حبيت خطيبي و حرت معاه

ا

اللؤلؤة البيضاء

:: عضو منتسِب ::
السلام عليكم يا ناس اللمة
هذا موضوع الأول حرت بزاف فيه غلى هذاك حبيت نسأل أهل الخبرة في هاذو المواضيع
الإنسان لي حبيتوا و لي خطبني رجعنا نتخالفوا في أتفه الأشياء و الحاجة لي أنا فيا مانيش عارفة إذا مليحة ولا لا أني نسمح من حقي بزاف حتى إذا كانت الغلطة منوا نقول معليش و نفوتها نقول أنا نبغيه و مانحبش نزعفوا نخاف على زعافوا بزاف نساعفوا على خاطر نبغييييييييييييييه
دوك ياناس اللمة قولولي إذا هاذ العادة مليحة ولا نبطلها و نولي إذا غلط نحاسبوا و لا هكذا خير أعطوني رايكم و النصائح نتاعكم
و شكرا
 
سلام

شوفي ادا كانت الغلطة هو الي دارها هادي حاجة باينة هو يخلصها و ايدا كانت منك تطلبي السماح نورمال بصح ماشي علي صوالح تافهين تتفاتنو وكاين الي ما يحبش يستعرف بالغلطة هادا النوع واااعر:santa_1: بصح ماعليش واش اديري لبنات راهم يتراماو و الرجال يدورو ساعفيه:sadwalk: باش ماتعشيش انتي الخاسرة :sheer:
 
**إذا غلط نحاسبوا** يلزم متسكتيش بزاف واحد تاني كي يسكت بزاف يركبوا فوق راسوا.
 
الراجل راجل
هو الي يقود القافلة
المرا تــgـيـدي برك
و اخر كلمة ترجع ليه


انتي نصحي بصح لا تلحي
​
 
الا هو الي غلط خليه يعرف الغلط انتاعو ماتسمحيش من حقك بزاف
الي يسمج من حقوا يطلعو فوقو
والا طلب العفو لالزم تسامحيه
وربي يكمللكم ويهنيكم
 
السلام عليكم اختي انا واش نقدر ننصحك انو ادا داوستو على حاجة و كان الخطا منو او هو الغالط فيجب عليه طلب السمح منك ماشي انت المظلومة و تزيدي تتطلبي السماح منو و تاني ادا بقيتي هكدا راح يشوفك ضعيفة و يقول هدي نمشيها كيما نحب .
انا راي عوديه من الان على انو ادا غلط يتحاسب و ادا غلطي تتحاسبي لكل مقام مقال و ربي يكمل بينكم على خير ان شاء الله.
 
اختي حاجة مليحة انك تتسامحي لكن ماهيش لدرجة لتقولي عليها انتي يعني اذا كانت حاجة غالطة اوكي ماعليهش تتسامحي اما اذا باه تكون تجرحلك كرامتك ولا دوسلك على حاجة منك يعني تعارصي وحتى انتي يعني لازم يكون عندك راي ماشي كي الطفل الصغير اللي يقولك عليها اوكي ماعليهش تتسامحي ولكن بحدود​
 
لا داعي اخت اللؤلؤة لاعطاء الامر اكثر ما يستحق
التصادم في فترة الخطوبة امر وارد ونتيجة حتمية
لمحاولة فهم الطرف الاخر ولعب دور الضحية
وحتى الادمان العاطفي كان واردا ايضا

والذكية وحدها من ترى نور اللؤلؤة
 

نصيحه ليكي ولكي المخطوبين قلو التيليفونات بيناتكم وهدرو فالسيريو
راكم متلقاو حتى مشكل​
 
شوفي ياختي
ابقاي كيما راكي وماتخشنيش راسك
بويسك بالاك تخربي بيتك بيدك
فالاخير هذا الانسان راح يكون راجلك ورايو هو رايك ورايك هو رايو
سلام
.
.
.
​
 
السلام
شوفي انا مع انك تفوتي مافيها والو اصلا ما بيناتكمش شاهي كاين صوالح يليق يوقف عندهم و ماشي معنتها يقولك اسمحيلي بهاد الكلمة بصح نورمال يليق يعرف بلي غلط تفوتيها نورمال هادي هي يليق واحد يفوت وماشي تقولي علاه غي انا واه غي المرا اللي تفوت ونزيدك هو يروماركي غي وحدو يبدا ينقص كي تقتليه قدر
ربي يكملكم ان شاء الله اختي الهنا برك
 
لازملك تتناقشو بهدوء يسما لا زم واحد يقتانع بفكرة الآخر
و زيد كي يكون فيها مشكل شوفي أسباب المشكل وعدلوها
أسوء حاجة هي اللوام أخطاكي منوو

سلام ربي يدومها محبة
​
 
man3raf nti li t3arfih mlih

puisqu kl wahd w 3agliytou


mathnich rohak bark
 
salam habibti ... ... mabrouk 3lik lkhotouba w rabi yhanik nchallah ....
habit bark n9olek belli nass kamel ydiro les fautes ... haja li lazem ta3arfiiha sa7 enti t7abih mé 7awlli tetfahmo bel3a9lia .... werilo win rahi la faute ta3o ... psq lakan kol marra ntia tessem7i fi 7a9ak w la faute twelli 3lik nti ... hakda howa bdato ywelli ychofak machi mliha m3ah w taghalti bzzf ..
enti ta3arfi tbaya3 zawjek de future nchallah ... Alors bel3a9lia mateza3fi ma wallo /// lo dar ghalta howa li yotleb sma7 ... enti tani lazem tessenay chwia machi diiiiiiiirect totolbi sma7 ... hakda twelli kol 1min t9olilo désolée //// khalih ya3ref howa belli raho ghalet
..... nchallah maykon ghir ekhir habibti ​
 
شوي من عندك وشيا من عندو كل وحد يسمح

شكرا
​
 
انا نقولك كي يكون هو الغالط خليه هو يطلب السماح منك
هكا راه يشوفك كل ضعيفة وهو كل مرة يتمادى اكثر ويعود مايحسش للغلطات تاعو
ويقول راهي ماتدير والو

وكي ماهدرتش يعني مانيش غالط

صح تكوني متسامحة معاه وكامل بصح ماشي على حساب كرامتك

انا هذا رايي
 
العودة
Top Bottom