سحور بخور عمي قدور , خلاو الرقية وراحو للدكتور

[amina_b]

ياختي السحر كاين
ربي يبعدنا عليه ويبعدو علينا
معندي حتي حكاية عليه وان شاء الله متكونش ههههه
بارك الله فيك علي الموضوع الرائع والعنوان الاروع
​

 

[mimi-ba]

اسمع يا خويا ماكانوش عس روحك راك تزلق بزاف _o:

واش اداك للجبل اتحطب وايلا تحرق في الشجر

قلنا ممنوع .....ممنوع الصعود والهبوط من والى ......:sadwalk:

ربي يحفظنا ويحفظك:re_gards:

آمين خويا
مي ممكن كي نحاو هداك السحور راهم منعو عبد منو والا لالا؟؟؟؟؟؟؟
حنا تاني ضرالنا نفس الموقف و خويا لي لقاه
​

السحر حق وكاين اللي ما يمنش بيه​

والرقية كاينه والكثير من الجماعه دايرنيها تجارة وربحوا في جرة المرضى​

واللي يجيهم يقولولو راك مسحور​

راك ممسوس راه بيك العين​

الناس اكل مرضى يا حفيظ يا ستار​

الدخله عند واحد في باتنه بخمسين الف 50000 قبل​

ما يشوف ما يقلب يخدم هو والمراع متاعو​

واش هاذا​

ربي ما قالش هكذا​

مشكورة محفوظة​

ههههههه نتوما بخمسين الف برك؟؟؟؟؟؟؟؟؟
حنا ب 200 الف وكل مرة يا تزيد السومة يا تنقص
يعني 200 في النهار الاول وكل مازادو جلسات رقية يزيد معاها المبلغ
والله عيب عليهم يتاجرو هكا يستغلو ضعف الانسان و مرضو باه يديو مصالحهم
شكرا أخي على المرور و كاين ناس مايستاهلوش حتى تشوف في وجوهم حاطين رواحهم رقاة تاع الصح ​

 

[MynouCha]

انا نامن بالسحر خاترش صراو بزااف حالات قداا عينية

و بادن الله و قرانو الكريم يروح كل شي ني طبيب نفسي ني والو ​

 

[mimi-ba]

اللي كلاه الصدا من راسه راح عند سحور بخور

وانا نفكر قلت هادي مليحة لوكان تكون كاش دولة في حرب دير السحور للعدوة تاعها ههههههههههههههههه
قالك رصاصة الأولى راهم جايين رابحين ههههههههههههههههههههههه

ههههههههههههه فوور هدي الفكرة
ايه لوكان غير يفيقولها تبانلي خير من كلشي راهي جديدة ومليحة تهبل الله الله ههه
يعطيك الصحة خويا عالمرور شكراااااااا​

 

[mimi-ba]

كاينة منها حنونة السحور

ايه علابالي خيتو
و أنا ال1 لي قاسني
مشكووووووووورة خيتو عالمرور​

 

[secret de coeur]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏secret de coeur, ‏mimi-ba+

حكمتك فلاgروند
​

 

[CaPaBLe]

هادو جهال
كاين نسا يخربوا ديارهم بيديهم و هدا كل بسبة القزانات والسحارات
بففف ربي يهديهم
​

 

[adel-mz]

نسأل الله العافية
​

 

[mimi-ba]

_o:

السلام عليكم

و عليكم السلااااام
أنا صراحة نآمن بالسحر و الرقية أكيد بصح قبل 3 سنين ماكنتش نآمن حتى مرضت خالتي
ربي يشفيها ان شاء الله
والله كيفاش كانت الزين و الفحولة و العقالة كيما يقولو كل صبع بصنعة
الله يبارك مي الناس تحسدك حتى في الماء لي تشربيه
و المشكل كلاتو قبل 10 سنين و مافاقتلوش حتى فالجنازة تاع جدة الله يرحمها ( أمها )كانو مدايرين قرآن
و كي وصلو لآيات السحر في سورة البقرة
( واتبعوا ماتتلو الشياطين على ملك سليمان...)
ايه شفتي الغلطة يا ختي تاعها لانو كان لازم تحصن روحها بالقرآن دايما و خاصة سورة البقرة اوموا نهار في السمانة تتحط في الدار باه تطرد كلشيي........
باش لثم طاحت
_o:
و ضرك راهي في عمرها 37 سنة و مازال ماتزوجت على جال هاد الشي
المهم أنا كي رحت لعندهم شفتها كيفاش تتعوج كي تسمع القرآن و كيفاش يولي و وجهها و ساعفتها للراقي و شفت بعيني و لثم صح آمنت
لازمك تآمني يا ختي هذي حاجة ربي و ربي وكيلو لي دارلها هكا وين راح يهرب منو
ربي يشفيها ان شاء الله
و المشكل الكبير وينو
أنو السحر ماهوش وحدو معاه جني يعسو باش مايخليهش يخرج
كيما صرالي أنا و راني نعاني مي الحمد لله قاللي الراقي بلي خلاس تقريبا تنحى كلشي مازالت آثارو برك
مي أنا الحمد لله رتحت في ساع لنو فقت بالسحر مع داروهولي و ضركا عندي شهرين و أنا نرقي والحمد لله يا ربي ماتتصوريش يا ختي واش فيها عذاب هذي ربي يهدي لي يديرو هكا برك
و على هادي مسكينة يعذبوها و كي ينطقهم الراقي و يهددهم يخرجو و منبعد يزيدو يجيو وحدوخرين
على خاطر راهم مبعوثين .
هذي هي لي زادت كملت عليها مسكينة
المهم حبيت برك نشارك قصة خالتي اللي راهي متعذبة في حياتها و كي نسقسيها تقولي هاذا مكتوب ربي و اللي دار هكذا زاد دا غير الذنوب و باش يدير الفتنة بين الناس
صد عندها الحق وربي يشفيهالكم ان شاء الله وترجع خير من قبل
هو الجني خبر خالتي شكون اللي عمللها السحر هادا مي هي مابغاتش تقول باش ماتديرش الفتنة فالعائلة و الإنسان هادا مالعائلة
الحاجة اللي تبين باللي حتى أقرب الناس مافيهمش الثقة
لالالالا يا أختي لازمها تهدر ولازمكم تقنعوها باه تهدر لأنو ممكن هدي لي دارتلها والا لي دارلها السحر تهدر وين حطتو وتنحيوه وترتاح مسكينة
طولت عليكم معليش
لالا خيتو ماتقوليش هكا بالعكس نفعتيني ياو أنا تاني لي دارتلي السحر قريبة بزاااااااااااف منا علابالك للضرك راني مشوكية فيها
آيا سلام​

مشكوووووووووورة خيتو ربي يخليك عالمرور الرائع
و ربي يشفيلك خالتك وكل المرضى يا رب
​

 

[mimi-ba]

احنا عنا يقولو سحووور بخوور عيشه بنت قدور ههههههههههههههههه

لا حول ولا قوة إلا بالله في رأيي اللي جاهل مكمل هو اللي يأمن بيهم مزال ​

هههههههههههه
وتحيري تلقاي نساء الوزراء والشخصيات أكثر مرتادي هدو السحارين؟!!!
ربي تستر
شكرااااااا خيتو

حنا عندنا في الكارتيات تاوعنا لي دورو

اسمهم الشوافات و السحارات
ربي يسترنا منهم يديرو كلش البلاء كامل عندهم
شكرا على الموضوع​

والله صح ربي يسترنا برك والعبد لازمو يعرف كيفاه يحصن نفسو
شكراااا خيو يعطيك الصحة

الحمد الله و الله

اه وي ممنوع التسلاف​

هههههههه
حقا خيتو عندي عرس معليش تسلفيلي حوايجك نروح فيهم؟؟؟؟؟ظ هههههههه
اني نضحك معاك برك خيتو
مشكووووووورة ربي يخليك​

 

[mimi-ba]

السلام عليكم...كل الشكر على الموضوع المميز
والله انا قصتي تشبه الى حد كبير قصة خالتك .. والمشكل اني رحت عند واحد قالولنا راقي و هو مشعوذ :scared: ..انا فقت بيه و قريت عليه القران ..وهو عرف بهاذ الشي و شحن عليا ..كل مرا يديرلي سحر جديد ..راني في عام على هاذ الحالة و ربي مزال مجابش الشفاء ..و الله السحر شيء واعر و صعيب خصوصا كي يكون معاه جن ..الله يبعده عليكم و على كل المومنين ..قولو امين

آمين يا ربي يا أختي رانا كامل في الهوا سوا
انا تاني عندي قريب شهرين وانا هكاك مي جابولي راقي مليح وهو أصلا أستاذ يقري مع ماما والحمد لله
لازمك تجري على روحك وترقي يا اختي والا يحكم فيك السحر وتندمي ممبعد راهو صعيب بزااااااااف
و زيد سورة البقرة لازم ماتخطيش من داركم خلاااس
شكرا عالمرور وربي يشفيك ان شاء الله أختي لعزيزة
​

 

[mimi-ba]

مرحبا ميمي موضوع سخون و يخلع كيما سخانة الصيف هادي ههه
ه معليش ممبعد نشريلك لاكريم خيو ههه

علبالك لازم نولو نفرقو بين المشعوذ لي يدير السحر و بين الراقي اللي هو انسان مؤمن و تقي
يتلو عليك أيات من الكتاب الحكيم مخصصة لطرد السحر و الجان
أكيد أخي و لازم تاني في الرقية يحضر معاك افراد العائلة وماكانش منها تاع لازم كل يخرجو و تاني راهو باين لي يرقي من لي يتمسخر وسيرتو هدو لي يطلبو الصوارد على الرقية؟؟؟؟​

حبيت نقول برك والله اللي تغيضني اكثر كي نشوف ناس مثقفين يروحو لمشعوذين
هادو اطباء و اساتذة و دي كادر والله يحيرو
ولا تشوف وحدا قارية و جامعية تروح لمشعود بش يشوفلها راجل:huh::surrender:
ممبعد يتمسخر بيها و ويولي هو متزوج بيها فالحرام
نظن فهمتوني
أكيد خويا و بيانسير تغيضك مي ماتحيركش على هذي رانا دايما نتراجعو الناس تتقدم وحنا نرجعو و نتخلفو
ربي يهدي برك كيفاه يعطيهم قلبهم يديرو هكداك
اما الرقية راهي حاجة شرعية ومليحة و لي يشك في روحو بيه حاجة لازمو يرقي
و بيناتنا لازمكم تعرفو انو الانسان المسحور ميكونش عارف روحو مسحور و انما يفوقولو الناس لي عايشين معاه
+
عندكم كاين ناس لاعبينها من الرقاة و هوما مشعوذين

كي تجي ترقي روح لأمام جامع ولا راجل تقي و معروف

ايه صح لازم
و ضركا ولاو يديروها مهنة ياه الي يجي يرقي يحط 200 ألف في الجلسة ال1 وممبعد يقرر الراقي هدا اذا يزيد في السومة والا ينقص
ربي يسترنا ​

مشكوووووووووووور خويا على المرور يعطيك الصحة​