ماذا ستطبخين اليوم سيدتي الجزء 3

[nada242008]

صح عشاواتكم تاع البارح اسيا امممم على هذوك السندويتشات يبانو خفاف كالبريوش ..نجربهم ان شاء الله
ابتسام يعطيك الصحة على التورت فكرة هايلة
فوفة بصحتك الشربة والف مبرووك لخوك ان شاء الله دوام النجاح والتفوق
بالنسبة للخبز اللبناني تعرفي مالفة نشوية في الة البانيني بصح فسدتلي هاذ الايام
مالقيت ماندير حكمتهم بكيردون ومعاهم م ص زبدة وشوحتهم في مقلة تيفال باش يعودوا يتقرمشو
انا غدايا حوت وروز

وبطيخ

صح غداواتكم كامل

 

[حاملـة المسك]

السلام عليكم
الف مبارك لكل الناجحين في شهادة البكالوريا لعقوبة لشهادة الكبرى
صح غدواتكم يا لبنات اليوم راهو نهار الفور صبحت على قاطو المروحة منبعد للبيتزا 3 خبزات
درك نروح نريح شويا و منبعد نوض ندير شراك مسكر
بصحتكم وش طيبتو

​

 

[nada242008]

بصحتكم رغوودة ..ضركا راهي الدار كالكوشة ههههه
عجبني القاطو خرجلك هاايل
الوصفة من فضلك هههه قبل ماتجي ميزورةi-o:

 

[روعة2005]

بصحتك ندوش دايما غداك يشهي ولاشتات حاجة عادية ولعقوبة لندوش تفرحي بيها
--------
اييه خبز تاع اسيا تحفة راح ينفعنا في رمضان بارك الله فيكي لوكان تعاوديه دريه موضوع با الشرح
وفكرة البالكون راح نجربها اكيد.....حالة الضيق
بسومة فكرتك جهنمية واحد مايفيقلها مشكورة
بصحتكم ام دودو الجيغواز/ايمان.........كل البنات

 

[روعة2005]

امممممممممم رغودة جاك روعة روعة...........بصحتكم نفس طلب ام ندى
ومتنسايش تزيدي تصورينا طريقتك في التشاراك المسكر........

 

[imane27]

مساء الخير عليكم واش راكم صح فطوركم كامل
ندى الحوتة تشهى
فوفة حنا شتاء كامل مدرناش شربة كى ولات سخانة دخلنا عليها بصحتكم
بائعة قاتوا هايل يعطيك الصحة وبصحتكم بيتزا
انا لبارح بقالتلى شربة زدت معها هاد سلاطة

 

[tasnim55]

السلام عليكم وشراكم انشاء الله كامل بخير
الف مبرووووووووووووووووووووووووك النجاح على شهادة البكالوريا للاخت اسماء دهبيتو لاخو اختي فوفة وبصحتك لغدا يشهي
اسيادز الخبز المحشي جاك رووووووووعة يعطيك الصحة وبصحتكم ومشكوووورة على الوصفة
بائعة الكبريت القاو جاك هايل مشاء الله
ام ندوش غداك يشهي بصحتكم حبيبتي طريقتك في التقديم تعجبني الله يبارك عليك
بسومة ليمني تارت جاوك تحفة يعطيك الصحة بصحتكم
لالجيرواز معجناتك هايلين الله يبارك
اممممم ام دودو الطعام درتيه يشهي صحتكم
انا غدايا كان مثوم وزدتلو فريت شبحت بيه الصحن وهذي طريقة عجبتني في التزين تاع فوفة ربي يحفظك فوفة ويحفظ كل الاخوات لعزاز
​

 

[tasnim55]

اممممممممممممم ايمان 27 صحن السلاطة حبيبتي يشهي بصحتكم:sheer:

 

[mizora]

بصحتكم رغوودة ..ضركا راهي الدار كالكوشة ههههه
عجبني القاطو خرجلك هاايل
الوصفة من فضلك هههه قبل ماتجي ميزورةi-o:

:yaw:راني جيت قبل الوصفة:yaw:
:yahoo:انا راني نتعلم لازم نسقسي و نحشم روحي :shay:و درك نحيتيلي الحشمة :sheer::shiny:

 

[imane27]

الف مبروك لكل الناجحين فلبكلورية دهبيتو اسماء واخو فوفة ولعقوبة لشهادات العليا

 

[nada242008]

مساء الخير
تسنيم مرحبا بيك عندك مدة مابنتيش
مازلت نسنى في الوصفة الجديدة لتكملة المسابقة:sheer:
ايمان السلاطة تبرد القلب بصحتكم هذا مايليق
انا كي رحت لدارنا كليت الباطوط بصح مازالت ساخفة عليه
نضت العشية طيبت الكسرة تاعو وكي نخلطو راني نحطلكم الصور
وانتوما واش نويتوا_o:

 

[تسنيم الهناء]

السلام عليكم
انا الحق عجبني البريوش بنوتيلا انتاع الاخت ام ندى الله يعطيها قد نيتها و تعبها هنا
و جربتو ووعدتها نحط الصور و هاهم ليكوم
هو صح ماجاش كيما انتاعها:shay: مي معليش المرة الجاية نتقنو اكثر
بقا فالgو منعرف لاني صايمة و بعد ما نفطر نردلكم الخبر

شكرا ام ندوش

​

 

[nada242008]

اممم جاك هايل ولونو يشهي
يعطيك الصحة تسنيم :sheer::sheer:
والف شكر على الثقة وعلى الصور
ربي يحفظك اختي وصح فطورك مسبقا

 

[imane27]

بريوش جاك هايل تسنيم الهنا يعطيك الصحة وبصحتك صيامك فالجنة

 

[nada242008]

هذا عشايا

 

[ibtesem]

امممممممممممممممم على الباطوط يا ندى
مشاء الله عليكم يالبنات بصحتكم واش عملتو
مساء الخيرات عليكم كامل كل واحدة باسمها

 

[nada242008]

هيا ابتسام سمي بسم الله وقدمي

 

[tasnim55]

ربي يخليك حبيبتي ام ندى والله راكم في قلبي غير منتدى اللمة راهي دارنا الثانية ما نقدرش ننساكم كان عندي شغالات برك وبصحتك الباطوط راكي سخفتيني راني نسنى في الصور
تسنم الهناء بريوش جاك رووووووعة الله يبارك اعليك وصيامك فالجنة
والله راني نكتب بclavier visuel ايقلق في الكتابة شحال صامط
​

 

[tasnim55]

امممممممممم ام ندى والله غير يشهي بصحتكم
​

 

[عفاف الجزائرية]

سلام بنات
ان شالله تكونو بالف خير
حبيت نقوللكم انه ماكتبليش ربي هذا العام في الباك
ان شالله العام الجاي بربي اللي فيه الخير ربي يديرو
والحمد لله انه جابتو نسبة كبيرة معانا هنا اخواننا في المنتدى
مبروك على كل واحد عندو نجاح ولا فرح نقوللهم دامت الافراح

المهم نرجعو لصلب الموضوع

للعشاء رانا غير وحدنا
لقيت البطاطا الصغيرة قليتها نص قليان
وقليت الجريوات والباذنجان تاني نص قليان
ورابيت حبة طماطم +وحدة جومبو دجاج+ 3مغارف خل +مغرف هريسة شويا كسبر مطحون وماييس
خلطتهم كامل وحطيتهم فوق الخضرة المقلية
غطيتها بالالمنيوم وخليتها تطيب على فور ناقصة مدة تقريبا ساعة ونص
تجمرت وجات بنينة بزاف
حطيت العشاء وماجيت نروح نجيب التلفون باه نصور نلقاهم هجمو عليها
غاضتني كي ما صورتهاش
المهم هااذا عشانا مع هريسة وسلاطة وديسار دلاع وفقوس
بصحتكم كامل عشاواتكم
​