واش نكره كي نشوف واحد يمضغ في الشوينgوم ...

[ماكانش]

السلام عليكم خويا ماكانش

صح ماجاياش الولد يامدغ العلك و كيما قلت يدير الحركات تاع النسا ههه
هههههههههه انا شفتها دور بزاف عند صحاب البالون علابيها و لات لامود
شكرااا​

وعلكم السلام
اهلا نسرين
بصح تبالي جماعة البالو يعرفو يمضغو
هذو تشوفيهم تحيري
مانعرف مايفيقوش لرواحهم ولا واش ...​

 

[نسيم الربيع]

اععععععععععع وش نكرههم ونعافهم بزااااااااف
يولي يباني لابس قش الشطاحه
يولي يبان .......... حاشاكم
اع خلينا
مالا مره حكمت بابا ففمو الشوينقوم هههه
قتلو :scared: :scared: هكا ربيتك ؟ هههه
قالي لالا راني نيطوايي في ضروسي برك ههه وراح طيشو
مارسي عليك سفيان​

 

[ماكانش]

و عليكم السلام و رحمة الله و بركاته

و الله غير عندك الحق
يصرعوك سوغتو كي يكونوا ياكلو ويزيدو يخزرو فيك.... يالطيف ​

هههههههههههههه علابالك كي قريت هذي الجملة ...قريب مت بالضحك تخيلتك كيفاش كنت راح تعطيلو هذاك الكف ههههه​

انا نشريه بزاف مي مانكلوش ......غير خطرة فالزمان
شكرا الك اخي
موضوع هايل و الله يهدي ماخلق

سلامي الك​

اهلا بيك املي
ههههه
خاص غير يديرو هذيك لبلوطة تاع لود الصغار ينفخوها من فمهم ههههه
يعطيك الصحة املي ربي يحفظك​

 

[السلطانة]

وعليكم السلام
ههه انا وحدة من الناس منحطوش في فمي خلاااااه غير مرة في العام
ههه صراحة كي نشوفهم يترشقو فيه نتفكر فيفي وليلى المصريات خخخ
ومابالك كي يعودو الرجال يلوكو فيه
مشهد يعيييف
شكرا سفيان
​

 

[النورس]

الطفلة لي تاكللو برا و تمطق و تلعب بشواربها و عيب
راهي فتنة
اما هادي تع الراجل هههههههه
ربي يمنعنا
وقيلة انت راك طحت في واحد من هادوك لي ميتسماوش

​

 

[الورد الأحمر]

جامي شفت واحد يدير هك مي شفت لبنات
أنا نمضغ الشوينـgـوم ونطرطقو مي كي نكون
في الدار برة نو نمضغو سكيمي سكيمي حد
ما شافني وكيما قلت عيب راجل طول وعرض
ووزن يدير عفسة كيما هذي تعتوقو ففففف
يعيفو تاع الصح واشمن رجولة بقات راحت
بمجرد مضغ الشوينـgـوم هكاك
مممم سخفتني في الشوينـgـوم نروح نجيب
حبة ونكمل السهرة مع اللمة ومغسي عالموضوع
هيا تقبل مغوغي الجميل الرائع ههه وسلامو
​

 

[07 _H@yThm]

عيش تشوف
...........

 

[ماكانش]

وعليكمـ السلامـ ورحمة الله تعالى وبركاتهـ​

هياااااااااااا الحقو موضوع صون زواج الكمية محدودة التالي مايبقالوش
اخخخخخخخخخ والله نعافهم ياخويا سفيان هذوك اللي يديرو حركات تاع النساء ياااي
كان واحد يقرا معايا ديما يجي يقعد مورايا وتسمع غير طق طق طق اففففففففففف
ومرات يقولي آنسة يعيشك مانلقاش عندك حبة شوينقوم مسكين نسات ماماتو ماعطاتهالوش قبل مايجي
وكاينة حتى فالبنات اللي تاكلو فالشارع ماهيش جاست تاع امرأة ولاتعجبك كي تكون طرطق فيها
تقول لواحد يروح يعطيلها درس فالأخلاق اووووف خليني قلبي وجعني
كول الشوينقوم بالصح بينك وبين روحك كي تخلاص البنة طيشو
وانتي كولي الشوينقوم في داركم مش حتى ديري عرض بيه
هيا انا كثرت الهدرة
يعطيك الصحة على الموضوع
في انتظار الجديد صون زواج​

سلامي ... احترامي

اهلا ايمان
هههههههههههههه
قلتلكم مانحكيش غير على الزواج وماصدقتونيش هههه
ضحكتيني كي قلتي ماعطاتوش ماماه هههه
المشكل ماشي غير المخنثين الي يستعملوها
حتى العادي وتجيني عيب كي ينضغوها
اما النسا هذيك سقاطة بلا هدرة ...
يعطيك الصحة ايمان​

ههههههههه مرسي خويا على الموضوع الباهي

انا هاد الظاهرة نكرها بزاف انا نعرف بلي الشوينقوم للنساء برك مي الراجل اه كارثة عظمى بغى تعواج فم ولا تمثاق

الله يهديهم برك

ههههه
اهلا خولة
هذاك هوا الشوبنgوم للنسا
عيب كبير راجل بشلاغمو ويمضغ فيه
يعطيك الصحة ...​

التمطيقة و زيدلها المشية الحنينة ههههههه

و الله كي نشوفهم تقول نروح نسوسيدي على الزهر المعوج​

​

هههههههههه
ياي خلينا منهم راني نعافهم هههه

فعلا اخي عندك حق فذلك منظر مقرف ...
الطريفــ هو أنــ أولــ منــ مضغ العلكة في العالمـــ كانوا رجالــ في المكسيك و كانو يستخرجون مادة من احد الاشجار و يصنعونه ان لم تخنيــ ذاكرة معلوماتي...
و بالعودة للموضوعـــ فعلا من العيبـــ و المزعجـــ ان يصدر شخصـــ تلك الاصواتـــ و الحركاتـــ ..المستفزة فهي تزعجـــ من حوله و خاصة اذا كان رجل يقومــ بتلكــ الحركاتــ فهي بها أنوثة و تشبه بالنساء! الا اني لا احبــ، ذلك حتى من النساء فذاك مزعجــ...
انا صراحة امضغ احيانا و نادرا علكة لما تكونــ بطعمـ النعناعــ يعني تعطي انتعاشـ و رائحة جيدة بنفســ الفمــ لكن اكتفي بوضعها بفمي مثل الحلوة اي بفم مغلقــ و بلا اصوات و فرقعات...
شكرا على الموضوع اخي ...
..

اهلا بيك خويا
والله معلومة رائعة يعطيك الصحة
ايه كي خوك ناكل بصح تحت فمي وبلا صوت ومانطولش بيها ...
يعطيك الصحة

Merciii bezzaf 5oya 3la sujet

wallah ana hada mn hwayej li ye9al9oni surtou tchouf weld yakol f 3elk w bzeyada yetarta9 fih hhhhhhh hadi mliha
w tani hata l bent li takol chewingome f tri9 tesema machi mrabya m3a ehtirami l kol

ok merciii bcp

ههه
يعطيك الصحة صبرينة ...
يطرطقو ويعوجو في فامهم اففففف راني تخيلت واحد ديجا كرهت ههههههه
والنسا هذوك بلا مانحكيو انا نعتبرها سقاطة ...
يعطيك الصحة صبرينة

ههههههههههههه هادي كامل للاعضاء

انشاء الله تعجبكم

ههههههههههههههه
حبة كيما هذي ولا خلي ههههههههههه
​

 

[{مُدَلَّلَتُهُ}]

السلام عليكم

عندك الحق خويا سفيان عيب راجل قده قد روحه يمضغ الشوينgوم و يطرطق تحسبه طفلة انا تاني نكره هاد العفسة عدنا واحد في الكلاسة ديما الشوينgوم في فمه يقلقني ما ندورش gاع من جيهته هههههههههه

مشكووووور على الموضوع

 

[زوالية و فحلة]

سلام
انا والله مش ضد فكرة الشوينقوم مالا وعلاه داروه؟ به ناكلوه مي في الحدود المعقول كاين ناس مايتنحاش من فمهم وزيد تعواج الفم وهكاك عيب حتى على البنات مش غير الرجال

 

[kojak]

اروح انا قداش نكره الراجل لي يوكل الشوينقوم ويطمطق.....واحد النهار ركب حذايا واحد ظربتو على طرق طرق........لي يدير فيها .......قتلو يرحم والديك طيش الروضة لي في فمك وخلينا نريحو لعبها مسنطح عطيتو الحس ...
​

 

[DARINE05]

صباح الخير والله سفيان غير كوشة عبد الصمد ملحقوش على البلاصى الاولى ههههههههههه
واش نقلك انا طفل كي يمضغ نعتبرو فملاتتتتتتتت والله نكرهوم ههههههههههههههه
حتى النساء كي يمضغو ويطرطقو دقول محارق في فمها نكرهم هههههههههههههههه
مرسيييييييييييييييييييييييييييي

 

[Ranosa]

اخخخ تقول طليت على عقلي ههه انا تاني نكره الطفل الي يتشبه بالنسا تحير فيهم تلقاه راجل الله يبارك بالموسطاش ويدير هاذوك ليجاست يخي يخي ربي يهدي

 

[hiba14]

ااااااااااا
ما و تشوفني انا الجن و التعفريت تاعي
الدوخة تقبضني علابالك
نمرض و راسي يضرني و يطلعوني لسبيطار و يديرولي سيروم و ...................
و الله غي طحتلي في الطابع

 

[بر الامان]

بصراحة هدي العادة نكرها و نشمئز منها و ما نحبش نشوفها حتى فالنسا ما بالك الرجال و لا الذكورة على حد تعبيرك . راح يولي مظهرهم مقرف لحد كبييييييييييييييييييييير ما نقدرش نوصفو:cra_zy::schmoll: :no_1::cursing::angry:.
تحياتي اليك.

 

[المتفائلة_91]

ههههههههههههه ، ، راك داير كيما بابا وعمامي ، يكفرو بالراجل اللي يمضغ الشوينقوم قدام الغاشي


حتى انا يطيح من عيني الواحد كي يعود يلوي في فمه ويتمطق ،

على الفكرة ، حتى الطفلة عيب تاكل الشوينقوم قدام الرجالة ، تعتبر مش مليحة ،،،

كاين اللي تلقاها تمضغ وتعاود وتخدم في النفاخات ،،،

انا الصراحة ملي كبرت ماما وصاتني ماناكلهاش البرا ، وكي تعطيلي صحبتي وحدة نحشم بش نرجعها مالا نسرطها




شكرا ليك​

 

[عبدو28]

فوائد صحية وذهنية لمضغ العلكة

بحوث طبية: فوائد صحية وذهنية لمضغ العلكة

رغم انتشار عادة مضغ العلكة بشكل كبير بين كل الشعوب، إلا أنها مازالت تعاني من الصورة السلبية المرتبطة بها، فمضغ العلكة مازال ينظر إليه كعادة سيئة تدل على قلة الاحترام والتراخي أو أنها علامة التوتر العصبي.
لكن العلماء اكتشفوا الآن بشكل مؤكد أن مضغ العلكة له آثار إيجابية على جسم الإنسان وعلى نفسيته، حسب تقرير تنشره مجلة «هيلثي ليفينغ» أو «الحياة الصحية» في عددها الصادر الأربعاء 15 يوليو/تموز 2009. وبذلك يمكن للشباب والمراهقين الرد على الانتقادات التي توجه لهم بالإقلاع عن مضغ العلكة. فقد أظهر عدد من الدراسات الحديثة أن العلكة تساعد على التخلص من التوتر وتخفف من انقباض العضلات بسرعة: فحركة المضغ المستمرة، تساعد على ارتخاء عضلات الفك والرقبة وتساعد بذلك على التقليل من مرض الصداع الناجم عن التوتر، ومن ناحية أخرى، فهي تساعد على التخفيف من الضغوط النفسية. كذلك توصل باحثون بريطانيون إلى أن المضغ يساعد على زيادة سرعة ضربات القلب وبالتالي يساعد على إمداد المخ بالأوكسجين وبالمواد الغذائية، مما يسمح بتحسن أدائه وتحسن عملية التفكير.
اما أطباء الأسنان فينصحون بتناول العلكة التي لا تحتوي على السكر من ناحية أخرى، يساعد مضغ العلكة في تنشيط عملية الأيض، وبالتالي يساعد على إذابة طبقات الدهون المخزونة في الجسم، وهو ما يجعل خبراء التغذية ينصحون بمضغ العلكة للراغبين في تخفيض وزنهم. كذلك يعد مضغ اللبان حلاً جيداً بالنسبة لهؤلاء الذين يتبعون حمية غذائية، بدلاً من منعهم تماماً من الحلويات، فالعلكة تحتوي على نسبة ضئيلة من السعرات الحرارية، وتقلل من الشعور بالجوع. ومن جانبه، ينصح ديرك كروب، المتحدث عن مبادرة «برودينت» لصحة الأسنان، في مجلة «هيلثي ليفينغ» بالاعتماد على أنواع العلكة الخالية من السكر، والتي تحتوي على مادة زيلتول، التي تساعد على مقاومة تسوس الأسنان على حد قوله، وأضاف: «لا يجب المبالغة، ولكن مضغ علكتين أو ثلاث يومياً قد يعد مكملاً لوسائل العناية المعتادة بالأسنان».​

​

 

[meriem150491]

ياخويا كول الشوينgوم على روحك بصح ماتمطقش وماديرش الحس وماتخرجش لسانك وتعوج فمك بزاااااااااف
اخخخخخ واش يكرهوني وواش نعافهم


المقطع هدا لا دارو واحد لا شتو صاي نعتبرو من هداك النهار مش راجل

 

[ماكانش]

اععععععععععع وش نكرههم ونعافهم بزااااااااف

يولي يباني لابس قش الشطاحه
يولي يبان .......... حاشاكم
اع خلينا
مالا مره حكمت بابا ففمو الشوينقوم هههه
قتلو :scared: :scared: هكا ربيتك ؟ هههه
قالي لالا راني نيطوايي في ضروسي برك ههه وراح طيشو​

مارسي عليك سفيان

ههههههههههه
مزيا نحيتي واش كتبتي لاخاطر كنت راح نضحك بزاااااااف ههههههههههه
هذوك خلينا منهم نسيم مارانيش نحي عليهم
انا نحكي على الراجل الي يستعملهم ...
يااه هكذا ربيتك هههههههههههههههه
قتلتيني بالضحك نسيم ههههههههههههههه
ربي يحفظهولك
خليه ترونكيل هههه​

وعليكم السلام

ههه انا وحدة من الناس منحطوش في فمي خلاااااه غير مرة في العام
ههه صراحة كي نشوفهم يترشقو فيه نتفكر فيفي وليلى المصريات خخخ
ومابالك كي يعودو الرجال يلوكو فيه
مشهد يعيييف
شكرا سفيان ​

هههههههههه
اهلا شوشو
تهنيتي
وكاين بنات مايخطيش فمهم
بصح مانحكيوش عليهم نحكيو على فيفي وعلوي ههههههه
تبالي تنقص من رجولتو كي ياكل قدام الناس الشوينgزم
اما ليفملات هذوك مارانيش نحكي عليهم ..
يعطيك الصحة شوشو

​

 

[zahya]

ايه يا سفيان لي يمضع الشوينgم بهديك الطريقة سواء راجل او مرا عيب عليه ....... والراجل عيب عليه زوج مرات