نحكيلك همي و واش فات عليا انضريت في لالجيري نشوف بعينيا

[Jeune Sghir Mc]

عندك الحق ربي يهديهم ويهدينا اجمعين

ربي يصلح الاحوال

ويفرج بالخير

سلام
​

كاين ربي كاين ربي
الشدة فيه هو وواش عندي فالعربي
شكرا ليك
​

 

[Jeune Sghir Mc]

آآآآآآآآآآآآآآآه يا صاحبي بلاد ميكي
يعيش فيها غير صاحب التيكي
و في بلاد ميكي لازمك تمد التيكي لصحااب التيكي بااه تعيش مستيكي
واش نقول و واش نخلي بصح لي شااد في ربي و الله ما يندم
تحياتي
​

ولي ماعندوش صاحبي يموووت في بلاد القيفار
ومادامنا نقدرو نطلبو ربي الحمد لله
شكرا ليك صديقي

​

 

[Jeune Sghir Mc]

هذي غناية ول وش
كل اللي قلتوا صحيح
سورتوا صحاب الزطلة
عيني عينك
​

الفكرة اديتها من غناية
ودرتها باسلوبي الخاص
والزطلة السبيل الوحيد باش لي جان ينساو همومهم
وانا راني قريب نروح معاها
شكرا ليك
​

 

[Jeune Sghir Mc]

بلادنا و مانلقاوش خير منها


نورمالمون مانقعدوش غير نعاودو فالهدرة هادي باسكو هكدا مانديروا والو و نبقاو حنا التوالا والحمد لله ماازال كاين لخير فالبلاد و كيما يقولوا حنا المستقبل تاع الدزاير يلزم علينا نبدلو العقلية ديالنا للأحسن و نتفاءلو بالخير باش تتبدل بلادنا للأحسن ​

الله غالب قالك قل الحق ولو كان مرا
وهاذي هي حقيقة لبلاد
نقدرو نبدلو العقلية صح بصح لامحبتش السلطة العليا واش انيدرو
شكرا ليك
​

 

[Jeune Sghir Mc]

خويا هاذي بلادك وماتقدرش تتبرا منها مهما واش يكون
صح حنا نشوفو فالعوج ومانقدرو نديرو والو
بصح بلادك بلادك تحمل الذل في بلادك خير ماتروح عند القاوري ويحقرك
انا يبالي هك الحقرة من ولد بلادك خير من واحد يحقرك في بلادو وترخس روحك عندو​

انا ماقلتش نتنبراو مالبلاد
لي جان مايقبلوش الحقرة ني من وليد البلاد ني مالبراني
يحوسو يعيشو هانيين وبرك
شكرا ليك
​

 

[Jeune Sghir Mc]

هذي بلادنا خويا كلشي بالمعرفة والرشوة
تعود رايح كاش بلاصة باش تعقب كونكور ولا حاجة يقلك
كان عندك معرفة تفضل معندكش غير مكلاه تعب روحك

ربي يهدي هذا مكان
يعطيك الصحة على الموضوع المفيد​

لوكتاه يبقى كلش بالمعرفة ولي ماعندوش باش يحط رشوة ولا مايبغيهاش باسكو حرام واش يدير
شكرا ليك
​

 

[Jeune Sghir Mc]

انا كرهت من هدى بلاد مرانى بغى منهم والو غير يخلونى هانى فى راسى

واه gاع لي جان يفكرو كيفك
لازم نتلاقاو انا واياك ونديرو هدة شابة
شكرا ليك
​

 

[Jeune Sghir Mc]

حسيت راني نقرا في غنية للطفي دوبل كانو بويسك كاين اقتباسات من كلامو
المهم خويا كيما يقولك قطران بلادي ولا عسل البلدان
وباش البلاد تتطور لازم كلش يتبني علي قاعدة صحيحة وهذا ميكونش الا اذا تكون الفرد نبداها من اصغر فرد ونوصل لكبار الدولة وكيما رانا نشوفو العامل البسيط راو عايش بالترافيك والسرقة ولحق للناس الاخري
وشكرا وان شاء الله تطلع البلاد وبزااايد سرقة وتدليييس

لالا ماشي لطفي كريم الكينغ لاتعرفيه
بصح انا اديت الفكرة برك ودرتها باسلوبي الخاص
المهم
كبار الدولة هوما لي يسيرو لبلاد وهوما سباب كلشي
والفرد الصغير فالبلاد ماعندو مايديرغير يهدر كيفي
شكرا ليك
​

 

[Jeune Sghir Mc]

الغلطة فينا كل خمس سنسين نزيدو ننتخبو ونصفقولهم كي يجو ويييييي لقاو رايهم عبي الشكارة واهرب بلادنا ولي جون ملقاوش خدمة وهو يجيبلنا في الشناوة علاه الحقرة هذي وزيد واش يقلقوني لي كي يعطوهم الديار يحلفو براسو علاه بناها من جيبو خلينا القلب معمر ماقري العبد او عايش مي كاين لللقمة ميلحقاش عليها في بلاد البترول علاه هذا المنكر ياو جينا ننتحدو ونقفو يد وحدة راهم كامل يتعدلو من الرئيس للوزير للناس كاملة مي حنا والو غير لي يقول هات تخطي راسي كيما يقولو فيا ولا في صباطي لحمر مرسييييييي تقيم على الموضوع الهادف

صحيتي هذا الكلام لي نحوس عليه
بصح اضربي النح تعود تجي الدولة ترفدنا بين زوج وتروح علينا
شكرا ليك
​

 

[مابقاش بزاف.Dz]

عندك حق خو في كل كلمة قلتها الله غالب هدي كيما قلت بلاد الميكي و بلادنا كتروا فيها ناس الشر

 

[Jeune Sghir Mc]

عندك حق خو في كل كلمة قلتها الله غالب هدي كيما قلت بلاد الميكي و بلادنا كتروا فيها ناس الشر

بلاد ميكي ماوس
كثرو les escrocs و les vampirs
شكرا ليك
​

 

[مرام التيبازية]

سلام خويا موضوع شباب وزيد الشباب اتاعنا يزيدوا يتاثروا بزاف كي يشوفوا ليزيميقري زعما حطة وحبة وفي فرنسا ولا اسبانيا اشوفوهم حاشاكم يلموا من la poubales والله سبحان الله مساكن الشباب اتاعنا ربي يهديهم ويسهللهم.

 

[fufa22]

راك تغني ؟؟؟؟
البلاد واش بيها ؟؟
اعرف كيفاش تعيش
تعيش سلطان
مالـــGـــري ما عنديش مي عايش la belle vie
​

 

[Jeune Sghir Mc]

سلام خويا موضوع شباب وزيد الشباب اتاعنا يزيدوا يتاثروا بزاف كي يشوفوا ليزيميقري زعما حطة وحبة وفي فرنسا ولا اسبانيا اشوفوهم حاشاكم يلموا من la poubales والله سبحان الله مساكن الشباب اتاعنا ربي يهديهم ويسهللهم.

يتأثرو كي يششوفو الgاوري عايش
ويقولو حنا واش خاصنا باه نعيشو كيفهم
مي صح خاصنا بزاف عفايس باه نكونو كيفهم
شكرا ليك
​

 

[Jeune Sghir Mc]

راك تغني ؟؟؟؟
البلاد واش بيها ؟؟
اعرف كيفاش تعيش
تعيش سلطان
مالـــGـــري ما عنديش مي عايش la belle vie
​

البلاد gاع علابالنا واش بيها ماكالاه نصبرو رواحنا
فالبلاد تقرى تتخرج ماكاش خدمة ماتقراش راك تعرف
تحب تعيش كيفاه تعيش وماكاين والو فالبلاد
شكرا ليك
​

 

[مرام التيبازية]

علابالنا قاع رانا عايشين مي صح كيما قال الاخ خصونا حاجات بزاف في بلادنا
سلام تقبلوا رايي

 

[azoula]

مرسي على هاذ الكلام نحيتنا الغمة من قلوبنا
صح راهي بلاد ميكي ماوس وربي يستر منا لقدام

 

[Jeune Sghir Mc]

علابالنا قاع رانا عايشين مي صح كيما قال الاخ خصونا حاجات بزاف في بلادنا
سلام تقبلوا رايي

شكرا ليك مجددا
​

 

[Jeune Sghir Mc]

مرسي على هاذ الكلام نحيتنا الغمة من قلوبنا
صح راهي بلاد ميكي ماوس وربي يستر منا لقدام

انا داير في بالي بهذا الكلام نزيد عليكم الغمة
طبعا بلاد ميكي ماوس
وبلاد توم & جيري
بلاد كي الحوت فالما ياكل فالحوت
شكرا ليك
​

 

[MA§§!N!§§A]

3ajbatni hadii ya khoo

surtoo ki zedtelha sa7btoo mouse

​