الدنيا .................

[دنيا البسمة]

وما الحياة الدنيا الا متاع الغرور
الدنيا صعيبة وغدارة وحنا كي نلومو الدنيا ماشي يعني الدنيا
احنا نلومو حالة الدنيا اللي وصلوها ليها العباد

 

[السلطانة]

وعليكم السلام
يعجبوني مواضيعك كي عادو قصار ههه يعني ميتعبوش
ايه يقولك الدنيا الغدارة
كلشي يحصل في الدنيا
قال الشاعر:
نعيب زماننا والعيب فينا
ومالزماننا عيب سوانا
راه عندو حق
وانت تاني عندك الحق
راه المشكل في لعرب ماش في الدنيا
الدنيا خاطيتنا

هيا صحيت على الموضوع
وصحاليك لعشا والصالحة ههه

ومتحصلنيش كيما قتلك خخخخ
تحياتي


​

 

[bilal22]

رجعت كي جدنا تحكي كي الشياب خخخخ
الدنيا مش غدارة ولا شي هذا مكتوب ربي
سبحانو يعني بهدرتهم هذي وكأنو اتهموا
ربي بالغدر - أستغفر الله وأتوب إليه -
ربي يهدي عبادو ... سلامو
​

هههههههه ياو شايب من داك لعام
ها مش اتهمو برك ياو حتى يقولو بلي مانصفتهمش الدنيا
ربي يحفضنا شكرا لك يا لعاقله ههه

 

[bilal22]

وما الحياة الدنيا الا متاع الغرور
الدنيا صعيبة وغدارة وحنا كي نلومو الدنيا ماشي يعني الدنيا
احنا نلومو حالة الدنيا اللي وصلوها ليها العباد

الدنيا كي لبستان تزرعها مليح تلقى مليح تزرعها خبث تلقاها خبث
يعني الدنيا هي لحاجه لمليحه برك الشمس التراب متطلبات الزرع اما الزرع نتا لي تخيرو
والفاهم يفهم
شكرا لك ختي

 

[خفيف الروح]

مشكور خويا بلال الدنيا كائن مخلوق والزمن كذلك ، واللوم على الغير وتعليق

فشلنا عليه امر معروف منذ القديم ، اهدي لك وللجماعة ابيات الامام الشافعي

فهي خير تعليق على الموضوع :

نَعيبُ زَمانَنا وَالعَيبُ فينا وَما لِزَمانِنا عَيبٌ سِوانا
وَنَهجو ذا الزَمانِ بِغَيرِ ذَنبٍ وَلَو نَطَقَ الزَمانُ لَنا هَجانا
وَلَيسَ الذِئبُ يَأكُلُ لَحمَ ذِئبٍ وَيَأكُلُ بَعضُنا بَعضاً عَيانا​

​

 

[bilal22]

وعليكم السلام
يعجبوني مواضيعك كي عادو قصار ههه يعني ميتعبوش
ايه يقولك الدنيا الغدارة
كلشي يحصل في الدنيا
قال الشاعر:
نعيب زماننا والعيب فينا
ومالزماننا عيب سوانا
راه عندو حق
وانت تاني عندك الحق
راه المشكل في لعرب ماش في الدنيا
الدنيا خاطيتنا

هيا صحيت على الموضوع
وصحاليك لعشا والصالحة ههه

ومتحصلنيش كيما قتلك خخخخ
تحياتي


​

ههههههههه
ها علابالك انا اصلا ملال كفاه ندير موضوع طويل هههه خفف واطلق
وكيما قال الشاعر ونزيدلك نهجو ذا الزمان بغير ذنب ولو نطق لنا الزمان هجانا
واكيد كل شيء من صنع الناس وافعالهم الدنيا حاشاها
الله يسلمك لعشا وصالحه وش جابها هنا هههه ها طفي ضو علينا خير ما نفضح لحال

 

[bilal22]

مشكور خويا بلال الدنيا كائن مخلوق والزمن كذلك ، واللوم على الغير وتعليق

فشلنا عليه امر معروف منذ القديم ، اهدي لك وللجماعة ابيات الامام الشافعي

فهي خير تعليق على الموضوع :

نَعيبُ زَمانَنا وَالعَيبُ فينا وَما لِزَمانِنا عَيبٌ سِوانا
وَنَهجو ذا الزَمانِ بِغَيرِ ذَنبٍ وَلَو نَطَقَ الزَمانُ لَنا هَجانا
وَلَيسَ الذِئبُ يَأكُلُ لَحمَ ذِئبٍ وَيَأكُلُ بَعضُنا بَعضاً عَيانا​

​

صح خويا ننسبها للغير تحججا وخشية ان يقولو ضعفاء
مشكور علا الابيات لي اكثر من رائعه في وصف الحال
سررت بك فعلا اخي

 

[سهام1992]

انت اقعد غير شاد الحيط وتفلسف
ياو الدنيا غدااااااااااااااااااااااااااارة واه يا خويا​

 

[bilal22]

انت اقعد غير شاد الحيط وتفلسف
ياو الدنيا غدااااااااااااااااااااااااااارة واه يا خويا​

انا نشد لحيط ونتي شدي التعلاق عليا هههه
يا بنتي مش نجيك نقولك راني نخدم ولا شاد لحيط كيما راكي تشوفي شوفي
عندكي برك مالا تغدر بيك الدنيا

 

[سهام1992]

ههههههههههههههههههه غير نضحك معاك بلاك تزعف
لالالالالالالالالالالالالالالالا انا الدنيا الحمد لله لحد الان راهي معايا ناس ملاح

 

[bilal22]

ههههههههههههههههههه غير نضحك معاك بلاك تزعف
لالالالالالالالالالالالالالالالا انا الدنيا الحمد لله لحد الان راهي معايا ناس ملاح

حتى انا راني نضحك برك ما قلت والو هههه
ايا مادام لحد الان راهي ناس ملاح استحفضي بيها راهي تغدر في اي وقت

 

[سهام1992]

ان شاء الله ماتغدرنيش برك مع الباك
قول امين

 

[bilal22]

ان شاء الله ماتغدرنيش برك مع الباك
قول امين

امين ليك ولغيرك

 

[re..sonia..da]

الدنيا نحبها و نحب للي يحبها ههههه

فالدنيا هاذي صاي كلش مقضي و انتهى الامر علاه رانا مقلقين ونسبو

فالدهر علابالكم بللي الدهر هو ربي وللا ه السبان غير مباشر حرام

علينا

ربي يهدينا برك ويهدي بينا ويجعلنا سببا لمن اهتدى اااااااامين

ديما راك فوووور بلال ربي يبارك فيك

عمتك sonia27

 

[أم راضية ~_]

قال الشاعر :

نعيب زماننا و العيب فينا و ما لزماننا عيب سوانا :sad:
ماشي مليح الواحد يسب الدنيا و يلعنها على خاطر هي من خلق الله و كي كاش واحد يسبها معنتها ماهوش راضي بقسمتو و بالقدر اللي قدرهولو ربي سبحانو :schmoll:


و عن الغدر ، ماشي هي الغدارة و إنما الناس اللي هوما يغدرو بعضاهم:sadwalk: ، الدنيا هادي نفهموها كي نفهمو العباد و الناس اللي يكرهونا فيها
إن شاء الله مطولتش عليك و كي العادة:thumb_up1: وآآاصل على هذا الدرب:sheer:

 

[Black heart]

صح خويا عندك الحق الدنيا جامي لا تغرك ماشي هي الي ميش مليح الناس الي فيها ما يعرفوش يعيشوها​

 

[bilal22]

الدنيا نحبها و نحب للي يحبها ههههه

فالدنيا هاذي صاي كلش مقضي و انتهى الامر علاه رانا مقلقين ونسبو

فالدهر علابالكم بللي الدهر هو ربي وللا ه السبان غير مباشر حرام

علينا

ربي يهدينا برك ويهدي بينا ويجعلنا سببا لمن اهتدى اااااااامين

ديما راك فوووور بلال ربي يبارك فيك

عمتك sonia27

ها قولي اللمه نحبها ونحب لي يحبها معليش ههههه
اكيد كل شئ راه مقضي ومحدد مسارو يعني غير تحب تقلق روحك
امين احمعين ها لحاجه صونيا ربي يحفضك ويخليك لينا

 

[bilal22]

قال الشاعر :

نعيب زماننا و العيب فينا و ما لزماننا عيب سوانا :sad:
ماشي مليح الواحد يسب الدنيا و يلعنها على خاطر هي من خلق الله و كي كاش واحد يسبها معنتها ماهوش راضي بقسمتو و بالقدر اللي قدرهولو ربي سبحانو :schmoll:


و عن الغدر ، ماشي هي الغدارة و إنما الناس اللي هوما يغدرو بعضاهم:sadwalk: ، الدنيا هادي نفهموها كي نفهمو العباد و الناس اللي يكرهونا فيها
إن شاء الله مطولتش عليك و كي العادة:thumb_up1: وآآاصل على هذا الدرب:sheer:

هيه هاذي لي نورماملو يفهمها لواحد كي تنتقد وتسب معناتها لم ترضى بما قسم الله لك
وهنا راح تعب مخك وممكن تجخل في لهبال هههه
هيه الدنيا عمرها ما تغدر الدنيا وسيله برك وكيما تزرع فيها كيما تحصد يعني مش تزرع الشوك وتقول اين هي الازهار
ها وش كون قالك طولتي ياك نتي راكي سبيسيال واصلي راكي في تطور ههههه
شكرا لك

 

[bilal22]

صح خويا عندك الحق الدنيا جامي لا تغرك ماشي هي الي ميش مليح الناس الي فيها ما يعرفوش يعيشوها​

اكيد الناس لي فيها هم لي ميعرفوش كفاه يمشو ومن بعدا يلوحو اللوم عليها
ربي يهدينا برك
شكرا لك

 

[BREAVE-HEART-91]

نقلكم حاجة يا ناس
كل حاجة في الدنيا هذي بمكتوب ربي وبقضائه وقدره
بارك الله فيك على الموضوع