هكذا يهان الأستاذ ........ ربي يهدي والا يدي

[DARINE05]

يا لاطيف هذاك الزمان لي رانا فيه ربي يستر

 

[امين المحارب]

السلام عليكم


هدا لازملتو طريحة هههههههههه ايه كاين بزاف كيما هو


ربي مع الحق ما تخافيش

 

[mimi-ba]

أوووو هادي كبيييرة نورمالمون يتربى على كلمة كما هادي
ولات نذلة !!!

كن جيت في بلاصة يماك نحرقو في المدرسة كامل ونكشفو
ونرميلهم الاستقالة في وجهو ووجوه لي صدقوه
ربي يعين الوالدة نتاعك

اييه يا ختي ماما تاني مش راح ترجع الا اذا قدملها اعتذار رسمي
هي تقدر تشكي بيه ومايعيى عند باب الجامع يطلب
هو حاطها حاجة ساهلة وزيد الاساتذة الي معاها كامل شاهدين ليها
ألف شكر يا اختي عالمرور الراااائع​

لا حول ولا قوة الا بالله

شكرا جزيلا ليك اختي​

 

[mimi-ba]

جيت متاخرة شويا معليش
مرحبا بيك سوسة في أي وقت تنورينا
آآهآآآ واش هدا خساراةا اعاليه هاد حلوف ماله تخلع ولا بصح لي يقول كلمة الصح دروك ولا يجي مع الحق يديروله هكا راها ماشية هاد عقلية وهدا يغير منها والله 31سنة في تعليم الله يبرك راهم فاتو عليها اجيال واجيال وهدا مزاله يتبع في بناتو بصح حنا نلومو هاد رخيسة لي تسبت في هاد هدرة لماماك
راكي تشوفي يا ختي العزيزة آه راح نهبل كيفاه هدا مزوج وعندو الولاد وقريب الاحفاد يدير هكا؟؟!!
متفضحي بناتو متحاجة زعما نس لخرين ماشي يشوفو فيهم ؟
ايه مي مهما كان راح يتبهدل قدام الناس
ربي يهديه ولي يبغيه ربي يخرجلو ولادو صالحين هو شكون لي صالح فيهم ؟ مالا غي هادي تكفيه
صح والله غير عندك الحق
متزعفيش روحك غي شجرة لي فييها ثمار يقايسوها ناس
يعني وكان مشافوش ماماك مولات حق ميحكي معاها بقلة ادب ولي ميحترمش ستاذة معاه هو اصلا ماشي محترم

دتي ختو ​

ربي يحفظك ويخليك خيتو العزيزة
نورتيني بمرورك كشروودتي
​

 

[nina bonoise]

يا لطيف ربي يهديهم الناظر و المدير
الحل امك تبدل الليسي تروح لليسي اخر خير

 

[nour mary]

واش نقولك يا اختي لي بخوف فيهم وعليهم
حنا تاني عدنا واحد المدير رهج مكانش واحد يحملو باسكو ديما يدير لي جاست لي بخوف
ويبهدلهم حدا التلاميد
ربي يهديهم
اما امدير نتاعكم وكيلو ربي
ماديريلو والو خليه على ربي و خلاص
​

 

[اسماء16]

شوفي ميمي مكاش خيرمن ربي
هو سبهااا مي ربي سبحان يخدلها بحقهاااا ويجي نهار ويطيع في يديهااا
يماك كانت قادرة تباسيهم با الادلة الكافية انهم ارادو ان يعطو للبنت نقاط اكثر ما تستحق ودلك يكون با الحساب ودفتر نقاط كل استاد
مي معليش مدير كما هدا لازم يتحاوز
​

 

[FoFo95]

واش تحبي يا ميمي ربي يهديه ويهديها
هذا واحد عديم التربية ​

 

[sami19280]

المهم انو الوالدة تكون مريحة مع ضميرها اما كل من ظلم فهنالك العدالة الالاهية هي من تنصف كل مظلومــ

تحياتي على شجاعتكــ في طرح الموضوع

سلامـــ....

.
​

 

[بنـ MaPa ـت]

وعليكم السلاام

اهلا اسومة واش راكي؟

ختي هنا ماشي حق عليه يتصرف هكدا وكيما قلتي على جال وحدة ماتستاهلش
يماك ربي يحفظهالك راهي كبيرة عليه نورمالمون يحترمها ويقدرها ومهما عملت راهي استادة وتتعب كتر منو في النهار.....ربي يخلفلو هاد الضربة بكتر منها نشالله
ونتي ايدا قادرة تعملي مليح توقفيه عند حدو وتفضحيلو الكلبات نتاوعو حاشاك باش يشد بلاصتو وما يدنى لحتى واحد

اتهلاي في الخالة وشكرا على الموضوع
​

 

[mimi-ba]

و الله بزااااااااف عليها امك أختي لعزيزة

هوما هكا يديرو
و في كل بلاصــــــــة مش غير عنكم ​

المهم
انتي ديري بأصلك برك
و امك ماعليها غير تصبر عليه د
توكل عليه ربي
أو يجي نهار و كلش يتفضح ​

سلامي لك و للوالدة ​

ألف شكر أختي لكي على مرورك الرائع
و ماكاين غير الصبر لي يفرج علينا شويا
شكراااااااا

hakda el zman teklab wellaw y3amlou al assatidabel bob za3ma machi houma elli 3almouhoum w y3allmou wladhoum f la venir rabbi hdihoum kamel

اييييه هدا هو الزمان صح
كلشي تقلب سبحان الله
شكرااااا على المرور اختي

ايييييييييه يا تعليم راح مابقاش في دزاير عادو يطلعو غير بالبيسطو والاستاذ لي يكون يمشي في الطريق المستقيم ويخدم بالضمير يولي ماشي مليح و يهينوه في ليكول
ختي متقلقوش رواحكم يجي نهار و وين يتفضحو في 2 مدير و ناظر

ان شاء الله ربي يوريلي النهار هدا ونحضرو ماشي شماتة مي باه يعرفو بلي ربي ماينسى عبدو
شكراااااااااا جزيلا أختي العزيزة

 

[mimi-ba]

لله في خلقه شؤون !
مي كاين ربي اختي و يحي نهاره
لازم يتربى و يعتذر العبد هادا

ان شاء الله يا اخي
ربي يخليك ألف شكر ليكي على المرور

يا لاطيف هذاك الزمان لي رانا فيه ربي يستر

آآآآآآآمين
شكراااااااا جزيلا على المرور

السلام عليكم


هدا لازملتو طريحة هههههههههه ايه كاين بزاف كيما هو


ربي مع الحق ما تخافيش

ههه طريحة بربي يديها ماتخممش
ربي ديم معانا ان شاء الله
شكراااااااااااااااا أمينو على المرور

 

[mimi-ba]

يا لطيف ربي يهديهم الناظر و المدير
الحل امك تبدل الليسي تروح لليسي اخر خير

لالالا يا ختي حنا عندنا ليسي واحد برك ههههه
شكرا على المرور خيتووووو

واش نقولك يا اختي لي بخوف فيهم وعليهم

حنا تاني عدنا واحد المدير رهج مكانش واحد يحملو باسكو ديما يدير لي جاست لي بخوف
ويبهدلهم حدا التلاميد
ربي يهديهم
اما امدير نتاعكم وكيلو ربي
ماديريلو والو خليه على ربي و خلاص​

ايه حنا بالناظر بالمدير وحد المرة تاني بهدل أستاذة قدام التلاميد
علابالك روحت دموعها في لأرض

شوفي ميمي مكاش خيرمن ربي

هو سبهااا مي ربي سبحان يخدلها بحقهاااا ويجي نهار ويطيع في يديهااا
يماك كانت قادرة تباسيهم با الادلة الكافية انهم ارادو ان يعطو للبنت نقاط اكثر ما تستحق ودلك يكون با الحساب ودفتر نقاط كل استاد
مي معليش مدير كما هدا لازم يتحاوز​

صح يا ختي العزيزة مي لوكان تباصيهم هوما واصلين كتر منها ويقدرو يديرو الحق كامل عليها وهوما لالا
ألف شكر خيتوووووو سمسم على المرور

 

[mimi-ba]

واش تحبي يا ميمي ربي يهديه ويهديها​

هذا واحد عديم التربية

آآىمين ربي يهديها مي الطفلة ماشكيتش ههه
شكرااااااا خيتو العزيزة على المرور الرااااااااااائع

المهم انو الوالدة تكون مريحة مع ضميرها اما كل من ظلم فهنالك العدالة الالاهية هي من تنصف كل مظلومــ

تحياتي على شجاعتكــ في طرح الموضوع ​

سلامـــ....​

.​

ألف شكر أخي على مرورك الرائع
كاين ربي وكيلهم وماما دارت لي عليها وهوما ربي يجيبهالهم
أنا درت الموضوع لانو ممكن يقراه و انا نشك بلي راح يقراه وخلي يشوف و يفهم برك
​

 

[la_safa]

احم احم هادي كامل فعايل سـ .... ـة

ربي يجيبهالها برك هاديك الكل يعرفوها و هاكي تشوفي في اسمها معلق في كل بلاصة

و خسارة عليك يا طاطاتي قولهم مكرة برك فيكم و تقريني طاطاتي العام الجاي

واش تديري ربي يهديهم كامل ماشيين كيما هاكا

و ماكالاه نزيدو نفضحو لوخرين كثر و كثر مالا خلي نسكتووو

سلاموووو ميميتا
​

 

[عبدو 29]

الله يهدي ما خلق
​

 

[عبدو 29]

الله يهدي ماخلق
​

 

[secret de coeur]

وعليكم السلام ورحمة الله وبركاته
اييييييييه ياميمي حنونة ماتقلقيش روحك
دوك يجي نهار وتشوفي مصير هاد السيرفايون
وبأفعال كيما هادو مش راح يبقى مستور
يجي وقت يتفضح قدام كامل العباد
وماماك قيمتها محفوظة وهي الي تربي الأجيال
ماتسهلش ديك العفسة الي دارهالها
+
ماتحتاج اعتراف من اشخاص كيفو(راهم كثرو بزاااف هاد الوقت ربي يحفظنا برك)
وتاني
راكي كيفي من عائلة التعليم
خخخخخ

وهذا واقع حتمي يتعرضلو الستاذ
مالgغي قيمتو نورمالمو كبيرة فالمجتمع

ايا سلااااااااامو ومرسي على الموضوع
ووسعي خاطرك
وسلمي على أمك (نــا) الحنونة
​

 

[فؤاد الورقلي]

سلام​

ايه ايه ختي
هذا الوقت معاد كاين لا احترام للاستاذ ولا الاستاذة
المجتمع طغى عليه الفساد و وقلة الادب
والله رانا نسمعو في هدرة تقال في المعلمين والاساتذة
سواء كان مليح مش مليح
كل راهم يتهانو​

ايه راهي وصلت طلبة يضربو الاساتذة
واش بقى في هذا البلاد
عندي اختي استاذة في الاكمالي واخ استاذ في الجامعة​

يا حصراه كي يحكولنا واش صاري في التعليم
تحطي يدك في راسك من الانحطاط لرانا فيه​

هذه هي اصلاحات بن نوزيد راه يركز على المتعلم اكثر من المعلم
يشجع الطلبة على سب الاساتذة ومربيهم​

ربي يصلح بلادنا اختي​

وقولي يماك واش راح ديري
مكانش كيما الصبر
هي تخدم لوجه الله واجرها على ربي​

ربي يحفظ كل الاساتذة والمعلمين ان شاء الله​

شكرا اختي​

موضوع مميز​