مطبخك في رمضــــــآن سيدتي * الجـــ 2 ـــزء*

[nada242008]

وريدة ب.ب تقصد بيها بايكينغ باودر يعني خميرة حلوى
---
عفاف مانعرفش وصفة بحليب جوز الهند
ايمان فطورك هايل خاصة طاجين الجبن يعطيك الصحة
اسومة ربي يعاونك وصوريلنا الاطباق

 

[روعة2005]

اهلا لبنات كبف صبحتو ان شاء الله بخير
اهلا كوكو على سلامتك/////////بصحتك ايمان الفطور

 

[ourida17]

بصحتك الفطور ايمان ممممممم يشهي
يعطيك صحة عفاف هههههههههه صار غير بيكنج باودر ومعرفتهاش ههه منتبهتش

 

[imane27]

salam okhti imen 27
ya3tik essaha
golil la recette nta3 tajin eljben hada
jak hayel :shay:

شوفى طرقتى
طيبى لجاج مع حبة بصل وملح وفلفل لكحل كى يطيب لجاج فتيه واتفضى بالمرقة مترمهاش
قطعى بطاطا مكعبات صغار وقليها وصفيها
فى صحن كبير حطى بطاطا ولجاج واحكمى كاس من المرقة لى بقات حطلها 6حبات بيض وانا نضيف لكريم فراش هدا اختيارى بصح انا شفتها جى بنينة به وفرغيه على بطاطا ولجاج وخلطى
اومبعد قطعى جبن مكعابات تاع كيري ومعدنوس وضفيه على الخليط وفرغيه فى مول ودخليه للفور حتى يطيب ويحمار

 

[rima29]

مساء الخير عليكم كاملوش راكم لباس قولولي كيفاش تديروا الكبدة مشرملة ؟

 

[عشقي الامارات]

merci okhti imen 27
ya3tik essaha wmatetmenay

 

[روز]

الكبدة المشرملة
انا نرابيلها الثوم ونقطعلها الكسبر (ولا نعملهم في الميكسورولا ندقهم في المهراس تاع الخشب )
ونقطع الجزر دوائر ونرابي حبة طماطم ورند وكمون وفلفل أحمر وملح ولاجمبو
و نحط شوي حمص وشوي زيت ونتكتك الكل مع بعض على نار هادئة
بعدها نقطع الكبدة قطع صغيرة نوعا مآ (مش صغير ياسر ) ونحطها ونخلطمليح بالشوي برك ونمرقها
وكي اطيب الكبدة نزيد طماطم نتاع القوابس باش تخثار
ونقلي معاهاالبطاطة تجي هايلة

 

[روز]

روز هدا طاجين جبن
روز طبطاي فالجزاير سما تعيدى تما

عجبني الطاجين نتاعك هايل نجربو هذ الاسبوع ان شااءلله

ايه نكمل الكونجي كامل تم يمكن مع اكتوبر نرجع باذن الله
أول مرة نبعد عامين واكثر على الدزاير :sad:

 

[rima29]

ربي يحفظك رووووووووز
كيفاش صبحتي اليو حنونة
راحتلك الخلعة؟​

 

[روز]

يسلمك ريمو لاشكر على واجب
راني أحسن الحمدلله
ربي يخليك على السؤال
برك يلزم كل وحدة تعس النارمليح سيرتو كي تكون في المطبخ مع الكهرباء
راهي تصرا كوارث بعيد الشر
انتبهوووووو

 

[ibtesem]

مساء الخيرات عليكم ياشطورات
واش ناوين اليوم طيبو

 

[rima29]

اسمحولي كثرت عليكم وقولولي كيفاش تطيبوا لوبيا قريني ؟
راني نستنى​

 

[rima29]

يسلمك ريمو لاشكر على واجب
راني أحسن الحمدلله
ربي يخليك على السؤال
برك يلزم كل وحدة تعس النارمليح سيرتو كي تكون في المطبخ مع الكهرباء
راهي تصرا كوارث بعيد الشر
انتبهوووووو

الحمد لله يا روز
عودي ديري كامل احتياطاتك كي تدخلي للكوزينة​

 

[ام منصف]

اسمحولي كثرت عليكم وقولولي كيفاش تطيبوا لوبيا قريني ؟
راني نستنى​

اهلا ريما وصحى رمضانك لوبيا قريني طيبيها عادي
بصلة مرابية حبتين طماطم سنات ثوم وقليهم مع لحم خروف او بقري كيما تحبي
مع طماطم مصبرة واضيفي اللوبيا نتاعك وامرقي واغلقي الكوكوط حتى تطيب
لازم تعود المرقة عاقدة
​

 

[meriem104]

سلام لبنات ، وشراكم اليوم ان شاء الله لاباس عليكم

راني كي نشوف وحده من لبنات دارت اتاي نهبل عليه

روز حنونتي ولا وحده من لبنات تقدرو تعاودو تشرحوهلي ببساطه

قريت شحال من مره الطريقة لي حطيتيها فالجزء الاول بصح راسي خشين محبتش تدخل لراسي

راني نستنى تعيشو ، راه خاطري فيه ، انا نديرو بصح خفيييييييييييييييييييييييف بلبزاف تقول ماء

 

[روز]

كفاش نفهمولك ..يمكن فوفة مانقلاتولكش كامل راه ساهل
استنى نحوسلك عليه ونعطيهلك عاودي اقراي ولي مافهمتيهاش نفهمهالك

 

[محاربة صحراء]

انا قررت نطيب رز كفتة بيتزيا بطا ط يتزيا عادي شوربة ومن بعد نزيد نشوف واش نطيب ثاني
​

 

[روز]

هاهي مريم الوصفة اقريها مليح وتخيليها باش تقدري تفهمي ولي مافهمتيهاش قوليلي نفهمهالك ماتحشميش


تطبخي الماء مليح حتى يولي يتقلب في كاش كسرونة تكوني تطبخي فيها الما برك لانو لاتاي حساس واذا طبختي الما نتاعو في اي شي موالفة اطيبي فيه الحوايج تاع الماكلة الطعم نتاعو يتبدل حنا نطيبوه في حاجة سبيسيال امبعد نصورهالك نسموها الكفاتيرا مش عارفة اذا الاسماء تتغير

بعد مايتغلى الما مليح جيبي مقدار من لاتاي نسموه الورgـة تغسليه في مصفاة بماء بارد مليح مليح وتغسلي النعناع الاخضر مليييييح وتحطيهم كلهم في هذاك الماء المغلي و تغطي وتخليه يتلقم حنا نقولولو هكذا يعني يطلق اللون الاخضر هذاك
خليه مدة طويلة نوعا ما يعني اخدميه قبل الفطور وخليه
بعدها تجي باش تحطيه هذي خدمتو:

سخنيه وابداي فرغي من الابريق لكاس لاتاي ورجعي وعاودي وعاودي العملية شحال من مرة
ثم صفيه وديري السكر في كاس كبير شوية كمية كبيرة شوية تاع سكر وفرغي عليه شوي اتاي لي خليتيه يطلق اللون نتاعو وخلطي حتى يذوب السكر
بعدها نحي نص الاتاي لي في الكاس ( لي بنين ) وفرغيه في ابريق لاتاي
وديري العملية من الابريق لكاس لاتاي وعاودي رجعي و وعاودي حتى تحسي السكر دخل في لاتاي
وامبعد اذاحسيتيه مخصوص سكر كملي النص الباقي تاع الكاس الكبير لي درتي فيه السكر وفرغية في الابريق وعاودي فرغي من الابريق لكاس لاتاي
هاذي طريق وضع السكر في لاتاي يعني ماتخلطيش بالمغرف كما بعض الناس ادير لاتاي تاع الصحرا يلزم التخلاط من الابريق لكاس لاتاي وهكذا حتى يجيك بنين كما تحبيه وحاولي ونتي تفرغي لاتاي من الابريق للكاس لاتاي حاولي المسافة تكون بعيدة يلزم تسمعي صوت لاتاي ههه على الكاس ويعمل فقعات هاذيك نكهة لاتاي في هذيك الفقعات

وعلى فكرة الرجال يحبو لاتاي العاقد يعني بيان دوزي باش يجيك كما يحبوه يلزم تكثري شوية من لاتاي حاولي تختاري النوعية المليحة لانو بعض النوعيات تجي مرة شوية

 

[meriem104]

راني لقيتها اختي روز :sheer::sheer::sheer: ماجيت لقيتها :busted_red: لغاز طلعلي

--
بعد مايتغلى الما مليح جيبي مقدار من لاتاي نسموه الورgـة ندير كمية كبيره و لا شوي قيس كاس ؟ تغسليه في مصفاة بماء بارد مليح مليح وتغسلي النعناع الاخضر مليييييح وتحطيهم كلهم في هذاك الماء المغلي و تغطي وتخليه يتلقم حنا نقولولو هكذا يعني يطلق اللون الاخضر هذاك
نغطي و نخليه فوف النار و لا نحيه منار و نخليه يطلق
خليه مدة طويلة نوعا ما يعني اخدميه قبل الفطور وخليه
نخدمو و نديرلو سكر و نخليه ، ولا حتى بعد لفطور و نديرلو

 

[meriem104]

نتي لقيتيها و انا كنت قاعده نحوس عليها