السلام عليكم
المهم دايمن نقرا المواضيع و صرات معايا حاجة قلت علاش ما نحكيهاش رايحين تنخلعوا من الطريقة اللي راهي تفكر بيها الناس بصح في نفس الوقت تضحكو ياك هم يضحك و هم يبكي:schmoll::shiny:
المفيد هوما راهم زوج حكايات بالاك نطول بصح باش تكونوا معايا في الصورة
القصة هادي عندها 3 اشهر هكاك جات وحدة عندنا للدار تخطب زعما قلنا معليش ياك كملتي قرايتي و الطفل 28 عام هداك هو و خدام مالا قال بابا غي ارواحوا هوما ناس معروفين هنا عندنا بصح اصلهم ماشي منا و ام الطفل ما عندهاش خواتاتها جابت معاها صحبتها معليش ااااااااااااا ني دخلت
قاتلي امو ايييييه بنتي شابة:sheer: و قارية:re_gards:ما يخصها والو حتى ولدي عبد الوهاب الله يبارك :santa_1:
انا قلتي في قلبي ايا بيان راهي تبان ناس ملاح
شوي حتى بدات تهدر انا عندي 3 شاشرة و وهاب هو الكبير قالي كي جي المرا ان شاء الله ميمتي ما تتحركش
ايا انا قلت في قلبي شا فيها المرا اللي تقعد و عجوزتها تخدم ماشي مرا و اصلا مالفا بالدار :showoff:
شوي حتى قالتلي الحق راني في عام نخطبلو اللي نشوفهالو يقولي لا ماشي هادي و هو شاف تاني بصح انا ما قبلتش و كي قالي عليك و امك ميتة قتلو معليش راني شارطة كنتي امها ميتة
_o:انعم قالتها لا حشمة لا سيدي زكري
_o: انا الارض لعبت بيا المشكل ما هيش مرا مخرفة ياو جات تسوق في سينيك
و زادت و ما كاش الخدمة هو قال بصح ما يخصك والو يكسيك غي بالدهب
انا خزرت و خالتي خزرت فيا و قلتلها النهار اللي تشلي ولدك بالدهب وما نتزوجش بيه
راحو هوما و خالاتي زعفوا عليا قالولي المرا كانت في داركم و زيد دروك تحسبك على جال اللي قاتلك قوميلي بالدار ما نكدبش عليكم انا ندمت على اللي هدرت قلت لوكان غي ما قبلتش و ساييي و الهدرة ما زدتهاش
بصح البارح جاوني خطابة شكون هوما في ميزكم المرا اللي جات مع ام عبد الوهاب المرة اللي فاتت:shiny:
خرج ولدها صاحب عبد الوهاب و كي بغا يتزوج قالوا انا كانت عاجبتني فلانة بصح الام نتاعي خسرتها عليا و كي سقسى امو قاتلو صح و جات البارح و هدرنا
هادا وين ريحت اتسمى ما غلطتش المرا هاديك اللي ما تعرفش تهدر
ايا دروك اللي قرا و افهم يقولي رايو و يعلق على روحو و يقترح العنوان اللي بحتلي فيه
في لامان يا جماعة الخير
