راني مخلوعة

[سيموني]

سلام جماعة كاش سخانة ولا والو بون ندخلو في الموضوع البارح كنت نسمع في ايميسيو في الراديو ...علابالي راني بكري... المهم هاد الحصة سموها سلي همومك مع جدو حسان في الاداعة الجزائرية الاولى وحدة تيليفونات بدات تحكي على همها لي سماتو هي هم. وقالتلوا راني باغيا انتحر...قالها وعلاش..قالتلو حبيت واحد وهو خاني ...بدون تعليق واش رايكم..انا نشوف هاد كلش سبابه تفراج الزائد للمسلسلات وخاصة التركية ونزيدو نامنوها راني غالطة في حاجة..راني باغيا نسمع رايكم نتوما تاني...وشكرا:re_gards:

 

[ماكانش]

اهلا بيك سيموني
وهذا كامل لأنو راهم بعاد على طريق ربي
قلبها فارغ ...
وزيد كيما قلتي قتلونا المسلسلات ....

 

[Jeune Sghir Mc]

هي مسكينة مأمنة بحاجة يسموها الحب
وماعلابالهاش بلي ماكاش منو هذا لي يسموه الحب
على هذي لي وصلت لهاذي الحالة

سلام
​

 

[السلطانة]

لي تنتحر تجيبها في روحها وتطفر غير فيها
صحيتي على الموضوع
تحياتي ​

 

[N@riM@N]

ماااااارد ناس عادت عايشه فالهف
​

 

[tayeb20]

ربي يســـــــــــــــــتر
​

 

[meriem150491]

اواه هبلوهم مسلسلات الترك هدوك ههههه بغاو يتورنيو فيلم تركي

ربي يهدي ما خلق وربي يهدينا

 

[zahya]

هذ الحصة حتى انا كنت نسمعلiا ...لما تسمع المشاكل تقول مراناش في بلد عربي مسلم المهم
الانتحار راه لاموض نتاع 2011 لي ما تزوجش ينتاحر ولي ما خدمش ينتاحر ولي خلها حبيبها تنتاحر ...... حاجة مليها دوك الشعب الجزائري ينقارض .... ونرجعو في ربع الشعب امليح ..... واش رايكم ندير حملة للانتحار الجماعي هكذا نربحو الوقت وال مال ..... ياخي نقص وعي وايمان ............................ حتى واحد ماره مهني ولكن ربي رحمتو كبيرة .... يقطع منا ويوصل منا .... ربي يهدينا



i​

 

[ملكة جمال اللمة]

الحقيقة اختي سيموني هي تكون مجروحة ربما هادا الحب الاول لي عاشتو كانت تحبو و هو خانها مي ماتوصلش انها تخمم تنتاحر راح تطفر فيها هو مخاسر والو
​

 

[DARINE05]

ربي يعفينا والله

 

[mira bey]

ايه انا تاني نحب نسمع هادي الحصة
ولله عندك الحق اختي هادا اكل من المسلسلات التركية امنت منهم بلي صح كاين منو الحب مسكينة ملقاتش برك شكون لي ينصحها بلي الحب راه مكانش منو خلااااااص و واحد ميستاهل تحبيه وتقتلي روحك علييييه
ربي يهدينا ....انا كل نسمع حوايج عجيبة غريبة غير كيما لي نتفرج فيهم في المسلسلات التركية ايا نبدلو بلادنا نقلبوها كيما اتراك وخلاص

 

[Estrella]

​

ياخي حالة يا خي...
لهاد الدرجة تهون عليهم حياتهم
على جال ناس ميستاهلوش حتى
نشوفو فيهم ...
حاجة تحير ..تقلق..تخلع هههه
ها الي خلقو هو خلق غيرو علاه عليها هاد الشي
هو راه مهني على روحو و هي مسكينة حابة تنتاحر
على جالو ...
لله يهدي ما خلق هدا مكان
مارسي ليك...

 

[ابتسامة أمل]

السلام عليكم
هذا يسموه الفرااااغ ....... و ضعف الايمان......
هي تحكم في طريق ربي و ربي يعوضلها خير.......
و بالنسبة لحكايات الحب و الهف ..... هاذو ماكانش منهم ......راهم غير يضيعو فيكم المسلسلات .....

 

[{مُدَلَّلَتُهُ}]

Lah yehdina

Merci 3la el mawdo3

 

[يوسےفے]

على جال واحد ما يسواش تقتل روووحها الله يهديها....راسها فارغ.....ياك كاين خير منو...مشي غير هي لي خانوها ف هذ الدنيا​

شكرا على الموضووووع سيموني​

 

[آلاء النايلية]

هههههههههههههه
راني لسع مكملتش الضحك على أفلام ناس الجامعه
...
المهم...
...............
ملقيت ما نقول​

 

[القلب الابيض]

هادا يسموه نقص الدين و الايمان بالله و كيما قلتي تاثير المسلسلات لي غسلت عقول الناس
سلام

 

[NeيRسNe]

ربي يهدي ويفرج على كل مغبون
وربي يستر
​

 

[سيموني]

نشكركم على الردود لي شجعتني وخلاتني نتمسك برايي...ايه نسيت باش نقول سلااااااااااااااااااام عليكم

 

[AHLEM1992]

و هي مكانش الي ينتحر على جالها !!!
بنات تاع دوك كل مرة تسمع الجديد يحبو ينتاحرو غير على الحب تاع التمسخير
هي في بالها تبعثلو ميساج تقولو ( راني راح ننتحر قويدر على ساعة 6.00 مساءا ) و تطفي التلفون و تكسر لابيس
ايا قويدر هداك عمبالها يتقلق عليها و يولي يجري و يسابق الوقت زعما كيما الافلام

mission impossible version 100% Algérien

باه يجي يقولها
( لالا الطاوس انا نبغيك ماكالاه تقتلي روحك و ادا متي انا نقتل روحي تاني)
ايا و الناس تالمو الموقف مؤثر يبداو يبكو
و انتهت القصة .. مسلسل رومنسي
ربي يهدينا
الي بدلك بالفول بدليه بلي خير منو و خلاص
مكانش غير واحد في هادي الدنيا​