{علاه رمضان في النهار برك وفي الليل ريكيبيري واش فاتك}...؟؟

[ملاك الصمت]

السلام عليكم ورحمة الله وبركاته
واشراكم يا اهل و زوار اللمة؟؟ واش مع رمضان؟؟ ان شاء الله تكونوا عقبتوا ليامات في صلاح وتوبة وعودة لله
ليوم جيتكم بحكاية صراتلي هاذ ليامات....
جات عندنا بنت خالي تفوت يامات معانا في رمضان...وهي ما تسكنش في نفس ولايتي
وبما انو حنا دارنا على الطريق لكبيرة يعني نطلو على ليبازار ولحوانت ..ولغاشي ديما كاين ...
المهم نرجعو لبنت خالي ..هاذي سبيسياليست في التوقاب تظل عند الطاقة تشوف الطالع والهابط
وتموت تكليتيكي...وكي قلتلها (اخاه احشمي بزايدي ما تهدري في الناس رمضان رمضان ونتي ماتسكتيش) واش قالتلي في رايكم؟؟؟
قالت يا ربي اسمحلي بصح ارواحي تشوفي هاذ البنت كي نفطروا نقولك عليها حاجة وهاذ لجون... وهاذ لعجوز.......؟؟ راكم تيماجينيو....علاه ربي يحاسبنا غير على نهار رمضان وفي الليل نديرو واش نحبو؟؟؟ ربي يهديها ديجا بلا رمضان لازم نبعدو على الغيبة....
وهاذا صاحب خويا ثاني ما يوصل الليل ياي تلقاوه يجري راو عند البورطابل يادرا مع منهو يحكي كثر من ساعتين....ومبعد راهو يسمع في الاغاني. ماترمش تلقاه يشاتي ااااااو ياسيدي وكي تسقسيه يقولك ّيا ولدي هلكني رمضااان راني عييت خليني نبرد قلبيّ ياا لطيف ربي يستر......
واش رايكم في هاذ الناس؟؟ كاشما صادفتكم حكايات كيما هادو؟؟ هاذي حاجة اكيدة نتشرفو ياو تحكيولنا عليهم
صح فطووووووووووركم​

 

[mimi.dz]

(اخاه احشمي بزايدي ما تهدري في الناس رمضان رمضان ونتي ماتسكتيش)

____

مامـ انتـ ,,,
وعلاشـ منحكيوشـ فيـ الناسـ غير فيـ رمضانـ ؟؟

____

واشـ نقولكـ عزيزتيـ
هاذ العقلية عندنا كاملـ
تلقايـ واحد ميسمعشـ الغنا كيـ يعود صايمـ
هو يفطر و هو يشعلـ الديسكـ جوكيـ ؟؟؟

تلقايـ الليـ ميدراgـشـ البناتـ الصباحـ
بعد الفطور هو الأولـ

تلقايـ الليـ الصباحـ حجابـ واشـ نقولكـ
ماشاء الله
بعد الفطور تخرجـ بلا حجابـ

تلقايـ الليـ ميسبشـ الصباحـ
بعد الفطور الكفرية ورا اختها

وكاينـ و كاينـ ,,,,

ربيـ يهدينا اختيـ
+ صحا فطوركـ

​

 

[ماكانش]

أهلا بيك ملاك الصمت
صحا صحا على طريق بسكرة ههههه
هكذا الناس تبالهم الصيام غير في النهار وعلى الماكلة برك
راهم يديرو في كوارث كبيرة
مابقاتش حرمة رمضان ...
يعطيك الصحة وزقوليلها تلتى في روحها شوي وماتضجكيلهاش كي تكون ادير في السيرك بلاك تتريقل
علابالك الواحد كي يكون يسرك ومايلقى حتى واحد يضحكلو راهو يطفى ...​

 

[القلب الابيض]

لا حول ولا قوة الا بالله نعرف بزاف ناس كيما هكا يصومو غير النها و هو ياذن يبداو فالتمنسير و لغنى و الهدرة فالتيليفون يا درى معامن وووو مايخلاصوش اصلا رمضان شهر باش نتعلمو فيه نحبسو هاد العادات السيئة و مانوليولهمش ني فرمضان ني ليامات لوخرين
هادو العباد نساو بلي ربي يحاسبنا في كل دقيقة و كل يوم يمر في حياتنا ربي يهديهم و يهدينا هادا ماكان

 

[hamdanoo]

و الله غير راهم قاطعين في روحهم الماكلة و الشراب باطل....غير يروحو ياكلوه خير........

وي ...المشكل انا شفت شحال من واحد عمل كيما هاكا مي قبل الفطوور و قبل ما يكمل نهارو...كيفاش حبيتو فالليل ما يعملش هاكدا...الله يهديهم برك.....يعطيك الصحة ملاك ختي على الموضوووع

 

[NINA_c9]

ههههههههههه راهي بارتووووووووووووو
واش تحبي اختي الناس والتمنشير كيف كيف ياو حتى في النهار والليل منحكوش عليهااااا هاديك مصيبة كبيرة وزيد بلا رمضان رانا نشوفو فيهااااااااااااااا وعلاه اول مرة تسمعي بيها ياو لي فيه عادة ما ينحي منها يا لوكان في رمضان والهدرة في البورتابل مفروغ منهاااااااااااا كي لبنات كي دراري h24ميقولوش رمضان شهر التوبة خلي نحو شوياااااااا ذنوب هوماااا لالا واش نقولواااااااااا ربي يهديهم ويهدينا

 

[ملكة جمال اللمة]

و الله عندك الحق وين تروحي تلقاي هاد الظاهرة نشكرك على الموضوع المتميز + تقييم و صح فطوركم

 

[DARINE05]

اييييييييييي والله مابقات حشمة صح كامل يهدرو في الموبيل وراس الفطور

 

[Amoula ALG]

هههههههه والله عندك لحق ختي
نورمالمو في رمضان ولا مش في رمضان منعملوش حوايج كما هكا
والله ربي يهدينا برك

مرسي ختي
ربي يحفظك
صحا فطورك​

 

[fayssal30]

الله يهدي
ورمضان مبقاش رمضان
​

 

[Estrella]

لله يهـــــدي ​

 

[MA§§!N!§§A]

موضوووووع
فووووووووووووو
+
تقييم

​

 

[الورد الأحمر]

من غير ربي يهدي
ما عندي ما نقول
سلام عليكم
​