رمضانيات عضو .. قعدة لماوية مع .. bouchra*02 و NeيRسNe

[NeيRسNe]

iman89

nada242008

la_safa

أمينة16

°wishes



هاذو العضوات اللي خيرتهم
مرحبا بيا وبيهم معانا هنا

مرحبا بيك عفاف ومرحبا بضيوفك الكرام
نورتو ان شاء الله تستمتعو مع عفاف
​

 

[أمينة16]

Iman89

nada242008

la_safa

أمينة16

°Wishes



هاذو العضوات اللي خيرتهم
مرحبا بيا وبيهم معانا هنا

مرحبااا بيك عفوووووووووووف
لي عودة مع الاسئلة :shiny:
​

 

[la_safa]

أهـــلآ عفـــوفــة فيــــكـ .. مرسي كي خيرتيني نكون معاك

عفوفة واش هي اهدافها في الحيــــــآة ؟؟

احلــــــــى حاجة صرات في حيـــــــآيك ؟؟

واش تتمني ؟؟

واش هي الطبخة لي تحبي تطبخيها ؟؟

واش عجبتني هاذيك السوساتة يا عفوفة ان شاء الله لمن راح تكون ؟؟

درك نولي ماتقوليش راهي راحتـ هههـ
​

 

[هــــيلدا]

أهلا،، عفعف مخفتيش منيس نطرشك خيرتيني معاك ^^

اوكي،،

قوليلنا وشي هو هدفك في الحياة ؟

شيء تتمنايه يحدث الآن؟

حاجة تتمنايها متصرااش خلاص؟

أطرف موقف صرالك في حياتك ؟

ماهي أكبر مخاوفك؟

شكون هو الشخص للي ترتاحيلو بزاف ؟

وبقا سؤال كي نقعد نزيدهولك اموصيبة،، بالتوفيق
​

 

[أمينة16]

بسم الله نبداااااااااااااااااو

عفوف وعلاش عرضتي غير لبنات هههههه؟؟

احكيلنا ششوية عليك؟؟

عفاف ويومياتها مع رمضاان؟؟

نسقسيك على الكوزينة نعرفكم تحبووو بعضاكم واشش تحب طيب عفووف؟؟


امممممم عفوف واش رايك في زواج اليوم؟؟ يعني واش رايك رانا نشوفو زواج في الصيف وطلاق في الشتاء
ماشي كامل مي الاغلبية؟؟


رااجعتلك يا حلووووووووووووة


​

 

[عفاف الجزائرية]

أهـــلآ عفـــوفــة فيــــكـ .. مرسي كي خيرتيني نكون معاك
اهلا صفصوفة العفو اختي

عفوفة واش هي اهدافها في الحيــــــآة ؟؟
نرضي ربي والوالدين
نحقق امنياتهم ونروح معاهم حجة ولا عمرة ونجيبلهم الباك حتى ويصير في عمري قرن
نوصل وين راني حابة ونهار نوصل نوقف ونقول اني وصلتلك

احلــــــــى حاجة صرات في حيـــــــآيك ؟؟
هههههه نمشي وقالولي ارفدي راسك كي تكوني تمشي صح صح هاذي احلى حاجة صرات في حياتي

واش تتمني ؟؟
يرضى عليا ربي والوالدين

واش هي الطبخة لي تحبي تطبخيها ؟؟
يا اختيمن رمضان ربي يسامحني كرهتا لطبخات والكوزينة على هذا ما تسقسينيش علىا لطبخ

واش عجبتني هاذيك السوساتة يا عفوفة ان شاء الله لمن راح تكون ؟؟
ل دينا هههه:tongue_3::tongue_1::tongue_3:

درك نولي ماتقوليش راهي راحتـ هههـ
​

ايا مرحبا بيك صفصوفة

 

[nada242008]

صح فطوركم يا بنات ويعطيكم الصحة على الموضوع الباهي
عفعوفتنا خيرتنا ولازم نقومو بيها:shay:
اسئلتي
من هي اول صديقة لك في اللمة ؟
هل حصل سوء تفاهم بينك وبين احد العضوات وكيف تصرفتي ؟
هل تثقين بكل الاعضاء ولماذا ؟
هل تتابعين مسلسلات وماهي؟
هل قررتي يوما ما الانسحاب من اللمة ؟
وماهو السبب؟
ولماذا تراجعتي ؟
هل هناك عضوة تشبهك في اللمة ؟
من هي ؟
وفي ماذا ؟
اوصفي لي كل عضوة بكلمة
اسراء
ابتسام
ايمان
ام منصف
بائعة الكبريت
فوفة
روز
ايمان 89
وانا ههههه

 

[Iman89]

الاسئلة كالتالي::sheer::sheer:
1-عفاف في كلمتين...
2- شخص لا ترفض له طلبا؟
3-نزار شاعر المرأة.. أنت شاعر من؟
4- ما هي التجربة التي تتمنى تكرارها؟
5- شخص وعدك بشي مهم جدا ثم اخلف ماذا تقول له ؟​

 

[M3TaZ eLLMa]

السلام عليكم

راني متبع الموضوع من بعيد

وربي يوفقك أختي عفاف

ونتمنى لكم قضاء أنتع الاوقات مع الاخت نسرينو وزميتلها​

 

[la_safa]

ها وينكم ؟؟

نزيدك هاذو آ عفاف انا ليوم مانقدرش نسهر معاكم

كاش مرة حرقتي الماكلة آ عفاف قولي الحق و كيفاه كان شعورك
كيما يقولولك شكون طيب هاذي الماكلة ههه ؟؟

واش تعنيلك :

الوحدة
الام
الاخ و سيرتو لكبير هاه
انا ههه
البحر
الكادوات


سامحيني عفوفة درك لازم نخرج
​

 

[NeيRسNe]

السلام عليكم

راني متبع الموضوع من بعيد

وربي يوفقك أختي عفاف

ونتمنى لكم قضاء أنتع الاوقات مع الاخت نسرينو وزميتلها​

اهلااا خويا كمال
شكرااا لك مرحبا بيك
​

 

[عفاف الجزائرية]

أهلا،، عفعف مخفتيش منيس نطرشك خيرتيني معاك ^^

اوكي،،

قوليلنا وشي هو هدفك في الحياة ؟

الهدف نتاعي اكيد نعمل الشي اللي يفرح والديا ويهنيهم عليا
​

ونوصل وين ناوية ان شالله(ما تقرعجيش بزاف ماراحش نقول واش ناوية حتان تسمعي بيها كي يحب ربي)
شيء تتمنايه يحدث الآن؟
نخرج نحوس والله روحي فاطة
حاجة تتمنايها متصرااش خلاص؟
ما نحبش الوداع والدموع والفراق هاذو الكلمات كامل ما نحبهمش وما نتمناهمش يصراو لا ليا ولا لاي واحد

أطرف موقف صرالك في حياتك ؟
هههه كي مدولي هاذيوك السوساتة كيما قالتها صفاء ههههه
ماهي أكبر مخاوفك؟
يقيني بالله كبير والحمد لله ماكانش دعوة دعيتها وخيبني فيه الله
على هذا ديما ننظر للمستقبل بنظرو امل ومانيش متخوفة
شكون هو الشخص للي ترتاحيلو بزاف ؟
كاين5
امي طبعا
اختي سماح
خويا عمر
اختي ام ندوش
و:luve_1:

وبقا سؤال كي نقعد نزيدهولك اموصيبة،، بالتوفيق
​

ايا اوك
علاه غالقة المساجات حتان خسرتيني في تقييم ههههههه
مرسي ليك اسرسورة ونها نجي اني نحيلك هاذاك الميني كحل هههه
​

 

[M3TaZ eLLMa]

اهلااا خويا كمال
شكرااا لك مرحبا بيك
​

الله يسلمك أختي نسرينوا

راني نتبع في الاجوبة موضوعك هايل بكل أمانة

ربي يوفق كل ظيف عندكم​

 

[la_safa]

عفوفة واش من نوع نتي لي ياكلو ياسر ولا لا ؟؟
راني نخمم عليكم باه تقتاصدو هههه

نعرفك شاطرة في الكوزينة قوليلنا واش طيبتي ليوم ؟؟

واشمن مسلسل تتبعي في رمضان ؟؟
ولا تتبعي في مسلسلنا خير فيه الاحداث ياسر و الحلقات لا نهاية هههه ؟؟

وين تعقبي السهرة تاعك آسكو تحبي تعقبيها هنا ولا مع داركم ؟؟

احسن حاجة درتيها في الفاكونس تاع الصيف
ماش كي رحتي للحمام حاجة اخرى هههه ؟؟

واشك مع سيدنا رمضان غلبك ولا غلبتيه ولا مازال ماتعاركتو ؟؟

هاذيك السوساتة لدينا و دينو مسكين علاه خليتيه ههه ؟؟

عندك الشجاعة تخرجي تقضي في الصباح في درجة حرارة 45 ؟؟

عندي سؤال مي خليه في الرسائل الخاصة ههه ؟؟

هيا بون نوي عليكم نتمنالك احلى سهرة
و آي ليكم اقضو عليها هههه


​

 

[عفاف الجزائرية]

بسم الله نبداااااااااااااااااو
على بركة الله
عفوف وعلاش عرضتي غير لبنات هههههه؟؟
باسكو نحبهم كون ما نعزهمش ما نعرضهمش
احكيلنا ششوية عليك؟؟
والله واش نقول عليا
عفاف هي عفاف كيما هنا في اللمة كيما في حياتها الخارجية
عفاف ويومياتها مع رمضاان؟؟
اسكتي عليا ديجا ربي يسامحني راني نحسب في الايام
ما بياش التفنيين لكن بيا السخانة
والله عيانا رمضان هاذ العام
وربي يستر على 9 سنين جاية رمضان في الصيف
اني رايحة نولي نصومو في القطب الجنوبي لي يحب ينظم يسجل اسمو
نسقسيك على الكوزينة نعرفكم تحبووو بعضاكم واشش تحب طيب عفووف؟؟
والله نموت عليها ربي عارف معزتها عندي هههه
نحب نطيب ونتفنن ونديكوري ونخترع
وما نحبش كي ندخلها ونلقاها مخلطة:cra_zy:

امممممم عفوف واش رايك في زواج اليوم؟؟ يعني واش رايك رانا نشوفو زواج في الصيف وطلاق في الشتاء
ماشي كامل مي الاغلبية؟؟

والله يا امينةا لواحد اصبح يخاف من هاذو الزواجات نتاع هذا الوقت
المشاكل كثرت والدعوة راحت فيها طول
العروس ما تسمحش من حقها واهل العريس تاني
على هذا عاد الواحد يتردد بزاف بزاف قبل ما يدير اي تصرف
واللي لاقية واحد يواتيها غير ما تسمحش فيه هههه
رااجعتلك يا حلووووووووووووة


​

اهلا وسهلا بيك من جديد
​

 

[Orodent]

سلآآآم
نتمنآلكم سهرة طيبة مع عفوفة
اعتذر على الازعاج
متآبعة وبهدوء​

 

[عفاف الجزائرية]

صح فطوركم يا بنات ويعطيكم الصحة على الموضوع الباهي
عفعوفتنا خيرتنا ولازم نقومو بيها:shay:

اني نعرف مقامتك حبيبتي بس بدون فضايح برك هههه
​

اسئلتي
من هي اول صديقة لك في اللمة ؟

اول صديقة ليا كانت نور اميرة الاحلام وانتي بعدها بكل صراحة
وحتى وانقطعت هي الان على اللمة لكن مازال التلفون بيناتنا نحييها بالمناسبة:shay:
​

هل حصل سوء تفاهم بينك وبين احد العضوات وكيف تصرفتي ؟

والله يا عفوفة انتي اكثر واحدة تفهمني وعارفتني
حتى ويحصل سوء تفاهم ديما عارفة طبعي نجبد روحي بكل هدوء وما نردش خلاص سواء ضالمة او مضلومة لكن لحد الان نظن ماكانش حتى سوء تفاهم
​

هل تثقين بكل الاعضاء ولماذا ؟

هنا ما نكذبش
كاين اعضاء قلال نثق بيهم صح ثقة عمياء
ماشي كل خضرة حشيش:re_gards:
​

هل تتابعين مسلسلات وماهي؟

ياااااه ويني انا ويين راهم المسلسلات
راني خارج مجال التغطية طوووول
كاين صح هاذاك ابو كريم و7 حريم نتاع هاذاك الشيخ اللي هربت عليه مرتو على جال المال وهو اتهلا في 7 بناتو (رح نحكيلك قصة حياتو ههه)
هاذاك يجي مع الفطور والتلفزيون مقابلني نبقى نشوف فيه
​

هل قررتي يوما ما الانسحاب من اللمة ؟

ايه مرة
​

وماهو السبب؟

حصل سوء تفاهم بيني وبين نور لانها هيا ما فهمتنيش وما حبتش تدير بكلامي برغم انه كان لفايدتها
حلفت مانزيدش ندخل
ومادخلتش وقيلا قريب 15 يوم
ومن بعد ما هانتش عليا نخليها ونخلي اللمة وليت رجعت
​

ولماذا تراجعتي ؟

اني قلتلك ما عنديش القلب:sad:
​

هل هناك عضوة تشبهك في اللمة ؟

هيه كاينة
​

من هي ؟

انتي لاه اسمك كيما اسمي في الباطل ول هههههه
​

وفي ماذا ؟

في حبها للكوزينة والتفنان في قلبها الكبير في عقلها الوازن في حبها للخير لناس في مسامحتها وفي دعتها العزيزة
عفاف هي عفاف في هذو الصفات وربي يخليك كيما راكي حبيبتي
​

اوصفي لي كل عضوة بكلمة

اسراء :sheer: هههه

ابتسام الساعة ب خمسة جنيه والحسابة تحسب ههههه (قلها تقوللك واش هو هذا اللغز ههه)

ايمان نحسها متوحشة ديما اهلها ووحيدة في غربتها على هذا نقوللها ربي يرد غربتك على خير اختي

ام منصف واعية وراكزة

بائعة الكبريت صاحبة الالغاز عمري نفهملها لكلامها المملوء بلالغاز لكن نحب تواجدها الدائم

فوفة فحلة كل النحلة كيما تقولهالي الاخت مريم حاسي نلقى فيها كل مواصفات ربة البيت

روز يا ماما يا ماما على روز صاحبة القلب الطيب والكبير بير بالغطاء احكي وفضفضي واخري مرتاحة

ايمان 89 البرائة المشاكسة هذا مصطلح جديد لايمان هههههه
​

وانا ههههه

انتي هي انا
انت الروح يا غالية وربي راه يعلم
​

 

[عفاف الجزائرية]

الاسئلة كالتالي::sheer::sheer:
1-عفاف في كلمتين...
قلبي كبير ومتسامحة
2- شخص لا ترفض له طلبا؟
امي الغالية
3-نزار شاعر المرأة.. أنت شاعر من؟
خاطيني الشعر يا ايمان اختي:sad:
4- ما هي التجربة التي تتمنى تكرارها؟
كانت عندي تجربة في 16 جويلية نتمنى نعاودها ان شالله
5- شخص وعدك بشي مهم جدا ثم اخلف ماذا تقول له ؟
وين وعدك اللي وعدته لي
​

نشتيك اايمان كي عدتي خفيفة ضريفة هههههههههههه
​

 

[عفاف الجزائرية]

ها وينكم ؟؟
هاني هنا معاكم ومع ضيافنا جاونا ضياف يطلو عليا زعمى ههههههه
نزيدك هاذو آ عفاف انا ليوم مانقدرش نسهر معاكم
ايا عارفاتك كسولة ههه
كاش مرة حرقتي الماكلة آ عفاف قولي الحق و كيفاه كان شعورك
كيما يقولولك شكون طيب هاذي الماكلة ههه ؟؟
هههه حرقت مرة بوراكتين نسيتهم ورحتنطيب في الحليب نلقاهم عادو كحولا ربي يسامحني طيشتهم هه
واش تعنيلك :

الوحدة -- الموت البطيئ
الام-- كل ما في الكون الام هي الحنان الامان الحب الحياة الهدوء الهناء كل ما في الحياة من جمال هو اسم الام
الاخ و سيرتو لكبير هاه هاذاك عينيا وقلبي وروحي كون يطلبني في روحي رح تكون فداه
الصراحة خويا الكبير هو اغلى ما عندي في هذ الدنيا بعد والديا
انا ههه البراءة الكاملة الفلوسة الفرفوشة الحلوة العسلة هاه نزيد ولا ياسر هههههه
البحر -- توحشتو ههه البحر مكان دفن الاسرار والهموم مجرد انني نوقف عندي ونحكيلو ساعة نحس روحي مرتاحة
الحاجة الوحيدة اللي نرتاح فيها هو البحر وقت المغرب ونكون وحدي
الكادوات -- اشياء يعبرو على قيمة الشخص ومكانتو وما يهمش حجمهم قد ما تهم الجاست نتاعهم
واش جبدك فيهم درك هههه


سامحيني عفوفة درك لازم نخرج
​

تصبحي بخير صفصوفة ومرسي حبيبتي على اسئلتك يا غالية
ليلة سعيدة وصحا لسحورك
​

 

[أمينة16]

عفوفتي

كيفاش تشوف عفوف حياتها؟؟
واش امنيتها في الدنيا؟؟
اللون المفضل للباس ليك؟؟
عفاف توحشتي نووور ؟؟:schmoll::sad:
واش الحاجة اللي متحبش فيها عفوف التمسخير ؟؟
اسعد لحظات اللي تجوزها عفوف وين تكون و مع من؟؟
واش رايك في القول ان الصاحب ساحب؟؟
وواش رايك في انو اللي بعيد عن العين بعيد عن القلب؟؟
شكون الاعضاء اللي قريبة ليهم بزاف؟؟
كيفاش تشوف عفوف روحها كي تتزوج مجرد احتمالات ههههههه؟؟
وعفوف تحب الاطفال ولالالا؟؟
كلمة للاعضاء ولصاحبتي الموضوع؟؟
وكلمة لياااا؟؟

وصح سحوووووووووووورك عمري
​