فاقد الشيء يعطيه

[bilal22]

السلام عليكم

طيب ليوم حبيت نحكي معاكم في موضوع انا محيرني كل مره

وكفاه نلقاه

هو يقولو بلي فاقد الشيء لا يعطيه

يعني صح لواحد لما يفتقد للحنانه والاخوه ولمشاعر هاذي يكون

ناقص

ومش مشبع تقول راه ياكل ههههه

بصح لما يكون هو لي يمد الاحاسيس تلقاه يمدها بكميه مفرطه

واكثر من اللازم

لانه يعرف قيمتها ومعانيها لهاذا لما يمدها يكون حاس بيها صح

ممكن تقولو بلي كي يكون محسش بها ولما يجي يمدها تكون

بطريقه غير سليمه

ولاكن انا نضن بلي لي تحرم من حنان لوالدين مثلا او عاش

وحدو
اكيد لما يجوه اولادو راح يحن ويعطف عليهم اكثر من الاب

لعادي

وهنا في بالي انا تسقط مقولة فاقد الشيء لا يعطيه

ولا وش راكم تشوفو في هاذي النقطه

وفي الاخير نشكر لكم حسن الاصغاء والمتابعه

خلاصو دراهمكم

سلام

​

 

[أم راضية ~_]

هنا راك كثرت يا خويا:schmoll:
بصح حلال عليك:shiny:
اللي سبق شم الحبق
كاين منها هاد المقولة بصح ماشي عند كآمل الناس
كل واحد و كيفاش يعوض النقص اللي عانى منو على حساب شخصيتو
شكرا لك برافو :thumb_up1: وااااصل

 

[الجندية]

قستني بزاااااااااااااااااااااااااااااااااااااااااااااااااااااااف بزاااااااااف بكلامك
جيت على الجرح يآخويا ...
كيما أنا مكانش اللي حن عليا في هاذ العرب بصح كي نبداها أنا غير وخرو من الطريق الرومنسيه يآ خويا وراني معاك نقولك فاقد الشي هو اللي يعطيه
خاطرش هو الوحيد اللي عرف قيمتو
​

 

[هآجر]

السلام عليكم
مرسي على الموضوع الي صح يقيس
وعندك حق فيه
ربي يخللينا والوالدين بش منحسوش بالنقص
تحياتي

 

[Jùšt à Gįrl]

يعطيك الصحة

 

[Orodent]

منعرف بصح جابلي ربي هاداك هو
لي يعرف لقيمة الشي لي خصو
واكيد رح يركز عليه من بعد
مرسي موضوع مليح بزاف​

 

[بنـ MaPa ـت]

وعليكم السلاام

صح بلال خويا لازم تسقط هاد المقولة ومن 6 يام ايطاج ههه..
صحيت على الموضوع الجميل
​

 

[hiba14]

السلام
انا مان يش مع تاع فاقد الشيء لا يعطيه
العكس يعطيه و بطريقة سليمة
بون راني نهدر على روحي مثلا كيما قلت الحنانة تاع الوالدين بورتون الحمد الله ما يخصني والو مع بابا بصح ماما ماتت و في عمري 11 سنة خاوتي زوج صغار علي و الله غي ولادي هوما و نهار اللي يجو صحابهم عندهم غي يحيرو ماكاش اللي يقولولو امن ميتة و كي يجو للدار يصيبوني غي انا ما صبتش اللي يقريني و نقريهم و نلبسلهم و نغسللهم و الله خير ملي راه بامو فهمتني ياك
و كي راني نهدرلك من كل النواحي ماشي غي في هاد الشي هادا جا كمتال كاين منو بزاف و راني انا محطوطة فيه
اه نسيتك المواضيع تاوك ملاح بزاف
يعطيك الصحة

 

[يوسےفے]

و عليكم السلالالام بلالالالال
أنا قلت بلي السيد راه ناسي (لا) ف عنوان الموضوووع تاعه...بصح كي قريت فهمتك
عندك الحق...و المثال تاع الوالدين احسن مثال...كاينه ناس أنحرمت في صغرها من العطف و الحنان.....و على هذاك اي واحد من هذو الناس تجبدله موضوووع فيما يخص هذو الأحاسيس..تصيب قلبه معمر و يبغي يفرغ..مام تصيبه قريب يبكي و انا نظن بلي ..ألا عانا هو من هذي الظروووف....ما يقدرش يحرم لي يبغيهم من لي أنحرم منه هو ....و في هذي الحاااله نقوولك يعطيك الصحه ...راك فسرتنا المثل بضده ...شكرااا ليك بلال​

 

[hannsg]

نعم كلامك صحيح أخي
لكن كاين حالات وين فعلا يعطيه لكن بشكل غير سليم مثلا واحد كاين بزاف لي عاش و هو صغير تربى على الصرامة المفرطة مالا هو كي صار اب رخف لولاده بشكل مفرط ثاني و هذي ثاني ماشي مليحة لانها تفسد طبع الاولاد لأن المفروض لا افراط و لا تفريط
لكن تبقى مقولة فاقد الشيئ لا يعطيه صالحة ايضا في مواضع كثيرة فهي تقال حسب الموضع فمثلا شخص لا يحترم الناس ليس له التكلم عن الاحترام و هنا تقال عليه تلك المقولة
شكرا اخي على الموضوع القيم

 

[إيمان قلب]

شوف خويا بلال ... فاقد الشئ لايعطيه
تبانلي هذه انسان كي يكون مايتحلاش بأحد الصفات مايقدرش يمدها باسكو دجا هو ماعندوش
مشي شرط يكون مادينهالو والديه ولا أي حاجة
مثال الواحد صفة الحنان مافيهش مايقدرش يمدها ... ولا واش رايك ؟؟؟؟
صحيت خويا على الموضوع
سلاام

 

[بنت الـ25]

أنا فيما يخص العطف والحنان عندي وجهة نظر والله اعلم
الشخص هذا لي راك تحكي عليه هو مفقدش حنان الوالدين وإنما افتقده وحرم منه بغير إرادته
لكن لو تلقي نظرو على صميم فؤاده تجده مليئ بالمشاعر والعطف والحنان على الآخرين
وهادي حاجة نسبية​

أما ما ينطبق على مقولة ​

¨° (فاقد الشىء لا يعطيه) °¨​

فهذه الحكمة الشائعة تحمل أكثر من معنى ... ومن جملة معانيها أن :
فاقد الذاكرة لايستطيع ان يقدم لك عرضا حقيقيا عن ماضيه ....
وفاقد العلم لا يعطيك علما ... والفقير لا يمكن أن يمدك بالمال
.... وهلمّ جرّا ....
(مقتبس من https://www.4algeria.com/vb/showthread.php?t=88217)​

وشكرا على الموضوع :sheer:​

 

[نسيم الربيع]

والله يابلال خويا هذاك النهار كنت نخمم فيها
صح كيما قلت هاذ المقوله تسقط هنا وربما فحالات اخرى ثاني
صحيت عالموضوع​

 

[الورد الأحمر]

الشعب يريد إسقاط المقولة
تبانلي فاقد الشيء هو لي يعطيه
مي مش في كلش كاين حوايج
تنطبق المقولة عليهم قد قد
مثلا واحد مش متربي يعني
فاقد التربية ما يقدرش يخرج
ولادو متربيين ما عندو تربية
ما يمدها ... أصلا ما يعرفهاش
...
راك كترت علينا خلينا نرتاحو منك اففففففف
​

 

[mer10]

ana 3an tajribti fakido a chayee you3tih wmachi kamal nas kif kif

 

[iméne09]

والله غير قستها يا بلال كاينة منها 100%ويقولك مايحس بلجمرة غير لي كواتو مدام حس بواش انحرم مالا مايحبش ينحرم منو ناس لي معاه يمد ويدير على واش يقدر غير باش مايحسوش كيما هو يعطيك الصحة خويا لعزيز ع سـuـجي هايل راني نشوفيك الله يبارك مواضيع غير لي ينحو على خاطر تستاهل تقييم ​

 

[نقطة حبر]

السلام عليكم
وانا نوافقك فيه انو فاقد الشيئ يعطيه خاطر هو يعود مقيوس منو و يكون حاس بيه
شكرا موضوع في القمة

 

[Houda Chaouienne DZ]

صح عندك الحق خويا
يمكن نقدرو نفهموها بلي في هذه النقطة بالذات تسقط هذا الحكمة
لأنو لي ناقص حنان راح يحوس ديما
وين يعوض هاذاك النقص
و ايذا لقا .. رح يفرغ كل وش عندو
بصح نقدرو نفهموها بصيغة وحد اخرى و هي انو هنا ماشي هو لي فاقد الحنان في روحو
لانو عندو حنان و لو ماكانش حنان ماكانش رح يظهر بلي حنون أصلا
و إنما هو مايستقبلش هاذ الحنان .. يعني ماكانش لي يبادلو نفس الشي
لهذا كي يلقا واحد يمدلو غير شوي حنان رح يفرغ عواطفو كامل
نتمنى تكون فهمتني
شكرا خويا ع الموضوع
​

 

[INATA LOTUS]

[FONT="Fra[SIZE="6"]a7na fel7ak masrina walo ri taba3na wechi rak tdgol fih akhi yet3alak bi majalate ya3ni kayn w kayn khatrat had l makola tedbot w khatrat ella

machkoooor akhi 3ala al tar7 nantadiro jadidaka[/SIZE]nklin Gothic Medium"][/FONT]

 

[bilal22]

هنا راك كثرت يا خويا:schmoll:
بصح حلال عليك:shiny:
اللي سبق شم الحبق
كاين منها هاد المقولة بصح ماشي عند كآمل الناس
كل واحد و كيفاش يعوض النقص اللي عانى منو على حساب شخصيتو
شكرا لك برافو :thumb_up1: وااااصل

ها ما كثرت ما والو تميتو تعيطو حتى راحت لكونكسيو واحد ما سقسي ولا توحشني هههه
نسي لموضوع وش يحكي هههه
عجبتني لي سبق شم لحبق هههه
ديما مميزه بردودك فور

قستني بزاااااااااااااااااااااااااااااااااااااااااااااااااااااااف بزاااااااااف بكلامك
جيت على الجرح يآخويا ...
كيما أنا مكانش اللي حن عليا في هاذ العرب بصح كي نبداها أنا غير وخرو من الطريق الرومنسيه يآ خويا وراني معاك نقولك فاقد الشي هو اللي يعطيه
خاطرش هو الوحيد اللي عرف قيمتو
​

وين نوخرو هاذا الطريق راهي كامل ليك ههههه هاو نتي من اسمك تباني ذايبه من لحنانه ههه
ربي يحفضك

السلام عليكم
مرسي على الموضوع الي صح يقيس
وعندك حق فيه
ربي يخللينا والوالدين بش منحسوش بالنقص
تحياتي

امين اجمعين شكرا لك جيما تنوري

يعطيك الصحة

الله يسلمك شكرا