ماذا ستطبخين اليوم سيدتي الجزء 4

[wafae sarah]

وهذي هي البيتزا ان شاء الله تعجبكم !!!

​

 

[رآج ـية العفو]

اسومة نورت اللمة بوجودك :sheer::sheer::sheer:
مرحبا بيك وباطباقك المميزة
لازم نربطلك نرجلك في الموضوع باش ماتزيديش تهربي ههههه
راهي تسلم عليكم عفاف الجزائرية فرداا فرداا رجعت البارح من التصياف وعندها مشكل في الكوناكسيون
مرحبا بفراشة الربيع ووفاء وبكل متتبعي هذا الموضوع
انا طيبت بيتزا وخبزالفوكاشيا لحورية المطبخ شفتو اليوم في في فتافيت
راهو مازال في الكوشة وماعلباليش النتيجة النهائية كيفاه
كي نكمل نوافيكم بالصور
--
فوفة بالنسبة لمكونات راس الحانوت شوفي في مواضيع بائعة الكبريت راهي حطاتو من قبل
هيا قولي واش راكي تطيبي :showoff:

ههههههههههههه
والله يآ حبيبة مآشي بيدي بصح ان شآء الله
منزيدش نغيب هآد ليآمآت أمآ رمضآن الله يعلم
على حسب الوقت والنور نورك حبيبتي
مرسي وبصحتك البيتزآ واليوم مآ شفتش حورية
نستنى تحطي الوصفة

مساء الخير عليكم واش راكم يعطيكم الصحة راكم شاطرين
ابتسام لخفاف جاك هايل
روز لبوراك شهنى بصحتك راح الرحيم
ندى الدوبارة تشهى بصحتك وبلعقل على روح هدا وين تهنيت كنت منقدر ندير والو
لامى الحار للجميع باش مننسا حتى واحدة
هادو طييبات لطيبتهم هدا وين عندى الوقت

مممممممممم
الله يبآرك كل شي يشهي بصحتك ويع ـطيك الصحة

الله يبارك اختي ام ندوش وراجية العفو بصحتكم العشاء انا راني درت بيتزا بشكل جديد و مين راهم عندنا ضياف درت البرانية وطاجين لوبياء خضراء مع الدجاج المقلي و سلاطة وليموناد ودلاع مع الخوخ والتفاح
تفضلوا راكم معروضين

الله يسلمك حبيبة
بصحتكم العشآ ختي وفآء
​

 

[nada242008]

انا ثاني راني وحدي يا روز
بلعكس تحلى التجار غير كي نعود وحدي باش مانسمعش التعليقات المزعجة اللي طيح المورال
درت حسابي قلت نزيد معاه بيتزا اونكا او ماعجبنيش
نلوحو في الخبز اليابس لا من شاف ولا من دري ههههه
جا مليح بصح بنة الزيت زيتون قاوية شوية وانا مش متعودة هههه
مش كيما البيتزا خلاص ..يشبه للخبز بزيت الزيتون والزيتون
الحشوة بنينة زدت معاها باطة طون تاع زيت
يجي مقرمش ياسر
وهذا شكلو

وهذي البيتزا

---وفاء يعطيك الصحة على البيتزا جاتك هايلة
ايمان يعطيك الصحة اطباق تشهي

 

[روعة2005]

اممممممممممم ندوش جاك هايل انا نحب طعم الزيت زيتون ياريت الوصفة من فضلك والبيتزا امممممم
بصحتكم وفاء البيتزا تشهي وايمان عشواتك هايلين والمقروض يجيك روعة روعة
بصحتكم اسماء وروز
العشاء طيبت بطاطا صوطي +دجاج محمر+دلاع

 

[روعة2005]

الحمد لله على رجوع عفوفتنا بخير وعافية
وبصحتك ام دودو التحويسة وربي يعاونك مع النفيض

 

[nada242008]

عفوفة مبروك عليك اللبسة الزرقة وتاتك هههه

اليك الوصفة
300 غرام طحين
2 ملعقة كبيرة زيت زيتون
ملعقة صغيرة سكر
نصف ملعقة صغيرة ملح
ملعقة كبيرة خميرة الخبز
225- 250 ملل. ماء دافئ أو بدرجة حرارة الغرفة
كمية قليلة من زيت الزيتون لدهن العجينة (تقريباً ملعقتين كبيرتين).
صينية مدهونة أو مغطاة بورق الخبز

الحشوة:
4 حبات بصل مقطع شرائح
فصين ثوم شرائح
4 ملاعق كبيرة زيت زيتون
ملعقة كبيرة زبدة
زعتر جاف أو طازج
ملعقة صغيرة ملح
2 ملعقة كبيرة خل بلساميك
200 غرام زيتون كلماتا (يوناني) بدون نوى مقطع نصفين
: طريقة التحضير
العجينة:
1- تخلط كل مكونات العجينة ما عدا ملعقتي زيت زيتون لدهن العجينة، تجمع العجينة بسرعة دون عجن، تغطى وتترك لتختمر لمدة١٠ دقائق تقريباً.
2- تخلط مرة أخرى باليد أو تخفق، ثم تغطى وتترك لتختمر. وهكذا نكرر الخطوة من ٤ إلى ٥ مرات مع ترك العجينة ترتاح وتختمر كل مرة إلى أن يصبح قوامها مطاطي وملمسها ناعم.
3- نضع زيت الزيتون المتبقي في زبدية ثم تدهن به العجينة من الجهتين. تغطى وتترك لتختمر.
4- بعد أن تختمر ويتضاعف حجمها تنزل باليد ثم تقسم إلى نصفين.
5- يفرد كل نصف بواسطة اليد مع الضغط على سطح العجينة بواسطة الأصابع.
6- تغطى العجينة بالحشوة وتترك لتختمر قليلاً.
7- يسخن الفرن ثم تخبز لمدة 20 إلى 30 دقيقة أو إلى أن يحمر الخبز ويكتسب لون ذهبي جميل.
8- تخرج من الفرن ثم تقطع حسب الذوق.

الحشوة:
1- يوضع زيت الزيتون في قدر على النار مع البصل والملح.
2- يحرك قليلاً ثم يغطى القدر ويترك على نار خفيفة مع التحريك من حين لآخر.
3- تضاف شرائح الثوم ويواصل طبخه، ثم تضاف الزبدة ، ثم خل البلساميك.
4- عندما تتقلص السوائل ويتكرمل البصل، يضاف الزيتون ويخلط المزيج، ثم يترك على النار لمدة 3 إلى 5 دقائق. ثم يرفع عن النار.

مدة الطهي: 30 دقيقة

النصائح:
1- هذا النوع من الخبز هش وضعيف، لذا لا يتطلب عجنه مثل الخبز العادي. فينصح بمحاولة جمعه أو خفقه قليلاً ، وكلما تكررت هذه الخطوة كلما حصلنا على خبز الفوكاتشيا الممتاز.
2- يمكن دهن الخبز بزيت الزيتون، بعد إخراجه مباشرة من الفرن لزيادة النكهة.
3- يمكن استعمال نفس الخبز لكن بحشوة حلوة مثل الكرز أو العنب أو المربى ثم رشه بالسكر الناعم.
4- يمكن رش الخبز بالملح الخشن.

 

[روعة2005]

يبارك فيك عفوفة والله ماني متولهة تهنيت من هذيك الخضرا نبان نقرا في الابتدائي ههههههههههه
الخبز عجبني بصح عييت نقرا غدوة نمخمخ معاه ونحاول نجربو قريبا

 

[nada242008]

مساء الخيرات على أحلى وردات في اللمة توحشتكم بزاف
أنا يا سيدي كنت حواسة رحنا لعنابة قريبة لينا دينا لولاد للبحر و فاتو أيامات هايلين و الحمد لله و رجعنا غير أمس و أكيد راني مع النفيض الدار راهي حالة و راح نرجع نتواصل معاكم بإذن الله
نسيت نقولكم مبروك الجزء الرابع العقوبة للمليون
​

ام دودو مرحبا بيك وبصحتك التحواس
--
هههه ماعليهش ديري القلب حتان توصلي للجامعة
فوفة الحشوة جات بنينة ماتوقعتهاش هكا ..طيبيها على نار هادية خلاص
خليها مدة طويلة قريب نص ساعة حكمتلي
والعجينة ارخفيها وماتعجنيهاش خلاص وتبعي المراحل
ان شاء الله تجربيه ويعجبك

 

[روعة2005]

اوكي عفوفة راح نجربو اصلا مكونات الحشو روعة نحب البصل المذبل انا.......
قوليلي هذاك ماجاتك المقادير ولا نقصتي

 

[nada242008]

اوكي عفوفة راح نجربو اصلا مكونات الحشو روعة نحب البصل المذبل انا.......
قوليلي هذاك ماجاتك المقادير ولا نقصتي

المقادير تدير زوج خبزات
درت نصف المقادير برك
تهلاي ارخفي العجينة انا يبستها شوية جاتني شوية يابسة

 

[imane27]

ندى الخبز جا هايل بصحتك يعجبنى طياب تاع حورية المطبخ

 

[nada242008]

ندى الخبز جا هايل بصحتك يعجبنى طياب تاع حورية المطبخ

الله يسلمك ايمان
حتى المقروظ تاعك ماعندي مانقول فيه
بصراحة عمري ماشفت مقروظ هااايل كيما اللي تخدميه
حنا نطيبو غير تاع الكوشة

 

[أم فاروق]

كفتة تاع الحوت بالزيتون والفطر

ماشاء الله ماخليتينا والوا اختي ابتسام ابداع وذوق فحلة الله يبارك

 

[أم فاروق]

بصحتك لعشا ايمان لمقروض يهبل يلمع وكل حبة قد اختها ياريت تعطينا لوصفة نديروه لسهرات رمضان

انا درت للعشاء كوتلات وقليت بطاطا وشوية حميص وقطعت طماطم وعندي شوية شيش طاووق بقا من لبارح حطيتوا ودرك نحطلكم صور

ليوم لقيت جبنة تهبل وطعمتها تجي رائعة لتشيز كيك اسمها فيلا دالفيا وراني صورتهالكم صدقوني اطيب جبنة ذقتها وكيما قلتلكم تجي رائعة لتشيز كيك

 

[imane27]

الله يسلمك ندى هدا من ذوقك نتى تانى ما عندى ما نقول على طيابك
ام فاروق الله يسلمك المقروط رانى حطيتو موضوع من قبل درك نعطيك الرابط

مقروط لعسل بالمراحل المصورة من مطبخى

 

[بنت الشاوية]

Ya3tikoum essaha inchallah

 

[أم فاروق]

لبنات هذا عشايا
وفيه صورة الجبنة الي قلتلكم عليها للي حاية






وادعيولي ربي يرزقني ذيرية ونولي نحط ثلاث صحونة يارب ليا ولكل
اخت محرومة ومشتهية

 

[omhaneen]

هاذا غدانا اليوم كاري الدجاج وروز مع الشعرية نتمني تعجبكم الوصفة إنشاء الله نحطها في قسم الاطباق الرئيسية

 

[ibtesem]

-------------------------بصحتك ام فاروق لعشا ام اشهي
راني عاملة بيها دجى الوصفة تاع التيز كايك
درك نحطهالك
.............
ام حنين يا ام حنين اهلا بيك معانا من جديد
بصحتك لعشا اختي
حطينا الوصفة في الاطباق رئسية

 

[omhaneen]

هذا غدانا تاع البارح بيتزا حار هاذاك وين خرجت من الفور