بواش رح تتسحروا هاذ الليلة؟

[jokonda]

رمضان كريم
عادة نحب نتسحر بكوبين لبن + 7 حبات تمر + فواكه
سحا فطوركم

 

[fati_moon]

احنا نتسحرو مسفوف (هو كسكس مفور+ السكر والزبيب ) والحليب والقهوة مع الخبز والا خميرة

 

[ايمان التلمسانية]

حنا نتسحرو السفة (المسفوف كيما تقولوله ) وفواكه والعنب طبعا دايما موجود والرايب

 

[ملكة جمال اللمة]

احنا نتسحرو بالسفة (المسفوف كيما تقولو)و لاتاي و ما تبقى من الافطار و الفلون و الفواكه طبعا راهي ديما موجودة ​

 

[°/°مبدعة اللمة°/°]

تقبل الله منا ومنكم كامل
حبيت برك نسقسيكم من بعد منشكركم كامل على المرور
وشي هو الرايب؟
لبن؟نحنا نقولو حليب رايب​

 

[عشقي الامارات]

e7na netsa7rou bel mesfouf bel7lib

 

[كوكة27]

الشيرات باغية نسقسيكم الله يخليكم المسفوف بالحليب مايعطشش؟؟؟؟؟؟؟؟؟
وقولولي كيفاه نديرو

 

[°/°مبدعة اللمة°/°]

الشيرات باغية نسقسيكم الله يخليكم المسفوف بالحليب مايعطشش؟؟؟؟؟؟؟؟؟
وقولولي كيفاه نديرو

مرحبا حتي:
لا ميعطشش وزيد بنييين
مي حنا نوكلوه وحدو
المقادير
تفوري الكسكسي ثلاث مرات ومبعد تسمغيه بالزبدة بش يجي طري ومبعد تفوري التمر{بلا نواية} والزبيب ومبعد تخلطيهم وتزيديلو السكر glace
ومبعد تحطيه فالصحن وتزينيه كيمة تحبي
وشهية طيبة

 

[كوكة27]

الله يخليك يا اختي والله راكي فرحتيني الله يفرحك

 

[°/°مبدعة اللمة°/°]

الله يخليك يا اختي والله راكي فرحتيني الله يفرحك

تعيشي حنونة هذا واجبي
كي تجربيه وقوليلي وش جاك
سلام

 

[البركه]

السلام عيكم
احنا سحورنا الموش مع اللبن والسمن مع الدبس

 

[nice.girl]

السلام عليكم و صح رمضانكم
انا (اعوذ بالله من كلمة انا) سحوري ليوم سفوف بالحليب
كنت حاسبة غي انا اللي نبغي الطعام فالسحور بصح الله يبارك
تقريبا هذا سحور كامل القطر الجزائري​

 

[hind-b2]

شكرا حبيبتي على الموضوع

اولا بمناسبة حلول الشهر الفضيل أتقدم لك و لكل أعضاء اللمة بأحر عبارات التهاني متمنية لكم رمضان كريم و كل عام و

أنتم بخير

أما فيما يخص بواش رايحين نتسحروا اليلة ان شاء الله أكيد بطبق معروف عنذ كل العائلات الجزائرية هو طبق الطعام

كيما يقولوا ناس الغرب و منهم ولاية وهران و كيما يقولوا باقي العائلات الجزائرية طبق الكسكسي .

صح صحوركم ناس اللمة.

 

[وردة الروح]

حبيبتي احنا في البيت نعملو كسكسي للسحور
لكن أنا اكتفي بفاكهة فقط
و اكيد فنجان قهوة
صح فطورك​

 

[médéenne.girl]

الكسكس بالحليب بيان سور انا ماجينيش كامل ف بالي ناكل حاجة وحدة خرا سيرتو الماكلا نتاع الفطور قراف ثقيلة .......فيف الكسكس ف السحوووووووووور

 

[السلطانة]

اليوم دخلت عليها خالوطة
زلابية وفلون وطاجين جبن
الله يستر

​

 

[nassim007]

ممممممم بياااااااا

قهوة وقارو بزايد
​

 

[MA§§!N!§§A]

صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
صحا سحوركم.
​

 

[MA§§!N!§§A]

صحا سحوركم.
صحا سحوركم.
صحا سحوركم.
صحا سحوركم.
صحا سحوركم.​

 

[أم انس عبد الله]

السلام عليكم
احنا المهم نتسحرو ناكلو كل حاجة ههههههههههههــ
انا امزح
نتسحرو الطعام باللبن او بالرايب