قعـــــدة بوقاليــــة طيلــــة شهـــر رمضــــان الميــــــارك ( بسم الله انويو )

[وردة الروح]

شكرا لكل من مر من هنا
و هذي البوقالة منوية عليكم كامل
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا . ​

 

[nina bonoise]

اخترت رقم 3

 

[وردة الروح]

صح فطور الجيمع
و مرحبا بكم
في قعدة بوقالية
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
لكـــل الماريـــن
من هنا
​

​

 

[وردة الروح]

حبيبتي جينـــان صح فطورك
و هذي بوقالتك
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

يا رب تعجبك ​

 

[وردة الروح]

العزيزة ديالي
أمونـــــة اللمة
صح فطورك
و هذي بوقالتك
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
يا رب تعجبك ​

 

[وردة الروح]

حبيبتي
Bouchra*02
صح فطورك و على سلامتك
و هذي بوقالتك
أعقدي وانوي
لزّيت لباب الرياض ، الورد عالباب النرجس باسني ، الزهر عنقنى ، و الياسمين أفرح و تفرشلي
يا رب تعجبك ​

 

[أمينة16]

نحبك يا وردتي

العزيزة ديالي
أمونى اللمة

صح فطورك
و هذي بوقالتك
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
يا رب تعجبك ​

الله يسلم وانتي زادة يا عمري
ان شاء الله تكوني بخير يارب
ربي يخليك بوقالة وعليها لكلام
والله تنحي على القلب :sadwalk:
​

 

[وردة الروح]

حبيبتي أم منصف
صح فطورك
و هذي بوقالتك أعقدي و انوي
دارنا في الجبل ، مقابلة مكة ، مفتاحها من ذهب ، يشعل ما يطفي .

يا رب تعجيك ​

 

[وردة الروح]

و هذي لوردة الروح
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
​

 

[وردة الروح]

و هذي للعز يز ديال وردة الروح
امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .​

 

[وردة الروح]

حبيبتي شرطية اللمة
صح فطورك
و هذي يوقالتك
خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

و يا رب تعجبك ​

 

[إحســاس بــراءة]

حبيبتي
bouchra*02
صح فطورك و على سلامتك
و هذي بوقالتك
أعقدي وانوي
لزّيت لباب الرياض ، الورد عالباب النرجس باسني ، الزهر عنقنى ، و الياسمين أفرح و تفرشلي
يا رب تعجبك ​

صحة فطورك يا غالية
الله يعطيك الصحة
مرسي بزاف على البوقالة الهائلة
ربي يحفظك ​

 

[وردة الروح]

حبيبتي نور
صح فطروك
أعقدي و انوي
هذي البوقالة عليك
ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

يا رب تعجبك
​

 

[أمينة16]

يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .

هدي ليك عمري وردتي الغالية
يوووووووووووووووووووووووييييييييييييي
​

 

[وردة الروح]

صحة فطورك يا غالية

الله يعطيك الصحة
مرسي بزاف على البوقالة الهائلة

ربي يحفظك ​

العفو حبيبتي
تستاهلي يا العزيزة
سهرة ممتعة أتمناها لك ​

 

[وردة الروح]

يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .​

هدي ليك عمري وردتي الغالية
يوووووووووووووووووووووووييييييييييييي​

يا يما على هذي البوقالة الهايلة
و الله عجبتني و جاتني على الخاطر
ربي يحفظك أمونتي العزيزة
و هذي ليك
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

​

 

[أمينة16]

التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .

هدي ليك بشبووووووووووووووشتي
​

 

[إحســاس بــراءة]

هاذي بوقالة ليك اختي وردة الروح

10:علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
​

 

[إحســاس بــراءة]

التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .

هدي ليك بشبووووووووووووووشتي
​

الله الله
ربي يحفظك حنونتي
ربي يبارك فيك ويطول في عمرك غاليتي​

 

[وردة الروح]

حبيبتي ندى
, ‏ nada242008
صح فطورك و هذي بوقالتك
أعقدي و انووي

خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
يا رب تعجبك ​