وأنا قاتلي يما دبر راسك ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
جا الصيف ويكثرو الزواجات وأنا نولي مانيش مليح
عرضني مرة واحد مارحتش، هوما يزوجو وانا ناكل في البربوشة ههههه
المهم عندي زوج حبابي هنا واحد (فقير صغير) قاتلو يماه نخطبلك بنت خالتك، ولاخر (لاجودان شاف) قاتلو يماه نخطبلك جارتك، وأنا قاتلي يما دبر راسك هههههه ...
اسيدي عندنا مانعرف شحال ألف طفلة هنا في اللمة وماقدرتوش تزوجوني ؟؟؟
كامل مخطوبات ولا واش هههه
فرد مرة برك راحت لوفاة وجات قالت شفت وحدة بيضة وشعرها صفر وو أنا هزيت روحي وبديت نقرب حتى قاتلي بصح خوك طبيب حاب الطبيبة _o: ، كسرتني ههههههه
المهم اليوم نحكيو على الزواج بين الولايات، وواشي هوا ألي خير تدي وحدة بنت ولايتك ولا ماشي من ولايتك
تدي وحدة ماشي من ولايتك مليحة بزااااف، واحد مايعرفها، وزيد تهز عقليتك وعقليت داركم، ومايكسرولكش والديها راسك بزااااااااااف، ماشي كل دقيقة راهم عندك هههه
يعني الطفلة تولي فرد من العائلة وزوجة في نفس الوقت ...
ولا تديها بنت ولايتك كامل يعرفوها وياخي حنا نمنشرو ونهدرو بزاف ونزيدو في الهدرة ونكذبو
تفوت معاها يبداو شت فلانة كانت مع فلان ومن بعد فلان ووو راكم عارفين الهدرة كيفاش ...
وزيد من ولايتك تعطس برك ولا تمرض بلاgريب خفيفة تجيك يماها للدار ياشومي مرمدلي بنتي _o: هههههه وهيا ماكان والو عطست برك هههه
وزيد من ولايتك تبقى ديما متعلقة بالأسرة تاعها يعني ماتوالفش بالأسرة تاع الراجل وراكم فهمتوني
فرد حاجة برك كي تديها من ولايتك مليحة أنك ماتتعبش كي تحب توصلها في زيارة ولا عيد، قادر حتى ماكش قاعد تعطيها ألف فرنك تركب في البيس توصل ههههه
من هذ الجانب مليحة بزااااااااااف
بصح من خارج ولايتك تحص ديما مسافر مرض فلان مرضت فلانة العيد الصغير لكبير المهم ديما حاكم الطرق ...
أنا على نفسي نفضل الزواج من وحدة من غير ولايتي، هكذا واحد مايعرفها ...
ومليح ماتكونش بعيدة بزااااااااف، يعني مام سافرت صبحية برك ونرجع ماشي نحكم يومين فلالي والروتور هههههه​

ملاحظة:
حتى لوكان نديها من ولايتي راح نديرلها الجلباب والسدل يعني واحد مايشوفها غير أنا ههههه
ثانيا:
الزواج مكاتيب ورانا نهدرو برك وكل واحد ومكتوبو ...
ثالثا:
الزين تاع الجزاير كامل راهو في ولايتي خسارة هههههههه
ماشي تلمسان باتنة بلاد الشاويات ...
لالا وين نلقى بنت لحلال الزينونة نخطب هههههه

رابعا:
ماتتقلقوش الحل مع الطريق السيار شرق غرب :shiny:​

 

[إيمان قلب]

وعليكمـ السلامـ ورحمة الله تعالى وبركاتهـ
وتستمرر معاناة أخيكم المسكين الى أجل تزوجوه
هياااحنو على المسكين واش بقلوبكم قساحت
الله غالب باغية نقولك ارواح لهنا وندورك تيارت دار دار زنقة زنقة وانت تختار
مي بعييدة ياسر على باتنة ونغبنك فالعيد ايا لاعلينا نرجعو لرأيي فالموضوع
رأيي من رأيك لما فيه من مشاكل فالزواج بين الولايات ويظهر لي مشاكله اكثر من محاسنه
أصعبها كيما قلت تاع الفواياج كي تكون رايحة لدار ماليها
ايا هذا ماقدرت نمد ليوم
لي عودة للموضوع
وربي يزوجك حتى نتهنى من مواضيعك
والسلام خير ختام
​

 

[ماكانش]

شكرا لقبول الموضوع ..

 

[عاشقة رجاص]

السلآم عليكم ورحمة الله وبركآته
مليحة كي تدبر راسك خير خويا سفيان ههههه
باش اللي تعقدها بيديك تفكها بسنيك لالا هههه
والله رآيحة نجاوبك بناءا على خبرة شخصية
أنا ماما من قسنطينة والأب تاعي من ميلة
لليوم ماشفت حتى مشكل فموضوع اختلاف الولايات بالعكس
حاجة مليحة بزاف تتعرف على عاداتهم وهوما يتعرفو على عاداتكم مع أنو عادات ميلة وقسنطينة نفسها مام اللهجة قريبة
وأهم حاجة الطبخ هههه تخرج رابح فلافار كيما أنا نتعلم منا ومنا هههه
بالنسبة ليا المهم مايخرجش من الحدود تاع الجزائر الشي لاخر ماكانش مشكل
يعني مليح بزاف مي اكيد فيه بعض السلبيات اللي يقدر الإنسان يتجاوزها
شكراااااااا على الموضوع الباهي
ربي يسهل وإن شاء الله تفرحنا قريبااا​

 

[sabrina17]

ahm ahm saha 5oya 5i mat5amemche bezzaf dok nehaweslek bent mn tlemcen thabal w thabeslek 3a9lek hhhhhhhhhhhhhhhhhhhhhhhhhhhhh
ok eya merciii bcp pr le sujet

 

[ياسمين عنابة]

السلام عليكم
ينقل لمنتدى واش راك تهدر

 

[ماكانش]

أحسنتي اختي ياسمين
الله يحفظك ويعزك ...

 

[نجاة40]

هههههه فكرتني فواحد المثل يقول
بنات عمي يزوجو وانا نفرح للقم
انا نديه من ولايتي شاوي اذا كتب ربي
مانقدرش نبعد على دارنا ومانعرف كلش بيد ربي
خطبني واحد صح من ولايتي مي ساكن في دبي ماحبيتش
وغير لي يقولي ماتعرفيش صلاحك كيعاد سمعو بدبي
مي الله غالب انا هك دارنا ومن ثم دارنا
نخلي ميمتي لعزيزة ونروح لدبي نوووووونووووووونوووووو
خنشولة خنشولتي فيها نحمار وفيها نسمار​

 

[07 _H@yThm]

اسمع انا راني قتلك كي يكتب ربي وتتزوج غمض عينيك جيبلي ختها
هادي وصيتي ههههههههههههه
​

 

[هآجر]

السلام عليكم

وش اباتني

راك تحوس تزوج من اللمة
اوغير اقعد برك
غير زواج النت الي منستعرفوش به
كما قالت يماك
دبر راسك ههههههههههههههههههه

اما موضوع بين الولايات
كلش مكاتيب
وعن نفسي معنديش حاجة ييج واحد من اقصى صحرا قابلة به هههههههههههههه طبعا بعد الاستخارة ​

 

[هآجر]

ايمانوا

هيا نشوفولوا وحدة خلي تديه علينا من هنا او لصق في اللمة وكل يوم يعيط "او زوجوووووووووووونييييييييييييي" وش قلتي فيها ؟؟؟؟؟؟؟؟؟؟؟؟؟؟؟؟؟؟؟؟؟​

 

[لاجودان شاف]

خلاص بطلت مانيش راح نزوج

راح نكملها على رجليا​

 

[loula1]

كلشييييييييييييي بالمكتوب و الله قادر تخرج تشوفها تعجبك تطلبها تقبلك و تديها
هههههههههههههههههههههههههههههههههههههههههههههههههههه
شكرا على الموضوع

 

[AHLEM1992]

بعيدة خير او- ولادك عندهم وين يفوتو الفاكونس عند خوالهم
ماشي من باتنة ما يخرجوش mdr
و ربي يسهلك خويا
​

 

[إيمان قلب]

ايمانوا

هيا نشوفولوا وحدة خلي تديه علينا من هنا او لصق في اللمة وكل يوم يعيط "او زوجوووووووووووونييييييييييييي" وش قلتي فيها ؟؟؟؟؟؟؟؟؟؟؟؟؟؟؟؟؟؟؟؟؟​

هيا نشوفولو نربحو فيه أجر مسكين انا راه غاضني وراني درت حملة بحث برك عندي شرط واحد على مالين لعروسة نقولهم نهار تعطوهالو تتبراو منها لخاطر راه بعييييييد
واش قلتي فيها نبداو فالحملة ؟؟؟​

 

[AnGeL*dZ]

عجبتني الملاحظة تاع الزين كاين في باتنة
ايه صـح يقولو الشاوية باهين :shiny:
mais حتـى نآس ميلـة باهين ماعندك ماتقول فيهم
[نآس الشرق كآمل :shay:]
كاين ناس يديو من ولاد ولايتهم ويصراولهم المشاكل
و اللي فلبعد يعيشو مليح
حنا عندما فلافامي مايبعدوش بزاف يزوجو من ميلـة [قرارم ]ولا قسنطينة
كرهنا لازم شويـة التجديد ،باه فالصيف نلقاو واين نحوسو :shiny:
​

 

[hannsg]

شوف خويا انا شخصيا ما عنديش مشكل في تاع الولايات
يعني من ولايتي او ولاية اخرى عادي ما يهمش
مي اللي يهمني هي انها تكون جزائرية بنت بلادي و خلاص
و طبعا تكون على خلق و دين و عقليتها تعجبني
شكرا على الموضوع و ان شاء الله نسمعو بيك تزوجت عن قريب هههههه

 

[هآجر]

هيا نشوفولو نربحو فيه أجر مسكين انا راه غاضني وراني درت حملة بحث برك عندي شرط واحد على مالين لعروسة نقولهم نهار تعطوهالو تتبراو منها لخاطر راه بعييييييد
واش قلتي فيها نبداو فالحملة ؟؟؟​

ايه تبداو على بركةالله
نجيبولوا وحدة ديجا صايي لابسة جلباب ودايرا الي نسيت اسمها او سمها في الملاحظة
وردي بالك تكون عاقلة وزينة
منعرف يحبها خدامة ؟؟؟؟؟؟؟؟؟؟؟؟؟؟؟؟؟؟؟؟
كما يجي يجاوبنا هههههههههه​

 

[إيمان قلب]

عجبتني الملاحظة تاع الزين كاين في باتنة
ايه صـح يقولو الشاوية باهين :shiny:
mais حتـى نآس ميلـة باهين ماعندك ماتقول فيهم
[نآس الشرق كآمل :shay:]
كاين ناس يديو من ولاد ولايتهم ويصراولهم المشاكل
و اللي فلبعد يعيشو مليح
حنا عندما فلافامي مايبعدوش بزاف يزوجو من ميلـة [قرارم ]ولا قسنطينة
كرهنا لازم شويـة التجديد ،باه فالصيف نلقاو واين نحوسو :shiny:
​

يه يه حتى ناس بنات الغرب شابات والدليل انا قدامكم :scared: آآآ حقا ماراكمش تشوفو فيا​

 

[إيمان قلب]

ايه تبداو على بركةالله
نجيبولوا وحدة ديجا صايي لابسة جلباب ودايرا الي نسيت اسمها او سمها في الملاحظة
وردي بالك تكون عاقلة وزينة
منعرف يحبها خدامة ؟؟؟؟؟؟؟؟؟؟؟؟؟؟؟؟؟؟؟؟
كما يجي يجاوبنا هههههههههه​

ههههههههههههههههههههه نو نو العقل والزين ماكاش فالإستمارة
علاش هو يحوسها كاملة وا الكمال لله
يااااااااااااااااااي كيفاش ماتعرفيش هذاك واش يسموه وانا اللي ناوية نديرلك جلباب
يسموه البرقع ايا قولي مورايا برقع ههههههههههههه
ايا سفيان خصنا تقوللنا خدامة وندبرو واحدة من الغرب وواحدة من الشرق ولك الخيار:sheer:​