الدنيا .................

[bilal22]

السلام عليكم

اليوم حبيت نتفلسف عليكم شوي مي يا ريت تقبلوني برك ههه
حبيت نتكلم ليوم علا الدنيا

تلقى بعض لعباد كي طيح بيه

او كي متصلحلوش حاجه كان معول عليها

ولا لبنت كي متتزوجش مع انها متربيه وهناك عدة امور لمهم

كامل لي يصرالهم هكا يقولك يييييييييييه يا دنيا
ويقولك الدنيا غداره

يعني علاه نلومو الدنيا مع انها هي هي خلقها مولاها هكا

ولاكن هل الغدر من صفات الدنيا ام من صفات هاذو لعباد وبالاخص في وقتنا هاذا

ميعرفو حتى مبادئ وميعترفوش بيها طول

ولهاذا حبيت نقول للجماعه بلي كشما يصرالك وتتغير من حاله

لحاله فلا تلومن الدنيا وتقول غدره بيا بل ابحث عن سبب وغالبا تجده فيك

لمهم حبيت نوصل كلام برك بلي لي يقول الدنيا غداره راه غاط بزاف

الدنيا ما تغدر بالعبد ولا كن لعبد يتفنن في لغدر

وفي الاخير نشكر لكم حسن الاصغاء والمتابعه ههه

خلاصو دراهمكم ايا طيرو

سلام
​

 

[kojak]

ميضوع باهي ياسر يا سي الشاب بلال.....
نقلك حاجة اديها من عند خوك الدنيا مع الواقف
​

 

[Orodent]

جيت نطيرما لقيتش جنحين
الدنيا تحب لي يحبها
انا نموت عليها بصح الله غالب من عند ربي ما تحبنيش
مرسي خويا بلال على الموضوع يقيس صح​

 

[صفـاء و نقـاء]

موضوع باهى وهايل

عندك الحق كى نقولوا الدنيا غدارة كي شغل نسبو في الدهر واللى يسب الدهر حرام

والله كلامك رزين و فيه معنى كبير

وان شاء الله وعد منى منزيدش نلوم الدنيا

ولاسرات لى حاجة نقول شاء الله ماقدر فعل

شكرا​

 

[hannsg]

ايه صح العباد هم السبب لكن هذا يعود لانهم اتغروا بالحياة الدنيا فجراو وراها و استباحوا كل الوسائل في سبيل هذا من غدر وسرقة ...الخ مع أنه مهما عملوا راح يجريوا وراها لكن عمرهم ما يلحقولها لأنها فانية
كيما قال كمال مسعودي الله يرحمه ما يمنع منها الا من طلقها بالثلاث

 

[kadysom]

لعبد يحمد ربي ،كلشي كاتبو ربي

لي يقول هك معندوش إيمان ويقين وتوكل على الله عز وجل

هادي هي يا سي بلاااال

 

[Estrella]

هي كل واحد وواش راه كاتبلو ربي
في هاد الدنيا
ماشي هي الي تغدر
يعطيك الصحة ​

 

[املي]

هذي هي العقلية تاع هذا الزمان
كل واحد تصرالو كاش حاجة يقولك الدنيا و ما دارت فيا والدنيا غدارة..و...و......
المهم الله يهدينا و يهديهم
شكرا الك اخي ع الموضوع
تحياتي الك​

 

[bilal22]

ميضوع باهي ياسر يا سي الشاب بلال.....
نقلك حاجة اديها من عند خوك الدنيا مع الواقف
​

لالا بلال برك لا سي ولا شاب هههه
ياو دنيا هي هي مي قولي الناس مع لواقف هاذي نوافقك فيها
شكرا لك

 

[bilal22]

جيت نطيرما لقيتش جنحين
الدنيا تحب لي يحبها
انا نموت عليها بصح الله غالب من عند ربي ما تحبنيش
مرسي خويا بلال على الموضوع يقيس صح​

ياو هاذا ضعف وكي ميقدرش ينسبها للدنيا مع انها هي هي
شكرا لك ختي رد زين وباهي

 

[DARINE05]

لي خانو زهرو يقول بيا السحور
ولي تعكست ايامو يحصل في الدنيا ها بيلو خويا
مرسي ميضوع باهييييييييييييييييي

 

[bilal22]

موضوع باهى وهايل

عندك الحق كى نقولوا الدنيا غدارة كي شغل نسبو في الدهر واللى يسب الدهر حرام

والله كلامك رزين و فيه معنى كبير

وان شاء الله وعد منى منزيدش نلوم الدنيا

ولاسرات لى حاجة نقول شاء الله ماقدر فعل

شكرا​

شكرا لك ختي نورتي فعلا
وصح الدنيا هي هي وقاعده بحالها مي حنا لي متغيرين فيها
نورمالمو يعترف لواحد ويقول قدر من الله هاذي صح
شكرا مره تاني نورتي

 

[bilal22]

ايه صح العباد هم السبب لكن هذا يعود لانهم اتغروا بالحياة الدنيا فجراو وراها و استباحوا كل الوسائل في سبيل هذا من غدر وسرقة ...الخ مع أنه مهما عملوا راح يجريوا وراها لكن عمرهم ما يلحقولها لأنها فانية
كيما قال كمال مسعودي الله يرحمه ما يمنع منها الا من طلقها بالثلاث

هيه الدنيا فانيه مي هم لي جراو علا مصالح والدنيا هي هي وش تغرس تنبت لك
شكرا لك خويا

 

[bilal22]

لعبد يحمد ربي ،كلشي كاتبو ربي

لي يقول هك معندوش إيمان ويقين وتوكل على الله عز وجل

هادي هي يا سي بلاااال

نورمالمو هكا وش صرا تحمد مولاك
يعطيك الصحه خويا راك قد قد الايمان لي مكانش
شكرا لك

 

[bilal22]

هي كل واحد وواش راه كاتبلو ربي
في هاد الدنيا
ماشي هي الي تغدر
يعطيك الصحة ​

اكيد مكتوب مي لعباد هي لي تخدع لعباد ولعباد كي تغلط تنقلب حياتها من سعاده لشقاء ماشي دنيا لي تقلبها وانما لفعال
شكرا لك

 

[bilal22]

هذي هي العقلية تاع هذا الزمان
كل واحد تصرالو كاش حاجة يقولك الدنيا و ما دارت فيا والدنيا غدارة..و...و......
المهم الله يهدينا و يهديهم
شكرا الك اخي ع الموضوع
تحياتي الك​

صح هاذا ضعف ويحبو ينسبو للمجهول
ربي يحفضنا ويهدينا ان شاء الله
شكرا لك نورتي

 

[bilal22]

لي خانو زهرو يقول بيا السحور
ولي تعكست ايامو يحصل في الدنيا ها بيلو خويا
مرسي ميضوع باهييييييييييييييييي

ولي خلات علا راصو يقولك غدرت بيا ههههه
شكرا ها لمهبوله زينه نورتي

 

[Ice Queen]

هادي هي حال العباد كامل كي تكون حاكمة الدنيا مليحة وكي تكون لالا الدنيا غدارة والدنيا ماشية هاكدا وانا وحدة من الناس لي نخمم هكدا
​

 

[bilal22]

هادي هي حال العباد كامل كي تكون حاكمة الدنيا مليحة وكي تكون لالا الدنيا غدارة والدنيا ماشية هاكدا وانا وحدة من الناس لي نخمم هكدا
​

صح بزاف لي يخمو هكا مي لوقتاش نفيقو لازم نفرقو بين الدنيا والعباد وافعالهم
شكرا لك ختي نورتي

 

[الورد الأحمر]

رجعت كي جدنا تحكي كي الشياب خخخخ
الدنيا مش غدارة ولا شي هذا مكتوب ربي
سبحانو يعني بهدرتهم هذي وكأنو اتهموا
ربي بالغدر - أستغفر الله وأتوب إليه -
ربي يهدي عبادو ... سلامو
​