رمضانيات عضو .. قعدة لماوية مع .. bouchra*02 و NeيRسNe

[sami19280]

أممممم
بسم الله

السؤال الأول يتمحور حول قضاء في الجزائر ونحن على علم تام أنه في وضعية متأزمة، ما رؤية سامي لهذه الوضعية وماهي الحلول اللازمة لها.

درت كلمة قضاء نكرة في سؤالك يالعمار نتمنى نكون فهمت سؤالك برك وهو متعلق بالقضاء في الجزائر على حساب مافهمت.مزال القضاءحسب رايي ومتابعاتي للصحف وحكايات الناس والواقع اللي راني عايشو يخضع للتسييس والمحسوبية كيفو كيف الكثير من القطاعات مع انو القطاع الاكثر حساسية من بينهم اول مابديت نحكم عليه وبديت نشفى قضية الخليفة والهول اللي عملوه والمحاكمات الليلية وكذا كذا لكن في النهاية وحسب الكثير من المصادر الرؤوس الكبرى لم تحاسب نقطة سوداء في رايي.

قضية سوناطراك او فضيحة سوناطراك+فضيحة الطريق السيار ماشفنا ولاوزير للقطاع المعني بيه وقف امام المحكم ولو كشاهد.

إقتصاديا أغلب الفنرنسيين خائفين من أزمة مالية، هل هذا يعني فشل منظومة الإتحاد الأوربي أم فشل السياسة الإقتصادية المنتهجة؟

السياسة الاقتصادية قصدك الخاصة بفرنسا :انا نحكيلك حكاية ميدان خالطت شحال من المتقاعدين الجزايريين تاع فرنسا يلخصلك الواقع الاسود اللي يظهرلي بدا منين حكم ساركوزي وهو السياسة الاقتصادية الفاشلة اللي تبناها في بلادو يحكيو المتقاعدين ويقولو انو شعبيتو في الحضيض وندمو كي اختاروه .النتيجة طبعا انو سياستو هي سبب كل فشل بطبيعة الحال.

تكتل الاتحاد الاوروبي شخصيا معجب بيه بزاف اذا ماش اقتصاديا ففي جوانب اخرى.

سياسيا الثورات العربية أمام خيارات غير منظبة تماما وإيديولوجيات مختلفة كيف تعلق على مستقبلها

الثورات العربية اول حاجة مانحبش كلمة اسمها المؤامرة وجملة اسمها التخطيط الامريكوصهيوني لايقاظ الثورات .القمع +التعذيب + الفساد+ المحاكمات العسكرية+مشاريع التوريث كلها اكبر دافع لتحريك الشعوب اكبر من اي مؤامرة.اما بالنسبة للخيارات صدقني وحسب قناعتي انها كلها ثورات مباركة واللي فسدها ديما اشباه الحكام بكل مااوتوا من وسائل .الله ينصر كل ثورة ولو كان في المهد ناشئة.

إعلاميا بثت الجزيرة مؤخرا وثائقي تحت عنوان الديكتاتور ما رأي سامي فيه؟

ستنيتو وتفرجتو فلم وثائقي مليح اماط اللثام على الكثير من الحقائق ابرز الحقائق واللي تشكلي واحد العقدة هي صدام حسين مزلت في طريق بحث على حقيقتو هل هو ثوري ام ديكتاتور مثل مثل بقية الحكامــ

سامي عضو مميز فعال ومؤطر في اللمة بكل إمتياز هل يتكرم بأن يعطينا فكرته نحو المنتدى؟ ونبذة بسيطة عن مسيرته باللمة؟

بالنسبة لمؤطر مانيش راض على مستواي وخدماتي من هاذ الناحية في راسي مشاريع كثيرة متنمني انها تتجسد لكن الاعذار كثيرة .المنتدى فيه وعليه مثلو مثل اي تركيبة ثانية .لكن صدقني انه من بين الاحسن وطنيا خصوصا كي رانا نعتامدو على الحصريات +التركيبة البشرية تاع المنتدى يعني اعضاءو من كل الحساسيات تاع المجتمع.بالنسبة لمسيرتي النت والبحث + معرفتي باحد الاصدقاء تاع المنتدى chemssou 007 كان لي دخول محتشم للمنتدى من بعد شفت اقسامو وحوست فيها وقفت على تميزها.

بدات رحلة المشاركات والحصريات +تكوين الصداقات في المنتدى.


سامي أكاديمي جديد بعد نجاحه للباكالوريا كيف يرى مستقبله على أبواب الجامعة؟

ان شا الله راح يكون مستقبل منور حاب نكون نفسي من كل الجوانب وان شاء الله نتوفق

السؤال الأخير: مالفرق بيني وبينكـ؟


خبرتك تصنع الفارق يالعمااااااااااار
تحياتــــــــــــــــــــــــي

وتحيات احلى لكـــ
​

سلامي لكـــــــــــ عماااااااااااااار

 

[إحســاس بــراءة]

انا قديم عليك ا بشرى علاه ما يعطونيش مشرف
ههههههه
​

ههههههههه ها خويا
المشرف ماشي برك قديم ولا جديد :re_gards:
والجواب على سؤالك العلم لله
​

 

[sami19280]

لمهنة التي يحلم بها سامي ..

قيادة الدبلوماسية الجزائرية
قيادة الدبلوماسية
علاش حبيت هاذي بالذات ممكن تعطيلنا السبب​

ميولي السياسي بالضرورة تفعني لهاذ المجال+ والله دبلوماسيتنا من ايام الهواري طغات عليها الرداءة لازملنا تشبيب.........
​

 

[sami19280]

البرنامج او الحصة اللي تفضلها

نفضل بزاف البرامج الحوارية السياسية مثلا الاتجاه المعاكس+شاهد على العصرفي الجزيرة +منتدى التلفزيون اللي كان في اليتيمة ..الخ

يعني سامي مهتم بالمجال السياسي
علاش هاد المجال بالتحديد

الشخصية اللي يحبها سامي .. عالمية او جزائرية ..

بدون تردد شخصية الهواري بومدين مدت للجزاير بزااااااف نتمنى لوكان نتكرر في القريب العاجل لانو لبلاد في حاجة لواحد مثلو باش تخرج من النفق اللي راهي فيه.

ممكن تحدد واش عجبك في هاد الشخصية دون غيرها

شخصية تاع ميدان ماشي تاع مكاتب فاخرة .شخصية تاع تهتم بالشباب وتسمعلهم شخصية دارت التصحيح الثوري ماش باش تحكم المنصب مي باش تخدم لبلاد ..شخصية لحقت الجزاير باش تقول كلمتها في كل موضع ومحفل ........
​

 

[NeيRسNe]

اتفضلو تاكلو بالصحة و الهناء

​

​

 

[abc.imane2009]

صحا فطوركم ........

 

[إحســاس بــراءة]

ميولي السياسي بالضرورة تفعني لهاذ المجال+ والله دبلوماسيتنا من ايام الهواري طغات عليها الرداءة لازملنا تشبيب.........
​

يعطيك الصحة سامي
التشبيب هاذا هو اللي يخص فعلا :re_gards::re_gards:​

 

[إحســاس بــراءة]

سامي أكاديمي جديد بعد نجاحه للباكالوريا كيف يرى مستقبله على أبواب الجامعة؟

ان شا الله راح يكون مستقبل منور حاب نكون نفسي من كل الجوانب وان شاء الله نتوفق

واش هو طموحك في الجامعة يا سامي؟
الى اي مدى حاب توصل؟​

 

[sami19280]

المهنة التي يحلم بها سامي ..

قيادة الدبلوماسية الجزايرية

جميل جدااا يعني سامي انسان طموح
الى اي مدى يبلغ طموحك؟؟

والله طموحي وككل جزايري الظروف التي تحدو برك .شباب الجزاير طموحو لا حدود له مي الاوضاع والواقع شي اخر.
سامي شخصيته قيادية فالواقع؟

اذا كان قصدك الميدان فنقولك انو الميدان ونحديدا مجتمعنا غير مؤطر اصلا فصحب انو الشخصية القيادية تكون .ربما شخصيتي ظهرت في دراستي في معاملاتي في خدمتي في النت........

​

.....................

 

[NeيRسNe]

صحا فطوركم ........

صحا فطورك انت تاني
​

 

[إحســاس بــراءة]

صحا فطوركم ........

الله يسلمك
وانت تاني اختي صحة فطورك

 

[sami19280]

سامي أكاديمي جديد بعد نجاحه للباكالوريا كيف يرى مستقبله على أبواب الجامعة؟

ان شا الله راح يكون مستقبل منور حاب نكون نفسي من كل الجوانب وان شاء الله نتوفق

واش هو طموحك في الجامعة يا سامي؟
الى اي مدى حاب توصل؟​

بصراحة الدكتوراه وعلاه اللي هازينها ماشي خير مني
​

 

[abc.imane2009]

الله يسلمك ........

 

[sami19280]

اتفضلو تاكلو بالصحة و الهناء

​

​

وقيلا راح نسحرو كيف كيف نسرين
​

 

[إحســاس بــراءة]

بصراحة الدكتوراه وعلاه اللي هازينها ماشي خير مني
​

الله يبارك
علابالكي بيك شاطر وتستهلها بجدارة واستحقاق:sheer:
ربي يوفقك خيو ​

 

[NeيRسNe]

بصراحة الدكتوراه وعلاه اللي هازينها ماشي خير مني
​

ان شاء الله توصل لمبتغاك وتحقق طموحاتك اخي سامي لانك تستحق النجاح لانك مجتهد ومثابر
​

 

[barca.moha]

=======================
أيا الله يعاونكم
=======================
​

 

[NeيRسNe]

وقيلا راح نسحرو كيف كيف نسرين
​

اي نتسحرووو خويا
مرحبا بيك وبضيوفك
​

 

[sami19280]

يظهرلي نحبسو حتى لغدوة وش رايكم

 

[عمار صادق]

=======================
صحا سحوركم وتقبل الله منكم
=======================​