يا خيتي ما كان حتى مشكل
أنا من تبسة و هذه أكلة تاع البادية يقولولها مرمز بالخضرة و المرمز الأصل تاعه شعير بصح يكون مازاله أخضر و يخدموه و كاين شعير كي ييبس نخدمه منه واحد الكسرة إسمها الرغدة كاش نهار نديرها و تشوفوها و كاينة تشيشة هي كيف المرمز بصح حبتها أخشن منه وتطيب كيف الشربة و تكون خاثرة يعني مجمرة مليح
نرجعوا للمرمز المرقة عادي تطيبي المرقة حمرة باللحم الغنمي و تديري فيها الخضرة بطاطا و قرعة و فول مفصص بصح أنا ما عنديش الفول درت في بلاصته الحمص
و المرمز تجيبه شايح و تفرغيه في حاجة واسعة و تصبي عليه الماء المغلي و تصفيه و تحطي فوقه شوي ملح و تغطيه باه يتشرب و كي يتشرب نفوره الفورة الأولى و نرشه و نزيد نفوره فورة ثانية و نرشه بالماء طبعا و بعد الفورة الثالثة و الأخيرة و نسمغه بالدهان الغنمي و تسقي بالخضرة و تاكلي بالهنا
خسارة كون جيتي قريبة نبعثلك صحن راني درت بزايد
أنا من تبسة و هذه أكلة تاع البادية يقولولها مرمز بالخضرة و المرمز الأصل تاعه شعير بصح يكون مازاله أخضر و يخدموه و كاين شعير كي ييبس نخدمه منه واحد الكسرة إسمها الرغدة كاش نهار نديرها و تشوفوها و كاينة تشيشة هي كيف المرمز بصح حبتها أخشن منه وتطيب كيف الشربة و تكون خاثرة يعني مجمرة مليح
نرجعوا للمرمز المرقة عادي تطيبي المرقة حمرة باللحم الغنمي و تديري فيها الخضرة بطاطا و قرعة و فول مفصص بصح أنا ما عنديش الفول درت في بلاصته الحمص
و المرمز تجيبه شايح و تفرغيه في حاجة واسعة و تصبي عليه الماء المغلي و تصفيه و تحطي فوقه شوي ملح و تغطيه باه يتشرب و كي يتشرب نفوره الفورة الأولى و نرشه و نزيد نفوره فورة ثانية و نرشه بالماء طبعا و بعد الفورة الثالثة و الأخيرة و نسمغه بالدهان الغنمي و تسقي بالخضرة و تاكلي بالهنا
خسارة كون جيتي قريبة نبعثلك صحن راني درت بزايد
