضوع ونقول أو الستيل هدا تاع أسامة مي الإسم؟؟؟

راكى تعرفى قالو اسامة بن لادن مات و انا ما زلت حي بصح رانى متخفى بالاسم و النيو لوك هذا ههههههه :shiny:

وكي لحقت للتوقيع لقيتك هو

ايه بيان سور هو ، فى ميزك اسامة بن لادن يموت صح :shiny: ؟

واش حوالك خويا صافا؟

و الله نحمدو ربى و نشكروه اختى أسماء ، يسال عليك الخير و انتى ان شاء الله تكونى مليحة ؟

والله كيما قلت وراك صحيح 100/100 فكل كلمة قلتها
ماعندي مانزيد فوق كلامك
غير برك نحب نعرج ثاني على حوادث المرور اللي تكثر فالصيف
ور بارح برك خويا دار اكسيدون مي جات سالامات الحمد لله
ربي يستر برك

الحمد لله على سلامتو ربى ستر
و كيما قلتى اختى حتى حوادث المرور ماشى شوية
كيما عندنا حنا عنابة راها تشهد ازدحام لا مثيل له ، راكى تعرفى السياح و الناس لى جاية من المدن الاخرى باش يفوتو الصيف و الضريب كثرة الحوادث
ربى يسترنا و يقدر الخير

وانا ديما نقول البحر مش هارب والصيف طويل بعقلكم برك وتصيفو بيان إن شاء الله

ان شاء الله اختى ، لى يحب يفوت صيف مليح مع البحر ايل فو Pــا يلعبها فايق و يلعبها متهور
و ان شاء الله الناس كامل تفوت صيفة مليحة

شكرا ميسي بومبة خويا
الله غالب والفت بالإسم لقديم لازمني وقت باش نوالف بالنيو لوك هذا هههه

هههههه عندك الحق اذا انا شخصيا ما زلت ما والفتش على النيو لوك هذا هههه
مرسى عليك انتى تانى اختى شرفتينا و نورتينا يا الكرايزى
تحياتى ليك و نشوفك على خير

​

ـــــــــــــــــــــــــــــــــــ



​

 

[Jagwar]

يعطيك الصحة أســـامة ، موضوع هاااااايل وفي وقته ،
نتمنو الشباب والشابات يخدمو بيه هكا بش نقلصو من حجم الحوادث البحرية
بصح بالنسبة ليا انا ، ماكانش ما اخوف مني ، لازم كي ندخل للبحر يكون معايا 2 بابا وخويا ،،، واحد ما يمليش عيني ، باش لقدر الله وصرات حاجة ، يخرجوني بسهولة ،،، بصح قالك اللي مجرب عذره معاه ، بكري انا صغيرة دخلت مع صحباتي'جدد برك تعرفت عليهم في البحر' بديت دايرة روحي نعاند فيهم حتان صبت روحي اللوطة نتقلب ، بالسيف لاجبدوني صحباتي ، من ثم عدت خوااااافة

اما هاذوكم اللي يعبوها فايقين و لي روشي ومانعرف واش ، ثم تلقى الكوراث الكبيرة


يعطيك الصحة اسامة ،،،،،،،،


مزيدا من التألــق





جمهريرة
​

ههههههه جامى شفت جمهريرة تخاف من البحر :shiny:
يسما انتى لازملك سيكوريتى كبيرة كى تدخلى للبحر
يدخلو معاك زوج تبقاي على عينهم و اذا حب ربى يربطوك بحبل خير تكون اسهل:shiny: هههههههههه
و الله مليح الواحد يخاف من البحر أختى و أنا تانى منعت من الغرق شحال من مرة فى صغرى و كى كبرت و عاودت الفيلم و قلت سترنى ربى و لا درك رانى فى الجبانة هذا اذا لقاو الجثة تاعى :shiny:
ربى يسترنا و يبعد علينا اخطار البحر
ثانكيو بزاف على المرور يا جمهريرة و كملى هكذا عومى فى الشط راكى مليحة:shiny:
​

 

[هآجر]

السلام عليكم

كل الشكر لك اخي في الله وولد مدنتي ولد البحر مثلي هههههه
وي انا ثاني راني نسكن على بعد خطوت من البحر وكل مرة نسمع الاسعاف طالع هابط اليوم برك سمعت زوج قلت يا درا وش راهو صاير
يعني يجوي البرانية يعقبوا العطلة في عنابة كمدينة سياحيةالاقرب ليهم لصح ناسيين انوا البحر يدي يا خوتي
بالرغم من ان الحماية المدنية موجودة بصح جثة برك كلهم جايين يدروا حاجات اخرى

في الاخير اتمنى لكم عطلة صيفة جميلة وحذاري منلبحر ومرحبا بكل سائح حاب يجي لعنابة حنا ناس مضيافين
وعليكم السلام​

 

[Jagwar]

والله لدرك مادخلتلوش موالف نبحر في افريل طيبتني الخدمة والله
لازم نخطفوا فيها بحرات عشيشوان مع ليبيتش واش انقولك ا سمسم ولا في الاحلام ومن بعد نضرب فيها يومين ولا 3 للمبوشير جوايه القالة ويامنعاش ههههه
برك للخاوة عندكم تعوموا وانتوا سخونين كيما تجيو بلوا رواحكم شوي ومن بعد عوموا العام الي تعدا واحد في واد بقرات كيما خش وهو سخون قعد تما جبدوه ميت من ماه من الشوك

أهلا بيك شريكى و الله قبيل نكتب فى الموضوع و نخمم فيك قلت ما نعرف شريكى واش من بحر راه قاعد فيه :shiny: باه نجيك نغرقك شوية :shiny: ههههههه
علابالك رانى معول نروح كومPــينــــG نهار السبت و لا Le 7 جويلية
و رانى رايح للمبوشير البلاصة لمخيرة تاعى
و نسيت باش نقوللهم على لافير هاذيك تاع يدخلو للبحر و هوما سخونين و الله يا صراو مشاكل كبيرة على جال لحكاية هاذيك .

ربى يسترنا و يبعد علينا غدر البحر
صحيت شريكى و كاش نهار نتلاقاو الصيفة هاذى ، رانى حاب نغرقك فى اسرع وقت ههههههههههههه:shiny:



​

 

[زهرة الندى]

هذا الرد محجوز

واحد مايقرب عليه ههه

يعطيك الف صحة عقيـــــــــــد
لي عـــــــــودة​

 

[chiguevara]

السلام عليكم
موضوع في وقتو ان شاء الله يسمعوا و يستفادوا الاخوة و الاخوات
بالنسبة ليا انا نعيش في الصحرا لغواط الزينة :sheer: :sheer:
خاطيني البحر و كي نروح نمشي على الشط و نبلل كرعيا ((رجليا )) بماء البحر :shiny: :shiny: برك :showoff:
العومة فيه سامطة تمرميدة بلا فايدة ههههههه نفضل التحواس و التعرف على المنطقة
ربي يحفظ شبابنا و اطفالنا و يسمعوا و يفيقوا
شكرا على الموضوع الزين و الهادف
:re_gards:

 

[THE GNAWIE]

سلام اس اس و الله توحشنا بزاف مواضيعك
هنا فواش راك تهدر
على كل حال انا تاني عندي بزاف بزاف ما درتش هنا
- موضوع البحر مهم راك تعرف الصيف راو جا
و الدزيريين بسلامتهم متحمسين بزاف:sheer:
و الاستهتار هو اللي يؤدي للغرق و الوفاة
و الله البحر عندو ما كلا شباب صغار
جايين مساكن للدنيا :sad:
* و على كل حال موضوعك انا ما يخصنيش
باسكو عوامة الله يبارك :shay: ههه*
آيا سلام اسامة
و الله راك منور اللمة خويا​

 

[ابوندى]

أهلا بيك شريكى و الله قبيل نكتب فى الموضوع و نخمم فيك قلت ما نعرف شريكى واش من بحر راه قاعد فيه :shiny: باه نجيك نغرقك شوية :shiny: ههههههه


علابالك رانى معول نروح كومPــينــــG نهار السبت و لا Le 7 جويلية
و رانى رايح للمبوشير البلاصة لمخيرة تاعى

و نسيت باش نقوللهم على لافير هاذيك تاع يدخلو للبحر و هوما سخونين و الله يا صراو مشاكل كبيرة على جال لحكاية هاذيك .

ربى يسترنا و يبعد علينا غدر البحر
صحيت شريكى و كاش نهار نتلاقاو الصيفة هاذى ، رانى حاب نغرقك فى اسرع وقت ههههههههههههه:shiny:

​

أهلا بيك شريكى و الله قبيل نكتب فى الموضوع و نخمم فيك قلت ما نعرف شريكى واش من بحر راه قاعد فيه :shiny: باه نجيك نغرقك شوية :shiny: ههههههه

عاد تغرقني خلاه يااسامة اول ماتعلمت نعوم في الروشي بلون راك عارفوا
وصرتي ياحبيبي راهي مطيشة في القطارة لوللللللل

علابالك رانى معول نروح كومPــينــــG نهار السبت و لا Le 7 جويلية
و رانى رايح للمبوشير البلاصة لمخيرة تاعى

سافي 11 وانا نكومبي هناك ولا فيها غاشي كبير غير مايحلولهاش الطريق ويخدموها سينون اديو عليها

و نسيت باش نقوللهم على لافير هاذيك تاع يدخلو للبحر و هوما سخونين و الله يا صراو مشاكل كبيرة على جال لحكاية هاذيك .

ربى يسترنا و يبعد علينا غدر البحر
صحيت شريكى و كاش نهار نتلاقاو الصيفة هاذى ، رانى حاب نغرقك فى اسرع وقت ههههههههههههه:shiny:

امين ياربي خويا اسامة لينا ولخاوتنا الكل وعلاش لا ايا روح او نخليك تغرقني ياسيدي
اهااااا نسيت نقولك لولاد صحابي راهم يعطولي القرش خخخخخخخخخخخخخخ
اتوله مالا
اتهلى في روحك حبيبي اسامة

​

 

[الجريئة]

مرسي على درس التوعية هههههه
امالا نتا غرقت هههههههههههه
انا ما نبعدش مانيش قادرت على شقايا ههههههههههه
او حتى في لابيسين العام الي فات
واحد يخلي في ولدوا مام با عامين يعوم في لابيسين
غرق جبدوا خويا دايخ
ربي يستر
مرسي على الموضوع اسامة
بصحتكم لبحر

 

[Jagwar]

موضوع رائع ومفيد
بصح شكون الي يسمع
غير الي يقول ماكانش الي كيفي
على العموم نتمنى الكل يتوعى
شكرا مجددا على الموضوع الراقي

​

كيما قلتى اختى شكون لى يسمع
البحر ما فيهش واحد يعرف و لاخر ما يعرفش
و الله لبحر ما يفرقش اه غير يبلع برك
ربى يسترنا هذا واش نقدرو نقولو

مرورك أسعدنى و ردك اطربنى اختى
مرسى عليك
تحياتى


​

 

[Jagwar]

السلام عليكم

كل الشكر لك اخي في الله وولد مدنتي ولد البحر مثلي هههههه
وي انا ثاني راني نسكن على بعد خطوت من البحر وكل مرة نسمع الاسعاف طالع هابط اليوم برك سمعت زوج قلت يا درا وش راهو صاير
يعني يجوي البرانية يعقبوا العطلة في عنابة كمدينة سياحيةالاقرب ليهم لصح ناسيين انوا البحر يدي يا خوتي
بالرغم من ان الحماية المدنية موجودة بصح جثة برك كلهم جايين يدروا حاجات اخرى

في الاخير اتمنى لكم عطلة صيفة جميلة وحذاري منلبحر ومرحبا بكل سائح حاب يجي لعنابة حنا ناس مضيافين
وعليكم السلام​

و عليكم السلام أختى فى الله راجية الجنة
و الله يا جارتى ما نعرف اذا سمعتى هادوك النهار لى جانا نهار سخون ياسر
كيفاش لامبيلونس طالعة هابطة تقول علينا فى غزة و لا فى تل أبيب
و زيد كيما قلتى لى بومبى تاعنا عماوها ضربة وحدة
الناس ما تعرفش الأخطار تاع البحر
يعطيك الصحة على المرور العطر اختى
تحياتى



​

 

[Jagwar]

هذا الرد محجوز

واحد مايقرب عليه ههه

يعطيك الف صحة عقيـــــــــــد
لي عـــــــــودة​

بعد ما عملت اقتباس نسيت بلى قلتى الرد محجوز واحد ما يقرب :shiny:
هاي جات العوامة هاي جااااااااااااااات :sheer:




​

 

[زهرة الندى]

الســـــــــــلام عليك

راني رجعــــــــــــــــت :sheer:


والله يعطيـــــــــــــكـ الف صحة وعافية على الميضوع و على كـــــــــــلامك عقيد

الناس عادت ماتخممش في العواقب ربي يســــــــــــتر و إن شاء الله بركـ يديرو بالنصائح تاعك
وكيما قاتلكchiguevara

خاطيني البحر و كي نروح نمشي على الشط و نبلل كرعيا ((رجليا )) بماء البحر :shiny: :shiny: برك :showoff:
العومة فيه سامطة تمرميدة بلا فايدة ههههههه نفضل التحواس و التعرف على المنطقة

حتى انــــــــــــــــا كيما هي :shiny:

شـــــــــــــــكرا ليك مرة اخرى ع النصائح

ربي يخليك للمة وتعيى ونت تنصح فينا
سلاموووو :re_gards:



​

 

[Jagwar]

السلام عليكم
موضوع في وقتو ان شاء الله يسمعوا و يستفادوا الاخوة و الاخوات
بالنسبة ليا انا نعيش في الصحرا لغواط الزينة :sheer: :sheer:
خاطيني البحر و كي نروح نمشي على الشط و نبلل كرعيا ((رجليا )) بماء البحر :shiny: :shiny: برك :showoff:
العومة فيه سامطة تمرميدة بلا فايدة ههههههه نفضل التحواس و التعرف على المنطقة
ربي يحفظ شبابنا و اطفالنا و يسمعوا و يفيقوا
شكرا على الموضوع الزين و الهادف
:re_gards:

اييييييي زارتنا البراكة مرحبا بيك أختى تشيغيفارا
هاذى غيبة يا أختى وين راكى مكومـPــيا :shiny: ؟
من نهار العركة تاع السحليات و التماسيح ما شفتكش
ان شاء الله راكى لاباس أختى .

بصح كيفاش هذا ما تعوميش فى البحر ، و لا راكى خايفة تغرقى i-o:
هههه يا أختى لبحر مليح و مليح لجسم الانسان ثانى
بصح ماشى مليح الواحد يلعب فيها

يعطيك الصحة أختى على المرور
نشوفك على خير



​