واش رايكم تخموا كيفي؟

[السلطانة]

:scared:مساء الخير عليكم
الف مبروك للناجحين في الباك
والف مبروك للمتخرجين
والف مبروك للمتزوجين
وللخاطبين
وللي رايحين يتخطبو:luve_2:

عندي مدة ماهزيتش الستيلو هنا
ياقيلا توحشتوني :shay:
مالا من قلب مدينة قالمة نقوللكم
راني توحشتكم أوي أوي
قالكم راهم جابولنا
شريفة LUNA
وشطحو عليها ستيل قصبة
هاذي في قالمة فقط :shiny:
تصوروها كي غنات
IL AVAIT LES MOTS :bored:
:like_1:مليحة فيها
درجة الحرارة عندنا متهبطش من ال45
واش داك ياشريفة تخلي لافرونس
:tongue_3:طيبي درك جابوك رجليك
.........بصحتك لاPاي​

موضوعي اليوم
هو على الدين
وخلاص الناس في وقتهم
ديفوا الانسان يحتاج
يروح يسلف دراهم
من عند حبابو
هاذي نورمال
كيما يقولو مول التاج يحتاج
وانما لي ماش نورمال
الانسان لي ميخلصش دينو
وتلقاه عادي ياكل الناس
ويخلي وراه لملايين ​

تلقاها تخطبتتهمل الخياطات تخيط وتهرب متسلكش :scared:تروح عند مول قنادر تكردي وتجي مسرسبة ومام الحفافة تمشط عندها وتسكيVي_o: تلقاه راجل الله يبارك شلاغمو يقصوبرمة كيما تقول جداتي :santa_1:مسلف باه يروح يحوس ونورمال ميسلكش دينو

وووو الامثلة كثيرةمفهمتش هاذو كيفاه يخمو ماش عارفين بلي كون يموتو تطفر فيهم :scared:اكره مااكره الصنف هاذا والحمد لله لوكان نسلف ألف فرنك صفرا راني نرجعها لمولاتها لأنو كل واحد وحقو

والحمد لله والديا مثالي الاعلى رباوني ماندي تاع الناس مانسمح في حقي وانتوما واش رايكم؟ وهل انتوما من الناس لي تسلف وتخلص او العكس؟ اليكم الخط نتمنى يعجبكم الموضوع بعد طول غياب عدت الى هذا الركن

كي العادة ولعوايد شعارنا المنشود:
هدا الموضوع برعاية:-شركة شوشو للانتاج المنغولي-

وماكنلاه تعاندو

لانجيبكم تفوتو شهر رمضان في قالمة​

​

 

[sahiko hamza]

وعليكم السلام ورحمة الله

دوك العباد هذو وش لازمهم البوليسية ؟

هذو لازمهم النحر واستغفر الله حلال فيهم

تسلف وي اما باه تسكيفي وتزلي هذي لا
​

 

[adraa]

اهلييييييييييين شوشيتا المنغوليتا...

توحششتك بزاف بزاف

انا من الناس اللي يسلفو و ميرجعوش ....

هههههههه و الله و كون ندري نموت و منديرهاش...

انا كون نسلف لازم حتى متعديش 24ساعة و نرجع سلافي خاطر تصدقيني و الله منرقد فالليل

و على العكس كي نسلف انا و نكون في حالة جيدة و الله نسمح في حقي و نحلف عليهم باه يحكمو وش سلفتلهم..

تقييمي ليك حبيبتي

سلاااامووو
​

 

[هآجر]

السلام عليكم

اهلا بشوشويتا

والله توحشتك هنا في وش راك تهدر
وجيتنا بموضوع مليح بزاف

مسالةالدين راهيخطيرة من ناحية الدينية وراك عارفة خطورتها
نقللهم ربي يهيدهم برك

ايا السلام عليكم ومنورة يا قمر​

 

[إيمان قلب]

السلامـ عليكمـ ورحمة الله تعالى وبركاته
شوفي انا راني رجت ديراكت لحت وقريت اللي يعاند تديه يفوت رمضان في قالمة
ايا انا نعاندك وارواحي اديني ... سي بون متفاهمين ؟؟؟؟
اوووكي .. أهلا وسهلا بيك وبقلمك اللي منور كي العادة
والله هذه مشكلة تاع التسلاف وتلقايهم وجوههم صحاح يعني دجا راه مسلف من عندك ومارجعلكش
ولا قطعلك قلبك باش رجعلك ويزيد يرجع يسلف ......؟؟ أكيد راح تمديلو وانتي مطمنة على الآخر
الحمدلله يااااارب الواحد اذا احتاج يسلف ويرجع
وكيما قالت الأخت راجية الجنة هاذ المسألة راهي خطيرة من الناحيتين يعني كون الواحد يصبح ميت
يخلي دين متلتل فوق ظهرو
الله يهدي ويعفو علينا
وربي يحفظك خيتو على الموضوع
سلامي ... احترامي​

 

[اردن حب جزائر]

هدرتكم صعيبة بزاف
و بحاول اقتطف بعض الكلمات و احلل في راسي
و نشكر شركة شوشو للانتاج المنغولي​

 

[AnGeL*dZ]

وللي رايحين يتخطبو:luve_2:
هاذي بعدا نسطرو عليها الف نسطر ياخاينة هههههه
ياحبوبة أنا نسلف غير كي مانكونش مدايرة حسابي وتصرا حاجة مي ديما نرد السلف خاطر ديـن عليا
واللي مايردوش الدين بزاف
تفركت بابا لمسكين هههههههههه ديما يلعبولو كان على ديدانو يسلف الدراهم للغاشي وهوما يروحو ومايردوش حتى بقى على لحديدة على قولـة جماعة دقات قلب
النآس طبيعتهم خاسرا ماتقدرش تبدلهم في يوم وليلة
​

 

[aneshabib]

اودي واش غادي نقولك خطرات تحلف و تقول والله ماني زايد نسلفهم ومبعد يغيدوك
بارك الله فيك موضوع شباب عجبني بزاف انشا الله يهديهم ويهدينا معهم

 

[hannsg]

كاين نوع من الناس كي يجي يسلف يحوس عليك وين ما تكون
و كي يوصل وقت باش يرجعلك دراهمك و كأن الأرض ابتلعته ما تلقاهش خلاص

 

[shahrazad]

اهلاااا عايشة
مبروك عليك التخرج :sheer:
هدا وين عرفت من القاطو الزين الي درتيه
لعقوبة لياا العام الجاي:showoff:
//
احم احم
موضوع شباب
هاد الناس يحسبو روحهم فايقيين ولا منعرف
ماعلابالهمش بلي رايحيين يتحاسبو حسااب عسيير
بصح علابالك
حتى دوكا مواليين لحوانت والحفافات او او
ولاو مايقبلوش لكريدي
يقولك تكحيهم هنا
ماكان والو شد مد
عندهم الحق مادام كاين ناس كيما هادو مايحشموش مالا
حرام الي يدير فيهم لمزية

ايا مرسي عليك عايشة
سلااام
​

 

[هــــيلدا]

أحمممم مبرووك التخرج ^^
هههه عجبتني هاذي للي تخطبت وكردات كلش، راح تزوج سلف_o:

واش راح تديري هذا شعب....تسلفي ميردولكش، متسلفيش مكيش مليحة،
بصح للي تحير كيما قلتي نتي راقد متهني وهو على ظهرو ديون الناس ومن فوق تلقايه ياكل في الشيبس والشيكولا،
ربي يهدي..... لازم الواحد يمشي ويرفد على ظهرو هذيك الورقة نتاع ممنوع الكريدي والتسلاف

:re_gards: دمتي.......... ايه حقا وشبيك تهددي فينا برمضان في قالمة، واش خصهاi-o:i-o:

 

[EL General]

اننا في زمن التخلف ماتخافوش مازلنا لقدام
شكرااا
​

 

[radia yoyo]

هههههههههه عجبتني المقدمة ا المنغولية لكبيرة
وبالنسبة للموضوع السلف ماشي حرام مي رد دينك ............................
وربي يرزق .........
​

 

[mauvais gosse]

انا والله يا البوليسة غير نخلص ومعروف عند صحابي بلي مولة كلمة وقع يسلوني ومردونيش وماشي زوخ نزيدك حاجة هدوك الناس اللي يكلو الناس وتلقايه يمشي بين الناس وكلي ما داير والو مسكين ميحشم ما والو كاش ما تسلفيني البوليسية ههههههههههههههههههههه

 

[الحاج كتو]

وعليكم السلام ورحمة الله تعالى وبركاته
الناس عقليات وكل واحد وطبيعته او تركبته
لكن حسب ما استنتجته من موضوعك انكي ضحية من ضحايا هف هف
ربي يخلف عليك بالحلال هههههههه وربي يمهل ولا يهمل
ولي دالك خبالك .
​

 

[المسلم حسني الجزائري]

سلام عليكم
مساء النور معها احلى اجمل زهور
مرسي غاليتي شوشو على هاته موضوع جميلة ومقدمة رائعون
ستعرف بيك والله ههههههههههههههههههههههه
اما عن راي انا نورمال سلف من الناس وهم تانا يستلفون من عندي
مي التي سلف من عندي لازم نعمل انا وهو وثيق انه سلفته دراهم وتانا التي سلف من عندهم اعمل لهم وثيق حتى يضمن كل وحد حقه وترجع فلوسه
اما انه سلف غي هكا دون وثيق هاته شي ماوش نعملها وماوش نقبل يعملها معي احد
ماوش انه لاتوجد ثقة او حاجة هكا لااااااا بل توجد ثقة مي لازم نعمل هكا حتى كل وحد ياخد حقه
لانه لو ماوش نعمل وثيق بيننا ومثلا انا اخدت منه فلوس بزاف ومثلا انا اموت
كيف يحصل هو على حقه ادا ماوش يملك دليل ؟
انا من قبل كنت لما سلف دراهم الى انسان ويوجد التي يقولليا مثلا بعد 1 شهر ارجع حقك او بعد حتى 1 سنة ارجعهم
كنت اقبل نورمال وتوجد التي يفي وعده ويرجعها في موعد مي توجد التي يعدكي ويكدب عنكي مثلا يقول يرجعهم بعد 3 شهر وهو ماوش يرجعهم حتى 5 او 6 شهر
كنت اقولليهم علاش تعمل هكا يعني تعدني بشي ماوش تستطيع تعمله ؟؟ يااخي ادا ماوش متاكد انك ترجعها في وقت محددة ماوش تقدم لي موعد وانا والله اقبلها بكل روح رياضية بل يزيد احترامي له لانه صارحني
الان توجد بعض اعمل معهم وثيق وادا قالليا عن موعد وكدب عني اكون في مر قادمون لما سلفه اطلب منه يرهن شي حاجة يملكها ويكتبها باسمي واحصل عليها انا ادا تاخر في دفع
الله يهدي من خلق
مرسي غاليتي موضوع رائعة تستحق تقيم
لكي كل تقدير واحترام
​

 

[rima barcaouia]

kolchi momkin f 2011 3ich tchouf walah ghir hirna kiyhtajo ywaliw yatrajaw w ba3d mayradoch l credit dyalm asm had chi w asm had lwakt rabi yastar bassah ngolak haja okhti hado ykhashom chortiya kima nti manalkawch khir manak merciti wrabi yahafdak

 

[secret de coeur]

اهلا أهلا بالغآلية
راهي دارتنا موضوع هايل كي العادة
هآراكي عارفة نتوحشو كتبتك
ومرسي الي باركيتلنا هههه اصحاب الباك :shay:
اممم نرجع للموضوع نقولك هادو ناس عندهم عقلية 0
ومايشقاش نكثر الأصفار
لاخاطر يخممو غي قدامهم وينساو الي جاي
يا سيدي كيفاش الواحد تجيه يزهآى بدراهم مسلفهم
_o:_o:
والله تاع صح عيب و+ مايرجعهمش

مرسي شوشو على الموضوع الرائع كي مولاتو
وماتطوليش علينـآ
تحيتي وودي لكي غـآليتي
​

 

[himina]

موضوعك في محلو بصريح العبارة الناس هاذو لازلملهم السيلون الواحد يحكم يشلح ويملح ويا ربي يعني امليح واحد يدير الخير مي ديفوا يقول انخليه روحي خير الله غالب وربي يهدي ماخلق
هيا توزونسوبل قولو اميييييييييييييين

 

[الجريئة]

صحيتي شوشو واش الاحوال توحشتك
انا من الناس الي تسلف بوسة ترجعها
خلي يا السوارد
مرسي لي رجعت