رااااااسك يحبس و يعقب عليك اليوم سامط

[SSADKE]

السلام عليكم اخواني و احبابي اعضاء منتدى اللمة
صحا رمضانكم
عندي وقت مادخلتش بسبب الباك و الضروف و الباك ديتو وتهنيت.....
مي جاتني في بالي حاجة حبيت نحكيهالكم لخاطر عارف بلي ماكنش لي ماتصرالوش في حياتو
الدنيا هادي يعقبو عليك ايامات ملااااح وايمات سامطين تكره حياتك بحيث لو كان تقعد يومين وانت هكاك تهبل.....
سعات يعقب عليك يوم سامط وتحس روحك ماك فاهم والو تقعد غير تتفرج!!!!!
لخاطر مخك يحبسلك شوي يوريلك وش راه يصرا في الدنيا و كيفاش راهم يمشو لعباد انت ماتفهم والو !!!!!!!!!!!!!!
تشوف فلان لي كنت داير فيه الثقة تلقاه دار احجة ربي يستر وفلانة كانت نعم الاخلاق وبدلها الزمان ويقولولك فلان خدع صاحبو على جال طفلة ولا فلانة دارت بين طفلة و طفلة و فرقت بين زوج وفلان مات سكران وجماعة يقراو الحيلة لصاحبهم ويخدعوه و فلان خدع فلانة وتولي تحس في روحك تتفرج في شريط نتاع صحابك وجيرانك و افامي نتاوعك وش راه يصرا معاهم وتبقا انت بلا راس :scared: ويجوك قاع ضربة وحدة و وكاين لي يهبلو غير من هادو الصوالح......
مهم رايح نخليكم تتفاعلو مع الموضوع هاذا لانو علابالي بلي يصرالكم انتم تاني
و في الاخير صحا فطوووووووووووووووركم حبابي قاع

 

[adel-mz]

سلام
اولا مبروك عليك الباك اخي .
شوف التقرعيج وراديو تروتوار التبعليط الهدرة في الناس ،النفاق ....... في وقتنا ولاو مودا وقريب الله يعافينا يقلبوها من الصفات الحميدة الله يستر املا الواحد ميعمر راسو ما والو يشوف كفاه ريقل المورال نتاعو ببروقرام زين ويكثر من الانسان التزامو بالمسجد وينقص الواحد من القعدة في القهاوي ،وحافة الطريق خاطر هادو البلايص هوما ليجيبو ناس التمنشير والكلام غير نافع وهاكا الواح مايحبس راسو مايشوف واش راهو يصرى.
بارك الله فيك وصح فطورك

 

[zaho1994]

يعجز اللسان عن التعبير
واش راح نقولو غير ربي يهديم الى الصراط المستقيم ​

 

[zaho1994]

صح فطورك وصح صحورك
جازاك الله خيرا وبارك الله فبك

 

[هدى42]

اولا و قبل كل شيء مبروك الباك و عقبال للدكتورة اشاء الله
اما بالنسبة للمشكل نقولو ربي يهديهم باسكو كاينة وكل مكان