أے أكلة تمتـــ٬٬ـــاز بــــ٬ــــهآ منطقتكــــم في رمضان ♥ ٬٬♥

@

@نور البيضية@

:: عضو مُشارك ::
*السلام عليكم ورحمة الله وبركآته*
وآش راكم اهل اللمة أنشاء الله ملاح كامل
رمضان على الابواب وما بقالوش بزااااف
وكيما نعرفوا كامل كل منطقة في الجزائر تميزها اكلة او اكلات تقدم خلال الشهر الفضيل
المهم ما نطولش عليكم كل واحد فيكم يعطينا المنطقة لي يتنمي ليها والاكلات لي تميز هذي المنطقة &يقولنا وآش هو يفضل في هذي الاكلات
في انتضاركم
||*تحيآتي الحآرة *||​
 
مشكورة خيتو على الموضوع
حنا في سكيكدة الطبق الرئيسي عندنا في مائدة رمضان هو الجاري أو شربة الفريك
و طبعا معاه البوراك و طبق خلاف و التحلية كل واحد و واش يحب زلابية أو قلب اللوز أو ....
​
 
توقيع souss
قال souss:
مشكورة خيتو على الموضوع
حنا في سكيكدة الطبق الرئيسي عندنا في مائدة رمضان هو الجاري أو شربة الفريك
و طبعا معاه البوراك و طبق خلاف و التحلية كل واحد و واش يحب زلابية أو قلب اللوز أو ....
​
إضغط للتوسيع...

ايه هاذو هما عاداتنا و تقاليدنا
يعطيك الصحة ختي
​
 
العفو أختي
الله يبارك على شربة الفريك ذقتها مرة وعجبتني بلبزاااف حنا عندنا في ولاية البيض في بلاصة شربة الفريك نديرو لحريرة وهي الطبق الرئسي في الافطار
ّمشكورة حنونة*||​
 
السلا معليكم
احنا في تيارت باينة الحريرة تاع المرمز و المعقودة و لحم الحلو هادو يليق اما الطبق المالح من بعد نجيبلك شا نديرو
 
السلااام عليكم
انا من الصحراء ونسكن في عنابة
لكن رمضان نستقبلوه بعاداتنا انتع الصحراء
يعني الحريرة طبق ظروري ونزيد معاه البوراك ومرق الحلو هذا طيلة الشهرر على مائدة رمضان
وبعد صلاة المغرب تحطو زلابية وشامية وقلب اللوز
 
كيما قالت الاخت فرح نفس العادات
حنا مره شربة فريك ومره حريره باش بدلو الروتين
 
حنا الطبق الرئيسي شربة فريك ومعاها البوراك وطاجين حلو وملوخية
وطبق آخر ونحلية وزلابي ............الخ​
 
انا من صحراء طبق رئيسي شربة فريك وطجين الحلو في اول ايام رمضان ومعاه بوراك وخميرة لا احب خبز في رمضان
 
قال ام ميسون:
كيما قالت الاخت فرح نفس العادات
حنا مره شربة فريك ومره حريره باش بدلو الروتين
إضغط للتوسيع...

اهلا ببنت بلااادي مقدرتش نبعت لك رسالة لان مشاراكاتي مزال موصلتش 100 مشاركة
 
طبعا الطبق الرئيسي عندنا في الصحراء هو الجاري والبوراك والطاجين الحلو مع اطباق اخرى حسب الرغبة والخميرة طبعا او مايسمونه البعض المطلوع

​
 
ّ مشكوووووورين كلكم
كاين بعض الصوالح تشترك فيهم قاع الولاية وكاين لالا
شكرآ​
 
حنا الطبق الرئيسي لي ديما حاظر شربة الفريك مع طاجين لحو والبوراك وكسرة خميرة او المطلوع وكاينين اطباق خرين على المائدة على حساب الرغبة كل يوم كيفاه
شكراااااااااااااااااااااااااا على الموضوع​
 
الطبق الرئيسي شوربة فريك و الطبق الاخر طواجن تقاليد الجزائر
 
السلام عليكم
احنا في الغرب ولاية مستغانم
حريرة ولا شوربة و طبق رئيسي
مالح و حلو و بوراك و لا معقودة و
لا دولمة و خبز دار و شامية و زلابية
 
السلام عليكم أنا من وهران
أنا فيما يخص مائدة رمضان
الطبق الأول هو الحريرة و لا استغناء عنها هو الطبق المشهور في منطقتنا و لا ممكن نبدلها بأي نوع من أنواع الشربات الأخرى (لا يجوز هههههه )

الطاجين الحلو
في اليوم الأول نطيب طاجين حلو باش الشهر يمر حلو هذه عادة و أيضا في ليلة النصف
و يكون إما طاجين البرقوق/ طاجين السفرجل/ طاجين الفواكه الجافة(مشمش،أناناس ، شريحة) أو طاجين الزبيب المعسل

المقبلات و المعجنات
عندي نهار بنهار نطيب البوراك أو الفلفل الحلو أو معقودة هي أطباق لازمة في مائدة رمضان بصح ما نعملهاش كل يوم أنوع كل يوم طبق

السلطات
ضرورية و لا استغناء عنها و كل يوم نوع
- سلطة الأرز بالخضر و المايونيز
- سلطة الباربا
- سلطة الجزر المشرمل
- سلطة متنوعة

الطواجين .
- طاجين الجلبانة
- طاجين البرانية
- طاجين الزيتون
- طاجين الفطر بصلصة البيضاء

أو نستبدل الطاجين بطبق في الفرن
- أي نوع من القراتان
- يسطيلة
- سمك في الفرن
-خضار محشية بالكفتة
- الدجاج المحمر في الفرن

و في بعض المرات تكون إضافات
- دجاج كنتاكي
- السمك مقلي
- كروكيت
و القائمة طويلة

و مرة على مرة نجرب وصفة تكون جديدة من كتاب أو حصة تلفزيونية أو من النت


و في الأخير كاين الديسير
نحب نعمل الفلان- محلبي - مهلبية- الديول بالكريمة - القطايف- بسبوسة أو الصامصة ........


و في الأخير نتمنى لكم رمضان كريم
و كيما يقولوا أولاد بلادي صح رمضانكم
 
شكرا اختي على الموضوع

انا من الغرب و من ولاية وهران كيما قالت الاخت ام ماراي الحلوة الطبق الرئيسي ولي منقدروش نستغنوا عليه في

رمضان هو الحريرة .

رمضان كريم للجميع
 
توقيع آمِيْرَتُه
انا من تيارت نديرو الحريرة طبق رئيسي وطاجين جلبانة او لوبيا الخضرة وطاجين الحلو واكيد البوراك وفي السهرة نديروا الشامية والرلابيا والسيقار. وصح رمضانكم
 
حنا في البرج شربة الفريك ضرورية كل يوم في رمضان و كدلك البوراك و اللحم الحلو
و الباقي كل يوم نديروا حاجة ... قراتان ولا جواز ..

و في السهرة قلب اللوز و لا بقلاوة ولا زلابية
و الفلون دايما حاضر


صح رمضانكم​
 
آخر تعديل:
يجب عليك تسجيل الدخول أو التسجيل للرد هنا.
العودة
Top Bottom