سحور بخور عمي قدور , خلاو الرقية وراحو للدكتور

[mimi-ba]

السلااااااااااااااام عليكم

{سحور بخور عمي قدور......عقلية pيريمي مازالت تعيش في الجزاير}
مازالو برك ؟؟!!
مازالو يخدعو في الناس و يديرولهم السحر باه يأذيوهم
مازالهم بركآ مآمنين بلي ربي مش راح يحاسبهم
هاو بيانسير مانتقدموش ومانتكشفوش على الحضارة مادامنا للضرك مازالنا مآمنين بالخدع هذا
ربي يهدي عبادو
لحد الآن ظاهرة السحر راهي معمرة الدنيا ومقلبتها .....سيرتو لعجايز لي نورمالمون يسجيو رواحهم للقبر مقلبين الحالة بالشعوذة والسحر
يغدرو في الناس هكداك برك
؟
كي غير وين وحدة أستاذة مسكينة سحروها دار عجوزتها وقريب تموت, راجلها ماحبش يخليها ترقي راحت لدار باباها رقاها وضركا راهي لباس عليها

كي غير وين وحدة تقربلنا سحروها كي راحت تدير في رسالة الماجيستار تاعها و مسكينة دخلت في عقلها لوكان مارقاوهاش عند راقي مليح لوكان ضركآ ماراهيش أستاذة كبييرة في الجامعة

و كي غير وين وحدة هبلت تاع الصح لانو {لالا} ماتآمنش بالسحر وألوغ راحت للpسيكولوg و شبعت دوايات ومازالها على حالها

ضركآ السحر ذكرو ربي في القرآن والرسول عليه الصلاة والسلام وسحروه
و يجيوك يقولولك ماكانش منها الرقية راهي غير شعوذة والي يتبعها مهبول ومعرف كيفاه

و تلقاهم يدورو الدنيا كامل على دوا ومايلقاوش وكي يرجعو لكلام ربي سبحانو في وقت قصير ييرتاحو كأنو ماصرالهم والو

انتم تآمنو بالسحر ؟ و لا قدر الله كاشم صرا تروحو ترقيووالا تعديوها دوايات برك ؟

صح في الوقت هذا صعيب تديرو أمان في أي راقي مي حنا نهدرو على راقي يكون ثقة تاع الصح
والا تروحو للطبيب والpسيكولوغ و تدفعو دم قلبكم و أسهل حاجة قدام عينيكم و ماتديروهاش.؟
هيا نخليكم جاوبوني على استفساراتي و الي عندو تجارب ماذابيه يحكيلنا ههه
سلاااااااااامو ​

 

[ماكانش]

يعطيك الصحة ميمي على الموضوع الباهي
والله ماعندهاش سمانة جاني واحد وفي يدو حرز وقالي راني لقيتو في البيرو تاعو
والله فتحناه لقينا كتيبة مخلطة وأكرمكم الله ريحة النجاسة
ناس ماتخافش ربي
ماعلابالهمش بلي الساحر كافر وألي يروح للسحار ويصدقو كافر
يالطيف، ولا يفلح الساحر حيث اتى
ومرة طلعنا للجبل ايا هز صاحبي عينو لقا حرز معلق في الشجرة
ايا جبدناه وحرقناه
يالطيف ولا الواحد مايامنش خلاص ومايديرش لامان ...​

 

[nina bonoise]

كاين منو و نامن بلي موجود
بنت خالتي سلفت قشها تاع العرس لطفلة
ظهرت الطفلة تغير منها و دارتلها السحور
كون مرقيناهاش راهي راحت فيها



على هذي منحبش نسلف قشي يا سفيان " مكانش "
نخاف
​

 

[ماكانش]

كاين منو و نامن بلي موجود

بنت خالتي سلفت قشها تاع العرس لطفلة
ظهرت الطفلة تغير منها و دارتلها السحور
كون مرقيناهاش راهي راحت فيها​

على هذي منحبش نسلف قشي يا سفيان " مكانش "
نخاف​

والله يا بونواز كنت نكتب في الرد وتفكرتك ههههه
وحدة جارت صاحبي تسحرت جابو واحد مرقي وشوي تبالي يتعامل مع الجن ولا مانعرف واش ...
ايا قاللها في اليوم الفلاني سلفتي بيجامة روز لفلانة وسحراتك فيها
قالتلهم صح ؟؟؟
​

 

[*ايمان*]

نامن بيه اكيد
كاين من فاميلتي دارولهم السحور كما خالتي وراجلها ديما يديرولهم باه يفرقوهم مزية اللي راهم فايقين ويرقيو كل ما تسمحلهم الفرصة

وخالي اللي داروهلو في حانوتو بصح طاحت الفاس في الراس وخسر دراهمو وحانوتو كاملين

الله يحفظنا منو راهو يوصل للهلاك
​

 

[nina bonoise]

والله يا بونواز كنت نكتب في الرد وتفكرتك ههههه
وحدة جارت صاحبي تسحرت جابو واحد مرقي وشوي تبالي يتعامل مع الجن ولا مانعرف واش ...
ايا قاللها في اليوم الفلاني سلفتي بيجامة روز لفلانة وسحراتك فيها
قالتلهم صح ؟؟؟
​

اه تسمى كاينة منها
القش لي عاد يخوف هههه
تفكرتيني تفكرتك هههه
​

 

[ماكانش]

اه تسمى كاينة منها

القش لي عاد يخوف هههه
تفكرتيني تفكرتك هههه​

هههههههه
الله يحفظك
ايه كاينة منها بزااااف
والسحور تاع القش يحكم عجب هههه
كون غير تسحرني وحدة انوشة هههههه​

 

[Houda Chaouienne DZ]

و الله يا ختي ميمي غير هاذ السحور داير حالة
و تامني بيه بسيف عليك حبيتي ولا كرهتي
و زاد كيما قلتي الرسول صلى الله عليه و سلمو وسحروه اليهود
يعني كاين منها
و ربي يسترنا منو إن شاء الله
و أكيد الواحد كي مايفيدوش الطبيب لازم يروح للراقي
لأنو يا تكون صاباتو عين يا سحور
ربي يساعدنا و يستر علينا إن شاء الله
مارسي حبوبتي ع الموضوع
​

 

[مروة 95]

و الله لعباد ولات جاهلـــــــــــة
هادا سحور و هادا مانعرف وش
أو كاين ربي
باه رح تقابليه نهار اخر


ايا سلامو
و مرسي على الموضوع ​

 

[أنا برك]

سحارة مالقات ماتدير كرهت غير من الدعايات
سحارة حابة تتزوج و تتهنى كيف البنات

تحير البايرة هبلت من الجنون رايحة طروش
لازم ديما تسحر حابة بالسيف تتزوج
تخدم بالراوال معاها عرق جلاب باه يعشقو فيها
و يتبعوها كيف الدواب
هههه

ربي يهدي ماخلق و يشفي كل مسحور و مسحورة

شكرا اختي على الموضوع

​

 

[07 _H@yThm]

كاين والله وقت لباك برك جاني واحد صاحبي قالي خلالااااااااااص
مقدرتش نقرا قالي بقالي حل واحد فرحت قتلو وااه رايح تحر9 معايا قالي
لالا رايح لعمك لعمري شواف لكارتي حاشاكم قالي كاشما يدرلي
قتلو يهديك ربي ياطفل وكان راك تحكي من عقلك
دووووماج 2011 مزال ناس تامن بحوايج كيما هك
​

 

[امير الجزائر]

ههههههههههههه حى عليا على السحور

 

[secret de coeur]

وعليكم السلام
سوستي ميمي الحلوة
عاش من شاف تمهبيلك آ اليوم راكي سيريو
وموضوعك مهم بزااااااف
كاين ناس بزاف ما يأمنوش بالسحر
مي أنآ نآمن بيه
أولا مذكور في القرآن والسنة
وتانيا تلاقيت بناس تقاسو بيه
ربي يحميــــــــنا
قولو آميـــــــــــــــن
بارك الله فيك ميمي الغآلية
سلااااااامو
​

 

[sahiko hamza]

آلك لمريض يصدق كلشي .
والفاهم يفهم
​

 

[خفيف الروح]

يعطيك الصحة ميمي على الموضوع الباهي
والله ماعندهاش سمانة جاني واحد وفي يدو حرز وقالي راني لقيتو في البيرو تاعو
والله فتحناه لقينا كتيبة مخلطة وأكرمكم الله ريحة النجاسة
ناس ماتخافش ربي
ماعلابالهمش بلي الساحر كافر وألي يروح للسحار ويصدقو كافر
يالطيف، ولا يفلح الساحر حيث اتى
ومرة طلعنا للجبل ايا هز صاحبي عينو لقا حرز معلق في الشجرة
ايا جبدناه وحرقناه
يالطيف ولا الواحد مايامنش خلاص ومايديرش لامان ...​

اسمع يا خويا ماكانوش عس روحك راك تزلق بزاف _o:

واش اداك للجبل اتحطب وايلا تحرق في الشجر

قلنا ممنوع .....ممنوع الصعود والهبوط من والى ......:sadwalk:

ربي يحفظنا ويحفظك:re_gards:

 

[خفيف الروح]

السحر حق وكاين اللي ما يمنش بيه

والرقية كاينه والكثير من الجماعه دايرنيها تجارة وربحوا في جرة المرضى

واللي يجيهم يقولولو راك مسحور

راك ممسوس راه بيك العين

الناس اكل مرضى يا حفيظ يا ستار

الدخله عند واحد في باتنه بخمسين الف 50000 قبل

ما يشوف ما يقلب يخدم هو والمراع متاعو

واش هاذا

ربي ما قالش هكذا

مشكورة محفوظة​

 

[programmeur]

اللي كلاه الصدا من راسه راح عند سحور بخور

وانا نفكر قلت هادي مليحة لوكان تكون كاش دولة في حرب دير السحور للعدوة تاعها ههههههههههههههههه
قالك رصاصة الأولى راهم جايين رابحين ههههههههههههههههههههههه

 

[DARINE05]

كاينة منها حنونة السحور

 

[mimi-ba]

يعطيك الصحة ميمي على الموضوع الباهي

والله ماعندهاش سمانة جاني واحد وفي يدو حرز وقالي راني لقيتو في البيرو تاعو
والله فتحناه لقينا كتيبة مخلطة وأكرمكم الله ريحة النجاسة
ناس ماتخافش ربي
ماعلابالهمش بلي الساحر كافر وألي يروح للسحار ويصدقو كافر
يالطيف، ولا يفلح الساحر حيث اتى
ومرة طلعنا للجبل ايا هز صاحبي عينو لقا حرز معلق في الشجرة
ايا جبدناه وحرقناه​

يالطيف ولا الواحد مايامنش خلاص ومايديرش لامان ...

فكرتيني في مرةطلعنا نحوسو حنا تاني
خويا يموت و يتسلق في الشجر كي تسلق لقى سحور ملصق في الشجرة راح جاب حجرة ونحاه لقاه مغلف بالبلاستيك و مكتوب بلصفر كتيبة مش مفهومة خلاس المهم قطع الورقة و خلاس ههه
يعني والله غير عجب تقول الناس ماتخافش من نهار آخر
ربي يهدي برك
يعطيك الصحة خويا ماكانشو على المرور​

كاين منو و نامن بلي موجود

بنت خالتي سلفت قشها تاع العرس لطفلة
ظهرت الطفلة تغير منها و دارتلها السحور
كون مرقيناهاش راهي راحت فيها​

على هذي منحبش نسلف قشي يا سفيان " مكانش "
نخاف​

​

الحمد لله لي فقتو و رقيتوها مسكينة​

يعطيك الصحة ختي على المرور
و ممنوع تسلاف القش


​

 

[**نجلاء**]

السلام عليكم

أنا صراحة نآمن بالسحر و الرقية أكيد بصح قبل 3 سنين ماكنتش نآمن حتى مرضت خالتي
والله كيفاش كانت الزين و الفحولة و العقالة كيما يقولو كل صبع بصنعة
و المشكل كلاتو قبل 10 سنين و مافاقتلوش حتى فالجنازة تاع جدة الله يرحمها ( أمها )كانو مدايرين قرآن
و كي وصلو لآيات السحر في سورة البقرة
( واتبعوا ماتتلو الشياطين على ملك سليمان...)
باش لثم طاحت
و ضرك راهي في عمرها 37 سنة و مازال ماتزوجت على جال هاد الشي
المهم أنا كي رحت لعندهم شفتها كيفاش تتعوج كي تسمع القرآن و كيفاش يولي و وجهها و ساعفتها للراقي و شفت بعيني و لثم صح آمنت
و المشكل الكبير وينو
أنو السحر ماهوش وحدو معاه جني يعسو باش مايخليهش يخرج
و على هادي مسكينة يعذبوها و كي ينطقهم الراقي و يهددهم يخرجو و منبعد يزيدو يجيو وحدوخرين
على خاطر راهم مبعوثين .

المهم حبيت برك نشارك قصة خالتي اللي راهي متعذبة في حياتها و كي نسقسيها تقولي هاذا مكتوب ربي و اللي دار هكذا زاد دا غير الذنوب و باش يدير الفتنة بين الناس
هو الجني خبر خالتي شكون اللي عمللها السحر هادا مي هي مابغاتش تقول باش ماتديرش الفتنة فالعائلة و الإنسان هادا مالعائلة
الحاجة اللي تبين باللي حتى أقرب الناس مافيهمش الثقة
طولت عليكم معليش
آيا سلام
​