آآآآآه يالتراويح ومادرتو فيا.......

[نسيم الربيع]

السلام عليكم
ما تقولي ماوالوا اليوم روحي بالجلباب
بلاك يوالمك وعلاش كامل هذوك الحسابات
شكرا على الموضوع​

دعيلي نديرو فأقرب وقت
مارسي عليك خويا​

 

[نسيم الربيع]

الله يقدرنا ويغفرلنا في رمضان ان شاء الله وبالنسبة لموضوعة والله حتى أنا جاتني هذه الفكرة علاه هما في واش خرمني ساترين روحهم الله يبارك عليهم وأنا مازالني بسروال وليكات مي الله غالب باه نجي حندير الخطوة هاديك باه ندير الحجاب ما قدرتش واش نقولك غير ربي يهديني ان شاء الله ونديرو هدو ليامات

آمييييييييييييييين اجمعين
ربي يهدينا ويهديك ختي
مارسي حياة نورتي الموضوع​

 

[نسيم الربيع]

الله يقدرنا و يغفرنا في رمضان انشاء الله

آميييييييييييييييين
مارسي خويا​

 

[نسيم الربيع]

نزيد شوي ونروح نصلي نزيد على قلبي هههههه

ههههههه روح روح ماتشفنيش
انا راني لقيت مسجد يطفيو فيه الضو حتى بين صلاة وصلاة مايشعلوش هههه
ربي يقبل خويا غض البصر برك هههه​

 

[نسيم الربيع]

مزالك صغيرة ختي 18 سنة راكي تفكري في الزواج !!​

لالا هو اللي راه يفكر فيا :shiny:​

 

[AHLEM1992]

لالا هو اللي راه يفكر فيا :shiny:​

في وقتو يكون مليح
راكي صغيرة دوكا
ايه حقا واش مدولك تقراي ؟؟ درتي موسيقى ؟​

 

[احلى لمة]

لله يقدرنا و يغفرنا في رمضان انشاء الله

 

[NaDiA.]

اولا صحا فطورك حنونة...

ايه صحا عليك الصلات انا ولا مرة صليت الطراويح ظروفي متسمحش )x...و متمنيا كاش نهار نصليها في المسجد

ايه والله غير عندك الحق يغيرو ...ايه وعلا دوك اللي يديرو الحجاب والله لا ديفوا يسخفوني و تقعد في قلبي مي باش نعول ماعولتش ربي يهديني

و زيد علا دوك لبنات يا مامي يسخفو بدوك لعبايات تقولشي دوك مزوج و نجيب منهم 12 هههههههه


ايا انا نروح كاش مانتقهوا مازال مافطنت من الصيام

صحا سحورك ببونة
​

 

[نسيم الربيع]

غيرتيني كي تروحي للتراويح انا ولا مرة رحت ظروف بصح مخليتي والو سكانيتي كلش عمرتي القرع مليح هههههههه

هههههه الله غالب عينيك يروحو بالسيف ههه
التراويح ملاح بزاف
ان شاء الله تقدري تروحيلهم
مارسي عليك​

 

[نسيم الربيع]

على الاقل كنتي صريحة مع نفسك أختي والله تخمامي كيفك يعني رمضان نلبس الحجاب اتسما يحاسبني ربي غير فرمضان؟
وليت مانروحش للمسجد ياك المرا أحسنلها بيتها
وحكاية الزواج لازملها قعدة ههههههه

ربي يسهل لك أخي

وخويا سفيان ماتقلقش روحك الحنانة راها جاياتك فالطريق ههههه


سلاااااااااااااام​

ربي يهدينا ويهديك ختي
مارسي عليك نورتي​

 

[نسيم الربيع]

واش راكي نسيم ومبروك عليك رمضان ..... وربي يعاون على التراوييح وما راكي تشوفي فيهم ......انا الحمد الله نصليهم في الدار ....باه نكون مركزة وما تغضنيش عمري كي نخرج وما نلقى حتى واحد يستناني ...مروحش خير ونصلي في الدار ......اما الولاد 10 راهم بزاف مايبقاش ليك الوقت باش تروحي تصلي لعام الجاي التراويح ..... وفي الاخير ربي يرزقك ويعطيك واش تتمني ...اااامييين يا رب العالمين ..... انتي وجميع اهل اللمة​

آميييين اجمعين
اواه انا نلقى بابا يسنى فيا :shiny:
اواه 10 منديرهمش باذن الله راني نقصر برك
مارسي عليك زهيه​

 

[POLIYANA]

ههههههههههههههههههههههه
أهلا بيك نسوم
ياي أرواحيلي ليا ههههههه
أنا يجيو التراويح ويكبارلي لهبال تاع الزواج ههههه
من لفطور يابعد والحالة ماشي مليحة
نفطر مع الذكورة والغاشي ولعياط وماكانش لحنانة خلاص هههه
أيا كي نروح للتراويح يزيدو عليا هذوك المزوجين الجدد نلقاهم يتمشاو وأنا نزيد نغض البصر مليح هههه
وبعد الصلاة مانقلكش غير ألي يخرج ويستنا في لمرا تاعو، وانا لببارح نستنى في يما وعمتي ههههه
المهم ربي فرج علينا رانا مغبونين تاع الصح
بلاك زوج رمضانات ونكون مزوج ههههه​

هكداك ولقيت الرابط العجيب بين صلاة التراويح والزواج مااااااااااااااااااااينة هههههههه ​

 

[POLIYANA]

هههههههههه
بكاسكيطة ماحملتوش
عجبتني مرتو برك ههههههههههههههههه
غير اخطاكي نسوم من لولاد
انا بربي نشاء الله 4 سنين مانجيب والو
نعيش راسي وراس مرتي نرتاح ونحوس وعلاه علي الهرج ههههههه​

اهدر اهدر في ليتساع كي يفوت العام اللول وماتتوحمش مرتك على كاش فكرة كيما قالها السي لاجودان راك نتا الي تولي في لحوال وتولي تعيط غير نجيبو كاش حية مايهمش واش ههههههه ربي يرزقنا درية صالحة كيما هادو تاع المسجد يا رب :sheer:​

 

[MA§§!N!§§A]

Suuujet fort

bayen 3lik raki Tsali fi
1 november
3la hadik sarilek hakda

kamele Kif kif ^^
salam
​

 

[نسيم الربيع]

في وقتو يكون مليح
راكي صغيرة دوكا
ايه حقا واش مدولك تقراي ؟؟ درتي موسيقى ؟​

لالا مادرتهاش مدولي علوم اجتماعيه حاشاك
على هذا قررت نبطل ونزوج :shiny:​

 

[نسيم الربيع]

لله يقدرنا و يغفرنا في رمضان انشاء الله

ان شاء الله
مارسي عليك​

 

[نسيم الربيع]

اولا صحا فطورك حنونة...

ايه صحا عليك الصلات انا ولا مرة صليت الطراويح ظروفي متسمحش )x...و متمنيا كاش نهار نصليها في المسجد

ايه والله غير عندك الحق يغيرو ...ايه وعلا دوك اللي يديرو الحجاب والله لا ديفوا يسخفوني و تقعد في قلبي مي باش نعول ماعولتش ربي يهديني

و زيد علا دوك لبنات يا مامي يسخفو بدوك لعبايات تقولشي دوك مزوج و نجيب منهم 12 هههههههه


ايا انا نروح كاش مانتقهوا مازال مافطنت من الصيام

صحا سحورك ببونة
​

اهلا بيك ناديه
الله يسلمك
ايه مليحه بزاف فالمسجد
لكان كيما هذوك لبنات جيبي وكثري ههه
صحيتي ختي نورتي الموضوع​

 

[AHLEM1992]

لالا مادرتهاش مدولي علوم اجتماعيه حاشاك


على هذا قررت نبطل ونزوج :shiny:​

مي جوبونس تقدري تبدلي في الدخول الجامعي
و زعما هداك هو الحل ؟؟
عاودي الباك عادي و اقراي
انا راني نقرا و ناوية نعاود الباك هاد المرة كاش ما نزيد نقرا حاجة تانية ​

 

[DARINE05]

ربي يقبل انا نصلي في الدار

 

[ماكانش]

اهدر اهدر في ليتساع كي يفوت العام اللول وماتتوحمش مرتك على كاش فكرة كيما قالها السي لاجودان راك نتا الي تولي في لحوال وتولي تعيط غير نجيبو كاش حية مايهمش واش ههههههه ربي يرزقنا درية صالحة كيما هادو تاع المسجد يا رب :sheer:​

هههههههه
واش يا بولينة حتى نتخيلو وماخليتيناش هههههههه
اواه علابالي بروحي في هذ النقطة
بربي نشاء الله 3 سنين راسي وراس المخلوقة هههههه