باش تكون من المحظوظين ..خف روحك وخطف رد و تقييم تربح الجائزة الكبرى

[NeيRسNe]

كيراكم جماعة الخير ان شاء الله بخير
بمناسبة حلول رمضان نقوللكم رمضان كريم وكل عام وانتم بألف خير ان شاء الله يدخل عليكم وعلينا بالصحة و الهنا و البركة قولو آآمين

باش تكون من المحظوظين ..خف روحك وخطف رد و تقييم تربح الجائزة الكبرى

ندخل فالموضوع وهو يدور غير على هاد الشهر الكريم
من الملاحظ خلال هذا الشهر المبارك يكثرو المسابقات ولم و جمع و عدد معين من كذا .. وكذا .. و اربح كذا...
للمشاركة في المسابقة الكبرى اجمع 20 بطاقة من غلاف تاع القرعة تاع ايفري ولا سعيدة... ضيع تربح الراعي الرسمي للمسابقة
للمشاركة في المسابقة الكبرى اجمع 50 بوشون كوكاكولا ... سمم روحك وربح لوطو
للمشاركة فالمسابقة الكبرى اجمع 10 باكيات جومبو
و ناس غير تجري مور الزهر و يطمعوهم مساكين ايا و هما الخاسرين في لافار وهما لا خبر ... و الموصيبة كان غير يربحو ديراكت لا يدخلو فالسحب و القرعة و الدنيا
يقولك لازم تلقى لوgو تاع لوطو في بوشون تاع القرعة و هداك البوشون كاين غير واحد في دزاير كيما دارت وولات
كما مرة دارو مسابقة تاع العلك يلمو 20 غلاف تاع علك و يبعثوهم و مانيش حاصية الجائزة المهم
الناس لمت و بعثت ومن بعد رجعولهم برية كتبولهم شكرااا على مضغ العلك ههههههه و الله غير يضحكو على الناس و هما يأمنو...
مازال ماخربولهمش برك فالخضرة يقولولهم شري فلفلة كل حبة فلفلة تلقى رطل لحم غنمي...
و ينتهزو شهر رمضان باش يبيعو سلعتهم و يربحو و تاني عدم وعي الناس لي غير يطمعو فيهم يحوسو غير اللوحة لي يتعلقو فيها
و يقولك الزهر
ايا بلا المسابقات تاع التيليفيزون و بلا مانهدرو على اليتيمة حالة خاصة..
المهم رمضان كريم
صحا رمضانكم و صحا فطوركم وصحا زلابيتكم دافونس
وماتكتروش من الماكلة و كولو آآكتيفيا كيما قال الساكتور البوليسي تاع ليسطومة
ليسطومة الضحية في رمضان الله يعينها قاع لي ماتاكلهش في عام تاكله في شهر
صحا بركو ماتنسفو عليا
علابالي طولتها

​

 

[fufa22]

باينين شكون لي يربحو المسابقات
غير ناس العاصمة
كاش نهار سمعتي واحد من ورقلة ربح حاجة ؟؟

​

 

[هدى]

باينين شكون لي يربحو المسابقات
غير ناس العاصمة
كاش نهار سمعتي واحد من ورقلة ربح حاجة ؟؟

​

صح عندك الحق 100%
حتى هي الجزائر غير العاصمة وبس الباقي لوخر كل في توش
​

 

[DZman]

هههههههه انا حرت في الاول حسبتك عاملة اشهار
​

 

[صفـاء و نقـاء]

ههههه أنا جيت نجري كى شفت العنوان قلت كاش مانربح ههههه

والله غير عندك الحق ختى كل شيئ ولا أجمع أرسل وأربح

البارح برك لقيت فى تاع افري اجمع 12 بطاقة واربح سيارة

مشكورة ختو موضوعك توب
​

 

[adel-mz]

مكانش لامان في البلاد هادي .
يهفو في الناس من اجل ترويج المنتوج والربح الوافر
وانا في اعتقادي مكانش مصداقية وشفافية في القرعة الا القليل .
مارسي اختي.

 

[°~Kenza_02~°]

صحة رمضاااااااااااااااانك

 

[الخيزران]

ننصحكم بالمشاركة في مسابقات المساجد
حاجة فوووور ثقافة وحفظ وربح مضمون هنا ولهيه (في الدنيا والآخرة )
كل عام نربح الجائزة في المسجد تاعنا كتب قيمة وهدايا رائعة
وهذا العام راني معولة بربي ان شاء الله
شكرا نسرين وكل رمضان وانتم بخير
رمضان مبارك +تقييم

 

[BARCA232]

ننصحكم بالمشاركة في مسابقات المساجد
حاجة فوووور ثقافة وحفظ وربح مضمون هنا ولهيه (في الدنيا والآخرة )
كل عام نربح الجائزة في المسجد تاعنا كتب قيمة وهدايا رائعة
وهذا العام راني معولة بربي ان شاء الله
شكرا نسرين وكل رمضان وانتم بخير
رمضان مبارك +تقييم

والله اختي فاطمة حتى هنا أنا حضرت مرة فيها أبن الأمام وجماعته
مي هي زينة من جهة الربح مع ربي

​

 

[BARCA232]

نضرب غطسة ونرجع ليك
مليحة تاع الهدايا انا قلت انت رجعتي تقسمي وأنا لاخبر
​

 

[adel-mz]

ننصحكم بالمشاركة في مسابقات المساجد
حاجة فوووور ثقافة وحفظ وربح مضمون هنا ولهيه (في الدنيا والآخرة )
كل عام نربح الجائزة في المسجد تاعنا كتب قيمة وهدايا رائعة
وهذا العام راني معولة بربي ان شاء الله
شكرا نسرين وكل رمضان وانتم بخير
رمضان مبارك +تقييم

ونعم النصيحة مشكورة الاخت

 

[♥بنت عنابة♥]

هههه انا شفت العنوان طمعت هههههههههههه
مالاا اضحكي راني رايحة ندير العفسة تاع 12 بطاقة تاع سعيدة افري هههههههه
والله خلينا نتاملوا شويا على الاقل كشما نربحوا حويجة هههههههه
والتقييم راكي ديتيه دخليني في السحب ههههههههه
​

 

[hiba14]

نقولك غي كترو الاشهار و هاد المسابقات عرفي المنتوج تاعهم باير

 

[DARINE05]

اه وي يظلو يحفو في يعضهم والله لي يرحيحو كامل من الستوديو مرسيييييييييييييييييييييي

 

[إيمان قلب]

كون ماتعطيليش تقييم مانردش هااه مش طمعتيني فالباطل
ههههه طمعتينا يامخلوقة بالصح معليهش كنتي قايبة علينا
مانشارك فيهم مانحوس عليهم لخاطر علبالي باللي يليقلنا باش يلحقو لينا ياختي يدوها غي القادرين ولا اسموات وهمية قاع مكاش منها وباين المنتوجات اللي يديرو عليهم المسابقات غي اللي بارولهم حبو يفوتو سلعتهم بالمسابقات
عجبنتني نصيحة فاطمة الزهراء عندها الحق العام اللي فات كانوا يديرو مسابقات والواحد يربح الأجرين
الوغ يعطيك الصحة على الميضوع وليكي تقييم
سلامي​

 

[MiSs Sisi StyLe]

هههههههه انا جامي آمنت في هادو جماعة بيبسي و كوكاكولا
غير كذب برك
ربي يهديهم
و رمضآآآآآنكــ مبارك

 

[إحســاس بــراءة]

السلام عليكم
صحيتي ختي نسرين
عندك الحق
ملي يدخل رمضان والناس مع المسابقات
مي كيما قلتي الواحد يحير في الناس اللي تامنهم وتبقى تشارك
ربي يهدينا برك هاذا واش نقول
يعطيك الصحة نسرينووووووو
رمضان كريم للجميع

​

 

[Jeune Sghir Mc]

هاذو les escrocs هوما لي خربو البلاد
يعرفو غير يلعبوها للزوالي لي يكون في غالب الاحيان هو ضحية
بلاد ميكي ماوس وناس ميكي ماوس
سلام
.
.
.
​

 

[NeيRسNe]

باينين شكون لي يربحو المسابقات
غير ناس العاصمة
كاش نهار سمعتي واحد من ورقلة ربح حاجة ؟؟

​

وي صح سمالا البوشون تاع اللوطو غير في آلجي ياك
شكرااا ليك سينو على المرور
​

 

[NeيRسNe]

صح عندك الحق 100%
حتى هي الجزائر غير العاصمة وبس الباقي لوخر كل في توش
​

ممكن يكون كلامك صح
شكرااا على مرورك الكريم
​