مطبخ شرطية اللمة/خاص بكل ااطباقي الحصرية فقط/

[السلطانة]

السلام عليكم ورحمة الله وبركاته
مرحبا بكم في مطبخ شرطية اللمة
اردت ان يكون هذا الموضوع
خاص بكل مااطبخه مع الصور والوصفات
:shay:
اذا ماكان لي نصيب وخطبني ابن الحلال
سيكون هذا المطبخ شاهدا على كل طبخاتي i-o:
اذا هنا ستكون كل وصفاتي
سواء الرئيسية
او الحلويات او السندويشات ... الخ
ان شاء الله تستفيد منها كل العضوات
تحياتي للجميع
..........................

..............​

............​

 

[المتفائلة_91]

يعطيك الصحة ، في انتظار وصفاتك



شكرا​

 

[meriem017]

في انتظار وصفاتك اختي
ان شاء نستفيد منها
مشكورة​

 

[girl-alg]

موضوع مفيد

نحن في الانتظار

شكرا مسبقا

 

[barca.moha]

بالتوفيق شوشو
​

 

[إيمان قلب]

ي

عطيك الصحة اختي ...ليس بالغريب عليك مثل هاته الأفكار
متابعة​

 

[FØùfà Bïô]

فكرهـ هآيلهـ آخ‘ـــتي شوشو ..

يع‘ـــطيك الصصصح‘ــــه ..

رآني نستنى في آطبآقك و وصفآتك ..

>> { متنسيش تعرضينآ على قآطو كآش نهآر xd }

بالتوفيق ..~
​

 

[meriem150491]

رانا نسناو فيك هههههه وهدا اللي راح يخطبك ان شاء الله كون يحوس يفهم قولو ام كاينين الشهود

هيا تحياتي
​

 

[rima29]

بالتوفيق شوشو​

 

[برنســ اللمة ـيسة]

شوشيتا الحبيبة
في انتظار وصفاتك الباهية اللي كيما أنت ​

 

[nada242008]

يعطيك الصحة شوشو فكرة هاايلة
كون كل واحد تدير كيفك المنتدى ينشط علكيف
في متابعة وصفاتك المميزة

 

[السلطانة]

مرحبا بيكم جميعا في مطبخ شوشو
نورتو اعزائي ان شاء الله تعجبكم اكلاتي
​

 

[السلطانة]

اليوم طيبت لغدا
فدرت شخشوخة وهادي الوصفة مع الصور:

المكونات:
بصلة مراpيا+ثوم+فخض دجاج+ملح+فلفل اكحل+زيت +حبات حمص
وحطيت البرمة على نار هادية تتقلى

كي تقلات مليح زدتلها الطماطم مراpيا وشوي تاع المصبرة

زدلتها الما بعد ماتقلات مليح مع الطماطم

ضفت حبة جومبو دجاج ورجعت للشخشوخة حطيتها تفور في الكسكاس

كي فارت حليتها بشوي تاع زبدة باه متلصقش

بعد ماجمرتها على نار هادية فرغتها في الصحن وهذا الشكل النهائي

ماحبيتش ننشفها من المرق على خاطر تاع الدار ياكلوها هك

وكوم الشخشوخة جاتني قليلة قلت نطيب معاها بيتزا
جاري وضع الطبق

...

​

 

[برنســ اللمة ـيسة]

يعطيك الصحة شوشو علا هاد الشخشوخة يا حرة ​

 

[السلطانة]

اما البيتزا فكانت كالآأتي:

الوصفة نفسها لي خدمت عليها من قبل
https://www.4algeria.com/vb/showthread.php?t=286297

وهاذي الصور

وللتحلية درت فلون شوكولا

تحياتي
​

 

[meriem150491]

ربي يبارك اشوشو راكي قافزة هههههه

ايه هدو النسا الحراير ولا خلي


هيا تحياتي
​

 

[إيمان قلب]

الله يبارك عليك اختي شوشو روووعة
بغيتك برك تفهميني فالشخشوخة هذيك اللي فورتيها واش هي
باسكو احنا عندنا الشخشوخة نخبزو شغل مطلوع بالصح مانديرولوش الخمارة نقولوله الفطير
بالصح ماظهرليش كيف هاك
يعطيك الصحة ...​

 

[السلطانة]

ربي يبارك اشوشو راكي قافزة هههههه​

ايه هدو النسا الحراير ولا خلي​

هيا تحياتي​

اهلا مريومة نورتي كوزينتي
الله يبارك فيك ههه ايه زعمة راني في ستاج كوزيني هاد الصيف
شكرا حبيبتي :shay:

 

[السلطانة]

يعطيك الصحة شوشو علا هاد الشخشوخة يا حرة ​

الله يسلمك فوفا :shay:
منورة حبوبتي

 

[السلطانة]

الله يبارك عليك اختي شوشو روووعة

بغيتك برك تفهميني فالشخشوخة هذيك اللي فورتيها واش هي
باسكو احنا عندنا الشخشوخة نخبزو شغل مطلوع بالصح مانديرولوش الخمارة نقولوله الفطير
بالصح ماظهرليش كيف هاك

يعطيك الصحة ...​

الله يبارك فيك اختي ايمانو مرحبا بيك
الشخشوخة لي فورتها هي لي نفتوها بالظفر
حنا عندنا في قالمة هادي هي الشخشوخة
وهاديك لي تطيب فوق لقزديرة وتجي ورق نقولولها النعمة او لفطير
يعني النعمة تاعنا هي الشخشوخة تاعكم
:re_gards: