°عــــــــــآدة سيئة نديرها أنا للأسف وانتم؟ ؟°

[عاشقة رجاص]

موضوع هايل يعطيك الصحة اختي

والله انا وحدة من الناس نبذر يعني كيما راكي تحكي انتي​

بصح ديما نحاول نستعملو باقتصاد
صحيتي اختي شكرا لطرح الموضوع الهام​

إن شاء الله أختي امونة نحاول نقتاصدو فالماء من اليوم
مرورك هو الرائع والهايل أمونة
راكي نورتينا خيتو
شكرا جزيلا​

 

[عاشقة رجاص]

اهلا رجوجة واش حوال الباك ان شاء الله تفرحينا واش نقولك الماء رانا كامل نبذرو ربي يهدينا اجمعين مرسي على الميوضوع الباهيييييييييي

أهلا دارين حبيبتي
والله الحمد لله مانكذبش عليك عقلي غير معاه نرقد بيه وننوض بيه مام راني نكتب درك هنا وعقلي غير مع الباك إن شاء الله ربي يوفقنا وشكرا على السؤال دودو:shay:
أمين ربي يهدينا إن شاء الله
مرورك هو الباهي بزااااااف دودو الزينة
شكرا حبيبتي ويظهرلي عندك ختك فالباك لالا؟
إذا عندك إن شاء الله تفرحو بيها يارب
​

 

[معاك يا الخضراء]

سلاموووووووووو
يعطيك الصحة عالموضووع
فووووووور كيما مولاتو
انا فالتسياق والله مانسيح الماء بزاف
بيدون ولا زوج نكمل بيهم الدار
انا نسيح الماء فالدوش
بزاااف تاني
تقريبا كل يوم يومين
وخواتاتي كيف كيف
بلاك هوما كثر مني :sad:

ربي يصلحنا ان شالله
ونقدر نقص شوي :schmoll:
شكراااااااا :re_gards:
​

 

[أسيرة الوداع]

موضوع ذو اهمية مشكوووووووووووووووووووورة

 

[أنا برك]

السلام عليكم

يعطيك الصحة ختي
موضوع مفيد بصح للاسف
اللي فيه نقة ما تتنقى
يعني مكانش اللي راح يتعض
للاسف عندنا 35 مليون مبذر


نسقسيك برك شحال تجيبي في الرياضيات
؟؟




​

 

[nina bonoise]

وحتى البنات كي يجو يسيقو لازم يديرو فالدار فيضان باش يعجبهم التسياق

​

انا وحدة مالناس نديرها
ربي يهديني
باسكو كون منعومش الدنيا منحسهاش نظيفة
سورتوا في الصيف
​

 

[عاشقة رجاص]

السلامـ عليكمـ ورحمة الله تعالى وبركاته​

موضوعك هايل أختي ... وحطيتي يدك على الجرح
مانقولكش مانبذرش الماء .... والله كنت من المبذرين مشي عن قصد بالصح كنت نبغي الماء
وسورتو فالتسياق كيما قلتي كون مايكونش فياضان ماتهنيناش قلوبنا
يظل أبي يجري مورانا عليه واحنا والوا ....
وين نسكن أنا الله يبارك ثروة مائية وما يتقطعش الماء ... العام اللي فات كي رحت للجامعة عرفت قيمة الماء
تما الماء مايتذاقش وكنت نضظر باش نشري الماء اونبليس يطول مايجي تما برك عرفت قيمتو وتعلمت كيفاش نحافظ عليه يعني بعد ماكنت المبذر رقم واحد تاع الماء وليت نعرف نحافظ عليه لخاطر والله نعمة كبييييرة وغير كي نفقدوها نحسو بقيمتها
ألف شكر أختي على الموضوع الرائع

مررت من هنا ... سجلت اعجابي ... لكي سلامي​

والله يا إيمان حبيبتي التبذير تاع الماء قاوي بزاااف بزاف وكامل نبذروه صراحة
لازمنا نحسو بقيمتو قبل فوات الاوان
والحمد لله نتيا وليتي تقتصدي فيه
لعقوبة لينا كامل
شكرا ليك اختي الغالية مرورك هو الرائع أموووونة شكرا جزيلا والله نورتينا​

 

[غزة لنا]

بارك الله فيك اختي وجزاك الله كل خير على هذا الموضوع القيم اختي مشكورة

 

[nour mary]

شكرا شكرا شكرا على الموضوع
مفيد جدا جدا
كامل عدنا هاد العادة السيئة ومقدرناش نحبسوها
+ تقييم​

 

[نسيم الربيع]

هذي لاحظتها فالوضوء
كي نتوضى بالعين نودر بزاف ما
لازم طاس ولا كاش حاجه
مارسي عليك​

 

[عاشقة رجاص]

الحمدلله على نعمة الماء

رانا قاع هكا نبدرو فالماء
بلاك لا اراديا ...
بصح نهار الي تزول هاديك النعمة
تماك نعرفو قيمتها مليح
Donc
لازم علينا نحافظوا عليه باي طريقة
لانو هو كلشي في هاد الحياة ​

يعطيك الصحة على الموضوع الشباب

كيما قلتي الحمد لله على نعمة الماء
ولازم نفطنوا قبل مايروح الحال
مروةرك هو الشباب اختي
شكرا جزيلا لك نورتينا​

ههههههه صح عندك الحق احنا عايشين كي الحوت كل يوم طوفان لازم الفاتورة انتاع الما 4 الاف الدار قريب تريب مي لازم ماش غير لنضافة مام لازم واحد يبرد شويا الدار ولازم الكارلاج يخرج يبرق سينو نعاودو الطوفان ههههههههههههههههههههه الله غالب انا امريضا بالنظافة الناس راقدين تضهري نوض نكنس حشا قدكم لعزيز هههههههههههه


شكرا على الموضوع

ههههه هيمي يا هيمي اسمعي ونهار نغسلو الطابيات والزرابا مش فيضان برك
تقولي تسونامي وضربتنا
عندك وسواس قهري تاع النظافة ههه ماتخافيش ختك آي هنا رانا كيف كيف ممبعد نشوفو طبيب ونروحولو مع بعض:shiny:
شكرا هيمي منورة يا الغالية​

يعطيك الصحه.....والله حنا في هذي ليام رانا نعانو من مشكل نقص المياه....المياه نعمه كبيره...ولازمنا نحافظو عليها......"إِنَّ الْمُبَذِّرِينَ كَانُواْ إِخْوَانَ الشَّيَاطِينِ" ............ صدق الله العظيم​

​

بارك الله فيك على الموضووووووع​

صدق الله العظيم
ربي ينعم عليكم ياخويا بالماء إن شاء الله
والله انا نكره روحي نهار تروح العين
بارك الله فيك على المرور شكرا جزيلا​

والله غير عندك الحق

شكرا ليك أختي
منورة الموضوع​

عندك الحق موضوع باهي

انا واحد المرة درت تجربه تشبه لمتاعك​

كي نتوضا نخلي العين مفتوحه وانقص خلاص​

وحطيت طاس باش انشوف مقدار الشي اللي يضيع​

تقريبا طاسين​

امبصح كي تتوضا من الاول في طاس قادر النصف يكفي​

والحاجة الثانيه التريستي "الكهرباء"​

ملي ندخل للدار نلقى كلش شاعل اهدرت معاهم​

وعاودت .... وعازدت النافع ربي​

هيا مرة روحت ونحيت لامبا نص نص​

وخليتهم على الظلمة فهاذيك الدار ليومين​

حتى ايحسوا بالنعمه​

هي سلامات​

​

فكرتني فالحديث النبوي اللي معناه
لاتسرف في الماء وغن كنت على نهر جار
صح عندك حق مام التريسيتي كيف كيف
شكرا ليك خويا خفيف الروح
بارك الله فيك على الإضافة القيمة
شكرا
​

 

[la_safa]

الســــــــــلآم عليكم
و مساء الانوار عليك هجوووورة

°°°°°°
موضوع قمة و مفيد و هادف
الله غالب راحت فينا الكل طبيعة تاع التبذير مع اننا مانقصدوش
يعني نديروها مي ماناش متولهين للكارثة لي نديرو فيها

يقلك مهما و يكون البحر و ماتبذرش

°°°°°°
مرسي اختي موضوع هايل
​

 

[عاشقة رجاص]

سلاموووووووووو
وعليكم السلام أهلا بالأحباب

يعطيك الصحة عالموضووع
فووووووور كيما مولاتو
والله نتيا الفور رمرومة ربي يهنيك:shay:
انا فالتسياق والله مانسيح الماء بزاف
بيدون ولا زوج نكمل بيهم الدار
مليح والله انا ندير تسونامي تاع الصح
انا نسيح الماء فالدوش
بزاااف تاني
تقريبا كل يوم يومين
وخواتاتي كيف كيف
بلاك هوما كثر مني :sad:​

ربي يصلحنا ان شالله
آمين يارب كثرو الدعوي ياربي نحكمو 35 مليون
ونقدر نقص شوي :schmoll:
شكراااااااا :re_gards:​

العفو ريمة الغالية
الشكر ليك على مرورك الرائع
نورتينا ياشموسة:shiny:​

موضوع ذو اهمية مشكوووووووووووووووووووورة

الشكر ليك أسيرة أختي
والله موضوعي يكتسب اهميتو من تفاعلاتكم الرائعة
بارك الله فيكم
شكرا​

 

[Amoula ALG]

صح ختي عندك لحق
ربي يهدينا وخلاص
يعطيك الصحة على الموضوع​

 

[الطفلة البريئة]

يعطيك الصحة اختي والله كامل نبذرو فالماء خاصة احنا لبنات
و انا وحدة النهار اللي ما نسيحش فيه الماء فالميناج تبانلي ما سيقتش خلي يا نهار ندوش ههههههههههه خليها لربي برك بصح كي نغسل فمي ما نبذرش بزاف ما نيش كيفك هههه
شكرا على الموضوع
ربي يهدينا
@m!m​

 

[عاشقة رجاص]

السلام عليكم​

يعطيك الصحة ختي
موضوع مفيد بصح للاسف
اللي فيه نقة ما تتنقى
يعني مكانش اللي راح يتعض
للاسف عندنا 35 مليون مبذر​

نسقسيك برك شحال تجيبي في الرياضيات
؟؟​

وعليكم السلام خويا
شكرا جزيلا لك
لالا وعلاه إن شاء الله نتاعضو أكل
ديجا أنا راني بديت ننقص التبذير تاعي
وبشوية يوليو هذو 35 مليون مبذر 35 مقتصد
ههههههه ماتقوليش برك غلطت فالحساب؟؟؟
نجيب 18 ...19​

 

[nina bonoise]

نسيت مقتلك ليامات هاذو الماء قل
يجي نهار و نهار لا
و اذا جاء يجي في الليل و حنا راقدين
تعرفي الريزارفوار فرغ
​

 

[DARINE05]

أهلا دارين حبيبتي
والله الحمد لله مانكذبش عليك عقلي غير معاه نرقد بيه وننوض بيه مام راني نكتب درك هنا وعقلي غير مع الباك إن شاء الله ربي يوفقنا وشكرا على السؤال دودو:shay:
أمين ربي يهدينا إن شاء الله
مرورك هو الباهي بزااااااف دودو الزينة
شكرا حبيبتي ويظهرلي عندك ختك فالباك لالا؟
إذا عندك إن شاء الله تفرحو بيها يارب
​

اهلا حنونة والله لباس هيه عندي اختي باك كيفك شعبة علوم انشاء الله تفرحو كامل يا رب مبقاش نتوما درتو لي عليكم الباقي على ربي سبحانو

 

[عاشقة رجاص]

انا وحدة مالناس نديرها

ربي يهديني
باسكو كون منعومش الدنيا منحسهاش نظيفة
سورتوا في الصيف​

إيه فالصيف نحبو الدنيا تبرد
ربي يهدينا
شكرا ليك حبيبتي لينــــــــة
نورتي يا الغالية
شكرا​

 

[عاشقة رجاص]

بارك الله فيك اختي وجزاك الله كل خير على هذا الموضوع القيم اختي مشكورة

بآرك فيك الرحمن أختي الغآلية
شكرا جزيلآ
والله صدقيني موضوع قيمتو الكبيرة في مشاركاتكم الرآئعة واللي فرحتوني بيها بزاف
شكرا جزيلا لك منورة حبيبتي
​

شكرا شكرا شكرا على الموضوع

مفيد جدا جدا
كامل عدنا هاد العادة السيئة ومقدرناش نحبسوها ​

+ تقييم

أهلا بيك نور حبوبة
ربي يهنيك ياعمري ربي يخليك
الشكر ليك والله فرحتيني بمرورك
وراكي سخفتيني بهذة لمحاجب باينين بنان
غدوا بربي إن شاء الله هوما لغدا والله سخفتيني هههه​

هذي لاحظتها فالوضوء

كي نتوضى بالعين نودر بزاف ما
لازم طاس ولا كاش حاجه

مارسي عليك​

صح مام انا نتوضا بالطاس
عندك حق تضيع بزاف
الشكر ليك أختي نسيم الربيع
منورة الموضوع بطلتك البهية أختي
شكرا
​