رمضان اللمة .... كل يوم ولاية

[EL General]

مرسي ليكم على الترحيب الهـــــــــــايل
وعلى الاجوبة الـــــــــــرائعة
وهذا كلو من طيب اصلكم ياناس الاصول
وربي يحفظكم ويحفظلكم ولايتكم الباهية
الله يحفظك انت تاني ميغسي
مرسي ليكم نزيد سؤال ولا خلي برك هههههه
زيدي الأسئلة ماكانش مشكل
لالا نديرلكم اونكات اليوم
هههههههههههههههه ماذابيا
ايا
1 وش هي اشهر اكلة عندكم
التليتلي يا ما حناني التليتلي ههههههههه
و هاي ليك صورة باش تعرفيه

2 اشهر لباس تقليدي تبسي واش اسمو
الرجال : القاشبية أو البرنوس
النساء : الجلابيات
هدا وش نعرف ههههههههههه
هذا وش جا في بالي ايا جابو
ههههههههههههه ماشي مشكل يا سيدي
ياسر عليا خلاصو دراهمي هههههههههههه
ههههههههه هزي الصرف
مرسي ليكم مرة اخرى
عفوا مارسي ليك
​

كان انتي عاصفة الورود
انا إعصار الزهور هههههههههههههههههه
مرحبا مرحبا ديما



​

 

[la_safa]

مرسي ليكم على الترحيب الهـــــــــــايل
عفوا هاذا واجبنا
وعلى الاجوبة الـــــــــــرائعة
وهذا كلو من طيب اصلكم ياناس الاصول
الله يحفظك و يخليك
وربي يحفظكم ويحفظلكم ولايتكم الباهية
آميـــــــــــــــــن
مرسي ليكم نزيد سؤال ولا خلي برك هههههه
تفضلي خيتو مستمتعين بسؤالك اكيد
لالا نديرلكم اونكات اليوم
ههههه تفضلي
ايا
1 وش هي اشهر اكلة عندكم
الشخشوخة تاع الرقاق و الكسكسي
2 اشهر لباس تقليدي تبسي واش اسمو
كاين لباس معروف بالملحفة مي راح مع ناس بكري
اما ذرك تخلط كلشي
هذا وش جا في بالي ايا جابو
ياسر عليا خلاصو دراهمي هههههههههههه
ههههه درك نفليكسيلك ووليلنا
مرسي ليكم مرة اخرى ​

عفوا زينة و مرسي نورتينا
:sheer::sheer:
​

 

[مروة 95]

صبــــــاح الخير للجميع

نشكــــر صفصف و ضحى على الاستضافـة
الحلوة في تبســـــة

ة كذا كل ناس تبسة لي شرفونـــــــا​

 

[مروة 95]

صراااااااااات شوي تعديلات و غيرنا الوجهـــــة


بعد قليــــل سيتمــ الاعلان
عن الولاية الجديدة
​

 

[عاصفة الورود]

صباح الخير عليكم
شكرا لناس تبسة لي جاوبونا بكل رحابة صدر
في انتظار الولاية الجديدة .يعطيك الصحة مروة ​

 

[مروة 95]

ألووووووووووووو ​

هنا مرمر مبااااااااشرة من ولاية قالمة ​

اليوم رح تروحوا معانا في رحلـــــــة
قصيرة ما تبعدش بزاف عن قالمة
نشالله - هي اكيد - تكون ممتعة ​

اليوم رح نحطوا الرحال في واحدة من أجمل ولايات الجزائــــر ​

و كيما يقولوا بالضبط
في سكيـــــــكدة ​

تفضلوا شوفوها معانا ​

ومن سكيــــــــكدة لقيت احلى عضوتين
من اللمــــة حبيت نستضيفهمـ ​

يعرفونا اكتر عليها
و همـــــــــا : ​

نور ملكــــــة الاناقة و أمورة اللمـــة

NOUR_light
:: مشرفة ::
أقسام التجارة و العمل منتدى حواء الجزائر

​

تاريخ التسجيل : 6 - 3 - 2008رقم العضوية : 32898الإقامة : نذبح روحي على سكيكدةالجنس :

المشاركات : 5,365[+]
الأوسمة : 1 قوة السمعة : 1705مؤشر السمعة :

​

و سوسو الغاليــــــــة

souss
:: عضو مميـز ::

​

تاريخ التسجيل : 1 - 11 - 2008رقم العضوية : 82608الإقامة : سكيكدةالجنس :

المشاركات : 862[+]
الأوسمة : 0 قوة السمعة : 121مؤشر السمعة :

​

نتمنى تقضيوا وقت ممتع
معنـــــــا ​

إلى سكيكـــــــــدة :sheer:​

 

[EL General]

مرحبا بناس سكيكدة
كل صيف فيها في البحر هههههههههه
​

 

[الورد الأحمر]

مغسي ليك مروة
ومشكورة عالاستضافة
مشكورة على المقدمات لي
عملتيهم وعالصور الباهية
لي دعمتي بيهم المقدمة
نزيدكم برك شوي صور

هذي تبان فيها دارنا

مسجد الايمان بحي 700 مسكن

IAP سكيكدة

les allés

....
هيا بزاف هذي بطاقة
برك اشهارية لسكيكدة
ههه باش نجيبلها الزوار

​

 

[الورد الأحمر]

مرحبا بناس سكيكدة
كل صيف فيها في البحر هههههههههه
​

أهلا بيك خويا في سكيكدة
ان شاء الله عجبتك :shiny:

​

 

[مروة 95]

مغسي ليك مروة

ومشكورة عالاستضافة
مشكورة على المقدمات لي
عملتيهم وعالصور الباهية
لي دعمتي بيهم المقدمة
نزيدكم برك شوي صور ​

​

هذي تبان فيها دارنا​

​

مسجد الايمان بحي 700 مسكن​

​

iap سكيكدة​

​

les allés​

....
هيا بزاف هذي بطاقة
برك اشهارية لسكيكدة
ههه باش نجيبلها الزوار​

أحلى بطاقـــــة من أحلى مبدعـة
لي عودة نوغ ​

 

[═♥.ЈŪšť_ màn.♥═]

..
ســـــــــــلام .. وشراكمـــ الخاوى .. 1 تيكــ ياكــ
... هههههه
راكمــ في سكيكدة ياكــ
اهلا بيها و بناســـــــــــها
......​

 

[═♥.ЈŪšť_ màn.♥═]

..
.............
ســـــــؤالـــي :
...
سكيكــــــــــــــــدة في سطور هادا ماكانـــ ما نكترشــ بزااااااااف
.. عرفينا بسكيكدة ..1
اهم التقاليد المعروفة .......2
اهمــ المعالم .. يعني الحوايج الشابين فيها 3
..
و اخيـــــــرا و ليس اخرا ..
..
صـــــــــــحا فطوركمـــــــــ :shay:​

 

[مروة 95]

سلااااااااااام ناس سكيكدة لعزاز
راني رجعتلك بوابـــــل تع أسئلة
تفضلي :

1- عرفينا بسكيـــــكدة ؟
2- أكتر حاجة مميزة في سكيــــــكدة ؟
3- رمضان ، كيف تكون التحضيرات ليه ؟
4- سهرات رمضــــان كيف تفوت ؟


نرجعـــــوا للقمر المنور اليوم
نور اســـــم على مسمى

1- تقدري تحكيلنا شوي على نور ؟
2- مكانة منتدى اللمــة الجزائرية عند نور ؟
3- أختي ختمتي القراان قبل ؟ و كم مـــــرة ؟
4- وش رايك في - مرمر- مالgغي ماعندكش بزاف تعرفيها ؟

سلامــــــــو نون
​

 

[NASRO DZ]

السلام عليكم

فكرة فور

 

[الورد الأحمر]

..
.............
ســـــــؤالـــي :
...
سكيكــــــــــــــــدة في سطور هادا ماكانـــ ما نكترشــ بزااااااااف
.. عرفينا بسكيكدة ..1
بون أنا مش حنروح لعمي قوقل
ونجيبلك تعريف منو ولا من
الويكيبيديا رايحة نديرلك
تعريف خفيف ظريف لولايتي
سكيكدة أول حاجة نقولك
نذبح روحي عليها
...
سكيكدة ولاية جاية في الشمال
الشرقي للجزاير الحبيبة
جاية في وسط عنابة شرقا
وجيجل غربا وقالمة من
الجنوب الشرقي وقسنطينة
من الجنوب الغربي
...
معروفة بشواطئها وامتزاج
الطبيعة الخضراء مع شواطئها
...
سكيكدة من الولايات المساهمة
في المدخول الوطني من النفط
والبترول والغاز وتعتبر من
الولايات المهمة في ذلك
...


اهم التقاليد المعروفة .......2
أهم تقليد في سكيكدة
هو احتفال سنوي بمناسبة
عيد الفراولة وسكيكدة معروفة
بالفراولة تاعها
...
في كل عام من شهر ماي في 21 ماي
عادة يجرى فيستيفال
يجيو فيه الفلاحين بمنتوج
الفراولة تاعهم ويعرضوه
ويجيو تم صحاب الـpـاتيسغي
وين يتنافسو شكون يدير أحسن
كايك فراولة والفائز يدي جوائز
...
وفي نفس الوقت يصراو نشاطات
مختلفة كسباق الدراجات ساعات
يكون وطني وساعات محلي ...
وأنشطة أخرى
...
اهمــ المعالم .. يعني الحوايج الشابين فيها 3
أهم المعالم في سكيكدة
كاين حوايج أثريين كالمسرح الروماني
الذي تم ترميمه مؤخرا
...
سكيكدة معروفة بالشواطئ تاعها
كيما قلتلك ديجا ...
...
والمناظر الطبيعية الخلابة

..
و اخيـــــــرا و ليس اخرا ..
..
صـــــــــــحا فطوركمـــــــــ :shay:​

وصحا فطورك خويا
ان شاء الله نكون جاوبتك
وقنعتك
مغسي ليك
سلامو
​

 

[═♥.ЈŪšť_ màn.♥═]

وصحا فطورك خويا

ان شاء الله نكون جاوبتك
وقنعتك
مغسي ليك
سلامو​

..
يا عمـــــــــري كتبتيلي جرنانــــــ ... هادا من عندكــ ياكــ
... و اذا رحتـــ لعمكـــ .. google
و لا لويكيبيديــــــا ههههههه نبات و انا نقرى
......
شكرا لكــ
تبانلي ... سكيكدة شااااااااابة بالبزاااااااااف
..
نحبكــ الفرازة .... نموت عليها
هههد
​

 

[الورد الأحمر]

سلااااااااااام ناس سكيكدة لعزاز
راني رجعتلك بوابـــــل تع أسئلة
تفضلي :

1- عرفينا بسكيـــــكدة ؟
السؤال هذا جاوبت عليه ديجا
الفوق مي نزيك حوايج
...
سكيكدة معروفة أنها ولاية صغيرة
لأن وسط مدينتها صغير أما دوائرها
وبلدياتها كبار وسكيكدة في المساحة
راهي أكبر من المدن لي يقولو عليهم
كبار وهذي صورة للتقسيم الاداري تاعها

في سكيكدة نقولو أنو سكيكدة
بواطة زالاميت
2- أكتر حاجة مميزة في سكيــــــكدة ؟
سكيكدة يميزوها الشواطئ
تاعها وين سحر الأخضر مربوط
مع سحر البحر + شواطئها
والساحل تاعها مازالهم
طبيعيين ما تمدتش يد الانسان
عليهم لا تعديلات ولا شي كلشي
تاع ربي وهذا واش خلاها
حاجة مميزة والعبد ما يشقاش
يسـgـمها لأنو ربي عطاها سحر
من عندو سبحانو وماكانش كيما
ايد ربي كي يمد لبلاصة سحر
3- رمضان ، كيف تكون التحضيرات ليه ؟
تحضيرات رمضان
قبل رمضان يولي العبد يتمنى يبقى
في دارو الغاشي برة يقضي ويوجد
هذو ماعن جدد هذا قضيان هذو
حوايج جدد للصال آ مونجي
يوجدو كلشي قبل بيامات باش كي
يدخل رمضان يكون كلشي واجد
4- سهرات رمضــــان كيف تفوت ؟
سهرات رمضان
بعد لفطور يروحو الناس يسهرو
عند لافامي ولا يتلمو في دار
وحدة وين فيها كبار العايلة
ويبقاو يقصرو ويضحكو قولي جيهة
01 يرجعو للدار ...
برا يرجع الغاشي ليجان متجمعين
يضحكو ويقصرو تسمع ضحكاتهم
يجيك الضحك ... حتى النسا يخرجو
يتمشو مع بعضاهم كوم الجنيا ترجع
عامرة ... وكوم رمضان ولاّ في الصيف
يخرجو الناس تاني للبحر يتلمو تم
ويسهرو وهكذا يفوتو السهرات

نرجعـــــوا للقمر المنور اليوم
نور اســـــم على مسمى

1- تقدري تحكيلنا شوي على نور ؟
نور وحدة سكيكدية بدات تكبر ههه
قفلت 23 سنة في 27 جويلية
تخرجت العام هذا وجابت الديبلوم
السمانة لي فاتت ...
نور تحب روحها
نور مغرورة
نور أنانية
نور تحب ترقد تحب الراحة
خصها ما تدير والو
تحب تكتب وتحب الميكرو
هذا تموت عليه
تحب النت أكيد
تحب اللمة
...
تكره لي يستغبيها
تكره لي يكلحها
تكره الخبث
تكره النفاق
...
نور تخدم بشعار دارتو هي
واقتبستو من شعار نجمة
نور نحب روحي ونحب لي يحبني
2- مكانة منتدى اللمــة الجزائرية عند نور ؟

مكانة اللمة عند نور
اللمة وما أدراك ما اللمة
نهار راحت تشردت بكل ما تحمله
الكلمة من معاني بما أنو مقر السكن
تاعي هو اللمة ...
نحبها نحبها نحبها ...
كان لقيتوني ماشي هنا أعرفو
لي نور ماهيش مقابلة الميكرو
محال نكون فيه وما نجيش هنايا
نصبح عليها ونرقد عليها
نجيب بيها السهرة للربعة تاع
الصباح ونروح من لعيا برك
وغايضتني الروحة
​

3- أختي ختمتي القراان قبل ؟ و كم مـــــرة ؟
درك مازال ما ختمتوش مي ختمتو
شحال من مرة قولي وحد 6 مرات
ولا 7 للأسف في حياتي كاملة
4- وش رايك في - مرمر- مالgغي ماعندكش بزاف تعرفيها ؟
مرمر تعرفي عندي صاحبتي اسمها
أميرة ونعيطولها مرمر فكرتيني
بيها يتفكرك الخير حبوبة
مروة قيس ما عرفتها من نهار
سرقولي المدونة ههه وكانت شاهدة
عيان عاونتني بلا نطلب منها
تبانلي تحب تساعد الغير
وناس ملاح وسباقة للخير
حنونة تبانيلي ومنعرف
ونقولك ربي يحفظك مروة اختي
ويعطيك ما تتمناي
سلامــــــــو نون
​

مغسي مروة هاني جاوبتك
ان شاء الله يعجبوك الاجابات
في انتظار أسئلة اخرى
سلامو مغوة
​

 

[Houda Chaouienne DZ]

Salam
NOUR hia dheifa
merhba bik w b nass skikda
semhili l micro hadha mafihch clavier arabe
kheli ki nconnecti men PC ta3i w nerje3lek
b les questions
Salaaam​

 

[مروة 95]

مغسي مروة هاني جاوبتك

ان شاء الله يعجبوك الاجابات
في انتظار أسئلة اخرى
سلامو مغوة​

مغسي عليك نونو
عجبتني مغوة هادي فكرتيني بوحدة
كانت تقرا معايا تقلي مغوة
ههههههه ​

 

[walid_03]

مرحبا بيك اختي نوررررررر


صحا رمضانك نبدأ على بركة الله


غلبك الصيام اليوم ؟

كاش مراكي تغسلي لمواعين مور الفطور ؟

ما طبقك المفضل في رمضان ؟

وهل تجدين الطهي ؟

ما رأيك في برامج dz في رمضان 2011 ؟



وصحا فطورك


​