نتعارفو قبل ولا بعد

[bilal22]

هههههه
قالك العود لي تحقرو يعميك...حل عينك مالا


نحل عيني وباه تعميها ولا هههه

​

ياو صايي انا مدولي السكنة لهنا
منا مانتحركش حتى يرقد الغاشي ههه

ياو السكنه هنا مي المباته في لكرطون والتخربيش ممنوع

​

وش من مدرسه قريتي فيها يا بنيتي

 

[بنـ MaPa ـت]

وش من مدرسه قريتي فيها يا بنيتي

مدرسة نحو الامية هههه
​

 

[kazawa]

اصلا الخظبة للتعارف مي وفق الحدود
مرسي على الموضوع

 

[bilal22]

مدرسة نحو الامية هههه
​

روحي مالا راكي في لمسار الصحيح كملي برك

 

[بنـ MaPa ـت]

حالياً الأعضاء النشيطين الذين يشاهدون هذا الموضوع : 18 (13 عضو و 5 ضيف) ‏sendrine, ‏نسيم الربيع, ‏نقاء الروح, ‏bilal22+, ‏imad-algerie, ‏جزائرية للابد18, ‏حياة النفوس, ‏kazawa, ‏NeيRسNe+, ‏سي فلان مول الكوستيم+, ‏sam_houssem, ‏touffik+, ‏فؤاد الورقلي

بصح يا بلال تقول عيطتلهم يخلصو هههه

قربو مرحبا

​

 

[NeيRسNe]

السلام عليكم ورحمة الله تعالى وبركاته

صح راها كاينة هادي تاع نتعرفوااا من بعد نشوفو ادا نتوالمو و لا لا

هي مرحلة الخطوبة علاش ندارت خويا بلال ؟؟؟؟باش يتعرفوا على بعضاهم مي الخوف ادا ماتفاهموش في هاد الفترة علابيها يخمو يتعرفواا قبل ماتصرا اي خطوة رسمية باش يسلمو من القيل و القال
وكاين لي مايكونش الغرض و الهدف تاعه قاع الخطبة يكدب على البنت يقوللها باغي نخطبك نتعرفوااا
يهدرووو ويدور بيها فالزنق ومن بعد يقوللها مانديش وحدة تخرج مع الغاشي
مي درك راها كاينة يعني خويا بلال ماتقدرش تتزوج بشخص ماتعرفهش وماتعرفش كيفاه يخمم
يعني ممكن يكون على الاقل حديث عن طريق الهاتف لا اكثر و بحدود مسموحة الغرض منها الحلال واذا كتب ربي هداك هو
هكا راه التفكير درك
ممكن هكا او على الاقل يجي يشوف اهلها يعرف عن نفسه احسن من انو يعرف عن نفسه فالشارع
اذا عندك تعقيب قوله

​

مالا هادا قصده ماشي الحلال كان قصده الحلال يقصد الدار ويعرفهم على روحه
​

مالا لتجنب التعارف الفاميليا يديرو زيتهم في دقيقهم ويتوكلو على ربي كل واحد يعرف عقلية لاخر مين كيما هكا
ها وكلشي بالمكتوب
​

ايوا كيما دارو ماسلكوش عههههههه
شوف بلال هي فالشرع ماكانش هادي تاع التعارف مي الزمان وهاد الدنيا ماتعرف واش مخبيتلك تخاف طيح في ولد الحرام او بنت حرام
مي قادر طيح في واحد مش ولد فاميليا مي البنت المتخلقة و المدينة تقدر تغيره وترده الى الطريق المستقيم هادي تاني ماننسوهاش
او العكس
​

اوك نوع لي انا نفكر فيه
شوف خويا انا نعارض الفكرة تاع التعارف فالشارع وحتى الهاتف مانأيدهاش
الا اذا كان التعارف في حدود المعقول يعني احترام من بعيد لبعيد ها قول عليا معقدة مي هكا الاصول
لاني ندرك تماما عواقبها او بالاحرى انا تخمامي بلي عندنا دار و عندنا عنوان وعندي والدين يعني لي يتعرف يجي لدار يسأل اهلي ويعرف بروحه ونسقسو عليه اذا كانت موافقة مبدئية ممكن يكون كلام حول تبادل الافكار وتعارف
الى ان تتم الموافقة الرسمية لي هي الخطبة
شكراااا خويا بلال على الموضوع المعهم
​

يا خويا بلال علاه كي يجي عند اهلي واش راح يعرف مجرد خطوة تكون صادقة منه وباش يبين صدق نيته واش راه قاصد
وادا فكر فيها مقصلة كيما راك تقول الباب يفوت جمل يدور على لي يعدمه في جيها اخرا هههه
​

بلال خويا واش احسن انو يكون عند الاهل وعرفها بطريقة محترمة ومن بعد قالها كنت نتمنى مي ربي ماكتبش
او يخرج بيها فالزنق ومن بعد يقولك ماشي مكتبة هنا الطامة الكبرى يعني فضحها و جرجر بيها وكلام الناس مايرحم
امالا يدير نفسه مكان لي يجي يخطب خته
باش يفهم
مالا هادي زعاقة يجي يقوللها راكي عاجبتني مديلي النيميرو و راني قاصد الخير ومن بعد يقوللها ماعجبتينيش ايا كيفاه عجباتك فالاول
شوف بلال ادا قعدنا نخمو هكا حتى حاجة ماتعجبنا خاطرش الانسان يتغير حسب الظرف
وقادر الانسان يتغير من اجل انسان اخر يعني ماغاديش يقصد الحلال باش يهرب
امالا عند الاهل غير من الباب احسن
​

السلام عليكم خويا بلال واش هادا خويا صاييي بدينا نتفلسفوااا
الموضوع هادا مايكملش وتاني حساس يعني كلما هو يتعلق بيه
راك جيتلي لنقطة وحدخرة ونا ادا زدت معاك هنا راح مانكملوش
واش نقولك كلشي بالمكتوب
يعني لي فيها الخير ربي يجيبها
يعني تعرف ادا بغا ربي صحا مابغاش ربي هداك هو
قلوب تريد ورب يشاء
خهويا بلال التعارف مليح روح تتعرف احسن ههههههه
انا ماقلتلكش التعارف ماشي مليح لانو الزمن لي رانا فيه يحتم عليك هدا
و عسا ان تكرهوا شيئا وهو خير لكم

كيف ما درت ماقنعتكش ايا مالا ربي يهديهم وربي يستر
ايا يتعارفو ولا ينتخضو انا شادخلني

ايا فيها البراكة خويا بلال بزااااف ههههههههههه
الى اللقاء i-o:
​

 

[بنـ MaPa ـت]

روحي مالا راكي في لمسار الصحيح كملي برك

وديت 10/10 في جدول الضرب هههه
عس روحك برك لا ندير فيك 10 :shiny:
​

 

[الطيب الجزائري84]

السبب الوحيد لهذا الحضور هو انو كامل رانا على شفى حفرة من هذا الموضوع خخخ الموضوع جا في وقت ...سلامي

 

[مفآهيمـ الخجل]

بلال وين راحت شريكتي ؟؟؟ وش درتلها

خليتني حتى رحت و حــgــرتها

و الله ما تحشم

 

[نيهال]

تبانلي الكل راه متحير في هاد الموضوع على خاطر كلا الاختيارات (الزواج التقليدي والعصري هه) فيها سلبيات وايجابيات
على هادي مانقدر نقول غير كل شي بالمكتوب وربي يقدم لي فيه الخير
وشكرا على الموضوع

 

[Houda Chaouienne DZ]

السلام عليكم اخي
هذا الموضوع شائك جدااا
اذا التعارف قبل رح يكون فيه مشاكل تاع سمعة و غيرها
و اذا التعارف بعد
يكونو كي شغل محتمين على بعضاهم و قادر تصرا مشاكل بزاف بعد الزواج
شكرا لك اخي على الموضوع
ربي يقدر الخير إن شاء الله​

 

[Gynecologue]

هاو لازم تشوف و تقلب يا بلال

نخاف تتحشالي وحدة عقونة ولا الطوى معاود

هههههههههههههههه


​

 

[بنـ MaPa ـت]

بلال وين راحت شريكتي ؟؟؟ وش درتلها

خليتني حتى رحت و حــgــرتها

و الله ما تحشم

بعتني نشريلو البيض برك هههه
​

 

[bilal22]

اصلا الخظبة للتعارف مي وفق الحدود
مرسي على الموضوع

حنا نحكو قبل الخطبه
شكرا لك

حالياً الأعضاء النشيطين الذين يشاهدون هذا الموضوع : 18 (13 عضو و 5 ضيف) ‏sendrine, ‏نسيم الربيع, ‏نقاء الروح, ‏bilal22+, ‏imad-algerie, ‏جزائرية للابد18, ‏حياة النفوس, ‏kazawa, ‏neيrسne+, ‏سي فلان مول الكوستيم+, ‏sam_houssem, ‏touffik+, ‏فؤاد الورقلي

بصح يا بلال تقول عيطتلهم يخلصو هههه

قربو مرحبا

​

ياو راهم معروضين مش يخلصو اخطيهم نتي برك ههه

ايا فيها البراكة خويا بلال بزااااف ههههههههههه
الى اللقاء i-o:
​

هيه راكي هرفتي بما فيه لكفايه هههه

 

[bilal22]

وديت 10/10 في جدول الضرب هههه
عس روحك برك لا ندير فيك 10 :shiny:
​

باين عليك طيرتيهالهم كامل هههه

السبب الوحيد لهذا الحضور هو انو كامل رانا على شفى حفرة من هذا الموضوع خخخ الموضوع جا في وقت ...سلامي

ياي لا حفره لا والو غاشي يحب التقرعيج برك هههه

بلال وين راحت شريكتي ؟؟؟ وش درتلها

خليتني حتى رحت و حــgــرتها

و الله ما تحشم

ههههههههههه تحوسي ندورهالك قوه نتي وهي ولي مواليكم ولاهههه

تبانلي الكل راه متحير في هاد الموضوع على خاطر كلا الاختيارات (الزواج التقليدي والعصري هه) فيها سلبيات وايجابيات
على هادي مانقدر نقول غير كل شي بالمكتوب وربي يقدم لي فيه الخير
وشكرا على الموضوع

ههههههههه صحيتي لانك تفطنتي بلي في زوج فيهم وعليهم يعني مش راح تفرا هكا ولا هكا
مالا خليها علا ربي ولي جابها مرحبا ههه
شكرا لك

 

[bilal22]

السلام عليكم اخي
هذا الموضوع شائك جدااا
اذا التعارف قبل رح يكون فيه مشاكل تاع سمعة و غيرها
و اذا التعارف بعد
يكونو كي شغل محتمين على بعضاهم و قادر تصرا مشاكل بزاف بعد الزواج
شكرا لك اخي على الموضوع
ربي يقدر الخير إن شاء الله​

هههههههههههه والحل هكا ولا هكا هههه
شكرا لك ختي نورتي

هاو لازم تشوف و تقلب يا بلال

نخاف تتحشالي وحدة عقونة ولا الطوى معاود

هههههههههههههههه


​

هيه وما تدري بلاك راهي نيلو برك مش دروجين هههه

بعتني نشريلو البيض برك هههه
​

كي تجي ونتفاهمو ههه

 

[beautiful -soul]

مساء الخير......
في رايي انا التعارف قبل الخطبة
علا خاطر رجعنا نسمعو حكايات و حكايات...!!!
تزوج بواحد ماتعرفوش من قبل
بعد يامات و اسابيع من الزواج تلقاه يا يشرب في الدوا انتاع المهابل
يا عندو مرض يموت و يخليها...يا...يا....( )
...
هذا رايي انا..
..شكرا على الموضوع خويا
تقبل تحياتي...
سلام!! :re_gards:

​

 

[bilal22]

مساء الخير......
في رايي انا التعارف قبل الخطبة
علا خاطر رجعنا نسمعو حكايات و حكايات...!!!
تزوج بواحد ماتعرفوش من قبل
بعد يامات و اسابيع من الزواج تلقاه يا يشرب في الدوا انتاع المهابل
يا عندو مرض يموت و يخليها...يا...يا....( )
...
هذا رايي انا..
..شكرا على الموضوع خويا
تقبل تحياتي...
سلام!! :re_gards:

​

هههههههههههه علاه مسيكين لحقتوه حتى يشرب دوا هههه
حتى انا مع لفكره هاذي لان الامور تغيرت ولمفاهيم تاني
بصح مشكل نبقاو نجربو تى نلقاو ولا كفاه ههه

شكرا لك ورايك علا العين والراس

 

[beautiful -soul]

هههههههههههه علاه مسيكين لحقتوه حتى يشرب دوا هههه
حتى انا مع لفكره هاذي لان الامور تغيرت ولمفاهيم تاني
بصح مشكل نبقاو نجربو تى نلقاو ولا كفاه ههه

شكرا لك ورايك علا العين والراس

لافير انتاع يشرب في الدوا صرات انتاع الصح
...مسكينة توخدت (ربي يكون معاها)
يا خويا جرب كيما gاع الناس راهي تجرب
بالاك طيح في الراس الصحيح ههههههههههههه
...:shiny:
سلام!!
​

 

[manita_a]

و عليكم السلام و رحمة الله

اهلا بيك بيلال
انا نشوف و الله اعلم زعما اني طبيبة مممم _o:
الواحد يتعرف بوحدة يخطبها و ممبعد في هاذيك الفترة مابين الخطبة و الزواج يتعرف عليها و على تخمامها :sheer:
بصح الهدرة بزاف تادي الى مالايحمد عقباه هههههه i-o:
مرسي على ميضوعك البهيون الزين المكرفس كيما انت هههههه​

:showoff: