لحقنا للقيس للنسا يسوطو فيه الرجال

[hiba14]

السلام عليكم
المهم جيت نحكي شا صرانا عندنا عندها 3 ايام
قالك قاعدة في امان ربي نقي في البطاطا و برد الحال علامة حتى بدنا نسمعو في الزgا في البلوك حاجة جامي اسمعتها تقول مهبول
المهم جريت باش نخرج قالي بابا وين خارجة هاك استري روحك كنت غي بالبيجاما ههههه
الفايدة طلعت نلقى احسبوا معايا جارنا (ص) و و لادو زوج شاشرة و زوج شيرات و زوج ضياف عندو نسا و مرتو ايا و جارنا (ك) و مرتو و زوج ولادو شاشرة و جارنا (ر) وحددو برك و جارنا (ا) و مرتو اربعة بناتو شيرات و جارنا (ه) و ثلاثة ولادو شاشرة و مرتو و بنتو اه و انا و اختي و بابا
واقفين نلكو على جارنا (ب) هو مرتو مدابزين مع اللي حداهم تاني جوارينا 3 شيرات اه بابات هاد الشيرات واقف مع اللي يسلكو مسكين و هوما طايحين في الراجل سنسروه سوط و الله و شفتو شا دارو فيه مخكم يحبس ما يديكلونشيش و احنا يا فلانة اتقي الله راكم جيران و هوما اواه بالا يحسب دار الشيرات هادي دار الرجال ههههههههه
قولناه واه علابالنا و شكون اللي قال انتوما شيرات ادخلو برك و الله غي ساعة و احنا معاهم البالية مديvفيسيا وهوما باغي يهبلو غي الهدرة اللي ما تسواش
البروبلام انهم ما احشموا ما خافوفو باباهم ديابيتيك هو و امهم
المهم في التالي قاع تسوطنا وما حشموش بورتون جامي يصرا عندنا هاك الجوارين ماشاء الله قاع دي كادر و التربية
اه لابوليس صبحو عندنا في البلوك راح اشتكى مسكين مرتو رسمولها الخريطةماهيش حتى تيارتية بهدلونا
ايا توجور درت عشايا بكري باش نبدا التمنشير ياك يلا فات فيه حلالي راني ما نحطلهمش
في لامان
​

 

[الورد الأحمر]

هههه حروب القرم صرات عندكم
تعرفي شوية عييت في لهجتك
فهمت شوية شوية برك المهم
قيس ما نقدر نرد عليك مالا
شبعتي تفراج في الحالة خخخخ
نشفى مرة نسمعو لعياط ونداب
واش كاين واش كاين جينا نطلو
نلقاو جارتنا مع راجلها كانت مرتو
وطلقها وزاد رجعها وهي معاه في
الطوموبيل حتى لقيناهم كلاو بعض
وناضت الـgـيرة هي كسرتلو الطوموبيل
وهو عطاها طريحة بردها ولاّ قلّعلها الخمار
وجبدها من شعرها مرّغها في اللرض
ياو صراحة من فوق يبانو ضحكة
واحنا نطلو من البالكو ههههه
دهشة وفرجة
مغسي اختي عالموضوع فكرتيني
في لاسان هذي ضحكت شوية
هيا سلامو
​

 

[N@riM@N]

اهلا هبوش ختيتي كبرينا لخط مع سخانه راني عميت +وش معنتها شاشره؟
اما تاع ل gيرات تاع شيرات والله عادت نورمال بويسك ماعد كاين ني حشمه ني حياء
وحده لبارح فسوبر ماركت حسبلها مولا لحانوت وحده لحاجه مرتين مباعد تفكر بلي راه نسى قالها اسمحيلي ختي
وهيا ماصدقت وبدات ونتوما ونتوما وراني نعرف مرتك ووووو ياااازح صبت نعطيها كف وهي تتقوعر هكاك ببببف خليقه
مرسي ع الموضوع يعطيك الصحه
​

 

[hiba14]

هههه حروب القرم صرات عندكم
تعرفي شوية عييت في لهجتك
فهمت شوية شوية برك المهم
قيس ما نقدر نرد عليك مالا
شبعتي تفراج في الحالة خخخخ
نشفى مرة نسمعو لعياط ونداب
واش كاين واش كاين جينا نطلو
نلقاو جارتنا مع راجلها كانت مرتو
وطلقها وزاد رجعها وهي معاه في
الطوموبيل حتى لقيناهم كلاو بعض
وناضت الـgـيرة هي كسرتلو الطوموبيل
وهو عطاها طريحة بردها ولاّ قلّعلها الخمار
وجبدها من شعرها مرّغها في اللرض
ياو صراحة من فوق يبانو ضحكة
واحنا نطلو من البالكو ههههه
دهشة وفرجة
مغسي اختي عالموضوع فكرتيني
في لاسان هذي ضحكت شوية
هيا سلامو
​

السلام
شا مفهمتيش اختي الكلمة اللي ما فهامتيهاش قوليهالي
يا اختي غي احشمت اما اللي صرا ما يتخيلوش غي اللي حضروا
صحيتي

اهلا هبوش ختيتي كبرينا لخط مع سخانه راني عميت +وش معنتها شاشره؟
اما تاع ل gيرات تاع شيرات والله عادت نورمال بويسك ماعد كاين ني حشمه ني حياء
وحده لبارح فسوبر ماركت حسبلها مولا لحانوت وحده لحاجه مرتين مباعد تفكر بلي راه نسى قالها اسمحيلي ختي
وهيا ماصدقت وبدات ونتوما ونتوما وراني نعرف مرتك ووووو ياااازح صبت نعطيها كف وهي تتقوعر هكاك ببببف خليقه
مرسي ع الموضوع يعطيك الصحه
​

صحا ان شاء الله بصح انا خفت نخلعكم باسكو الهدرة بزاف
الشاشرة هو مجموع شير يعني الطفل ولا الشاب
يا اختي و الله غي عادو صح نورمال بصح برا قال مايعرفوهاش بصح قدام باباهم و رجال كي السبوعة واقفين جوارينهم و الله غي بزاف
خلاها واحد فيهم لوكان respectitou ry les voisins li rahom wagfin
مرسي حبيبة

 

[hannsg]

اللي فهمت انو واحد جاركم و مرته تدابزوا مع جيرانهم بنات !
ياو لا حيا لا حشمة و اللي يدوخك كي يحسبوا بلي دارو حاجة يفخرو بيها ههههه ماشي عاجبهم كونهم نساء حبو يولو رجال ههههه
هيا سلام و ربي يهدي ما خلق

 

[hiba14]

اللي فهمت انو واحد جاركم و مرته تدابزوا مع جيرانهم بنات !
ياو لا حيا لا حشمة و اللي يدوخك كي يحسبوا بلي دارو حاجة يفخرو بيها ههههه ماشي عاجبهم كونهم نساء حبو يولو رجال ههههه
هيا سلام و ربي يهدي ما خلق

نيشان هاداك انت
عندك الحق فرحانات بعمارهم و خارجين لابوليس نورمال قالك احنا دار الرجال ههههههههه

 

[لاجودان شاف]

ختي وشمعناها تسوطو والشيرات ​

جامي سمعتهم​

 

[hiba14]

ختي وشمعناها تسوطو والشيرات ​

جامي سمعتهم​

[/quote
تسوطو معنتها تضربو ديجا جاية من السوط ياك في اللغة لا هههههه
الشيرات جمع شيرة و اللي هي شابة و لا فتاة

 

[لاجودان شاف]

ختي وشمعناها تسوطو والشيرات ​

جامي سمعتهم​

[/quote
تسوطو معنتها تضربو ديجا جاية من السوط ياك في اللغة لا هههههه
الشيرات جمع شيرة و اللي هي شابة و لا فتاة

هههههه مليح

بالصح
حنا عندنا تبالي الشيرة معناها المخدرات​

 

[07 _H@yThm]

كيما انا صباح روحت لسوق لخضر جات حديا وحد شيره وبدات تهزلي فطماطم لخامره وتلوح فلميزان قتلها احشمي شوى راني انا لي رايحه نشري قاتلي انا راني مزروبه ونتا قاعد تتقلش وبدات تعيط :scared: انا حشمت وبلطت نشرى ورجعت مغبون لدار بلا خضرا عيطت عليا ماما وقاتلي والله ماني مطيبتلكم ليوم:shiny:
روح القا حاجه تتمرهجا نتا وباباك
​

 

[♥ HOUda23 ♥]

سلام
انا فهمت بلي صرات عركة مع جيرانكم والله مرة شفت عركة عند جيراننا كراوا الدار لي بحدانا
هداك النهار روحت من لقراية تعبانة خلاص وش نقولك سمعت الحس ولعياط على الطاقة ونشوف في فازة طاحت
منا لطاقة هههههههههه نسيت التعب تاعي ورحت نقرعج لقيت المرا تضرب في راجلها والله هههههههه
وبعد ماحبس العياط واحد 2 ساعتين شفنا طابلة مكسر داوها عند لمينويزي والسيد خرج وجو مشوه هههههههه​

 

[nina bonoise]

مفهمتش اللهجة تاعك مليح
كلمة و كلمة لا
لي فهمتها صرات عركة و شبعتي تفراج
​

 

[hiba14]

هههههه مليح

بالصح
حنا عندنا تبالي الشيرة معناها المخدرات​

انعم علابالي بصح احنا عندنا الطفلة كيما تقولو

كيما انا صباح روحت لسوق لخضر جات حديا وحد شيره وبدات تهزلي فطماطم لخامره وتلوح فلميزان قتلها احشمي شوى راني انا لي رايحه نشري قاتلي انا راني مزروبه ونتا قاعد تتقلش وبدات تعيط :scared: انا حشمت وبلطت نشرى ورجعت مغبون لدار بلا خضرا عيطت عليا ماما وقاتلي والله ماني مطيبتلكم ليوم:shiny:
روح القا حاجه تتمرهجا نتا وباباك
​

عندها الصح ماما سبة و لقاتها حدورة حتى هي كانت مديgوتيا و زيد الخضرة سبة هههههه

سلام
انا فهمت بلي صرات عركة مع جيرانكم والله مرة شفت عركة عند جيراننا كراوا الدار لي بحدانا
هداك النهار روحت من لقراية تعبانة خلاص وش نقولك سمعت الحس ولعياط على الطاقة ونشوف في فازة طاحت
منا لطاقة هههههههههه نسيت التعب تاعي ورحت نقرعج لقيت المرا تضرب في راجلها والله هههههههه
وبعد ماحبس العياط واحد 2 ساعتين شفنا طابلة مكسر داوها عند لمينويزي والسيد خرج وجو مشوه هههههههه​

ايون يا اختي مرتو و نورمال بصح يتسوط قدام مرتو واعرة

مفهمتش اللهجة تاعك مليح
كلمة و كلمة لا
لي فهمتها صرات عركة و شبعتي تفراج
​

ههههههه على حساب ماراني نشوف بزاف ما فهمونيش المرة الجاية ان شاء الله نكونرولي اللونgاج تاعي بيان
مرسي