مطبخ شرطية اللمة/خاص بكل ااطباقي الحصرية فقط/

[السلطانة]

اليوم غدانا كان خفيف
قليت الفلفل
وطيبت فازولا بالدجاج

:re_gards:​

 

[آمِيْرَتُه]

بصحتك شوشو والله اكلاتك كلها روعة

 

[إيمان قلب]

يعطيك الصحة شوشو
يسلم الأيادي
سلاامي​

 

[the summer]

يعطيك الصحة مرا ونص وربع

 

[السلطانة]

يعطيكم الصحةي البنا نورتو الكوزينة
تحياتي ​

 

[روعة2005]

بارك الله فيكي شوشو 10/10​

 

[عشقي الامارات]

ya3tik essa7a

 

[ايمان التلمسانية]

يعطيك الصحة شوشو دائما متألقة ...
​

 

[rima29]

يعطيك الصحة شوشو​

 

[نرمين]

ya3tik esa7a chouchou bn courage ​

 

[السلطانة]

يعطيكم الصحة حبيباتي نورتووووو​

 

[السلطانة]

اليوم طيبت ملوخية للغدا كالأتي:
اطراف دجاج+ملح+فلفل اكحل+كروية+بصل++ثوم +زيت وخليتها تتقلى على نار هادية

كي تقلاة زدتلها طماطم راpي

زدت شوي ماء وخليتها تغلي

جبت ملوخية الذواقة

خلطتها مع شوي زيت

زدتلها فلفل حار وحركت مليح

مباعد فرغتها في البرمة باه تطيب مع قرن فلفل

وكي طابت وصفات فرغتها في الصحن

 

[إيمان قلب]

يعطييك الصحة شوشو
متابعة​

 

[الورد الأحمر]

يعطيك الصحة شوشو عالفكرة تاع المطبخ
وعالأكلات لي طيبتيهم مرا ونص
ايه انا نخاف ندير كوزينة كيفك وتبقى فارغة خخخ
مغسي ليك وراني نتبع فيك باش كاشما نديرلهم
في رمضان كي توصل دالتي في الكوزينة
ايه وراني شفت ماما تشوف في موضوع من تاعك
لي دايرتيهم هنا في منتدى الطبخ
هيا سلامو بشبش
​

 

[آمِيْرَتُه]

يعطيك الصحة مع اني منعرفش المولوخية بصح تبان بنينة

 

[برنســ اللمة ـيسة]

سلام
علابالك يا عائشة لاحظت حاجة عندك و عندي في كوزيناتنا
الشخشوخة مبدلة من بلاصة لأخرى
حنا كيفكم شخشوخة الظفل ساعات نقولولها شخشوخة الظفل و لا الشخشوخة القسنطينية يعني مشهورة في الشرق بزاااااف
و اللي تطيب على القصديرة هاديك نسموها النـــــعمة كيما نتوما
و راني مصورة شخشوخة الظفر حبيت نحطها باش نتفاداو النقاشات اللي بلا فايدة
قريب راح يتقابضولي على اختلاف الشخشوخة من منطقة لأخرى
سلام​

 

[rima29]

يعطيك الصحة يا شوشو
خموووس عليك​

 

[السلطانة]

شكرا ليكم حبيباتي راني هجرت المطبخ قبل رمضان ههه ودرك وليت ​

 

[السلطانة]

اول يوم من رمضان طيبت انا لفطور

وكان كالاتي:
شربة فريك باللحم +زيت+ملح+فلفل اكحل+نعناع+حشايش+واكيد جامبو
كي العادة حطيتهم يتقلاو حتى تقلاو مليح وزدت الطماطم وخليتهم يغليو ومباعد زدت الماء وخليت اللحم يطيب
كي طابو زدت الفريك وخليتهم يطيبو

هادي سلاطة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 30 كيلوبايت.

وهادا بوراك

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 30 كيلوبايت.

هادي كسرة تاع لخسيس

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 30 كيلوبايت.

هادي مرقة حلوة :sadwalk:
كي تفتفتها غلطت حطيتلها الثوم
:scared:نسيت عليه بلي ميتحطش فيها
جات فيها الريحة تاعو :sad:
قاتلي ماما باه تتولي المرة الجاية مليح i-o:
درس ههه

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 31 كيلوبايت.

وهادي سالاد دوفروي
بالفقوص والدلاع ولعنب والياغورت والسيرو باسكو معندناش لي فروي بزاف قلت نديرها هك برك

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 26 كيلوبايت.

وهادا فلون شوكولا

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 27 كيلوبايت.

تحياتي
:re_gards:

​

 

[منار السبيل]

بارك الله وفيك
طرح رووووووعة