صالون نهال مطلوب بنات-خاص باستفساراتكن ومساعداتكن-صالون حلاقة خاص ببنات اللمة الجزائرية

[hanane alg]

السلام عليكم ورحمة الله وبركآته ،’


في هاذ الموضوع ان شاء الله رح نحاول نطملكم كآمل المعلومات ولعفايس وليزاستوس الي يتعلقو بشعرنا ، وبيان سوغ الي عندها اي معلومة تفيدنا بيها خاطكش رانا كامل هنايا باش نفيدو ونستفادو باذن الله ،’



bon راح نبدى بالعفايس الاساسية
اول حاجة السيشوار الي مكاش دار ماتصيبيش فيها ع الاقل واحد ، مبصح كاين سيشوار من سيشوار على هذي رح نقولكم شوية عفايس تردوا بالكم منهم كي نكونوا ح تشروا السيشوار ديالكم :
1 لازم يكون القدرة ديالو تفوت 1800 وات يعني سخون باش اذا درتي بيه بروششينغ تخلصي بالخف وتان يشدلك بزاف.
2 لازم يكون بالايونات باش ماتصرالكش ليليكتريسيتي ستاتيك (باش تفيتي هذيك تاع الي بزاف يقولو كي نجبد شعري يتتكهرب).
3 لازم يكون ماركة معروفة كيما Babyliss . Braun . Philips .. الخ باش تضمني بلي حاجة مليحة ويبقى عندك اطول مدة ان شاء الله.
4 لازم تتأكدي من بلد الصنع مالازمش يكون صيني ، او مكتوب عليه made in PRC خاطكش هاذي معنتها الجمهورية الشعبية الصينية والبياع يحب يغلطنا ويقول بلي صنع اروبي.


هذي اهم النقاط ، وهذوما تصاور لبعض انواع السيشوارات لملاح والمتوفرين فـ الجزائر :

هذا Babyliss وهاذ الماركة هي الاحسن على الاطلاق للشعر

وهذا كيما راكم شايفين تقدروا تستعملوه عادي وتقدروا تان تستعملو هذي العفسة الي جاية معاه كيلي مشطة ، تليسي الشعر ،’




وهذا براون

إضغط هنا لرؤية الصورة بحجمها الطبيعي.

هذا فيليبس

الموضوع مزالو طويل وعندنا بزاف عفايس نهدروا فيهم ان شاء الله على هذي استناوني

للإفادة الموضوع منقول

 

[hanane alg]

شوفوا قبل السيشوار لازم كل واحدة تعرف نوع شعرها ، واي كان النوع لازم قبل مانغسلو شعرنا نديرولوا حمام زيت ، كيفاش؟؟
دوك نقوللكم ، لازم يا يا لالا قبل ماتغسلي شعرك تدهني فروة الشعر ديالك بزيت الزيتون (من المستحسن) واذا حبيتي اي زيت واحد اخر كيما تحبي المهم يكون مغذي ومليح ، مبصح حاولي تسخنيه شوية باش فروة الرأس تشربو بالخف ، وومبعداتيك غطي شعرك بالبوني تاع لبلاستيك وخليه ع الاقل 10 دقايق ، ومبعد اغسليه بالشامبوا الي يوالم شعرك
وهاذ الحمام تاع الزيت تعاودية مرة الى 3 مرات فـ الاسوع على حساب شعرك يعني اذا كان جاف 3 واذا عادي 2 والدهني خطرة واحدة.



ثانيا: كي تغسلي شعرك تقدري تديري الـبلسم ولا تستغناي عليه اذا كان شعرك دهني بزاف ، وممكن تستعملي ماسك للشعر ، وهذا كاين منو بزاف انواع من كل الماركات ولجميع انواع الشعر ، والمستحسن يكون من نفس ماركة الشامبوا ديالك،’

وهذي بعض الانواع لمليحة بزاف سورتو اذا كنتِ معولة تديري بروشينغ شعرك يخرج حريييير

http://dc01.**********/i/00204/8kr5vvh785gb.jpg

ومتوفرين بكثرة فـ الاسواق ، واشنو اتأكدي من تاريخ انتهاء اللاحية وجبيه من محل موثوق ،’



وكي تكملي الماسك ديالك ، نشفي شعرك ولا ديريلو بروشينغ ولا واش حبيتي وماتنسايش تدهنيه بكاش كرام تاع شعر ولا سيروم باش مايتأثرش بحرارة السيشوار ويتقصف ،’


واذا كنتِ متزوجة تقدري تعطري شعرك بالعطور الخاصة بيه الي غالبا تجي فـ الكوفر ديال الباغفان

والموضوع مزال متواصل باذن الله..​

 

[hanane alg]

وضرك بعد ماهدرنا على طريقة العناية بالشعر والحفاظ عليه من اضرار السيشوار والحررارة ، رح نهدروا ع الليسور الي هو ثورة فعالم الشعر ماعليك غير تجوزيه على خصلة تاع الشعر مرة الى 3 مرات (على حساب الماركة ديالو وشدة الحرارة) حتى يخرج حرييير وكيما تاع الشرق آسياويات ،’
واشنو لازم تان نردو بالنا كي نكونوا ح نشروه ونخيرو ماركة مليحة خاصة Babyliss الي هي كيما سبق وقلتلكم الاحسن على الاطلاق لكل انواع الشعر هذا من جهة ومن جهة واحد اخرى لازم تخيرو واحد من أحدث الاصدارات علاخاطر هذوما تقدري تخدمي بيهم شعرك سوا كان ناشف ولا مشمخ ..

وانا شخصيا نستعمل هذا

يتباع حوالي 4900 دج
وممكن تلقاوه اغلا شوية او ارخس على حساب المكان الي تشرو منو، وماتنساوش تتأكدو بلي صنع فرنسي،’

.. يتبع​

 

[hanane alg]

ودوك نروحوا ندرو شوية على الشعر كيرلي الي يتخدم بـ fer a friser ولا les bigoudis
ويختلفو فانو الاولى تمدلك نتيجة فورية ، والتانية لازم تصبري عليهم شوية او حتى اذا حبيتي باتي بيهم ، مبصح يتلاقاو في حاجة هي انو شعرك يخرج كيما كنتي حابة ،’


الـ Fer a friser خيرها احسن حاجة كيما قلنا دائما وابدا من ماركة Babyliss

وهذا هو الشكل ديالها

وتمدلك نتيجة تقريباً هكذا

اما Les bigoudis راهم متوفرين فـ جميع الاسواق وماشي غاليين بزاف وكاين منهم بزاف اححجام على حساب انتي كيفاش تحبي الخصل ديالك تكون

ورح يمدولك نتيجة مشابهة لهذي

مزال شوية ,,

 

[hanane alg]

وفـ الاخير حبيت نمدلكم بعض ليزاستوس والنصائح الي بيهم شعركم دايما يبقى هيلول:

اول حاجة مين داك الواحدة يكون شعرها متيري وانتيك مي كي تطول بيه شوية يتزيت ويولي يبان بلي ممشوط عندو بزاف ، ماشي هنا المشكل مي لبروبلام لوكان يجوك ضياف على غيلة وني في هذيك الحالة وماعندكش الوقت تغسليه وتعاوديه ، امالا نمدلك فكرة شابة واشنو غير يروحوو الضياف تروحي تجري تغسليه هههههه
الفكرة يا لبنات هي تحطي التالك تاع دراري الصغار ايوووه تاع الداراي الصغار

مكلاه تخزروا فيا هكداك بنص عين هههههههه ، تحطيه ع الفروة ومبعد تجوزي بالمشطة وتتأكدي بلي هذيك لبيوضية راحت.



ونصائح اخرين ضروريين لكل واحدة:
ماتنسايش تنشفي شعرك مور الدوش خاصة فـ الشتا باش ماتمرضيش بصح واشنو مين داك كي يكون الجو شباب خليه ينشف وحدو بعد ماتمسحيه بالفوطة وتتلقيه خاطكش هاذ الشي مليح ليه مرة على مرة.

مااتنسايش تان تحميه من اشعة الشمس والحرارة خاطكش هوما العدو اللدود ديال الشعر.


ومرة على مرة استعلي شامبوا طبي كيما alphactif (يدير 650دج) وشريه من الفارماسي باش شعرك دايما يبقى صحي.

وآخر حآجة اهتمي بالغذاء ديالك خاطكش هو اللي يخلي شعرك دايما قوي ، والتغذية الداخلية اهم من الخارجية .

تم بحمد الله،’
وان شاء الله نتلاقاو عن قريب في موضوع واحد آخر على عفسة واحد اخرى ،’
وماتنساونيش من صالح الدعاء بارك الله فيكم ،’

​

 

[hanane alg]

رآح ندير فقرة من عندي مآشي منقولة من صآحبة آلموضوع
رآح نحطلكم آلأآسئلة آلأيي سؤلوها ووآش جاوبتهم تآبعوني
​

 

[hanane alg]

بصح قوليلي ويلا كاش حاجة تطول الشعر؟
شوفي حنونة اذا حبيتي شعرك يطوال اولا لازم تكون الشعرة ديالك في حد ذاتها مؤنثة ماشي العكس علاخاطر كاين شعر مذكر يوصل الى طول معين ويحبس مهما درتيلو مايزيدش يطوال ، هذا من جهة ومن جهة واحد اخرى التغذية تكون غنية بالحديد علاخاطر النقص ديال هاذ لعنصر تخلي الشعر يطيح ، وآخر حاجة الي هي العوامل المساعدة مثل زيت الخروح الي تحطيه كـ حمام زيت لشعرك .
والله اعلم ،’



نتمنى نكون قدر نعاونك : )

 

[hanane alg]

انا سمعت بلي الحنة مليحة ودرتها زعما شريت وحدة بنية بصح خرجتلي كحلة بزاف
وديجا انا شعري يطيح بزااف وحبيت حاجة اللي تسقمهولي
مع العلم بابا راهو رايح لفرانسا واش رايك نقولو سجيبلي ليسور ماركة براون مليح ولالا؟؟
شوفي بالنسبة للحنة ماننصحكش كآمل تستعملي حنة غير طبيبعية ، بمعنى لازم تشريها من عند العطار ورق وتطحنيها وحدك فـ الدار يعني طبيعية ،’


وبالنسبة للـ ليسور مدام الوالد راه رايح لفرنسا ننصحك وبقوة بلامارك Babyliss على خاطر هي احسن واعرق ماركة للشعر وفرنسا هي البلد الاصلي ديالها، وهذا آخر مودال طرحاتو فـ الاسواق وهو يخدم بالبخار

Lisseur vapeur Ipro230 Steam




وهذوما تان هايليين

Lisseur Ipro230 ionic titanium

Lisseur Ipro230
شوفي كاين هذا تان جديد ، يليسي ويبوكلي يعني 2 في 1

ههههههه

Lisseur boucleur ipro230 iCurl

 

[Houda Chaouienne DZ]

merci khti hanan bezaaaf​

 

[الورد الأحمر]

مشكورة حنان لانتقالك هنا
معلوماتك مفيدة
راح يستفادو منها العضوات
يعطيك الصحة يا لاكوافوز تاعنا
سلامو
​

 

[hanane alg]

merci khti hanan bezaaaf​

آهلا بيك ختي وآذآ حبيتي كآش حاجة رآني هناآآ:shiny:
​

 

[hanane alg]

مشكورة حنان لانتقالك هنا
معلوماتك مفيدة
راح يستفادو منها العضوات
يعطيك الصحة يا لاكوافوز تاعنا
سلامو
​

عفوآ آختي نور هآذا وآجبي
مرسي ختي:shay:
​

​

 

[hanane alg]

حبيت تمديلنا أنواع الشامبو التي توالم الشعر المزيت

شوفي يا حنونة انا شعري تان دهني ونستعمل بزاف ليشومبوا ، يعني نبدل كل 3 اشهر مثلا علاخاطر الشومبوا كي يوالفو الشعر يولي مايمد حتى مفعول ، ومن بين ليشومبوا الي استعملتهم عندك نيفييا ، فركتوس ، شامبوا طبي تان كنت نستعمل لتساقط الشعر اسمو alphactif روووووعة ’،

شوفي نيفيا انا استعملت الوسطاني هااايل وكي ندير بروشينغ يخرج شعري فيه لمعة ’،



وهذا فركتوس متوفر بكثرة ويدير 180 دج تقريبا

وهذا alphactif

يتباع بـ 650 دج ، واشريه من الصيدلية اضمن ، ويجي معاه اللوسيون تان بـ 650 دج وحتى الحبوب ( مكمل غذائي ) وهذوما ماعلاباليش شحال يواسو علاخاطر ماشريتهمش ونستعملوهم غير في حالة تساقط الشعر الناتج عن خلل فـ التغذية ’،


وفـ الاخير نصيحة :
كل ماتروحي تشري شامبوا شوفي لادات ديالو والمصدر ’،

ان شاء الله نكون قدرت نعاونك
سلام ’،​

 

[hanane alg]

بالنسبة للشامبو راني نستخدم دوك alpha3 هو تان من la game de item
لكن أختاه أنا عندي مشكل وهو نحب بزاف نستخدم سيشوار و ندير بعد كل غسلة بروشينغ لروحي ونخاف نضرو
ماذا بيك تقولولي الطريقة الصحيحة لوحدة تدير بروشينغ وحدها باش متحرقوش و متخليهش يتساقط
ربي يخليك أختااااااااااااااه

شوفي يا لعزيزة la gamma item كآمل روووعة فوق الوصف ’،

اما البروشينغ انا تان ندير مور كل غسلة يعني تقريبآ كل يوم ، مي شوفي اول حآجة اشري سيروم ولا creme تصفيف الشعر راهم كاينيين بزاف انواع فـ السوق كيما magic بالبروفيتامينات ولا صانسيلك البرتقالي بزيت الزيتون ، راهم يديروا حوالي 200 دج مي كيما قلت مقبل شوفي دايما لادات والمصدر ’
كي تكملي الغسيل تاع شعرك نشفيه اقسميه الى قسمين ونشفي كل قسم وحدو بعد ماتكوني درتيلو السيروم ولا لاكرآم ولازم تكوني تنشفي وتمشي المشطة ديال السيشوار وكي تكملي ليسيه بالليسور (مكواة الشعر) راني حاطة ليمودال ’،
اما اذا ماعندكش الليسور عادي ديري بروشينغ نورمال وخلاص وكي تكملي ديريلو شوية كرام فالاطراف سورتو اذا كان شعرك جآف واشنو ماتكثريش بزآف ’،.

 

[hanane alg]

شكرا على الموضوع
أملك واحدا كهذا الذي في الصورة ولكني لا أعرف كيفية استخدام الشيء الدائري الذي معه :1:

الاخت اللي سقسات كيفاش تستعمل هاذيك العفسة الدائرية ، شوفي حنونة استعمليها عادي كيما السشوار واشنو دخليها في شعرك ، مي تحبي الصح هي ماشي افيكاس كااامل اذا حبيتي شعرك يتبوكلا مليح ويخرج شباب شوفي المشاركات دياولي اللولين رح يفيدوك ان شا الله ،’

 

[hanane alg]

وييين رآآكم؟؟
​

 

[hanane alg]

أنا عجبني هذا

بصح ميصلحش في شعري رطب فوق الحق لدرجة اني نكرهووووووو

مكان حتى حآجة ماتصلحش يا حنونة في وقتنا هذا ، شوفي مدام شعرك رطب شكليه بالحرارة ، يعني لازم تخدمي بالـ fer a friser ولا تديري les bigoudis بصح قبلها ديري la mousse a friser , وماتنحيشهممش بالخف باتي بيهم مثلا وزيدي قبل ماتنحيهم ديريلهم سيشوار ملفوق شوية باش الحرارة تخليهم يشدو لافورم، واستعملي كاش مثبت للشعر من نوعية معروفة ومليحة وان شاء الله تعجبك النتيجة

 

[hanane alg]

يعطيك الصحة اختي

و الله استفدت بزاف من نصايحك و ربي يخليك لينا ان شاء الله

حبيت نسقيك على les bigoudis

مشكلتي ما نعرفش نديرهم مليح

و تاني كيما ندير l friser ما يشدليش بزاف

كيفاش الحل ؟؟

الله يسلمك حنونة ، المهم كي تستفادو هذاك هو الصح : )


بالنسبة لـ لفريزي الي مايحكملكش بزاف راني جاوبت عليه فـ المشاركة الي فاتت ، اما طريقة استعال les bigoudis هايليك في هاذ الرابط (طريقة استعمال les bigouds ) ان شاء الله تستفادي ’،

دمتم بود ’’​

 

[hanane alg]

اختي سؤالي هل هناك فرق بين les bigoudis و lles rouleaux de cheveux

شوفي هو مكاش فرق بزاف كبير بيناتهم واشنو les bigoudis تقدري ترقدي بيهم مثلاً ومايجينيوكش بزاف ماشي كيما les rouleaux يابسين ’،

 

[الورد الأحمر]

يعطيك الصحة حنان راكي قايمة بالدعوة
مشكووورة
​