بوعقال في باتنة والحراش في دزاير وباقي الولايات واش فيهم يا جماعة؟؟؟

[yasmine_1993]

وعليكم السلام و رحمة الله و تعالى و بركاته
كاينة في كل ولاية حنا في الاغواط عدنا زgاg بوقفيفيلة عليه هدرا ويقولو مش مليح واكير نسبة مدمنين وما نعرف واش مع انو تربيت فيه واحسن ناس و اطيب جيران تلقايهم ثم فيه تعرفي خيرة ناس لقواط نعقل عليه الديار الابواب تاعهم مفتوحين ليل ونهار جامي ما تسمعي بسرقة ولا واحد تعدى على الاخر كامل الجيران كانو مترافدين وولادهم متربيين على الاقل معانا *ناس الحي *

والله جامي سمعت بوقفيفيلة شين مي نسمع هادوك اللي لفوق كيما الضلعة و ..... مانيش عارفة واش اسمهم هوما اللي يقولو عليهم

 

[yasmine_1993]

والله...
انتم تعرفو والله من دارنا مانخرجش

 

[SOFIANE BATNA]

بوعقال مانضنش بقات تخوف كي بكري وشنو مازالت واحد العقلية انتاع كي يشوفو واحد ماشي من الكارتي
يخزرو معاه بزااف ههههههههههه
في العاصمة الحراش وعنابة بوحمرة يا لطيف​

 

[خالدي]

في ولاية المدية يقولو قصر البخاري والله اعلم

 

[Mafia-beo16]

راني جيت سمعت الحراش ودزاير جيت نجري
صح الحراش راهي مشهورة بالسريقة ومشتقاتها
مي نزيدلكم بلايص في الدزاير معروفين
اولهم باب الواد الي هي حومتي سقسو ولاد الحراش يقولولكم عليها
ماشي كامل كاين المليح وكاين الدوني
وزيد تاني الكاريار هدو الله يسترنا منهم
هي في كل ولاية كاين الميلح والدوني ​

 

[عاشقة (اسماء)الفردوس]

ههههههههههههههههههههه اذا بقينا نسمعو للناس مانخرجوش طول من الدار ههههههههههههه

بوعقال عااااااااااااااااادي مافيها والو وكل شي قالو عليها غالط

 

[الرومنسي الجاد]

زريتها في العرقوب ههههههه تفكرتها
صح كاينين بلايص واعرين
وانا كيما نشوف نهدرو عليهم احسن اوموا الواحد كي يسمع بالبلاصة ميروحش جيهتها
بصح مابقاش كيما زمان درك عافية شوي من قبل يقريسيك ويزيد يهرسك و ميشبعش يزيد يطيشك من القنطرة
ذرك ولينا نهربو من تاع الامن منيني نلقاوهم هات لاكارت تاعك حاطينا سرارقة ولا منعرف واش

​

 

[nawal 88]

أكديلي على بريكة هههههههههه
لي يروح ليها يروحلو الخوف​

 

[nawal 88]

في مسيلة كاين اشبيليا​

 

[مرام التيبازية]

سلام
اواه حنا ناس تيبازة عاقليين ههه
//
في كل بلاصة كاين لمليح ودوني مي صح كاين بلايص الدوني يطغى على لمليح
يمكن لاسباب اجتماعية جغرافية هه الله يدري
ربي يسترنا
موضوع شباب
صحيــــــ تي
​

سلام خيتو شهرزاد يرحم هاديك الهدرة الزينة عندك الحق ناس تيبازة عاقلين بالبزاف خاطيهم وناس ملاح
مرسي على الموضوع تاني

 

[مرام التيبازية]

سلام والله العظيم في كل بلاصة كاين المليح وكاين اللي ماشي مليح واش نقولوا ربي يهديهم كامل امين ياربي

 

[═♥.ЈŪšť_ màn.♥═]

...
هاااااااادي هي الله غالب
ماااكنان وااااااش دير ..... كيما حنا كيما قلتي صحـــ
الحراشـــية واعرين ـــ من ما ننساوشــ الشناوة .. و الله غير اقطعــوا بالسيوفــ
..
ههههههههه تحيااااااااتي ليكــ اختاه
دمتــ بخير
​

 

[ђĩหđǿĉħǻ]

حنا عندنا بوعقل

بصح vive hamrawa
​

 

[nour mary]

موضوع هايل اختي
مي انا سكنت في بريكة وناسها ملاح ( الجيهة لي سكنت فيها بيان سير لوخرين مانشفاش)
اما في بسكرة الحي المشهور طابg الكلب في العالية غير لي vوايو فيه هادا لي معروف بزاف
​

 

[ام أمينة]

السلام عليكم

صح كاين منها اختي هاد الظاهرة في كل ولاية كاين بلاصة يخافو منها و يقولو يا لطيف
بصح و الله ماراني عارفة إلا صح و لا يزيدو من عندهم و لا.....
و يبقى السؤال مطروح وش فيهم هاد البلايص

شكرا لصاحبة الموضوع على الطرح
تحياتي
​

 

[nadia]

يا اختي المحترمة واش داك لبريكة, . يا اختي زرتي بريكة و شفتيها حتى تتكلمي عليها. بريكة عندها ناسها اللي يتكلموا عليها فمن فضلك لا تخلطي الحابل بالنابل. و في كل بلاد كاين المليح و القبيح.
Be cearful please