حط واش كاين في يدك وأرواح دوركا ...... أدخل تفهم

[إيمان قلب]

السلامـ عليكمـ ورحمة الله تعالى وبركاته
كيراكم دايرين ... راكم قاية .... قصدي غاية ؟؟؟؟ توحشتكم بزاف :shiny:
ان شاء الله تكونوا ملاح وماخصكم والوا ....:santa_1:
ايييه ياسيدي واش جيت نقرعج ليوم .... والله شفت واحد الظاهر قلت كي نروح نحكيها لخاوتي فاللمة
هاو اديت فاكونس ماشي للبحر للسبيطار .. :scared:ماتنخلعوش ماشي انا اللي مريضة
جدة ربي يشافيها كنت معاها فالسبيطار:sad: ....واليوم الأحد كي هبطت معاها باش نديرلها واحد ليزاناليز
شفت واش جيت نحكيلكم
كيما علبالكم التنظيم فالمؤسسات تاوعنا والخدامة يجو في وقتهم يبعد عليهم العين
دخلت على الثمنية ونص قالك انتظروا هنا ... ايا قعدنا ننتظرو حتى تشرف العانسة اللي تعمل لزاناليز
ومبعد بالشوية شفت واحد المرة ... الله يبارك عندها كاركاس تاع 4*4 وشابة وكل شئ وباينة تاع لهيه
وجايبة معاها عجوزة ... جلست بحذايا .. وشوية وانا نسمع فيها ( بلامااسترقت السمع لخاطر كانت قاعدة مساميا واوبليجي عليا نسمع ) ايييه آلو وين راك ... فهمت من كلامها باللي راه فالقهوة
قالتلو فالقهوة ؟؟؟؟؟؟؟؟؟؟؟؟؟؟؟؟ يايما وبالزعاف ... شوف حط واش كاين في يدك دوك واراوح
هما بديت نقلب فيها في مخي ؟؟؟؟:um_sh: مع من راهي تهدر ... سي سيييير هذه تكون على خوها الصغير ... أواه لالا أكيد تكون على الشوفور تاعهم هاو وحدة بهاد الحطة يكون عندها شوفور
وانا نهدر مع روحي حتى قالتلي راكي تشوفي يااختي .... راكي تشوفي في رجال هاذ الوقت
هاو خفت على عمري جيت معاها قلتلها واااه راني نشوف ... شوية وقالتلي ويقولك تزوجي تتزوجي تهبلي برك _o: يااااااايما فهمت باللي هاذ المخلوق راه راجلها
ايا انا رانى مريحين حتى جا هذاك المخلوق ... وتشعل فيه انا مقيوسة هنا وانت تشرب فالقهوة وهو لا كلمة وقاعد غير يتمهمه ....
وخلاصة الموضوع : ماشي ملاحظة ياخويا ماكانش
جيت نسقسي فيكم ياليجان تاع اللمة واش رايكم فالراجل اللي تحكم فيه مرتو
مانقوللكمش واش رايكم يحكمو فيكم نساكم ... لخاطر علبالي تعملو حملة ضدي كيما اللي عملوها خاوتي ....
وانتما يالبنات علبالي تجيكم على 16 واش رايك في راجل انتي تحكمي فيه ... تقبليها ؟؟؟؟؟

​

 

[** غزال الصحراء **]

السلام عليـكم
الجاست اللي هي جاية للسبيطار بلا ما يجيبها راجلها ... يبين باللي الحكاية فيها اللوش !

و ديـما نديرو الفرق بين الذكر و الراجل .. ربي يفتحها
سلام .

 

[الورد الأحمر]

من اللخر رخيس
وما نحبش راجل كيما هك
سلامو
​

 

[إيمان قلب]

السلام عليـكم
الجاست اللي هي جاية للسبيطار بلا ما يجيبها راجلها ... يبين باللي الحكاية فيها اللوش !

و ديـما نديرو الفرق بين الذكر و الراجل .. ربي يفتحها
سلام .

وعليكم السلام ورحمة الله تعالى وبركاته
بالصح ماشكيتش خويا توصل حتى تبهدل راجلها قدام الغاشي
يعطيك الصحة خويا وشكرا على الإعتماد

 

[hannsg]

ببساطة راجل كيما هذا تحكم فيه مرته ماشي راجل
اصلا لو كان راجل كان هو يجيبها للسبيطار!
و زاد خلاها ترخسوا قدام الناس
هذا ذكر ماشي راجل
سلام:re_gards:

 

[Imane7713]

الصراحة الرآجل اللي تحكم فيه مرتو مآشي راجل ومافيه حتى ذرة رجولهـ . .

 

[Manii Grandmother]

و ديـما نديرو الفرق بين الذكر و الراجل ..

هادي هيا ​

 

[yacino1993]

ياودي غير زوجوني برك خلوها تحكم فيا
​

 

[{مُدَلَّلَتُهُ}]

ههههههه مرسي على الموضوع

راهم قالوها الي قبلي الراجل الي تحكم فيه مرتو و ترخسو قدام الناس بلا ما يهدر مشي راجل

 

[Estrella]

هي فالمنطق ماهيش جاية مرا تحكم فراجل
مي ماشي كي يدير برايها نقولو تحكم فيه
وهدا يستاهل كي دارتلو هكا هو
قاعد يتقهوا وهي تجري فالسبيطارت
في هادي عندها الحق
بصصصصصصصح
ماشي مليح لمرا الي تحكم
في راجلها هههههه
صحيتي ختي لعزيزة
​

 

[إيمان قلب]

من اللخر رخيس
وما نحبش راجل كيما هك
سلامو
​

خير الكلام ماقل ودل
يعطيك الصحة اختي على المرور

 

[المتفائلة_91]

الصراحة نحب الراجل اللي يتحكم وبقيمته

ربي يشفي جدتك


شكرا​

 

[إيمان قلب]

ببساطة راجل كيما هذا تحكم فيه مرته ماشي راجل
اصلا لو كان راجل كان هو يجيبها للسبيطار!
و زاد خلاها ترخسوا قدام الناس
هذا ذكر ماشي راجل
سلام:re_gards:

على حساب مافهمت كانت مع يماها garde malade يعني بايتة معاها
هي ماحق عليها ترخس راجلها وهو ماحق عليه يفتحلها العين حتى تحكم فيه مرتو
شكرا خويا على مرورك الطيب ...

 

[إيمان قلب]

الصراحة الرآجل اللي تحكم فيه مرتو مآشي راجل ومافيه حتى ذرة رجولهـ . .

يعطيك الصحة خيتو على المرور .... سلامي

 

[إيمان قلب]

ياودي غير زوجوني برك خلوها تحكم فيا
​

؟؟؟؟؟؟؟؟؟؟؟؟؟؟؟؟؟؟؟؟؟؟ حتى انت باغي تتزوج ؟؟؟
جابلك ربي ياخويا تقول هاك

 

[إيمان قلب]

ههههههه مرسي على الموضوع

راهم قالوها الي قبلي الراجل الي تحكم فيه مرتو و ترخسو قدام الناس بلا ما يهدر مشي راجل

بل المرسي لكي على المرور ههههه
هي ماهي مرا ترضى براجل تحكم فيه وهو ماهو راجل يخلي مرتو تحكم فيه

 

[إيمان قلب]

هادي هيا ​

شكـــــــــــــــرا على المرور

 

[إيمان قلب]

هي فالمنطق ماهيش جاية مرا تحكم فراجل
مي ماشي كي يدير برايها نقولو تحكم فيه
وهدا يستاهل كي دارتلو هكا هو
قاعد يتقهوا وهي تجري فالسبيطارت
في هادي عندها الحق
بصصصصصصصح
ماشي مليح لمرا الي تحكم
في راجلها هههههه
صحيتي ختي لعزيزة
​

اهلا بيك اختي استرلا
بالصح هذه شافت عيني حتى كي قاتلو حط واش في يدك ... حط راهي أمر اخخخخخ كون نحس براجلي نقولو هاك ننتحر
الله يسلمك حبيبتي وشكرا على مرورك
نورتي

 

[إيمان قلب]

الصراحة نحب الراجل اللي يتحكم وبقيمته

ربي يشفي جدتك
آمييييييييييييييييييييييييييييييييييييييييييييين

شكرا​

اموان تحسي روحك عندك راجل تعتمدي عليه
شكرا اختي المتفائلة على المرور

 

[bilal22]

يعني من اولها هاذا نقدر نسميه مش راجل اصلا كفاه هو في لقهوه ومرتو في سبيطار وين راهي الرجوله اصلا حتى تحكم فيها المرا هاذي لمرا حاكمه في ذكر برك مش راجل لانه لو كان رجل ما كنت هي في سبيطار وهو في قهوه وانا لحد الساعه كي نسمع هكا نتشوكا مي ختي ديما تقولي راه يجي نهارك ونشوفوك هههه ديما ورانا بهاذا لكلام وانا نقولهم متحلموش وربي يجيب لي فيه لخير شكرا لك ختي نورتي