Facebook وما راه داير فينا

[AdNan31]

السلام عليكم خوتي وش راكم

غادي نكتب عن ظاهرة شفتها بزاف في الفايسبوك ههههه

عن ليجان يديرو علقات مع البنات في الفايسبوك تلقاها دايرة marie avec flaaaaaaaan
en couple avec??????? ههههههههههه والله حيرتني الدعوة هادي
وش تتمنى باش تتزوج مالقيتي عليها وين في الفايس بوك

وعلابالك الفايس بوك داروه باش الناس دير اسماءها الحقيقية ويتعارفو
مي هوما يديرو اسماء الفنانات وحدة افريل لافينغ وحدة لاعبتها من الروك ولا ايمو باش يشوفهاش خوها اهههههههههههههههههه

الملاحزة الاخيرة ونبعدكم هيا دايرين علاقة اخوة بين ليزيامي نتاعها في ميزكم علاه

يجي واحد يقولها راكي مرتبطة ديري معايا EN COUPLE تقوله والو سمحلي هو شا يدير

يرسلها باش تولي اخته SEOUR HHHHHHHHHHHHHH

شا غادي نزيد شا غادي نخلي والله غير حرنا

ايا بالسلامة
​

 

[ماكانش]

والله ماعلابالي بالفايس بوك هذا

 

[barca.moha]

أولا : وعليكم السلام ورحمة الله تعالى وبركاته
ــــــــــــــــــــــــــــــــــــ
يا خويا نورمال خلي الناس تعيش دنيتها كاين اللي تعرفو ومن بلادها دايراته اون كوبل ضحكتني هديك نتاع كيمتحبلهش يرسللها تكون أخته يا خي حالة يا خي​

 

[دنيا البسمة]

منين حلات لا ديسكيسيو راحت لاكونكسيو
وهاي يايايايايايا اجوتيتها امي يانا ولات حبيبتي هاي مامي مامي مامي
انا سبابي الفايس بوك انا عرفتها فالفايس بوك
ههههههههههههههههههههههههههههههههه
ياك امين تيتي وغنا عليها وحتى هو صراتلو
هههههههههههههههههه
الله يهدي

 

[AHLEM1992]

وي عندك الصح
مي لولاد تاني واحد فورلان و واحد توم كروز و لاخر wentworth miler واحد لاعبها ايمو زعما
في الهوا سوا كي لبنات كي لولاد
يعطيك الصحة على الموضوع عدنان ...​

 

[islam-php]

عيش لأ ـvـي

 

[nina bonoise]

كي لبنات كي لولاد
و هذيك تاع soeur & frere
حاجة نورمال
​

 

[فراشة الربيع95]

ايه والله عندك الحق حتى ولينا مدمنين على الفيس بوك هههههه

w situation amoureux 3and labnate w lawlade kolyoume tatbadal tabka makhlo3

 

[adel-mz]

صح كاينة
مي وين تحط روحك تلقى روحك

 

[AWDIESL]

kol wahad 3lach dar l face book

gosra
ta3arof
yhawas 3la shab
yastfad

had chi yban men les amies et les publications et ....................bezaf 3fayas

merci

​

 

[حفيد هواري بومدين]

واش رايح نقولك أأكبدي لي ماعندوش فايس بوك دوركا يسمويه متخلف
مالا العبد كي يقلق يدخل ينحي على بالو مع صحابو وتربح​

 

[Houda Chaouienne DZ]

هههههههههههه
شحال كرهت الفايسبووووك

مارسي خويا ع الموضوع
​

 

[dendor]

السلام موضوع مليح ويحتاج صح للنقاش
الواحد كي يسجل في منتدى ولا موقع ولا في الفيس بوك
نورمالمون تكون نيتو صافية داخل يتعلم يثقف يتعرف على ناس ماعليش
يكون عندو ضمير كيما يقولو خاصة الطفلة
ماشي والديها دايرينلها الانترنيت باش دير en couple avec quelqu'un متعرفوش
هادي حوايج ماشي مليحة

 

[AdNan31]

مشكورين على المرور والله ما ني قاد ندير كل واحد اقتباس هه
​

 

[الورد الأحمر]

هههه وي شفتها الظاهرة هذي خخخ
يضحكو زي الكوميكات ربي يهديهم
كي شغل اشهار راني فيونصي مع فلان
ولا أون كوبل مع فلان ولا ماغيي
خخخخ يضحك شعب الفايس
مغسي عالموضوع وسلامو
...
أنا دبر راسك ديرلي اقتباس لردي
ما تقوليش ما قادرش
سي نو نحذفو خخخ
بايو


​

 

[Tina Dolla]

هع هع ،،


والله صح هبآآآلــــــ


الحمد لله ماعندييش فآيس خووكـــ

ومانيش معولهـ باه نديير وآآحد


ربي يسترنآ​

 

[AdNan31]

هههه وي شفتها الظاهرة هذي خخخ
يضحكو زي الكوميكات ربي يهديهم
كي شغل اشهار راني فيونصي مع فلان
ولا أون كوبل مع فلان ولا ماغيي
خخخخ يضحك شعب الفايس
مغسي عالموضوع وسلامو
...
أنا دبر راسك ديرلي اقتباس لردي
ما تقوليش ما قادرش
سي نو نحذفو خخخ
بايو


​

هاهههه يا سيدي درنا اقتباس
راني خايف تحدفيني انا قاع ههههه
مرسي ختي
​

 

[AdNan31]

هع هع ،،


والله صح هبآآآلــــــ


الحمد لله ماعندييش فآيس خووكـــ

ومانيش معولهـ باه نديير وآآحد


ربي يسترنآ​

تهنيتي منه والله
انا راني معاه وحصلت فيه هههههه
​

 

[N@riM@N]

وي سي فري كاين هاد لعفسه انا كي شفتهم من لول حسبتهم صح
قلت الله يبارك راهو لغاشي قاع مرتبط مالا نسبه لعنوسه لي طالعه واش قصتها
ايا كي شفت واحد شومار كان يقرا معايا اون كوبل ومرتبط
قلت الحمد لله ع نعمة لعقل

​

 

[الورد الأحمر]

هاهههه يا سيدي درنا اقتباس
راني خايف تحدفيني انا قاع ههههه
مرسي ختي
​

نونو ما عجبنيش
عاودو خخخخ
نتمسخر
هيا مغسي
سلامو
​