هكذا يهان الأستاذ ........ ربي يهدي والا يدي

[mimi-ba]

السلام عليكم

درت هدا الموضوع باه ننحي شويا الغش وتشوفو كيفاه ولاو يعاملو الاستاذ ......

ماما العزيزة: أستاذة تقري في الثاناوية عندنا الناظر تاعنا خبيث حاشاكم و اسمحولي لانو هدا هو الوصف لي يليق بيه لأنو مزوج وعندو بلاك 5 ولاد والا كتر

المهم عجبتو وحدة مش مربية خلاااااس وتقرا عند ماما وتعاركت مع ماما كتر من مرة
جابت في الثلاثي الأول 7 والتاني 8 وجات ليه تخيلو بعد ماكملنا القراية و هزينا العطلة راحت لعندو من ال8 تاع الصباح حتى لل12 ؟!! وهوما يحكيو في البيرو وواحد ماتدخل فيهم
المهم قاتلو نحب ننجح بالسيف جا السيد لماما وقاللها نحبها تنجح كون تخلا ويدوبليو الناس بكل المهم هي تنجح
ماما بيانسير قاتلو لالا قاتلو كيما ننجحها هي وعلاه ال21 عبد الي عاود معاها ماينجحوش والا هي لخاطر طايرة تنجح والي مربيين وحاكمين قدرهم ماينجحوش؟؟!!
المهم تغشش هو ومانجحتش الطفلة هذي
ماما كملت حسبت المعدلات و خلصت ومدت الورق للادارة و خلاااس
واش دار هدا الناظر وجه الهم راح عاودلها حساباتها كاااااااااامل و لقاها غالطة لطفلة هي نورمالمون 9.11 وحطتهالها 10.11
الناس كل تغلط هو السيد قالك لالا وراح قال للمدير و هي من بكري والمدير مايتفاهموش لأنها تقري في بنتو وماحبتش تعاونها المهم جا الهم هدا الي ماش مربي و ماعندوش جنس التربية يسبلي أمي أغلى حاجة ؟؟!! جا دخل في نص الاساتذة وقاللهم عندنا في الثاناوية اساتذة أنذال يستعملو الغش باه ينجحو الناس ؟؟؟؟؟؟؟؟؟؟

نورمالمون مايديرش هكا أول حاجة لانها اكبر منو في العمر وزيد عندها 31 عام وهي في التعليم واش رايكم في انسان حقير زي هكا؟؟ أنا راح نهبل وزيد نعرف بزاااف حوايج على بناتو في الثاناوية وكون نهدر ممكن يتفضح ويولي مايقدرش يهز راسو تماك مي أنا حابة ندير بأصلي وربايتي ومش حابة ندير لعبد كتر عليا جاست كيما هكا

حسبي الله ونعم الوكيل فيه برك

هكا ولاو الاساتذة يتعاملو ياخي كاد المعلم ان يكون رسولا
على جال طفلة ماتسواش يديرلها هكا؟
والله العلي العظيم ومانزيد عليكم بكلمة لوكان تجيو عندنا للحمامات وتسقسيو عالاستاذة الحاجة تعرفو وحدكم واش يحبوها هنا وواش يقدروها و سمعتها هنا كيفاه
نخليكم كملو أنتم أنا طولت الهدرة وراني راح نطرشق بالغش منو و قولولي برك رايكم في أستاذ آخر زمان ؟؟!!

لأنو ممكن في اي لحظة نفضحو وأنا مش حابة ندير هكا
​

 

[دمعة اشتياق]

أوووووووو هادي بزاف
واش هبل هدا ولا واش ؟؟
خليه ربي خير فيه ان شاء الله ربي يخلص فيه

 

[sissi-jijlya]

يا لطييييف ربي يحفضنا كامل الأستذة ديانا لعزاز و يبعد هاد الشعب المبوري
شكرا على الموضوع

 

[Estrella]

​

لله لا تربحو دنيا واخرة
يااااااا لطيف منهم
بصح معليش كاين ربي يخلص فيهم
متقلقيش روحك ختي الي خلق ما يضيع
وربي وكيل كل واحد داير كيفهم
شكرا على الموضوع
وتحياتي لكي ولامك

 

[ALEXIS SANCHEZ]

لوكان بعثتولو واحد من لافامي تاعكم يكون حاااااار يربيه
​

 

[خفيف الروح]

شوفي امك تستاهل كل التقدير والاحترام

وتحية اجلال لها بلغبلها احترامتي الكاملة

اللي يخدم في التعليم 30 سنة شوف كم اجيال اتخرجوا على يديه؟

وفي لحظة يهان بسبب جرثومة ما تصلحش

والمليح والطيب رااه معروف عند الناس اكل

ما تضروش هذا التفاهات والكل ايصدقوه كي يتكلم معاهم

اما الناظر والمدير هذيك شركة بايرة

ورايح يتفضحوا بربي اليوم ولا غدو

ربي يمهل ...ولا يهمل

تحيات وسلامات ليكم.
​

 

[جزائرية للابد18]

واش تقولي يا اختي ميمي انت وامك الاستاذة الفاضلة غير حسبي الله ونعم الوكيل تحية مني ليك وتحية تقدير للوالدة العزيزة هذا ماشي ناظر وانما المكان الاصح له هو السوق مكان تعليمي وراح حاجة مابقات تصلح في هادي الدنيا ربي يعافيبنا ويحمينا

 

[الحق سلاحي]

وش راح اديري هكدا عباد نوكلوا عليهم ربي

 

[l'espoire.h]

من حفرة حفرة لأخيه وقع فيها، هدا يجي نهار وين يفيقو بيه gاع الناس و ما يلقاش وين يحط راسه، غير اصبري و درك تشوفي
​

 

[روز]

جا دخل في نص الاساتذة وقاللهم عندنا في الثانوية اساتذة أنذال يستعملو الغش باه ينجحو الناس ؟؟؟؟؟؟؟؟؟؟

أوووو هادي كبيييرة نورمالمون يتربى على كلمة كما هادي
ولات نذلة !!!

كن جيت في بلاصة يماك نحرقو في المدرسة كامل ونكشفو
ونرميلهم الاستقالة في وجهو ووجوه لي صدقوه
ربي يعين الوالدة نتاعك

 

[mimi-ba]

أوووووووو هادي بزاف
واش هبل هدا ولا واش ؟؟
خليه ربي خير فيه ان شاء الله ربي يخلص فيه

اييه ياختي واش نقولك آه يالوكان يطيح في يدي برك والله غير يشوف ومش راح تروحلو بالساهل
ربي يخليك ويحفظك شكراا​

يا لطييييف ربي يحفضنا كامل الأستذة ديانا لعزاز و يبعد هاد الشعب المبوري
شكرا على الموضوع

آمين أختي العزيزة ربي يهدي برك
ألف شكر ليك ربي يحفظك​

لله لا تربحو دنيا واخرة
يااااااا لطيف منهم
بصح معليش كاين ربي يخلص فيهم
متقلقيش روحك ختي الي خلق ما يضيع
وربي وكيل كل واحد داير كيفهم
شكرا على الموضوع
وتحياتي لكي ولامك

ألف شكر أختي الغالية ربي يخليك
و ربي ماينساش عبدو وهو معليش يجي النهار ويشوف
شكرااااا
​

 

[الجريئة]

لا حول ولا قوة الا بالله

 

[mimi-ba]

لوكان بعثتولو واحد من لافامي تاعكم يكون حاااااار يربيه​

اييه واش نقولك علابالك للضرك دارنا مازال ماعلابالهم والله ويفيقو تخلا عليه المدير هذا ماما ماحبتش المشاكل وزيد أصلا ماما راهي رافضة ترجع للثاناوية حتى يديرلها اعتذار رسمي قدام الي يخدمو في الثاناوية كاااااامل
شكراااااااااااا على المرور​

 

[loca]

جيت متاخرة شويا معليش
آآهآآآ واش هدا خساراةا اعاليه هاد حلوف ماله تخلع ولا بصح لي يقول كلمة الصح دروك ولا يجي مع الحق يديروله هكا راها ماشية هاد عقلية وهدا يغير منها والله 31سنة في تعليم الله يبرك راهم فاتو عليها اجيال واجيال وهدا مزاله يتبع في بناتو بصح حنا نلومو هاد رخيسة لي تسبت في هاد هدرة لماماك
متفضحي بناتو متحاجة زعما نس لخرين ماشي يشوفو فيهم ؟
ربي يهديه ولي يبغيه ربي يخرجلو ولادو صالحين هو شكون لي صالح فيهم ؟ مالا غي هادي تكفيه
متزعفيش روحك غي شجرة لي فييها ثمار يقايسوها ناس
يعني وكان مشافوش ماماك مولات حق ميحكي معاها بقلة ادب ولي ميحترمش ستاذة معاه هو اصلا ماشي محترم
دتي ختو ​

 

[mimi-ba]

شوفي امك تستاهل كل التقدير والاحترام​

وتحية اجلال لها بلغبلها احترامتي الكاملة​

اللي يخدم في التعليم 30 سنة شوف كم اجيال اتخرجوا على يديه؟​

وفي لحظة يهان بسبب جرثومة ما تصلحش​

والمليح والطيب رااه معروف عند الناس اكل​

ما تضروش هذا التفاهات والكل ايصدقوه كي يتكلم معاهم​

اما الناظر والمدير هذيك شركة بايرة ​

ورايح يتفضحوا بربي اليوم ولا غدو ​

ربي يمهل ...ولا يهمل​

تحيات وسلامات ليكم.​

ألف شكر أخي كلامك رائع صراحة و يشرفنا بزاااااف
وزيد حنا عندنا ثاناوية وحدة برك يعني لي يسكنو عندنا كامل سير راهم فاتو على ماما وقراتهم
ايه الناظر تاعنا عندو اسبقيات والناس بكل تعرفو
والله كون تسمع عليه تحير لكان كاين عبد هكا
ربي يخليك ويحفظك وألف شكر عالمرور

واش تقولي يا اختي ميمي انت وامك الاستاذة الفاضلة غير حسبي الله ونعم الوكيل تحية مني ليك وتحية تقدير للوالدة العزيزة هذا ماشي ناظر وانما المكان الاصح له هو السوق مكان تعليمي وراح حاجة مابقات تصلح في هادي الدنيا ربي يعافيبنا ويحمينا

ربي يخليك أختي
آمين يا ربي
نورمالمون حثالة زي هكا ينحيوهم من المجتمع
واش راح نديرو حنا
محكومين من اليد لي توجع
ألفف شكر أختي عالمرور

 

[مروة 95]

و الله بزااااااااف عليها امك أختي لعزيزة
هوما هكا يديرو
و في كل بلاصــــــــة مش غير عنكم

المهم
انتي ديري بأصلك برك
و امك ماعليها غير تصبر عليه د
توكل عليه ربي
أو يجي نهار و كلش يتفضح


سلامي لك و للوالدة ​

 

[INATA LOTUS]

hakda el zman teklab wellaw y3amlou al assatidabel bob za3ma machi houma elli 3almouhoum w y3allmou wladhoum f la venir rabbi hdihoum kamel

 

[mira bey]

ايييييييييه يا تعليم راح مابقاش في دزاير عادو يطلعو غير بالبيسطو والاستاذ لي يكون يمشي في الطريق المستقيم ويخدم بالضمير يولي ماشي مليح و يهينوه في ليكول
ختي متقلقوش رواحكم يجي نهار و وين يتفضحو في 2 مدير و ناظر

 

[mimi-ba]

وش راح اديري هكدا عباد نوكلوا عليهم ربي

هدا ماكان صح
ربي وكيلهم
ألف شكر على المرور​

من حفرة حفرة لأخيه وقع فيها، هدا يجي نهار وين يفيقو بيه gاع الناس و ما يلقاش وين يحط راسه، غير اصبري و درك تشوفي​

صح الدنيا تدور و مش راح يمنع
يعطيك الصحة والف شكر على المرور​

 

[hannsg]

لله في خلقه شؤون !
مي كاين ربي اختي و يحي نهاره
لازم يتربى و يعتذر العبد هادا