بنات ماشية وتولي لورة بسبب النت

[هآجر]

اختي يعطيك الصحة على موضوعك المهم جدا
وتاكدي بلي بزاف بنات صرالهم هكذا
مع ان التحذيرات دايما تكون لكن لا حياة لمن تنادي وهي اصلا بلاك ماتقراش مواضيع هكذا لخاطر توثق في هذاك الانسان و تمدلو الاعذار وتقول لالا انا موش كيفهم لخاطر هو يعشقني صح لخاطر هكذا وهكذا وهكذا
لكني انا نقولها ماكانش طفلة تحب الناس يلعبو بيها وبمشاعرها ولوكان جات الي غيرك هذي فاقت بلي يتمسخرو بيها كانت حبست من البداية
وحاجة اخرى تاني كاين بزاف يكذبو على البنات ويقولولهم بلاك حتى اقامة في بلاصة وهوما في بلاصة خلاف
يعني قادر يقولها انا من الولاية الفلانية وهو اصلا وليد مدينتها وماهيش جايبة خبر
انا صافدت قصص مؤثرة جدا وماشي غير في الجزائر تناي في الدول العربية الشقيقة
و ماننكروش ان كاين الي طلعو رجالة وقد كلمتهم صح ولكن هذا لانهم شافو ان هذيك البنت بنت فاميليا وماتخرجش معاهم وعندها كلشي بحساب والهدرة موزونة و تاني المدة ماشي طويلة بلاك احيانا شهر شهرين خلاص واش حيزيد كثر ؟؟ لازم يعرف ليستوار نتاعها كاملة باش يتقدم ؟ كوني متيقنة انو كي يعرف كل ليستوار نتاعك اساسا واش حيزيد يدير بيك ؟

علاش ماتتبعيش دينك الي شرعو ربي سبحانو وعارف وش يدير ورانا دايمن ربي يشرعلنا اشياء في صالحنا
يعني ماتزيديش تديري علاقات في النت و اذا درتيها حاولي توبي لانو لو يحبك صح يتقدملك
​

السلام عليكم

يعطبك الف عافية على كلامك الموزون

اخيت العزيزة راني شفت وسمعت بزاف على الحكايات هذي راسي حبس وشعاتتجيني بالكية خاط رهدوكة خوتاتي الي صارلهم هذاالشيء

يااختي وش راح نقول اكثر وش قلت في الموضوع

ربي ينتقم منهم​

 

[الخيزران]

وين تحطي رجليك تلقاي راسك

 

[ابوندى]

الي تصون وتحافظ على روحها حتى واحد مايقربلها .
شكرا علىالموضوع اختي الكريمة راجية ربي يبارك في امثالك

اللهم اغفر لنا ماقدمنا ومااخرنا وماانت اعلم به منا......

 

[عاصفة الورود]

السلام عليكم اختي
الخطوة الاولى ديما تكون من الشاب
والباقي كلو على حساب شخصية الطفلة
والبنات ربي يهديهم اغلبيتهم يصدقو كل واش يتقاللهم
وهذا معلاباليش نية ولا هبال
المهم حنا نقولو للشباب قبل ما تخمم تلعب بأي وحدة اتفكر بلي عندك
اخت .بنت عم .بنت خال .وممكن بنت في المستقبل
وربي يهدينا اجمعين
ومشكورة على الموضوع القيم جعله الله في ميزان حسناتك ​

 

[هآجر]

وين تحطي رجليك تلقاي راسك

املا يا اختي راك تشجعي هذي الظاهرة ؟؟؟؟؟؟؟؟؟؟؟؟؟

خلينانفهموامن عندك وش تقصدي بهذي الجملة الي خلاتني نقول اشياء كثيرة ؟؟؟؟؟؟؟؟؟؟​

 

[الخيزران]

املا يا اختي راك تشجعي هذي الظاهرة ؟؟؟؟؟؟؟؟؟؟؟؟؟
وعليكم السلام ورحمة الله وبركاته علامة استفهام واحدة تكفي
ارجوك لا ترمي التهم جزافا انا لا اشجع اي ظاهرة ذنبك انك لم تفهمي الحكمة
خلينانفهموامن عندك وش تقصدي بهذي الجملة الي خلاتني نقول اشياء كثيرة ؟؟؟؟؟؟؟؟؟؟​

قولي واش تحبي الاخت راكي حرة في حدود التعقل وبدون تسرع
الحكمة تقول وين تحطي رجليك تلقاي راسك مفهومة يعني اذا خلطي روحك مع النخالة ما تلوميش الدجاج

على الهامش اختي راجية اعتقد انك تستبدين برايك وتعادين كل من يخالفك فهل انا مخطئة
ايضا اعتب عليك تهديدك بالفضح والتشهير اعتقد النصيحة بالحسنى خير

 

[هآجر]

قولي واش تحبي الاخت راكي حرة في حدود التعقل وبدون تسرع
الحكمة تقول وين تحطي رجليك تلقاي راسك مفهومة يعني اذا خلطي روحك مع النخالة ما تلوميش الدجاج

على الهامش اختي راجية اعتقد انك تستبدين برايك وتعادين كل من يخالفك فهل انا مخطئة
ايضا اعتب عليك تهديدك بالفضح والتشهير اعتقد النصيحة بالحسنى خير

اختي العزيزة

رايي لا افرضه على احد بل كل مواضيعي لا تخرج عن باب النصح

وايضا

يوجد فضائح نعم فضائح بالجملة ولا اهدد احدا بها بل اترك الله يفضحهم اشباه الرجال فقط وربي يستر على كل بنت لانها غلطة في لحظة ضعف وكلام معسول

راني خايفة على صمعت البنات


وساهل نخلي كل راجل هنا يندم على النهار الي لعب فيها بصمعة الطفلة ومشاعرها

وانت حرة تقولي وش تحبي واديري وش تحبي
ولا افرض رايي عليك ابدا

فقط انصح
والله على ما اقول شهيد


وشكرا لك على سعة صدرك

وكم تمنيت ان تردي على الرسالة حتى بكلمة رمضانك اكرم i-o: لان قتلك رمضان كريم i-o:

وعليكم السلام​

 

[الخيزران]

اعتذر تم فهم المثل الشعبي بسطحية
وتاويله لغير صالحي
انسحب من الموضوع
ربي يستر بناتنا

 

[عبد المـــالـــــك]

بصح صدقني كلهم مدعيين بالشر
؟؟؟؟؟؟؟؟؟؟؟؟؟؟؟؟؟
او ما ضنيتش قاع كيف كيف ختي الكريمة
كاين وكاين وفئة قليلة من هدا النوع
تقبلي مروري البسيط
وهدا علي حسب كلامي
​

 

[Hector03]

اولا صحا فطوركم
هذا واقع لا يمكن انكاره مي واش رايك كي نقلك هذا لتحكي عليه قادر يصرا بالعكس و ياما شباب طاحوا في شباك بنات النت و ضيعوهم و كاين لتحطمت حياتو لازم نكونوا مدركين مليح و نحاولوا نخوضوا في كل الجوانب لاي قضية نطرحوها و انت نجريت ورا العاطفة و بلاك تقلتي على هاك خليتي الجانب الاخر - اللي هو ان الشاب يكون ضحية - من الفكرة لي طرحتيها ان شاء الله ما طولتش عليكم ســــلاااام
​

 

[sisou023]

هي صح الغلطة من الولد والبنت بصح منقعدوش ديما نحصلوها غير فالاولاد يا خواتاتي رانا فايقين ورانا نسمعو قصص الله يبارك امالا كل وحدة تعس روحها مشي هي راهي عارفة واش راه يصرا وتروح تبغي واحد من الانترنت ومبعد تقول علاه منوصلوش روحنا لهاذي الدرجة وربي يهدينا اجمعين

 

[tarek-83]

السلام عليكم و رحمة الله و بركاتة
يا اختي متغلطش روحك راه كاين شباب في اللمة متربيين و مايحبوش المعاكسة امبصح قلال
و انا اصلا نكره اني نشوف مثل هده العلاقات و نعرف واش يترتب عنها علاش الواقع رانا شفناه في المجتمع
و كل واحد و الضمير انتاعو كما نحب الخير لخاتو نحبو لبنات الغير

 

[*عزة الاسلام*]

يعطيك صحيحتك على الموضوع
ياختي واش نقولك
هي الي من لول لو كان دارت كونترول على روحها ماشي قارواح والعب وارواح واهدر في السكايب ومن بعد التليفون وهكذاك الحكاية ماشية
تقولي شي دايموتوا لوكان ما يتعرفوش على واحد يسمعهم الكلام الحلو
كما زدتي وحدانية ابقاي وحدانية حتى يجيك مكتوبك وتروحي في الحلال والصابر ينال
وعلاه راكي حارقة روحك على ما تعيشي قصص وهمية وتبداي في الحب وماعلاباليش واش
انتي الي تخسري كل شي في النهاية
هم ماراهم خاسرين والو
بديت نشك انو الرجال ماعندهمش قلوب تاع الصح
والبنات ماعندهمش العقول تاع الصح (الاغلبية)
يبداو في اللعب والتمسخير ويحسبو الفحل فيهم هو الي يدمر اكبر عدد من القلوب
وتحسب الطفلة روحها راهي هي المخيرة كي تسمع اكبر عدد ممكن من جمل الغزل والتمهبيل

الله يهدي ماخلق


تنرفيت:cursing:
​

 

[kaissoum_elsaker]

صح كاينة وبزاااف سيرتو في الفايس بوك طلب صداقة وبعدين اعجاب بالمواضيع وبعدين وبعدين
ربي يصلح لحوال ان شاء الله ..........لا اقول لكـــ كلامي وادعي المثالية في حياتي كلنا يخطئ ولكن ليس خطأ كبيرا ولكن انا ليس عيبا ان نخطئ او لكن العيب الحقيقي الاستمرار على نفس الخطأ
دمتي متميزة بمواضيعك الحصرية استاذة راجية الجنة

 

[هدى]

صحيح كلامك اختي مي في رأي الطفلة كي تكون عاقلة وعقلها راجح ماتسمحش بلأمر يوصل لهنا
هذي مش حاجة جديدة كل يوم نسمعوا على الحكايات تاع النات والبنات مش حابين يتاعظو
ربي يهدي
شكراااااااا حبيبتي على الموضوع
​