السلام عليكم
وعليكم السلام
المفيد ندخلو نيشان في شا باغية نهدر
ازرع انبت هههههه
قالك ملي نعقل و هوما هالكينا النسا تاع بكري خير من تاع دروك يخدمو في ديارهم و قايمين بيهم و ما يقعدوش كيما تاع دروك و تاع دار و تاع ماعلاباليش
ايه صح كاينة 100/100
صحا ايا نبداو نقارنو و منطقيا رانا قاع شبيبة سوا شيرات و لا شاشرة و الشاشرة الا و عندو اختو و لا واحدة في لافامي صغيرة
بسم الله راني خايف من المنطق هدا
نبداو الحاجة الاولى في القضيان تاع الدار هي صح تاع دروك يلبسو و يخرجو بصح في الدار تاني الله يبارك ( و ماكاش اللي يجبدلي الحالات الخاصة مادابيكم رانا بالتعميم)
سي فري مانقولوش مكانش كاين
و تاع بكري تاني في الدار يخدمو
بصح الخدمة تاع بكري و تاع دروك ماشي كيفكيف بكري
كيفاش ماشي كيفكيف ؟؟؟؟
حاشاكم التسياق ما يسيقوش اصلا حدهم يصلحو لا خاطر
بصح يصلحو في التراب في البالي نتاع الحلفاء تاني ماشي ساهلة
ماكاش الكارلا اما تاع دروك ملي تنوض و هي مدابزة مع الما و زيد بلا ما ننساو الحيطان نهار و هي تحك فيهم اما تاع بكري لا لاخاطر ماكانش لادال دو صول و البنتورا و الصبغة و ماكانتش
وقيلا
وهادو زعمة كل يوم ؟؟؟؟؟
نروحو لغسيل الفراش كانوا غي الفراشات الصغار و الحصيرة خفيفة تم تم يرفدوها اما دروك غي لي صالون و التابيات و الشيرات مساكين نهار و هوما يا ينقو فيهم و لا يغسلو فيهم
هوما تاني كانوا يغسلو القش الصوف ويجيبو الماء من الواد
ماشي كيما درك العيون في الحيطان
نروحو للغبرة تاع بكري عندهم الطابلة اللي ياكلو فيها اما دروك البيبيوتاك و لي تابل تاع الكوا و نهار و احانا نمسحو في الغبرة و زيد و زيد و زيد كاش ما نسيت فكروني
هوما ماشي كانو عايشين مع الغبرة برك كانت انواع الحشرات الضارة نهار وطول وهوما يعسو فيها
نروحو للطياب يا جماعة ايا تاع بكري كاش بلا الله الله يطيبوه يعرفو يقشرو البطاطا و يديروها على ربعو مع الطماطم و البصل و الملح و شوي زيت و الما و يا فوق النا ر و لا الطعام (البربوشة كيما يقولو نا س الشرق )
اه وريلي مرا من الوقت هدا حاشا البعض دير تعرف تفتل بربوشة ولا دير مطلوع
اخي جيكم عرس تحصلو لوكا ماش العجايز راني خايف في المستقبل ولي العرس قاطو وروح تروح
اما دروك ها لي سوب ها لي بات ها البوراك ها لي بلا في الفور و عار لا عجبنا و بلا ما ننساو السلايط
اه و القاطو كان بكري غي الطورني في نص ساعة ترفديهو الكعك و المقروض اما دروك نوعي و نوعي غي باش تزوقيه ينقسم ظهرك و المشكل ما يقروش
القاطو من العيد للعيد زعمة كل يوم ههههه
و حتى اللبسة ا ربي بكري القشابية في الشتا و القميص في الصيف دروك لي كولور و الانواع تا السراويل و القشابية و ما طلقوهاش
ااااااااااااا ودي شا نقول و شا نخلي
نروحو للسيرة الداتية تاع المرا الصالحة و الطالحة من بكري شاهي بكري كانوا في الخفاء و الناس كانت غافلة و نية اما
كيفاه في الخفاء هههه قولي كانو ميخرجوش كيما درك
دروك الرجال تحلبو و ولاو يفيقو ما المرا من بكري دايرة رايها و هادي ماشي راني نقولها هاك روحو سقسو مرا كبيرة ماشي راجل كبير تقولك تاع دروك هوما اللي جايحات اما احنا كنا نطيرو (و ان شاء الله ندير موضوع نهدر فيه بالتفصيل في هاد الشي )
هههههه هايلة هادي
اه و هاك يبغيها شابة و دايمن متهليا في العمر اما تاع بكري كانت دايما الا من رحم ربك نورمال (خلاها واحد لافامي ورولي وحدة دروك ماشي شابة )
ها د الشي قاع و يقولك تاع دروك ما منهم والو
لا لا مهما كان الحال كاينة البنت لي تعمر العين
ايا في لامان و مادابيكم تكونو موضوعيين و استوعبو شا ني نقول و اللي معايا في الراي من الشيرات يطالب باش نرجعو كي بكري انا وحدة من الناس تساعدني نشبع راحة
و اللي مخالفني يقنعني بالحجة تاني
بارك الله فيك على الموضوع
ايا دروك
في لامان
في امان الله
تجرو غي لفتيل الطعام مازال كاين يعرفو يفتلو و قاع انا واحدة منهم ههههههههههه
السلام عليكم
عجبتني تاع الشاشرة هههههه
تفكرت الشاشرة لعابين الباروووود
حبيتي تقولي بلي حنا نتعبو خير منهم
لالالالا
واه تبغي و لا تكره نتعبو و كتر منهم
شكون لي تنوظ ذرك تروح تجيب الماء على بعد 3 كيلو كل يوووووم
شكووووون لي تنوض الصباح تحلب البقرة وتلم العظمات وتنظف الاصطبل تاع البقر والخم تاع الجاج وراكي علابالك الاصطبل وش فيها
تاع بكري يحلبو البقرة يشربو لترة و يبيعوا الباقي يعني يدخلو دراهم تاع دروك مسكينة عندها 25 دج تشريها شكارة حليب و قعدت للضحك
غير nutella والعسل والجوز واللوز
باينين صحاب الجوز و هادوك من بكري كاينين صحاب الشكارة يعيطولهم
شكووووووووون لي تطحن 100 قنطار تاع قمح في المطحنة تاع الحجرة
تطحنها و هي قاعدة تاع دروك الخدمة قاع بالوقاف الشيرات قاع راهم ب لي فاغيس
شكوووووون لي تنسج قشابية وحدة ولا حنبل في مدة عاااااااااااااااااااااااام
علاه تنسج باطل و زيد ماشي قاع كانو ينسجو جماعة اللي باينة و قلنا بالدراهم و سقسي عليها ديجا لابروف تاع بكري قاع عندهم الدهب الله الله و الحزامة تا ع الدهب دروك الشيرات لا توك و ما طارتلهمش
اليوم كلش واجد وساجي
الحلييييييب يجي للدار في الشكارة
لا هي تشريه بربعة دورو اللي عندها
الماء افتح الروبيني يسيح
ايا و هي تنشفو
الدقيق وااااااااااجد بلو برك ودير الكسرة
و يا ربي يلا قريتو
وعلااااه الكسرة الخبز يتباع ب 7 دج
هاو شحال بغيتو و ين راه سميدو و غازو و تعب صحاب الكوشة كل شي غلا ماشي غي الخبز
الدار كامل دال دوصول وفايونس تتنظف من سيمانة لي سيمانة ههههههه
انا موك وريلي اللي تسيق بالسيمانة تعطيني لاستوس انا زوج مرات في النهار و ما تبانش الحالة
حجتكم ضعيييييييفة اديييوهم للحبس ههههههههههه
هههههههههههههه ما شكيتش راها ضعيفة نكسر الشرع ههههههه
نسييييييت نقووولك
شكرا على الموضوع
شكرا انت على المرور و التفاعل
ايه صح زمان تبدل بزااااف.....
بكري كانت المعيشة بسيطة على ذيك نقدرو نقولو كانت ساهل
...وقليل وين نسمعو وحدة تقولك راني عيانة ولا مريضة جاااامي
وضرك مالgري راه متوفر كلشي ..وتلقاي ناس قاع مراض وتعبانين مالحياة هادي
باسكو كلشي ولا معقد ...
انا معاك نطالب باش نرجعو كي بكري كلشي معيشة بسيطة بصح مهنية هههههه
يعطيك الصحة ختي على الموضوع الزييين
شتي يا ربي نرجعو كي بكري و خلي الدبان ياكلهم من العينين
صحيتي ختي
راني معاك غير كي قلتي كانو يديروها فالخفاء
كانو يتفاهمو باه يسرحو فبلاصه وحده وهذاك هو منو وفيه يسرحو ويتشاوفو ههه
ههههههههههههههههههههه
اما الباقي
النسا تاع بكري فحلات خير من تاع ضرك
تاع ضرك فراجيل والحياة ضرك اسهل من بكري بزاااااااااااااااااف
تقدري تروحي ضرك تعيشي فالدوار وتنوضي صباح ربي كيما قال اللي قبلي تحلبي البقره :scared:وتفتلي:scared: وتنسجي و تسقي الما :scared:وتطحني:scared:
شخصيا منقدرش نقعد نسيق ونغسل لحيوط ونوع فالقاطوات خيرلي
مارسي عالسوجي ختي
اواه اختي الفحلة من بكري كاينة و مازالت و الجايحة لا مام شوز شاهي الجايحات بكري كانو قابضين ديار اما دروك نهار و هوما في الزنق ايا بانو
_o:
