أين تم توجيهكم...خاص بتسجيلات طلبة البكالوريا

[fifi18]

واش رايكم في علوم المادة وهل تخصص الفيزياء احسن ام الكيمياء؟

 

[hichem21]

الحمد لله اخترت تخصص علوم المادة جامعة هواري بومدين باب الزوار تحصلت عليها ان شاء الله اوفق في اختياري............

ربي عينك خويا انا او نقرا فيها دير برايي اقرا في سطيف خير قريب للدار او تندم بتوفيق

 

[DALAL21]

الحمد لله عطاوني medecine في باتنة

 

[Ahmed Algeriano]

السلام عليكم
انا تحصلت على الباك بمعدل 14 وقاسوني في شعبة رياضيات واعلام الى بالبليدة
واش رايكم في هادي الشعة وزعمة تقدر توفر فرص عمل في المستقبل
​

 

[katia48]

شكون بعثوها لتيزي وزو من البنات طبعا

 

[katia48]

السلام عليكم

تم توجيهي للمدرسة العليا متعددة التقنيات اقسام تحضيرية
هل هذه الشعبة مليحة مي في تلمسان
نسكن في الاخضرية يدوني حتى لتلمسان والله يا هادو غير ضربة كبيرة
مبروك على كل من لبت لهم الطلبات الاولى

سلام​

و عليكم السلام ورحمة الله تعالى وبركاته
شوف خويا راك وليد بلادي والتخصص ديالك
مليح بزاف وعادي اذا كان في تلمسان هي
صح بعيدة ولكن مستواها طالع بزاف وزيد نتا طفل

وربي يوفقك

 

[إشراقات]

مكانش من البنات لي قاسوها فراماسي في بلعباس ؟؟؟؟

 

[maya31]

انا جيت معدل 15.25
عطاوني علوم اقتصادية . تسيير و تجارة
انا اختاريتها اكيد لانو دراستي و الحاجة اي ما عجبتنيش يعني اي واحد يقدر يديرها ادا كان واحد عندو 18 و لا 10 يعني معدل ما يلعبش دور بزاااف

 

[جريح الزناد]

وانا مدولي اسبانية في مستغانم ....مبرووك للجميع بالتوفيق إن شاء الله
​

 

[samou.dz]

انا مدولي هندسة معمارية وعمران في سطيف

 

[chiguevara]

مكانش من البنات لي قاسوها فراماسي في بلعباس ؟؟؟؟

مبروووووك عليك ختي
عندي صحبتي دارت فارماسي ودور تدير نقل لبلعباس اذا قبلوها راني نقلك
بالتوفيق لكي وللجميع
​

 

[nihal2011]

الحمد لله اخترت طب رغبة اولى
و اعطاوهالي
مبروك على الجميع
​

الف مبرووووووووك و عقوبة ليا 2013

 

[بسمة _امل]

مدولي اداب ولغة انجليزية في مستغانم
​

 

[imy92]

الف مبروك للجميع
انا عطاولي تكنولوجيا في بليدة

 

[جمانة كريستيانو]

انا جبت 11.20 وقاسوني علوم انسانية في بوزريعة يادرا مليحة ولا لالا انا ماهيش عاجبتني

 

[minoucha.mahboula]

انا جبت المعدل 11.30 وعطاوني بيطرة ومرانيش حابتها

 

[نبض الجزائر]

السلااااااااااااااااااااااااااااااااااااااااااااااااام
مبروووووووووووووووووووووك لجميع من لبيت طلباتهم المفضلة و لعقوبا لي مزالو
انا داوني علوم الارض و الكون في باب الزوار لي عندو معلومات عليها يبعثلي ربي يجازيكم
​

 

[selma bba]

معدلي 14.05 عطاولي علوم الطبيعة و الحياة
درت طعن عطاولي مدرسة عليا للاساتذة مي موسيقى في القبة

وش رايكم

 

[ryma_lool]

نفس التخصص أو الجامعة؟​

الجامعة مي التخصص بيولوجي ما عجبنيش

 

[mir@cle]

معدلي 14.05 عطاولي علوم الطبيعة و الحياة
درت طعن عطاولي مدرسة عليا للاساتذة مي موسيقى في القبة

وش رايكم

لازم تفكري فيها أيضا من الناحية الشرعية....أنا مش عارف لكن أضن فيها جدل شرعي.

ryma_lool البيولوجي مليحة.
​