ماذا ستطبخين اليوم سيدتي الجزء 3

[روعة2005]

لبنات لاتنسو قراءة سورة الكهف
ولا تغفلو عن شهر شعبان

 

[برنســ اللمة ـيسة]

السلام عليكم يا النات واش أحوالكم؟
انشاء الله تكونو لاباس اليوم عندنا غدا شوربة اللوبيا مع خبز من برا

مع السلطة خفيـــــــفة

الديسار

راني وليت نضرح نكتب الاسم نتاعي باش ما يرقوهمش
مع أنني راني نشوف في الناس راح تهبل حتى في النت و ماهمش قاعدين
المهم ربي يهدي ماخلق
و اللي فحلة فحلة لعمرها مش للناس و راح تلقها لروحها برك مش تلقاها لغيرها
يعطيكم الصحة كاااااااااااااملـــــين
و فوفة مبروك على خوك لعقوبة ليا انا للعام الجاي انشاء الله
ادعيولي برك
سلام​

 

[imane27]

مساء الخير عليكم واش راكم من لبارح
صح فطوركم كامل
ندى طعام يشهى بصحتك
‏wassila21 واش راكى وينك كنتى ديما تشاركى معنا وحبستى رانى كل يوم نشوفك تحت

 

[imane27]

عشايا قرنطيطة

 

[l'algeroise]

مساء الخير على الجميع جمعة مباركة

صح غداكم PRINCESSE WA فوفة 2011 nada242008 imane 27
أختي mizora تكملت الوصفة تاع الخبز:
تخلطي لخميرة و السكر + الماء دافيء+ 2 بيضات + زيت + فرينة + الملح +الماء peu à peu مع العجن و تخليها ترتاح 20 دقيقة
الحشو: تقطعي الفرماج و الكاشير مكعبات
تفتحي العجينة وتحطي داخلها الحشو و تغلقي و تشكلي un boudin و تخليها ترتاح مرة أخرى 30 دقيقة تدهني الوجه بالزيت وطيبيه كي تخرجيه تقطعيه

 

[عفاف الجزائرية]

بصحتك اختي ايمان القرنطيطة والاخت وفاء ونور عينيا ندوش وعفوفة البريكية وكل البنات بصحتكم غداكم

ايمان ديما عشاك يلحق غدانا
كيفاه راها البوبونة الصغيرونة ريمة ان شالله راها بخير
​

 

[l'algeroise]

imane 27 القرنطيطة جاتك هايلة بصحتك أنا غدايا كان كباب و سلاطة

 

[حاملـة المسك]

ياسر عليهم الدعاوي راهي تخرج تخرج سيرتو دعوتي ماتخلطوش فيا بزاف :sly:
(ياالزوار:tongue_1
​

looooooooooooooooooool :thumb_up2:

روز المدونة راهي ضربتها مش ضربت الماكلة هو جهد فكري و أدبي كبير

ندى كما قتلك سابقا و لا يهمك ...الله خير شاهد و نحن شهود
و زيد راك فهمتيني في هديك الاخت و تاني فهمتك علاش قتلك منتسرعوش و خلاص تفاهمنا
و نت بدورك فهمتي البنات وشنو هي المرقة لتابعة الفطير أون + علاش سرقتيلي اللون لنكتب بيه :cra_zy:

https://www.4algeria.com/vb/showpost.php?p=3379977&postcount=517

بصحتكم وش طيبتو جمعة طيبة
فوفة شكرا على التذكير إن شاء الله مداومة على سورة الكهف
و مبارك النجاح لاخيك لعقوبة لما كتر​

 

[ibtesem]

مساء الخيرات عليكم يالبنات واش راكي
جمعة مباركة عليكم
كيما قلت فوفو منساوت قيمة هدا الشهر الفضيل ربي
يتقبل منا ومنكم يارب

بصحتكم الغداوات يالبنات كامل

 

[imane27]

عفاف واش تحبى انا كى نكون نطيب نتومة راقدين

 

[nada242008]

الله يسلمكم يا بنات
فوفة والله كون تواليني طريق لبريكة راني نجيك:shay:
وفاء صح غداكم امممممم
ايمان القرنطيطة جاتك تشهي
لاجيغواز بصحتك الكباب
وينهم اسيا وتسنيم مابانوش
رغووودة درت كوبي كولي للجملة تاعك لقيت روحي نكتب بستيلوك
الفطير معناها المرقة شخشوخة والله اعلم

 

[tasnim55]

السلام عليكم صح غداكم كامل
اممممممممممممممممممممممم ام ندوش الطعام يشهي ربي يبارك بصحتكم
ايمان27 قرانطيطة تهبل يعطيك الصحة وبصحتكم
برانساس بصحتكم والعام الجاي نشاء الله تبشرينا بنجاحك
​

 

[تسنيم الهناء]

مساكم عسل و جمعتكم مباركة

درت ظرك مسكوتة ''مستوكة'' كيما يقولها وليد اختي:shiny:
و جبتلكم تشوفوها و من صابني تاكلو منها الكل

و هنا بعد ما قطعتها

صحة قهوتكم
​

 

[روعة2005]

بارك الله فيك رغد على المداومة ربي يتقبل
عفوفتي المسلية بصحتك وانت نور عيني وحياتي
عفوفتي البسكرية تنوريني وقت ماتحبي يا غالية
سلامي لحبيبات قلبي بسومة وتسنيم والجيغواز وروز وسيلة مرحبا بيك/وايمان الكرنتيكا اممممممم
برنسس وا بصحتك الغداء وربي يوفقك العام الجاي بحول الله
----------
تسنيم الهناء مستوكة تاعك تشهي هههه والله شهاتني مع العشية

 

[nada242008]

جاتك هايلة المستوكة ههههه خصوصا طريقة التزيين
بصحتكم يالفحلة

 

[بنت الجسور المعلقة]

بصحكتككككككم كامللللل
يا ام ندى راني غرت من ندوشة الله يبارك راهي تعرف تربي بيانسووووووغ خارجة لمويمتها كل صبع بصنعة تهبل الله يبارك ربي يخليهالللك نشاله وتفرحي بيها بوسيهاااااااااااالي ​

 

[l'algeroise]

اممممممممممممممممممممممم"المستوكة" هايلة بصحتكم تسنيم الهناء

 

[روز]

يعطيك الصحة تسنيم على المستوكة الهايلة
فوفة وتسنيم وابتسام والكل ان شاءالله بخير
رغودة مرسي على كلامك راني نفشل من الكتابة ونحبس وكي نتفكر لي راهم يتابعو فيا نرجع
ام ندى قولي لندى كاش مرة نجيها وتعملي ماكياج كما لي راهي عاملاتو للبوبية نتاعها مي بالموف مش الازرق ههه عجبني حالة ربي يخليهالك يارب

 

[أم دودو]

السلام عليكم واش راكم ياالبنات مازالني ماقريتش واش فاتني بصح قلت ندخل نسلم عليكم معليش هذي اليومين راني مضغوطة شوي مع أختي بنتها نجحت في الباك و مبروك لكل اللي عندهم مناسبات الباك و اللي ما سعفهمش الحظ العام الجاي إن شاء الله
الماكلة راني نطيب ليه ليه و نروح واش من طياب أمس مقلي و اليوم مقرونة بالدجاج و حمرت الدجاج و معاها فلفل مقلي و سلاطة
حبيت نسقسي على عصير المشماش كي نحب ندير كمية و نخبي لرمضان كيفاه ندير
راني نستنى يالبنات عندكم ماتردوش علي
​

 

[imane27]

تنسيم مسكوتة هايلة يعطيك الصحة