la tarte au citron

[ندى الورد]

روووعة الله يبارك

يعطيك الصحة خيتوو

 

[نور 94]

بعطيك الصحة جاتك هايلة نجربها انشاء الله

 

[اميرة الساحل]

:re_gards::re_gards::re_gards::re_gards::re_gards::re_gards::re_gards:

elsalamou 3eleikoum
kima w3edkoum e5eweti hehi likoum la recette
pour la pate we ndon belli kemel ta3erfou la pate sableebessa7 ne3tikoum elme9adir
(150g de beurre(zebda wella
margarine mli7a
هنا الزبدة استعملتيها طرية ام ذائبة
125g sokor glace
السكر نقدر نقص نظن جي العجينة حلوة
3safar beid
vanille we zeste te3 9aress
la farine 3la 7sseb la pate te9riben300g
الفرينة استعملتي 300 غ كاملة ام نقصتي منها
t5alti zbda we sokor 7tta welou ke la pomade we tdifi safar elbeid we t5alti we be3ed tzidi la vanill we le zeste we tlemiha belfarina ,ah nssit mil3a9a srira te3 5mira we t7otiha
fe elfijidair 30d9i9a
pour la creme
25g maizena
المايزينة مقدار ملعقة كبيرة تقريبا =25
1/4l d'eau me2
الماء ربع لتر ام شحال مافهمتش هنا
80g zbda we hna lezem diri zebda bech tji bnina
2citron, 9aresse bessa7 ana ndir 7atta 4we5
100g sokor 3edi
80g sokor glace
هدا سكر رطب و ين نستعملوه ماكيش ذكراتو اثناء تحضير الكريمة
2beid
t7oti elme2 we t5elli menou chwiya m3a elsokor el3edii we el3assir te3 el9aress 3la nar hadiya we ki yerlou tzidilhoumla maizena m5alta m3a chwiya me2 illi 5lleitihwe safar elbeid wehna bech ma ytibech elbeid we t5alti be sor3a we temi t5alti 7atta te5terwe we hna tbe3diha 3la ennar we tzidilha zbda we zest we katri la nanille bech tne7lek zn5a te3 elbeid
هدي واش قصدي بيها لفاني و من فضلك الكريمة قوليلي جي جارية ولا عاقدة بزاف
raki tet7assli 3la krima 5etra we benetha raw3a ,,t7otiha fou9 la tarte illi tkouni tayebtiha me 9bell we tzeiniha be les
meringues
pour les meringues
tbatte elbeid 7atta yetla3 ki telej(en neige)m3a 9arsa meleh we tebdey tzidilou sokor bechwiya beche ma yahbatech elbeid we zdilou la vanille we t7oti les meringues fou9 la tarte we t7otiha fe elfour tet7amar chwiya we ne7iha we 5liha tebred
we ch7eeeeeeeeeeeeeeeeeeeeeeeeeeeeeeeeeeeeel bninaaaaaaaaaaaaaaaaaaaaaaaaaaaaaaaaaaaaaa ewledi ymoutou 3liha we tessle7 fe elsseif we chahiya taiba
ndone rani 3teitkoum la recette be eltafsil elmoumilمشاهدة المرفق 21512 ​

يا اختي ممكن تفهميني شوية في الوصفة مافهمتش بزاف الكتيبة في انتظار ردك تقبلي تحياتي

 

[medmedi]

السلام عليكم هاكي وصفة تارتة الليمون بالعربية
بالنسبة لعجينة السابلي
300غ فرينة ما تز يديش راني زايدةفيها في الوصفة الاصلية فيها 250غ .تجيك يابسة بزاف و ما تقدر يش تحليها و ديجا راك تحليها بالفرينة
150غ زبدة بحرارة الغرفة يعني طرية
125غ سكر تقدري تنقصي اذا ما تحبيهاش حلوة بزاف
3 صفار بيض
فاني و قشور الليمون
تخلطي الزبدة و السكر قلاصي مليح ثم تضيفي صفار البيض و تخلطي و بعد تز يدي فاني و قشور الليمون و بعد تلميها بالفر ينة و تاني عينك هي ميزانك اذا شفتيها بدات تيبس حبسي الفر ينة
بالنسبة للكر يمة
نعم تقريبا ملعقة اكل مملوءة و الماء ربع لتر
80غ زبدة و هنا لازم زبدة ستار ماشي مرغر ين لاني جربتها بالمرغرين و ما جاتنيش بنينة
4حبات ليمون في الوصفة الاصلية داير ين 2 حبات ليمون بصح احنا عندنا الليمون ناشف لهذا ندير حتى 4الى 5حبات ليمون (العصير طبعا)
100غسكر عادي و اذا حبيتيها حلوةزيدي شو ية
بالنسبة للسكر قلاصي 80غ على جال المورانغ +2بياض البيض الى تكوني نحيتيهم من العجينة
كيفية عمل الكر يمة
تحطي الماء و تخلي منه شوية باش تخلطيها مع المايز ينة
قلت تحطي الماء +عصير 4حبات ليمون و 100غ انتاع سكر على نار و كي نغلو تزيديلهم المايز ينة الذائبة في الماء و صفار2بيضات اهنا( راكي تخلطي الماء و المايز ينة و صفار البيض كامل) مع بعض و بعد تضيفيهم للخليط الاول و تخلطي بسرعة باش البيض ما يطيبش و ثم خلطي حتى تخثار و بعد تنحيها من عالى النار و تضيفي الزبدة مقطعة مربعات صغيرة +قشور الليمون (قشور حبة واحدة ) و لافاني باش تنحلك الزنخة (رائحة البيض )
و الكر يمة تجي عاقدة ماشي جار ية تقريبا كما الفلان
و بعد تحطي الكر يمة فوق التارتة الي تكوني طيبتيها من قبل
اما بالنسبةللمورانغ: تخلطي البيض +قرصة ملح حتى تطلع كالثلج ثم تصيفي السكر قلاصي بالشوية برك حتى تتحصلي على مورانغ و تحطيه فوق الكر يمة و دخليهم للفور حتى تحمر المورانغ و تخر جيها و تحطيها في الثلاجة حتى تبرد مليح

اتمنى اني اكون قد وفقت في الشرح و تفهميه مليح اي استفسار انا في الخدمة




و بالصحة و الهناء

 

[اميرة الساحل]

شكرا ليك اختي على الشرح في الحقيقة راني جربتها و جاتني هايلة و انا قمت فقط ببعض التعديلات
كيما العجينة كيما قلتي مادرتش 300 غ نقصت منها 50غ و جات هايلة و في الكريمة انت ذكرتي في المقادير 25 غ مايزينة اي مايعادل ملعقة كبيرة لكن انا هنا استعملت 3 ملاعق كبار عادي ماشي معمرين و باقي الخطوات كيما ذكرتي و جات هايلة في ذوقها
شكرا لك مرة اخرى ​

 

[ام خديجة1]

بارك الله فيك اختي جاوك روعة

 

[عبق الورد]

يعطيك الصحة

 

[أم عبد الله]

يعطيك الصحة