العرى في فايسبوك ... و من بعد يقلك اكسيبتيني !!!

[chemssou007]

خاوة خاوة يا ناسـ
العنو الشيطانـ​

 

[mira_miral]

كل واحد و رأي و نضرتو في هذي الدنيا و الإنسان ملزمش يضخم الأمور هذي مجرد صور ملزمش ندخلو فيها لحلال و الحرام و و نتمنى نفوتو الموضوع و ننساوه

 

[nina bonoise]

انا الحق وليت قبل منكسابتيهم نسقسي شكون هما مبعد باه ناكسبتي و لي نكسبتيه اليوم غدوة نلقاه داير الشي لي ميعجبش نفاصيه يجيني من عندوا ميساج يقولي وعلاه ؟ vraiment عجب

 

[احلامdz]

الناس راحتلهم النخوة والشهامة والغيرة على عائلتهم وبناتهم الناس ولات با قلوب وبلا كرامة حاشى البعض الفيس بوك هاداك كل مصيبة تلقايه في الوسط هو راس لمحاين طبعا لي يعبدوه رجعوه هكا :cra_zy: عندي اكره شي ندخل ليه وزيد تع الصح ذوك les photos تع البنات حسبتي روحك شابة وكلشي استري روحك مشي كامل العالم يشوف خلقك انشالله ربي يستر علينا وعلى ولاد الفاميليا لي مبقاتلهمش معيشة وسط الذل وغياب الضمير ربي يستر اسفة على الاطالة شكرا لك على الموضوع

 

[مسامعية]

انا وحدة من الناس الفيس بوك بلوكيتو باسكو ولى جياح xجياح و كيما قالولي دك ولى لي ماعندوش فايسبوك بحكم الميت و ماارهش عايش
يعني اتخيلو الفيس بوك الى اي درجة راه ماثر في العباد و مع هذا كاين ناس مشاء الله عليهم مالقري واش فيه الفيس بوك مازالهم هوما هوما و ماشي الريح لي جات تديهم و من اتباع قوم تبع

 

[dida007]

السلام عليكم
واش احوالك خويا محمد

واش انقلك والله غير رانا كامل انعانيو من هذا المشكل
انا وليت مانقدرش انشوف الباجة انتاعي في الدار
يلزم انروح للسيبار والبارح بديد انصفي في هذوا الناس
نحيتهم كامل
والله مرات تعرف انسان وتندم
ربي يبقي الستر
​

 

[M!ss_f@ti]

أنا صراحة راني هايبة هاذ الفايس بووك ,, مزال لليوم ماأنسكريتش ):

المهم الواحد لازم يعرف كيفاش يميز °_°

مشكور أخي ~~||

 

[aicha02]

والله غير صح كاين منها الفيس بوك راه يبريزي gvh

 

[الشلفي02]

و الله غي عندك الصح ياخويا راهم كيمة قالو ناس بكري لا حشمة لا وجه يعرق
الله يهدي ماخلق
قولو أمين

 

[fofabriyanka]

الحمد لله منعرفوش facebook مسمحليش خويا و عندو الحق كوارث ...منعرفوش نستعملوه اخترعوه الغرب خاطراش عندهم عادي العيب وحنا رانا مسلمين كاين فرق
​

 

[fofabriyanka]

انا الحمد لله منعرفوش facebook خاطينى و jamais نفكر ندخلو احنا نعرفو غير نقلدو الغرب facebook اخترعوه الغرب parceque عندهم عادى لفضايح ماش حنا عندنا عيب مسلمين

 

[dana1993]

السلام عليكم

وي ظاهرة صح كاين منها و منتاشرة بزاف

صحج القايس مكاش مراقبين...مي كل واحد عليه مراقب كبير...فوقنا كامل

ميخافش يموت....و تقعد هاديك ليوفوطو......

يحسبو كلشي لعب...و الدنيا ماشي فانية

...غدا لا ينفع الندم

سلام

​

 

[TeNtOuNa]

والله مانعرف الفايسبوك هادا بصح شفت جارتنا متحجبة وحاطا التصاور تاعها وهي سيفيليزي وماش غير هك (خلي ما نهدرش) وكي قوتلها حرام نحيهم وكون واحد يديهم قالتلي هادي لاباج مخليتها غير لصحاباتي والي نعرفهم مليح
انا قلت لماما وماما قالت لامها ضربتها ونحاتلها الميكرو وولات تعسها نسات شوية وعاودت رجعت لعادتها
بالمختصر المفيد الي يحط تصويرتو للي يسوى والي ما يسواش يتفرج عليها ماهوش عبد
وكابابل يحط اكتر من هاكداك
​

 

[iméne09]

الله يبقي الستر هدا واش نقدرو نقولو الله غالب عباد ماتحشمش مافهمتش واش من فايدة تاعها كي دير دي توف هكدا تبهديلة مي بروبلام مع من تهدر كلامك لويز يا خو مي لا حياة لمن تنادي كون دخل روحك فيهم تحصل معاهم بارسكو لقاو راحتهم مكانش لي يحاسبهم نساو بلي كاين لي يعسهم الله يهدي ماخلق
يعطيك صحيحتك ع ســــuــجي هايل​

 

[GI Joe]

il faut tt simplement savoir choisir ces amis !!!!
​

 

[yasmine_1993]

ايه صح كاينة الله يهديهم ماكفاش واشراه صاير برا كملوها بالفايسبوك ياخي حالة

 

[ensam]

يقول المثل ... إذا حبيت تخسرني ... إنصحني
للأسف هذي هي الحقيقة في الواقع و واش فهمتوا من بعض التدخلات ...
ملل .. ضجر .. إستهزاء و سخرية ممن يقدم النصيحة
و إليكم بعض المقاطع ههههه :shiny: تحير صح
​

حشى لله عندك تغلطي ختي
انا ماستهزيتش بكلام ربي و الله لاتوصلي لانستهزا
و راني نهدر على كلمة ذهب الحياء الي راهي في الشعر الي حطيتيه
و كبريائي ماتجرحوش حاجة كيما هاذي اسمحيلي ​

زعفت من كلمة راح الحيا هدا ماكان ؟؟؟ :sadwalk:

اختي اول حاجة انا ماقتلهاش ماتنصحيش
مي الاخت العزيزة قوت القلوب قاتلك اني نحس بلي ام يستهزاو بالموضوع كي ردو عليه
اختي رانا كبار و نفهمو ملييييييح وش معناها وحدة تستحيي و نعرفو ثاني الصورة الي مش مليحة و الي مليحة
و زيد اذا كانت صورتي مش عاجبتكم كاين تنبيه بالاحمر الفوق يقولك بلي يمنع اي صورة مخالفة لقوانين المنتدى و المنتدى نعرفوه و نعرفو قوانينو و كون جات مش من الحياء كون راني banned
في الاخير كل واحد و رايو بصح كاين ثقافة الانتقاد​

ما شكيت بلي نتي كبيرة :santa_1: باسكو الكبير عمرو ما يتجادل في امر باين ... و بكل صراحة الصورة تعبر عن صاحبها و نتي معجبة بالفتاة اللي تدخن راكي عاملة اشهار كامل ... اما على ثقافة الانتقاد _o: سمعتها أول مرة ربما قصدك النقاش ... النقاش يكون في امور الغير مرتبطة بالشرع فالشرع يتناقشو فيه أهل العلم ...
​

بلعقل برك ختيتو ماتتقلقيش
انا مانيش نقولك اعطيني رايك في تصويرتي بسك انا عاجبتني و درتها و كلواحدو شخصيتو
مي كيما قتلك لازم الواحد يكون عندو فن و ثقافة الانتقاد مش يلوح برك ​

ايه تعجبك الطفلة اللي تتكيف الدخان :sheer: الله يبقي الستر هدا ما نقولو ... اذا تسمي هدي ثقافة :scared: ....

طريقة تفكير هدي المشتركة راهي بدات تتفشى بزاف في المجتمع ... نقولو الله يسقم احوال أبنائنا و كامل هدا الشي جاي من من الغرب ...
​

 

[salma2010]

الله يهديهم وهذا نتاج التربية الغير صالحة

 

[programmeur]

يا والله مرات نحير
لوكان تصيب بنت اقوللها خليلي la photo ديالك تقولك لا لا وقعد تكبر في داك الوجه
و من بعد تروح للفيس بوك هدا تصيب 1000000 صورة و عندها نورمال
ويا لوكان غير تصاور ملاح سيوا غيرالعرى
اليهودي اللي قنع البنات باش يحطو التصاويرهم في السيت تاعه والله غير نستعرف بيه بغض النظر عن دينه

 

[عبدو 29]

نتمنى أن يستغل الفيس بوك فيا التواصل الإيجابي
​