الشباب الجزئري ~ تبآ كم نحن فريدون من نوعنا ههههه

[وائل ابن الجزائر]

السلام عليكم و رحمة الله و بركاته
مساء الخير على لي يحبنا ولي مايحبناش علاش.. ان شاء الله تكونو انتيك و بيا مأنتكين ديما :shiny:
:showoff:


--------------------------
ندخلو مباشرة في الموضوع المهم i-o:

بزاف لي جان تاوعنا حياتهم كامل مايخموش على لافونير تاعهم.. حتى يلحقو ل certain age يفيقو لرواحتيهم و يقولو يا ندامة.. و لا يقولو الله غالب مالحقناش

القراية مايكملوهاش.. و يقولك وش نديرو بيها.. القاريين هاد الوقت راهم شادين الحيوط.. و يتبعو المقولة اللي تقول : اللي قرا قرا بكري:scared:

و من بعد للبطالة ديراكت.. يحكمو الحيوط و لي جورني تاوعهم يتعاودو
*المنوض ماشي قبل ال 11 تاع النهار.. غير ينوض ينوض بالعياط.. حطولي حليــــــــب.. و من بعد يلبس الحوايج المخيرين عندو.. يبيكي شعرو.. ويعبق الحالة بالريحة.. تاع اختو بيانسور.. و يجيبها في الزنقة.. بيانسور قدام الليسيات و السيام.. و يقابر هدي رايحة و هدي جاية.. بيانسور مع لي كومونتار i-o:


و من نيمرو تاع هادي لنيميرو تاع لخرى.. و راكم علابالكم كيفاش الحب مسكين راهو يتمرمد في الجزائر

*و من بعد يولي للدار.. يعمرها و يعاود يخبطها برقدة حتى لمور العصر..(لاسياست لازم يطبق السنة).. بصح ينوض قبل المغرب بشوية

*و موراها ديركت للزنقة.. يلعب مع صحابو.. يلعبو ماتش.. دومين.. كارطة
بسلامتهم يعرفو يجوزو الوقت
و يدخل للدار قريب الفجر.. و ديركت للرقاد و ماينوضش قبل ال11 تاع النهار:music_whistling:صايي تعود المشي على هاذ الرثم :huh:

*و هكدا هكدا.. لي جورني كامل يتعاودو.. و يجوزو اعوام و هوما هكدا

**الام مسكينة.. تعيا تنصح ياوليدي يا وليدي..يقولها راني كبير و نعرف مادبروش عليا ..المسكينة هكداك و تبقى تنصح فيه.. بصح شغل راهي تهدر مع حيط للعلم هو والحيط كيف كيف ولا الحيط خير منو بشوي :um_sh:

**الوالد مسكين كيف كيف.. مرات يهدر بالعقل..و مرات يدبرلو خدمة بصح الولد يتكبر على الخدمة.. يقول مانخدمش اي خدمة..(بيانسو يحوس على المدخول بزاف و التعب قليل).. و مرات يداوس مع وليدو و كاين اللي حتى يحاوزو ولادهم و يقول خلي الزنقة تربيه.. مي اسكو الشارع يسقم البنادم؟

**و تجوز عوام و عوام.. هنا الشاب يلقى روحو خلاص بدا يكبر.. راح الحال و يبدا يحسب
لازم يستبيت.. و لازم خدمة دايمة و لازم دار .. يصيب روحو لازم عوام باش يفريها..هنا يقبل باي خدمة يولي يقول يا ندامة لوكان غير يولي الوقت للور.. و كي يسقسوه علاش وصلت روحك لهاد الحال.. يقول الله غالب مالحقناش.. مايستعرفش مامبا بلي كان دايها غير لعب
اسمحولنا اذا جبدنا حاجة تجرح شبابنا
:wink: وحاشا اللي ما يستاهلوش

​

 

[امين المحارب]

السلام بارك الله فيك


ونزيدلك هده الناس نهار واعوام تكون تقرى يكون راقد وكي تربح الباك يقول بالكوبياج ههههههههههه يعني بالتنقال

ونهار الناس تحط راسها في الجامعة وتتخرج يبقى يستشفى فيهم يتمرمدو مع الدواسة والجري وكي يخدموا يقول معريفة هههههههههههه


يبقى يعس في الناس ويشوفو ارواحهم هوما الي صح والناس بلعاطة برك نهار نظيرو يزوج هو يقول ديك البنت انا مشيت معاها ههههههههههه

نهار يبني فيلا صحبو يقول بدراهم الحرام هدا سارق ههههه


ايا فهمو القوم الظالم هدا ويقولو الدولة حاقرتنا انا شفت بعيني بلي والله كون جاو في بلاد ريقلو يخدمو بيهم الصابون هههه


واحتراماتي للجميع


شكرا وائل موضوع شائك وجميل وفي الصميم وقلب الحدث

 

[Tahar333]

وي كاين منها
صحيت​

 

[manal_39]

يعطيك الصحة عمار على موضوع
راك كل كلمة وضعها في محلها
اكثير من الفئيات الذكورية راه في هدا البروgرام غير الفخرة والخرجة باجمل حلة لابسها والاكيد راه الوالدين هوما يصرفوا عليه وتلقاها المصيبة قده قد الحيط لاخدمة ماوالوا غير من ليسي والا جامعة و و و...
وادا تجي تنصح فيه على لقراية يبداى يحسب الي عندهم شهادات واش راهم يخدموا عنباله هو راه في مرتبة خير منهم وهو راه في الاسوى :sad::sad:
ربي يهديهم شبابنا
يااااااااااارب
i-o:i-o:i-o:
​

 

[AHLEM1992]

كاين منها اضافة الى واش قال الاخ
امين المحاب +5 خويا فريمو عندك صح في واش قلت
و زيد تاني انا عندي النيف ما نخدمش مع فلان ولا ما نخدمش في هديك الخدمة انا عندي النيفو
مالغري السيزيام حبس
كامل الجزايريين هكدا نحي منهم وحد 48 برك ( راجل لكل ولاية )
ـــــــــــ
بارك الله فيك اخي
+
تقييم
​

 

[tear of angel]

عندك حق كاين بزاف حطيست فى بلادى

 

[الحياة كلمة]

مشكور اخي وائل لتطرقك موضوع واقع في مجتمعنا عندي اضافة
ان الشب اذا قرا ودخل في اليزافير ينجح
يعني يقدر يكون قافز وما تقلوش ماكانش حل
تجارة راهي تتمشا حالا فلجزائر
الراجل يقدر يقفز
بصح هو الي صانع الفشل لعمرو وكانو كاش نهار راح تصب الشتا دراهم ولا ينوض يلقا روحو مرفه
راه غالط
داروها الي قبلكم ومانجحوش
يا خاوتي اقراو وديرو الراي ما ينفع غير الصح
وحنا النساء الدزيريات مطفرا فينا نقراو من قلبنا وفي الاخير
نخرجو بنات كوزينة وشهادتنا راهي مخبية حتا كي نولو بولاد ولادنا
نتفكروها ونحكيوها قصص لاحفادنا

تقبلو مروري وراني عارفة خرجت شوي علموضوع
لكم مني اجمل تحياتي
​

 

[adel-mz]

اخي انا الراجل نتاع ولايتي معليش .الاخت احلام

 

[barca.moha]

أولا : وعليكم السلام ورحمة الله تعالى وبركاته

والله غير كلامك فور وفري
صاحبي اك تحصيلها مي عندنا في البلاد الله يبارك دراهم عندو ويزيد يخدم من فوق
كبير صغير كامل يخدمو ليصونصيال ميحطش نيفو عند اي واحد ودير لافونير نتاعو بالتعب ويواجه الشدة ليصونصيال مايبقاش حابس ويقولك الله غالب ولا يقول المكتوب يا خويا اللي يتعب ينال وكاين ناس ساجية هدرته تجيبله الدراهم مي لوكان من هدوك نتاع 12 والجال ويستنى عند الليسيات مكان حالة
يا خويا موضوعك هايل واخدم لافونير نتاعك يا خويا مزال الوقت وزيد في موضوعك تبا للشباب ​

 

[المتفائلة_91]

هذه حقيقة الكثير من شبابنا


موضوع مؤثر ، يبعث في قلوبنا الحيرة على ابنائنا​

 

[فراشة الربيع95]

السلام بارك الله فيك


ونزيدلك هده الناس نهار واعوام تكون تقرى يكون راقد وكي تربح الباك يقول بالكوبياج ههههههههههه يعني بالتنقال

ونهار الناس تحط راسها في الجامعة وتتخرج يبقى يستشفى فيهم يتمرمدو مع الدواسة والجري وكي يخدموا يقول معريفة هههههههههههه


يبقى يعس في الناس ويشوفو ارواحهم هوما الي صح والناس بلعاطة برك نهار نظيرو يزوج هو يقول ديك البنت انا مشيت معاها ههههههههههه

نهار يبني فيلا صحبو يقول بدراهم الحرام هدا سارق ههههه


ايا فهمو القوم الظالم هدا ويقولو الدولة حاقرتنا انا شفت بعيني بلي والله كون جاو في بلاد ريقلو يخدمو بيهم الصابون هههه


واحتراماتي للجميع


شكرا وائل موضوع شائك وجميل وفي الصميم وقلب الحدث

عجبني ردك بزااااااف

 

[فراشة الربيع95]

هذا هو حاال شبابنا واش نديرولهم
نورمالمو يعرفوا مصلحتهم
موضوع قيم
شكرا

 

[nina bonoise]

هذي هي الحقيقة
الله غالب حتى الدولة ماهيش عاطيتهم الخدمة

 

[الورد الأحمر]

ايه وي كاينة منها أنا نحير في واحد
كبوقل ما قرا ما همو ويحوس يخدم
في بيغو آلاز تبانلي بلاصتو في الشونتي
ويا ربي مي رجعو ليجان تاع درك مش
تاع مسؤولية ذري بالجملة حاشا البعض
مغسي خويا عالموضوع وسلامو
​

 

[امين المحارب]

عجبني ردك بزااااااف

اللع يعشك هدا واقع :re_gards:

 

[امين المحارب]

هذي هي الحقيقة
الله غالب حتى الدولة ماهيش عاطيتهم الخدمة

الدولة عمرها مامدت الخدمة الشباب هو يجيب الخدمة ما يمدوهالوش راهم يحوسو السكنى تاني

 

[loca]

هههههه واه واعل صح واش قلت بصح لي محيرتني انا
يخمو في زواج ولافونير لالا هههه
ها عندك بروبلام وين راه باغي تزوج اخدم
باغي يخدم قوله شا يدير هههه انا منخبرهش هههه
بصح قاع راهم فايقين دروك متخافش عليهم هكا ويدبرو لفير يخدمو ويتزوجو
مرسي عليك واعل ​

 

[hannsg]

كاين منها اضافة الى واش قال الاخ
امين المحاب +5 خويا فريمو عندك صح في واش قلت
و زيد تاني انا عندي النيف ما نخدمش مع فلان ولا ما نخدمش في هديك الخدمة انا عندي النيفو
مالغري السيزيام حبس
كامل الجزايريين هكدا نحي منهم وحد 48 برك ( راجل لكل ولاية )
ـــــــــــ
بارك الله فيك اخي
+
تقييم
​

هههه اختي العقلية هاذي صح كاينة لكن ماشي للدرجة لي صورتيها انتي فيها مبالغة بزاف
لو نحسب لي نعرفهم انا برك و ما فيهمش التفكير هذا كون نلقاهم اكثر من واش قلتي انتي موجود في الجزائر كامل طول و عرض!
مهما كان ما نبالغوش و ما نعمموش

و شكرا على الموضوع

 

[بنـ MaPa ـت]

وعليكم السلاام

لي يقرى يقرا لروحو ماشي للناس
ولي ماقراش غير هو الخاسر واحد ماراح يتميزر معاه
ولي يقولك بلا قراية نقدر نظمن لافونير نتاعي هادا راه غالط ولي مجرب وصدقت معاه زهر برك ولا دعوة الخير...
مرسي على الموضوع وائل

تحيآآ’’تي
​

 

[الجنرال عمار]

للاسف هدا هو الواقع .....



نقصوا شوي من الحيوط