مطبخك في رمضــــــآآآن سيدتي * الجـــ 3 ـــزء* ‏

[نبع اليقين]

الله يخليك نبوعه على كلامك الطيب ولا توحشنا تواجدك معانا:shay:

انا تاني توحشتك وتحشتكم كامل راني ديما نتبع فيكم من بعيد لبعيد
راكي تعرفي الضياف كي يكونو قاعدين عندك رمضان كل ماتعرفي ماتديري حتى حاجة
ان شاء الله بعد العيد ان شاء الله نكون متوجدة دائما ​

 

[nada242008]

الله يسلمك عفوفة
والله عندك الحق لواش لفساد انا ثاني الناس في 10 الاواخر تقوم الليل تعبد ربي وانا نبات مع القاطو وتمرميدو بصح السنة قررت منقتلش روحي ماوالو مانيش راح نكثر لا النواع لا الكمية تعرفي اولا راح نرجع ريجيم من وراء العيد ان شاء الله/وماذا بيا نتجنب المغريات ههها/
وثانيا كل عام قتلك نقتل روحي عليه وياكلوه غير الرايحين وكان غير جاو يشكروك ولا يسمعوك كلمة كثر خيرك :sad:انا وزوجي وبنتي نموتو عاى صابلي والتشاراك المسكر هذو اكيد نديرهم:sheer:

كيما قلتي طيبي اللي تاكلوهم وماتكثريش الباقي
انا اصلا مانعيدش في داري نص نهار في دار عجوزتي ونحكم طريق بسكرة
ومانجي نرجع يكون مابقا حتى عيد هههه

 

[عفاف الجزائرية]

كيما قلتي طيبي اللي تاكلوهم وماتكثريش الباقي
انا اصلا مانعيدش في داري نص نهار في دار عجوزتي ونحكم طريق بسكرة
ومانجي نرجع يكون مابقا حتى عيد هههه

هاذي عجبتني يا ندوش هههههه

 

[imane27]

مساء الخير عليكم واش راكم
فطوري تاع لبارح

عجيجات شفلور بصوص بيضاء

كوكا

طابلة

تارت التفاح​

 

[nada242008]

اممم فطورك يشهي يا ايمان خاصة الكوكا اممممممممممممممم

 

[عشقي الامارات]

sba7 elkhir lebnat

 

[روعة2005]

اممممممممممممممممم تشهي لاطابل تاعك ايمان و الميني تارت ثاني بصحتكم

 

[imane27]

الا بيكي ام ايناس وفارووق مرحبا بيك بين اخواتاتك
ام ندى كفاش بطاطة روطي اعطيني كفاش نخدمها راه قريب يروح عليا الحال

درت مقروض المعسل اممممم رطب كي كنت عسل فيه وهايل
والمفاجأة هي أني اكتشفت السر لي تعمليه باش كي تكوني تقلي فيه ما يتفتتش في الزيت
الزيت لي قليت فيه المقروض والله صاااااافي ونقي كأني كنت نقلي في البطاطة
موالفة كي نكون نخدم فيه كأني ندير في حرب نتميزر والله
يولي يتفتتلي ويفسد والزيت يروح فيها قع والحمدلله هذ المرة
هاهي الصورة

جاك هايل روز راه يبان احسن من اصل يعطيك الصحة بصحتكم

 

[روز]

يعطيك الصحة ام ندوش راني درت الروطي اول مرة نخدمو بصراحة
رحت زدتلو الطماطم تاع القوابس ههه مش عارفة كفاش جات في راسي كي عاودت قريت وصفتك قلت كن غير درتو بلا طماطم
راه في الفور يطيب

عفوفة المقروض طايب من داخل ومن برا طبعا
بسكو انقص عليه النار وخليتو يطيب في غرضو
نحبو بومبي مانحبوش رقيق درتوكما نتاع ايمان

ايمان فطورك روووووووعة اممممم والكوكا شكلها يشهي الله يبارك عليك يعطيك الصحة

 

[imane27]

:sheer:السلام عليكم انا عضوة جديدة اتمنى نكون صديقتكن احبكم جميعا ونتابعكم من زمان اظن من 2008 كنت عضوة معاكم باسم ام ايناس وراحتلي العضوية ثم باسم ام فاروق وثاني راحتلي على هداك دخلت باسم جديد نسلم على ام ندوش و كوثر الوهرانية روز ايمان ام ايناس ابتسام .......تسنيم.55................................

مرحبا بيك ام فاروق و ايناس وين كنتي قاع هاد الوقت انشاء الله تقضي اوقات ممتعة معنا

 

[روز]

جاك هايل روز راه يبان احسن من اصل يعطيك الصحة بصحتكم

آآآآه ايمان مقروضك لا يعلى عليه روعة الله يبارك نتاعك:luve_2:
كنت مانخدموش خلاص مالغري نموووت عليه بسكو كان يتفتت ويهبلني
حتى وليت نكره خدمتو مي دركة لقيت حيلة هي كي نخدمو ونقطعو
قبل لنقليه ندخلو للثلاجة نص ساعة ولااكثر وبعدها نقليه مباشرة ونقص النار عليه
هكذا ولا مايتفتتـليش

 

[imane27]

الله يبارك عفوفة2 تهنيتي ممكن تمديلي وصفة المشقوق راه عندي غير جوزلهند كيلو :sheer:
عفوفة1 والله راجلي راح يقضي ومزال مجاش على حسب القفة نقلك واش نطيب هههها وراني وصيتو على السردين ومنعرف :cra_zy:
هذا لمقروض لي راني ندير فيه بطريقة ياسمين يجي روعة مبسس من برا ومن داخل
منكذبش عليكم اول مرة درتو خشين كيما شكل روز بقالي ني /عجين /لداخل انت طابلك من فوق وداخل كيف كيف
هذه سينية سهرة لبارح

جاك هايل مقروط فوفة وقيلا ماعجبكش مقروط تاعي مع انى حطيت الوصفة عجالك كي طلبتيه مني بصحتكم

 

[نبع اليقين]

يعطيك الصحة اختي ايمان على طابلة تهبل
وخاصة الكوكا اممممممممممم تسخف

*************************
البنات جبتلكم موضوع مليح للعيد ادحلو هنا ان شاء الله يكون فيه تفاعلكم

https://www.4algeria.com/vb/showthread.php?t=300802​

 

[محاربة صحراء]

سلام هذا موضوع درتوا حكيت ايه

 

[روعة2005]

جاك هايل مقروط فوفة وقيلا ماعجبكش مقروط تاعي مع انى حطيت الوصفة عجالك كي طلبتيه مني بصحتكم

الله يسلمك ايمان علاش تقولي هكا والله مقرضوك تاع ناس يعرفو للمقروض صح صح وتطبيق روز ثاني هايل ماعندي مانقول عليه برك قلت بلي كي درتو بومبي مطابليش لداخل رغم اني نقصت النار عليه والله كثر خيرك على وصفتك حبيبتي امونة ونعودك نجرب طريقتك نهار يكون عندي الغرس
ماتزيديش خلاص تقولي عجبني وماعجبنيش والله طيباتكم كامل نثيق فيها ونديرها وعينيا مغمضين
اما مسالة رقيق ولاخشين فتبقى i-o:

 

[nada242008]

درتي كمية قليلة في بلاصة الهريسة ولا صوص حمرا ؟
ان شاء الله يعجبكم يا ربي
والله غير سخفتوني في المقروظ مع اني مانكلش الحلويات
فكرة هايلة يا روز بصحتكم بصح وينو البيستاش ههههه

 

[روعة2005]

نخليكم على خير ياغاليات​

 

[كوثر الوهرانية]

مساء الخير عليكم
اهلا بعودتكي اختي ام فاروق و ايناس كيراكي اختي راكي طولتي الغيبة علينا ان شاء الله راكي بخير
روز جاك المقرود هايل الله يعطيك الصحة و بصحتك الروطي
فوفة مقرود روعة سبقلي اني جربت وصفة الاخت ياسمين و جاني هايل و راكي محمراته على الكيف بصحتكم اختي
عفاف الله يعطيك الصحة اختي كي خدمتي الحلويات تهنيتي منها
انا راجلي كي قتله شريلي لوازم الحلوى دور راسه من الجهة الاخرى و انا نوجد في لا ليست نتاع اللوازمايا قلت ادا شرى ندير و ادا مشراش ندير غير بواش كاين فالدار و خلاص
نبوعة كيراكي اختي و كيراهي سامية سلميلي عليها بزاف
اليوم درت حريرة و برانية بالدنجال و بوراك و الصلاة على النبي
فوفة و ندوشة اخدمي الحلوى الي تاكلوها و الي ماتكلوهش علاش تعبوا روحكم عليه
صح فطوركم كامل

 

[imane27]

والله عنك الحق كوثر انا تاني قلتلو على لوازم الحلوة قالى خلتينى فى هاد رمضان
والحلوة انا راجلى ميكلش كلش يحب غير مقروط وغربية وحلوة الطابع
وقيلا ندير هادو بزاف عليه

 

[كوثر الوهرانية]

راه كيما راجلي يحب غير الكعك و الصابلي و الطورنوا و خلاص هدوا برك الي يا كلهم